Հայտնաբերել եմ «սեւազգեստների». Դավիթ Խաժակյանը հաղորդում է տալիս հանցագործության մասին

«Հայտնաբերել եմ «սեւազգեստների»: Հաղորդում եմ տալիս հանցագործության մասին եւ դիմում ոստիկանապետին». ֆեյսբուքյան իր էջում այսպիսի հայտարարություն է արել Երեւանի ավագանու ընդդիմադիր «Լույս» խմբակցության ղեկավար Դավիթ Խաժակյանը եւ կից տեսանյութում պատմել իր մերձավորներից մեկի հետ հունիսի 6-ի ուշ երեկոյան պատահած միջադեպի մասին:

«Մերձավորներիցս մեկին, որը վարձակալած տարածքում գործունեություն է ծավալում, ուշ երեկոյան այդ տարածքի դուռը կողպելիս, մոտեցել են երկու անձ հարբած վիճակում, հարցրել են՝ էս ինչ ես անում, դու ով ես, դու էս տարածքն ես ուզում թալանել: Մերձավորս բացատրել է, որ իր վարձակալած տարածքն է, ասել է, թե ումից է վարձակալել: Հետո ասել է՝ բայց մի հատ դուք ներկայացեք: Դուք ով եք: Այդ երկու հարբած անձինք ներկայացել են որպես ոստիկանության աշխատողներ, որից հետո երկար ժամանակ մերձավորս ստիպված է եղել իրենից պահանջել վկայականը: Քիչ անց նա ներկայացրել է իր վկայականը. եղել է  ոստիկան, որից հետո հարվածելով, քաշքշելով իրեն նստեցրել են մեքենա եւ տարել ոստիկանության բաժին: Բաժնի դիմաց ու ճանապարհին եւս նրան հարվածել են, որի արդյունքում կոտրվածք է ստացել դեմքի շրջանում»,- նկարագրել է Դավիթ Խաժակյանը՝ հավելելով, որ առկա է քթի կոտրվածքը հավաստող բժշկական փաստաթուղթը:

Արդեն ոստիկանության բաժնի դիմաց, ըստ Խաժակյանի, նրանց են միացել մի քանի ոստիկաններ ու շարունակել հարվածներ հասցնել իր մերձավորին: Դրանից հետո մոտեցած մեկ այլ ոստիկան ճանաչել է եւ հասկացել, որ այդ մարդն իսկապես տվյալ տարածքի տիրապետողն է (չնայած դա, ինչպես նկատեց ավագանու անդամը, այլեւս այնքան էլ կարեւոր չէ), ու քաղաքացուն թույլ են տվել հեռանալ:

«Ուրեմն, այդ «սեւազգեստ» անձինք եղել են ոստիկաններ ու հարբած վիճակում քաղաքացուն տարել են եւ ծեծել են: Հիմա ես ուզում եմ հասկանալ՝ երեկվա կառավարության նիստից հետո այսպե՞ս է կատարվում վարչապետի հորդորը»,- տարակուսեց Երեւանի ավագանու անդամը:

Դիմելով Հայաստանի ոստիկանության պետ Վալերիյ Օսիպյանին՝ Դավիթ Խաժակյանը պահանջեց պատասխանատվության ենթարկել միջադեպի մասնակից բոլոր ոստիկաններին: Ինչպես նրանց, որոնք իր մերձավորին մոտեցել են սկզբում, այնպես էլ նրանց, որոնք հետո են միացել: Ավագանու անդամն ակնկալում է, որ ոստիկանների արարքի առիթով կհարուցվի քրեական գործ, ապա եւ նրանք կազատվեն աշխատանքից:

«Թող գնան, հենց էսօր պարզեն: Ձայնագրությունները կան: Հուսով եմ՝ ոստիկանության շենքի դիմաց տեսանկարահանում իրականացվել է, մենք եւս փաստեր ունենք, որ կտրամադրենք: Ես ակնկալում եմ, որ ոչ միայն այդ երկու ոստիկանները, ովքեր տարել են բաժին, հարվածել են, այլեւ նրանք, ովքեր միացել են, բոլորը անխտիր պետք է պատիժ կրեն: Բոլորը անխտիր: Եվ ես ակնկալում եմ, որ այդ «սեւազգեստների» վրա պետք է ոստիկանապետը կամ իր հրահանգով գույնզգույն «բաբչկաներ» կախեն, ու բոլորը իրենց պատիժը կրեն: Ուրեմն ես ակնկալում եմ, որ արդարությունը պետք է շատ արագ վերականգնվի»,- հայտարարեց Դավիթ Խաժակյանը:  

Անդրադառնալով «բաբչկաներին»՝ հիշեցնենք, որ վարչապետ Նիկոլ Փաշինյանը նշված միջադեպի օրը տեղի ունեցած կառավարության նիստում խոսել էր այն մասին, որ Հայաստանում ոչ բռնի, թավշյա, ժողովրդական հեղափոխությունից հետո որոշ ուժեր փորձեցին քաղաքական գործունեության որոշակի դաշտ ստեղծել, ինչը բնական ու նորմալ է, բայց տեսնելով, որ այդ դաշտում չեն հաջողում, որոշել են ՀՀ-ում իրականացնել բռնության եւ բռնության քաղաքական լեգիտիմացման քարոզ։ Անդրադարձել էր նաեւ օպերատիվ այն տեղեկություններին, ըստ որոնց՝ այդ շրջանակների ինչ-որ հատված որոշել է սեւազգեստ մարդկանց խմբեր ձեւավորել՝ քաղաքում որոշակի տրամադրություն ստեղծելու, լկտի պահվածքով աչքի ընկնելու համար:

«Ինչ վերաբերում է այդ սեւազգեստ խմբերին՝ նրանց պետք է տեղորոշել, սեւ շորերի հարցը լուծել, ծաղկավոր բաբչկան՝ վառ ծաղիկներով կապել եւ ճանապարհել քաղաքակիրթ օրինական կյանքի»,- ՀՀ ոստիկանության պետին ու ԱԱԾ տնօրենին դիմելով՝ ասել էր վարչապետը:

Դավիթ Խաժակյանի ահազանգին ավելի ուշ արձագանքեց ՀՀ ոստիկանության լրատվական ծառայությունը: «Այսօր Դավիթ Խաժակյանը տեսաձայնագրություն էր հրապարակել՝ նշելով, որ ոստիկանության ծառայողների մասնակցությամբ միջադեպ է տեղի ունեցել իր մերձավորի հետ։ Նախքան այդ հրապարակումը՝ միջադեպի վերաբերյալ ահազանգ է ստացվել ոստիկանություն, որի հիման վրա ոստիկանության Երեւան քաղաքի վարչությունում արդեն իսկ նշանակվել էր ծառայողական քննություն։ Այնուհետև Դավիթ Խաժակյանը հեռախոսազրույց է ունեցել ոստիկանության պետ Վալերիյ Օսիպյանի հետ, որը նրան առաջարկել է հաղորդում տալ ոստիկանություն, ինչի հիման վրա էլ ոստիկանության պետի հանձնարարությամբ հիշյալ միջադեպի կապակցությամբ ծառայողական քննություն է սկսվել ոստիկանության ներքին անվտանգության վարչությունում»,- ասված է ոստիկանության հայտարարության մեջ։

Տպել
2046 դիտում

Նախարարի հրամա՞ն կա, որ եզդի զինվորներն էլ իրենց կրծքին պետք է խաչ կրեն․ Ռուստամ Բաքոյանի հարցը՝ ՊՆ Դավիթ Տոնոյանին

Հայկ Մարությանը պաշտոնական այցով մեկնում է Սանկտ Պետերբուրգ

Պրոդյուսերը բացահայտում է սպորտային-հումորային նոր հաղորդման մանրամասները

Առողջապահության ապահովագրության համակարգն ուզում ենք հասցնել ներդնել 2021 թվականից․ Արսեն Թորոսյան

Ալավերդի ընթանալիս «06»-ը վթարի է ենթարկվել, 12-օրական երեխան տեղում մահացել է

Աշոտ Մելքոնյանն այսուհետեւ կարող է անարգել մտնել Վրաստան. խնդիրն առաջացել էր տեխնիկական սխալմունքի պատճառով

Հայաստանն ու Արցախը պատերազմ չեն ուզում, բայց պատերազմի սպառնալիքով որեւէ մեկը չի կարող մեզ վախեցնել․ Փաշինյան

Ջերմաստիճանի բարձրացումը հրդեհի պատճառ կարող է դառնալ. ԱԻՆ-ը զգուշացնում է

ԿԲ-ն պահուստավորել է 131 մլն դոլար, մինչեւ ԿԲ նախագահը հասել է բանկ՝ թիվը հասել է 154 մլն-ի․ վարչապետը՝ տուրիզմի մասին

Եթե մարդը մեղավոր է, պետք է պատժվի, եթե ոչ, ոչ. Սամվել Հարությունյանի հայրը դատարանից օբյեկտիվություն խնդրեց

Կայացել է Հյուսիս-Հարավ ճանապարհային միջանցքի, կայուն զարգացման ներդրումային ծրագրերի խորհրդի նիստը

Իմ ընդդիմադիր գործունեության ընթացքում դուք չեք գտնի մի նախադասություն, որ իշխանությունից որեւէ լծակ ուզենամ․ վարչապետ

Ի՞նչ կենսագրություն ունի արդարադատության նորանշանակ նախարար Ռուստամ Բադասյանը

Վերջին ամիսներին ջրային ոլորտում ճգնաժամային կառավարում է իրականացվում․ Սուրեն Պապիկյան

Բակո Սահակյանը և Արկադի Ղուկասյանը միջնորդության փոխարեն պետք է վկայություն ներկայացնեին. կարծում է մարտի 1-ի զոհի այրին

4680 դպրոցահասակ երեխա կհանգստանա ամառային ճամբարներում

Գյումրիում մաքսատուն կառուցելու ծրագիրն ընթացքի մեջ է, տարածքն արդեն ընտրվել է․ վարչապետ

Զենքն անզգուշությամբ մաքրելիս Ուկրաինայի Գերագույն ռադայի պատգամավորը մահացել է

Սարգսյանն առաջարկում է փակել հիմնադրամի հաշվին խաղադրույք կատարող Վարդանյանի էջը, վերջինս արձագանքել է (տեսանյութ)

Քաղսի համայնքի երեխաներն իրենց ձեռքով իրենց համար ֆուտբոլի դարպաս են սարքել (լուսանկարներ)