ՀԱՕԿ-ի որոշումով Մինսկ 2019-ից դուրս մնացած բռնցքամարտիկները հոգեբանական ծանր վիճակում են հայտնվել. ֆեդերացիայի նախագահ

Հայաստանի բռնցքամարտի ֆեդերացիայի նախագահ Արթուր Գեւորգյանը խոստովանում է, որ ՀԱՕԿ քայլը հոգեբանական ծանր վիճակի մեջ է դրել ՀՀ հավաքականի որոշ մարզիկների: Հայաստանի ազգային օլիմպիական կոմիտեն առանց հավաքականի գլխավոր մարզչի համաձայնության Եվրոպական 2-րդ խաղերի համար հայտավորված թիմից հանել էր մի քանի մարզիկների ու նրանց փոխարեն ներառել այլ մարզիկների, որոնք հավաքականի ուսումնամարզական պրոցեսին չեն մասնակցել, այլ պատրաստվել են նորաստեղծ ու ԱԻԲԱ-ի կողմից չճանաչված ֆեդերացիայի ծրագրով: Այսպիոսվ Մինսկ 2019-ից զրկվել էին Էրիկ Պետրոսյանը (56 կգ), Հրայր Շահվերդյանը (60 կգ) եւ Կորյուն Աստոյանը (69 կգ): «Հայկական ժամանակ»-ի հետ զրույցում Գեւորգյանը ընդգծեց, որ նրանք պետք է մոռանան սա ու մտածեն աշխարհի առաջնության մասին:

«Պատրաստվում են աշխարհի առաջնությանը: Իհարկե, հոգեբանական բարդ վիճակում հայտնվեցին, բայց ոչինչ, կհաթահարեն: Նման անադրարությունները երբեմն ավելի շատ ուժեղացնում են մարզիկներին, ավելի կոփում են, այդպես էլ է պատահում: Ովքեր նրանց տեղը գնացել են, մեր մարզիկներն են եւս: Նրանց էլ եմ հաղթանակներ մաղթում: Ամեն դեպքում Եվրոպական խաղերին մասնակցելու իրավունքը պետք է ձեռք բերվի արդարացի, մրցակցային ճանապարհով, ոչ թե ծանոթ-բարեկանով»,- ասաց նա:

Ավելի վաղ ՀԱՕԿ-ի որոշման վերաբերյալ իրենց վրդովմունքն էին հայտնել ՀԲՖ մարզիկները: Մասնավորապես Եվրոպայի մինչեւ 22 տարեկանների չեմպիոն Անուշ Գրիգորյանն (51 կգ) ընդգծել էր, որ իրենք նույնիսկ պատրաստ են բոյկոտել Եվրոպական խաղերը, սակայն ի վերջո նրանք մասնակցեցին այնպես, ինչպես ՀԱՕԿ-ն էր որոշել: Գեւորգյանը կողմ է նրանց մասնակցելու որոշմանը: Նա շեշտում է, որ մարզիկի կարիերան շատ կարճ է տեւում ու պետք է դա հաշվի առնել:

«Երբեք թույլ չեմ տա, որ կառույցների վատ հարաբերություններն անդրադառնան մարզիկների ճակատագրերի վրա: Դա ինձ համար անըդունելի է: Նրանք խոսում էին իրենց մարզական ընկերների ճակատագրերին վերաբերող հարցերի շուրջ: Լավ հասկանում են, որ նույն հաջողությամբ նույն հարցը կարող է վերաբերել իրենց. եթե իրնեց ընկերները ՀՀ առաջնության հաղթողներ, Եվրոպայի մեդալակիրներ են, եւ այդ տղաներին կարողանում են հանել եւ չգիտես՝ ում դնել ուղարկել եւ հետո էլ ամեն ինչ անել, որ նրանք այնտեղ արդյունք անեն, որ չգիտես՝ ում ինչ ապացուցեն.... Իրենց վեճը ճիշտ էր, բայց ես դեմ էի, որ բոյկոտեն, որովհետեւ մարզկի դարը շատ կարճ է»,- ասաց նա՝ ավելացնելով, որ ոմանք մարզիկների ճակատագրերը խեղելով փորձում են կայանալ, ինչը հանցագործություն է համարում:

Գեւորգյանը կարծում է, որ ՀԱՕԿ-ը չի կարողանում իր ֆեդերացիայի մարզիկներին պաշտպանել Մինսկ 2019-ում: Օրերս քառորդ եզրափակչում պայքարը լքեցին Անուշ Գրիգորյանը եւ Գուրգեն Հովհաննիսյանը (+91): Ֆեդերացիայի նախագահն ընդգծում է, որ նրանցից հաղթանակները վերցրել են կասկածելի մենամարտերում:

«Ափսոսում եմ, որ Անուշիկի պես երեխան՝ բացառիկ լավ մարզավիճակում գտնվող, այսօր այդ երեխան ուժեղ էր բոլորից այդ քաշային կարգում: Նա շատ հանգիստ կարող էր հռչակվել չեմպիոն: Նման որակի ծանրքաշային բռնցքամարտիկ չենք ունեցել, ինչպիսին էր Գուրգենը, եւ չկարողանալ տիրություն անել մեր բռնցքամարտիկին, որն այս տարի կուբացի բռնցքամարտիկի էր հաղթել, իր ուժեղագույն հակառակորդներին հաղթել էր: Թույլ տալ այդ տղայի հաղթանակը նրա ձեռքից գողանալ, դրա մասին է խոսել պետք»,- ասաց նա:

ՀՀ բռնցքամարտի ֆեդերացիայի շուրջ այս սկանդալն առաջացել է նախագահի ընտրություններից հետո: 2018 թ. օգոստոսի 2-ին Գեւորգյանը, որը միակ թեկնածուն էր, վերընտրվեց: Դրանից հետո բռնցքամարտի մի շարք ներկայացուցիչներ ոտքի կանգնեցին՝ ասելով, որ ընտրությունները խախտումներով են եղել: Գեւորգյանը նշում է, որ իր նախագահությամբ ֆեդերացիան շատ լավ աշխատանք է տանում, ունի աշխարհի ու Եվրոպայի մրցանակակիրներ, շատ ուժեղ աղջիկ բռնցքամարտիկ, ինչի մասին, նրա խոսքով, Հայաստանը երազել չէր կարող, եւ սա, ըստ նրա, դուր չի եկել այն մասնագետներին, ովքեր ոչ թե հետեւում են մարզաձեւի նոր մոտեցումներին, այլ փորձում են աշխատել հին մեթոդներով:

«Սա (խմբ. նկատի ունի իր նախագահության օրոք գրանցված հաջողությունները) գլոբալ փոփոխությունների արդյունքն են, մարզական կյանքում տվեցին արդյունք, բայց առաջացրին մի շարք մասնագետների դժգոհությունը: Որ ասում եմ՝ տարեց մասնագետների, թող չվիրավորվեն, տարեց են, ասում ենք՝ տարեց: Եթե ուզում ենք առաջ գնալ, պետք է իսկապես առաջ գնալ, մեզ պետք չէ խաթր անել: Ամբողջ կյանքում տեղերս դոփում ենք, երբ խաթր ենք անում: Կարելի է պատվել, բայց կյանքը շարժվոմ է առաջ, մոտեցումները փոխվում են, եւ պետք է հետ չմնանք, եթե ուզում ենք համաշխարհային սպորտում լինել առաջատարներից: 30 տարի նույն մեթոդով են այս մարդիկ ուզում շարժվել: Դա արդյունավետ չէ»,- ասաց նա՝ ավելացնելով, որ հանուն մարզիկների կարող է իր ամենամտերիմ մասնագետի ծառայություններից էլ հրաժարվել:

Հենց այս աղմուկի արդյունքում է ստեղծվել բռնցքամարտի նոր ֆեդերացիան, որի մարզիկներին ՀԱՕԿ-ը ՀԲՖ մարզիկների փոխարեն ընդգրկել է Մինսկի խաղերի թիմի կազմում: Այս շրջանում ՀԲՖ-ի անդամակցությունը ՀԱՕԿ-ին սառեցված է: Օլիմպիական կոմիտեն համարում է, որ ՀԲՖ նախագահական ընտրությունները խախտումներով են անցել եւ պետք է նորը կազմակերպել:

Տպել
2711 դիտում

Գյումրի-Վանաձոր ավտոճանապարհին այրվել է ավտոքարշակ (տեսանյութ)

Չեմ կարծում, թե ՄԻԵԴ-ը հայտնի, որ 300․1 հոդվածը հակասում է Եվրոպական կոնվենցիային․ Սեդա Սաֆարյան

«5-րդ Ալիքի» սեփականատեր Արմեն Թավադյանը դատարան չէր ներկայացել. նիստը հետաձգվեց

Երևանի տուբդիսպանսերը չի դադարել բյուջեից ֆինանսավորվել նեղ անձնական շահերի շնորհիվ. Արսեն Թորոսյան

Բժշկասոցիալական փորձաքննության հանձնաժողովի նախագահը կաշառք է պահանջել և ստացել. ԱԱԾ (տեսանյութ)

Վրաստանի եւ Հայաստանի վարչապետները քննարկել են հայ-վրացական համագործակցության մասին հարցեր (տեսանյութ)

Վարչապետ Նիկոլ Փաշինյանն ընդունել է Վրաստանի վարչապետ Գեորգի Գախարիային (տեսանյութ)

ՆԱՏՕ-ի վրա ճնշումներ կգործադրենք, որպեսզի միջոցներ ձեռնարկի Թուրքիայի դեմ. Պենտագոնի ղեկավար

Ռոբերտ Քոչարյանը գտնվում է հետվիրահատական բուժման մեջ. դատական նիստը նրա բացակայության պատճառով հետաձգվեց

Աննա Հակոբյանը հուլիսի 1-ին Երևանից Բեյրութ է մեկնել Էկոնոմ դասով. «Արմենիա» ավիաընկերություն

Վրաստանի նորանշանակ վարչապետ Գեորգի Գախարիան ժամանել է Հայաստան

Լոռու մարզի որոշ հասցեներում վաղը 11 ժամով կդադարեցվի ջրամատակարարումը

Քաղաքացիները տեղյակ չեն Հայկական Կարմիր խաչի տարին մեկանգամյա անվճար բուժօգնությունից. նրանց չե՞ն ուղղորդում

Զ. Մնացականյանը Մինսկի խմբի համանախագահների հետ հանդիպմանը բարձրացրել է պարտավորությունների համաչափության հարցը

Հոկտեմբերի 26-ին բոլորով գնում ենք «Դբա լավը». Նիկոլ Փաշինյանը հրավիրում է Վանաձոր

Իսկապես ապշեցուցիչ է. Սերժ Թանկյանն Էրդողանին նմանեցրել է Հիտլերի հետ (լուսանկար)

Հակատուբերկուլոզային դիսպանսերի 2019 թվականի ֆինանսական ծավալում փոփոխություն չի եղել. նախարարություն

Ոստիկանությունն ուսումնասիրում է Սանասարյանի կողմից անչափահաս երեխայի վրաերթի ենթարկելու վերաբերյալ հրապարակումները

Գագիկ Խաչատրյանը մի քանի օր ԲԿ-ում հետազոտվելուց հետո երեկ տեղափոխվել է ՔԿՀ

Տնտեսական հանձնաժողովում այսօր նախատեսված է գույքի կադաստրային գնահատմանը վերաբերող օրինագծի քննարկումը