Գրանցվելու եմ ու սկսեմ հարկեր վճարել. շոու բիզնեսի 20-ից ավելի ներկայացուցիչներ հայտարարագրել են իրենց եկամուտները

Դերասան, հանդիսավար Սարգիս Գրիգորյանը հայտարարագրելու է իր եկամուտները: Նա պատրաստվում է ՊԵԿ-ում գրանցվել որպես հանդիսավար, որպեսզի սկսի հարկեր վճարել: «Ես ունեմ «Գրիգորյանս» ՍՊԸ, որն արդեն մի քանի ամիս է՝ հարկային դաշտում է, հաշվառված, հաշվապահս այդ բոլոր հարցերով զբաղվում է: Մտածում էի, որ ՍՊԸ-ի միջոցով կարելի էր նաեւ այդ հարցը լուծել, բայց հասկացա, որ ավելի ճիշտ կլինի որպես հանդիսավար առանձին գրանցվեմ»,-ասաց դերասանը:

Սարգիս Գրիգորյանի համոզմամբ՝ եթե ուզում ենք նորմալ պետություն, պետականություն ունենալ ուրեմն պիտի հարկեր վճարենք, դա նորմալ է: «Բայց այստեղ մի ուրիշ բայց կա, մենք պետք է հասկանանք եւ հստակ պատկերացնենք, թե ինչ ենք տալիս պետությանը, ինչ ենք ակնկալում: Այս պահի դրությամբ իրենց պահանջը մի քիչ աղոտ ու անհասկանալի է: Անձամբ ես շատ հարցեր ունեմ, որ ուղղակի չեմ պատկերացնում, բայց հույս ունեմ, որ եթե այդքան լուրջ սկսել են զբաղվել, ուրեմն գիտեն, թե ինչ են ուզում եւ ինչ են տալու դրա դիմաց»,-ասաց դերասանը:

Սարգիս Գրիգորյանի պնդմամբ՝ շոու բիզնեսի ներկայացուցիչները խոցելի են, շատ հարցերում միշտ առաջին շարքերում. «Պետք է այնպիսի մեխանիզմով իրականացնեն, որ մարդիկ չխուսափեն, եթե շատ դնեն հարկերը, մարդիկ ստիպված կխաբեն: Քյասիբ երկրում չեն կարող շատ հարկեր դնել, պիտի տրամաբանական թիվ դնեն, որ մարդիկ մուծեն եւ ոչ մի դեպքում խուսափելու եզրեր ման չգան»,-ասաց նա:

Դերասանը նշեց, որ նախքան հայտարարգրվելը՝ ՊԵԿ-ից սպասում է որոշակի հստակեցումների եւ պարզաբանումների. «Նրանք պետք է մեզ համար մշակեն մի ծրագիր, որ կարդանք, հասկանանք: Ես ինքս բազմաթիվ հարցեր ունեմ, իմ եւ յուրաքանչյուր ՀՀ քաղաքացու համար ոչ մի հարց չպիտի անհասկանալի լինի: Պետք է իմանանք՝ հետագայում մեր թոշակի, ստաժի վրա այդ ամենն ինչպես է անդրադառնալու»:

«Հայկական ժամանակ»-ը ՊԵԿ-ից հետաքրքրվեց, թե հունիսից հետո որեւէ ակնհայտ փոփոխություն նկատվե՞լ է շոու բիզնեսի ներկայացուցիչներին հարկային դաշտ բերելու գործում: Օրեր առաջ հրավիրված մամուլի ասուլիսի ժամանակ ՊԵԿ նախագահ Դավիթ Անանյանը հայտարարել էր, որ շոու բիզնեսի ներկայացուցիչների հետ կապված կոշտ գործողություններ են սկսել: Եվ որպեսզի կոշտ գործողությունները լինեն շատ ավելի հասցեական՝ յուրաքանչյուրի վարքագիծը գնահատվելու է առանձին եւ յուրաքանչյուրն անձնական նամակով հրավիրվելու է ՊԵԿ՝ քննարկումների:

ՊԵԿ-ից մեզ տեղեկացրեցին, որ հարկային մարմնի տեղեկատվական բազայի համաձայն` ներկայումս հարկային մարմնին հայտնի անուն-ազգանուն ունեցող եւ «Ստեղծագործական գործունեությամբ» զբաղվող թվով երկու տասնյակից ավելի քաղաքացիներ են սկսել հարկեր վճարել: «Սա շարունակական պրոցես է, որն իրականացվում է հարկային մարմնի կողմից: Ուսումնասիրություններ են իրականացվում, եւ տարվում են աշխատանքներ՝ հարկման դաշտ բերելու բոլոր այն մարդկանց, որոնք ունեն վճարվող եկամուտներ»,- հայտնեցին ՊԵկ-ից:

Միաժամանակ տեղեկացրին, որ հարկային մարմնի կողմից հարկային հարաբերությունները կարգավորող իրավական ակտերի համատարած եւ ճիշտ կիրառության ապահովմանը ուղղված  գործողությունների ժամկետները ՀՀ օրենսդրությամբ սահմանափակված չեն եւ, հետևաբար, այդ գործընթացը կրում է շարունակական բնույթ:

Տպել
22516 դիտում

Հունվարի 18-ին գրանցված երկրաշարժն ու հետցնցումներն արտառոց չեն Ջավախքի գոտու համար. ԱԻՆ

Գեորգի Կուտոյանի անժամանակ մահվան բոթը խիստ ցավալի էր և ցնցող. Էդուարդ Մարտիրոսյան

Հրդեհ է բռնկվել «Մամուլի» շենքի առաջին հարկում. հայտարարվել է հրդեհի բարդության «1-ԲԻՍ» կանչ

ՀՀ ԱԺ-ում մեկնարկել է Հայաստան-Արցախ միջխորհրդարանական հանձնաժողովի ընդլայնված նիստը

Դերասան Հովհաննես Ազոյանի միջադեպի գործով մեղադրանք է առաջադրվել 31-ամյա երիտասարդի

Ադրբեջանը խորհրդարանական արտահերթ ընտրությունների նախաշեմին է․ ընդդիմադիրները կշահարկեն Արցախյան հակամարտության թեման

Արցախում 15.2 տոկոսով աճել են ներմուծված, 19.6 տոկոսով՝ արտահանված ապրանքների թվերը

Երեւանում եւ Աշտարակում արգելափակված ավտոմեքենաները դուրս են բերվել

Կոտրել են «Իմ քայլը» խմբակցության պատգամավորի մեքենայի ապակին եւ գողացել անձնական փաստաթղթերով պայուսակը

6-ամյա Տիգրան Ամիրխանյանի բուժմանն ուղղվել է 700.000 դրամ. Տաթեւիկ Ռեւազյան

Հրազդանում «BMW X6»-ը բախվել է պատին. տուժածների թվում 3 աղջիկ կա

ՃՏՊ Երեւանում. «Mercedes E» մակնիշի ավտոմեքենայի 24-ամյա վարորդը մահացել է

Փակ է Հ-31 ավտոճանապարհի Հարթաշեն-Տաշիր հատվածը, Սյունիքի մարզի ավտոճանապարհներին առկա է մերկասառույց:

Հունվարի 18-ին 2 երկրաշարժ է գրանցվել ՀՀ-ում. ցնցումները զգացվել են Լոռիում եւ Շիրակի մարզում

Երեկ տեղացած ձյան պատճառով ավտովթարների թիվը Հայաստանում էականորեն ավելացել է. ՃՈ պետ

Զելենսկին «շանս» է տվել Գոնչարուկին. Ուկրաինայի վարչապետը կշարունակի պաշտոնավարել

Սյունիքում 2019 թվականին ամբողջովին վերանորոգվել են 49 դպրոցների ճաշարաններ, իսկ 15-ի նորոգումն ընթացքի մեջ է

Հրդեհ Դավիթաշենում. տուժածներ չկան, վնասը նյութական է

Երեւան-Սեւան մայրուղու հարեւանությամբ վեր խոյացող «Արձագանք» եւ «Անվերջության ժապավեն» քանդակները կվերականգնվեն

Քաղաքացիները կամավոր հանձնել են «Կալաշնիկով» ինքնաձիգ, հրացան, ատրճանակ և զինամթերք