Գյումրիում բացվեց առաջին սմարթ կանգառը. Թավշյա հեղափոխության արդյունքը (լուսանկարներ)

«Ես սիրում եմ իմ Գյումրին» գրառմամբ, USB-ի միացման հնարավորությամբ, փայտե նստարանով եւ արեւապաշտպան ապակիներով, գլխին էլ՝ արեւային պանել:Գյումրու Վարդանանց հրապարակում, Ամենափրկիչ եկեղեցու հարեւանությամբ բացվեց առաջին սմարթ կանգառը: Գաղափարի եւ ներդրման հեղինակը Մոսկվայից Գյումրի վերադարձած երիտասարդ ինժեներ Նորայր Դավթյանինն է: Բնիկ գյումրեցու գերդաստանից սերող տղան մշտապես Մոսկվայում է ապրել, Գյումրիում եղել է միայն արձակուրդի օրերին, այն էլ մեկ կամ երկու շաբաթով: «Եկել, ժամանակ եմ անցկացրել Լեննականի մեջ, բայց արդեն նաեւ կապրիմ: Դուս գուկա, լավն է ստեղ: Երբ որ տղաս ծնվեց, եւ էստեղ էլ հեղափոխություն եղավ, մտածեցի, որ պետք է գամ, ու ապրեմ միշտ իմ երկրում: Ու եկա 2018 թվականի նոյեմբերից: Մի քիչ ուսումնասիրեցի, թե ինչ կարելի է անել: Ինչ մի օգտակար բան էլի: Սաղ կյանքս որ Մոսկվա էի, ամեն ինչը կար, ամեն հարմարությունը կար: Երբ որ եկա, ուզեցի, ինչ-որ մի օգուտ տալ մարդկանց, բայց ցանկացա, որ դա լինի շատերի համար կիրառելի մի բան, որ անհրաժեշտություն լինի: Ու կանգառները որոշեցի, որ մարդիկ եւ հանգիստ սպասեն, եւ կարողանան իրանց հեռախոսները լիցքավորեն: Դիզայնի համար դիմել եմ Մոսկվայի եւ Երեւանի ճարտարապետներին: Քննարկել ենք: Մենք հիմնվել ենք միջազգային ընկերությունների փորձի վրա եւ տեղայնացրել ենք, որ քաղաքի ճարտարապետության հետ էլ համահունչ լինի: Համ էլ թեթեւ ու սիրուն լինի: Այս ծրագրի մեջ բիզնես գաղափարն առաջնային չէ, եթե դա առաջինը լիներ, ես իմ գումարներն այլ ծրագրի մեջ կներդնեի»,-ՀԺ-ի հետ զրույցում ասաց Նորայր Դավթյանը:Նորարարական լուծումներով սմարթ կանգառն աշխատում է արեւի էներգիայիով: Մինչ տարեվերջ Նորայրի ղեկավարած Triple C Armenia ընկերությունը նախատեսում է Գյումրիում 35 նման կանգառ ունենալ: Ուզում են մյուսների համար փոփոխություններ անել: Իսկ դրա համար, ասում է, կարեւոր է ժողովրդի արձագանքը: «Մի բան է թղթի վրա նկարածն, այլ բան իրականությունը: Սա դրեցինք, եւ ընթացքում էլ հասկացանք, թե ինչ կփոխենք, որ քաղաքացու համար ավելի հարմար լինի: Մեզ շատ կարեւոր է քաղաքացիների կարծիքները, որ հասկանանք, թե ինչ են ուզում իրենք, ինչպիսի կանգառ է իրենց հարմար, ինչ գույնի, ինչ լուսավորության, նստարանները ինչպես լինեն: Դա մեզ պետք է, որ մյուսների մեջ արդեն կարողանանք ճիշտ փոփոխություններ էնենք»:

Փոփոխությունների թվում ընկերությունը ճիշտ կանի հոսանքի միացման հնարավորություններն ավելացնի եւ ավելի հարմար նստարաններ տեղադրի, քանի որ այս տարի էլ Գյումրին նոր ավտոբուսի երես չի տեսնի, կմնա հին երթուղայինների հույսին: Այսինքն, կանգառներում, ինչպես միշտ, իրենց երթուղայիններին տեւական ժամեր սպասողների թիվը չի պակասի:

Իսկ որ նոր ավտոբուսներ չեն լինի, դա արդեն հաստատ է: Գյումրու քաղաքապետ Սամվել Բալասանյանն ասում է, թե ունեցած գումարը բավարար չի եղել, որ կարողանային միանգամից անհրաժեշտ թվով ավտոբուսներ գնեին: «Մեր գումարի չափը 500 մլն էր, որը նախատեսել  էինք, բայց դրանով ընդամենը 39 ավտոբուս կկարողանայինք գնել: Բայց մասնագետներն ասացին, թե ճիշտ չէ, որ կեսը նոր, կեսը հին լինի: Դրա համար որոշում կայացրեցինք, եւ նորից կառավարությանը խնդրեցինք, որպեսզի էդ գումարը տրամադրեն կոմունալ ծառայության մեխանիզմներ գնելու համար, որին ընդառաջում են ոնց որ թե: Երեւի էս տարի մենք էդ կոմունալի հարցը կփակենք, նոր հաջորդ տարի անպայման կունենանք ավտոբուսներ, որոնք կբավականացնեն: 85 հատ գնելու ենք, իհարկե, եթե տնտեսված գումարներ ունենանք: Դե էս պահին ամբողջ հանրապետությունում է էսպիսի վիճակ, որ ասեմ լավ է, շատ լավ է Գյումրիում, չէ, շատ դժգոհ եմ ես երթուղային ցանցի սպասարկումից: Բայց փորձում ենք կարգավորել, հիմնականում փողոցների ասֆալտապատման, գոնե խճապատման խնդիրն է հիմա, որ բնակիչը թոզի մեջ չկանգնի ուղղակի»,-ասաց Սամվել Բալասանյանը:

Երկրորդ սմարթ կանգառը կտեղադրվի Հաղթանակի պողոտայում, երրորդը՝ Երեւանյան խճուղին է: Ինչքան հանել են, երկու այդքան էլ տեղադրելու են: Հողհատկացումը քաղաքապետարանն է արել: Մնացած բոլոր ֆինանսական ծախսերը, կանգառների սպասարկումն էլ հետը հոգալու է ներդրողը: Գյումրու բյուջեից այդ նպատակի համար որեւէ գումար չի ծախսվել: Թե ինչպես է ապահովվելու կանգառների անվտանգությունը, չգիտի ոչ քաղաքապետը, ոչ ներդրողը: Բայց այն, որ Գյումրիում կանգառները ջարդուփշուր անել, վնասելու մշակույթ կա, անհերքելի է:

«Հին կանգառները հանելիս տեսանք, որ դաժան վիճակի մեջ էին, ապակիները ջարդած էին, ներկերը քերված էին, ոնց որ տեղահանված լինեին, բայց ես հույս ունեմ, որ մարդիկ կգնահատեն այս նոր կանգառներն ու լավ կպահեն: Բայց եթե վնասեն, ապակին կոտրեն, մենք ենք փոխելու, ակումլյատորները կես տարին մեկ պետք է փոխենք, ամեն ինչ կանենք, որ լավ լինի, որ մարդիկ էլ զգան, թե ինչքան աշխատանք ու սիրտ ենք դրել էս գործի մեջ»,-ասաց Նորայրը:

Սամվել Բալասանյանն էլ խնդրեց, որ քաղաքացիները չվնասեն, չփչացնեն նոր կանգառները, որ Գյումրին ավելի գեղեցիկ ու նորարարական լինի: Հիմա դեռ խնդրում է, մինչեւ կանգառներում տեսախցիկներ տեղադրելու հնարավորություն լինի:

Տպել
6430 դիտում

«Գյումրի» ԲԿ-ն ճանաչվել է «Լավագույն մարզային բազմապրոֆիլ բժշկական կենտրոն»

Նման բան տեղի չի ունեցել առհասարակ. ՊՆ խոսնակը՝ վարչապետի որդու «կոնֆլիկտի» մասին

Վանաձորի բժշկական կենտրոնը՝ լավագույնս զարգացող մարզային բժշկական կենտրոն

Վերին Լարսի անցակետում հերթերը գոյացել են ՌԴ-ից եկող մեքենաներից. նախարարությունը կապի մեջ է

Զինծառայողը հրազենային վնասվածքը ստացել է ծառայակցի կողմից. հարուցվել է քրեական գործ. ՔԿ

6 անգամ կբարձրանա առաջին երեխայի ծննդի համար տրվող գումարը, 2 անգամ՝ երկրորդի համար

Մեկնարկել է «Արմենիա» միջազգային երաժշտական փառատոնը

«Երեխայի և ընտանիքի աջակցության կենտրոն»-ի խոհանոցը վերանորոգել են, թերությունները՝ վերացրել (լուսանկարներ)

Անգրավ վարկեր Յունիբանկից՝ աջակցություն բիզնեսին ճիշտ ժամանակին

Մխիթարյանը սոցցանցերում հետեւում է իր նախկին թիմերին

«Նուբարաշեն» ԿՔՀ փորձել են տեղափոխել կանաչ, փոշենման զանգված

Մայր Աթոռում տեղի ունեցավ գիտաժողով` նվիրված Տ.Տ. Գարեգին Ա Ամենայն Հայոց Կաթողիկոսին

Իրանի դեմ սահմանված նոր պատժամիջոցները վկայում են Թրամփի վարչակազմի հուսահատության մասին. Ռոհանի

Արմեն Սարգսյանն աշխատանքային այցով մեկնել է Իտալիայի Հանրապետություն

Պուտինը կառավարությանը հանձնարարել է գումար հատկացնել Աբխազիայի բանակի արդիականացման համար

Վանաձորի մանկատան տնօրենի մրցույթը տեղի կունենա վաղը. 4 թեկնածու կա

Եղեգնուտ գյուղում ապօրինի 65 ծառ էր հատել. ոստիկանության բացահայտումը (տեսանյութ)

Օդի ջերմաստիճանը աստիճանաբար կբարձրանա 6-7 աստիճանով. Հայպետհիդրոմետ

Վաղը տեղի կունենա ՀՀ ֆուտբոլի սուպերգավաթի խաղարկությունը

Արա Սաղաթելյանն իմ 22 տարվա ընկերն է, որի մասին տեղյակ են բոլորը. Վանեցյանը՝ աղմկահարույց լուսանկարի մասին