Սամվել Կարապետյանի եղբորորդին չի ընդունում մեղադրանքը. նա եւ Վահե Պարազյանը առերեսվել են

Ռուսաստանաբնակ խոշոր գործարար, «Տաշիր» ընկերության սեփականատեր Սամվել Կարապետյանի եղբորորդին՝ Նարեկ Կարապետյանը, չի ընդունում իրեն առաջադրված մեղադրանքը:

Երեկ նախաքննական մարմինը նրան եւ ընկերոջը՝ Տիգրան Ասլանյանին, մեղադրանք է առաջադրել գործարար Վահե Պարազյանից առանձնապես խոշոր չափերով շորթում կատարելու համար:

Ըստ նախաքննական մարմնի՝ օբյեկտիվ քննությամբ պարզվել է, որ 28-ամյա երիտասարդը, շորթմամբ առանձնապես խոշոր չափերի գումար հափշտակելու շուրջ նախնական համաձայնության գալով ընկերոջ հետ, վախեցնելու, կամքը ճնշելու նպատակով, 2019թ. հուլիսի 3-ին՝ ժամը 19:30-ի սահմաններում, Երեւան քաղաքի Ալեք Մանուկյան փողոցում բռնություն է գործադրել 30-ամյա տղամարդու (Վահե Պարազյանի,-հեղ.) նկատմամբ, որից հետո նույն օրը՝ ժամը 22:30-ի սահմաններում, Երեւանի  սրճարաններից մեկում կրկին հանդիպել է նրա հետ եւ պահանջել վճարել առանձնապես խոշոր չափի գումար:

Մերժում ստանալով՝ 28-ամյա երիտասարդը (Նարեկ Կարապետյանը) զանգահարել է տուժողին եւ հանդիպման կանչել Երեւան քաղաքի ռեստորաններից մեկում: Հանդիպման ժամանակ, որին ներկա են եղել նաեւ այլ անձինք, երիտասարդը, տուժողի եւ նրա ընտանիքի անդամների նկատմամբ բռնություն գործադրելու սպառնալիքով, շարունակել է պահանջել առանձնապես խոշոր չափի գումարը՝ մի խումբ անձանց հետ դարձյալ բռնություն գործադրելով 30-ամյա տղամարդու եւ վերջինիս հետ հանդիպման գնացած նրա ընկերոջ նկատմամբ:

Պաշտպանական կողմը գտնում է, որ վերոնշյալ մեղադրանքը բացահայտ ապօրինի է եւ իրականության հետ որեւէ առնչություն չունի: Մեր զրույցում Կարեպտյանի պաշտպան Արմեն Ֆերոյանը նշեց, որ մեղադրանքի առաջադրման համար բացառապես հիմք է հանդիսացել Վահե Պարազյանի ցուցմունքը: «Սա, մենք կարծում ենք, որ դատական պրակտիկայում եզակի հանդիպող դեպք է, մենք գտնում ենք, որ պետք է մանրակրկիտ քննություն կատարվեր, նոր որոշեին անձին մեղադրանք առաջադրում են, թե ոչ: Եթե այդպես լինի, այսօր ցանկացած անձի ում երբ ուզեն՝ կարող են մեղադրանք առաջադրել, ինչ ա թե մի հոգի իր դեմ ինչ-որ զրպարտանք է գրել»,- ասաց պաշտպանը: Վերջինս նշեց, որ քննիչի մեղադրանքի որոշման դեմ բողոքներ են ներկայացրել ՀՀ գլխավոր դատախազ Արթուր Դավթյանին՝ պահանաջելով վերացնել այն․ «Հույս ունենք, որ հետագա քննության ընթացքում»,- հավելեց Ֆերոյանը:

Մեր հարցին ի պատասխան՝ պաշտպանն ասաց, որ Նարեկ Կարապետյանը ցուցմունք է տվել եւ ասել է, որ որեւիցե անձից գումար չի պահանջել, սպառնալիքներ չի հնչեցրել: Նարեկ Կարապետյանը իր ցուցմունքում նաեւ նշել է, որ Վահե Պարազյանի հետ վիճաբանել է ընկերը՝ Տիգրան Ասլանյանը. «Վիճաբանությունը կապված է Տիգրան Ասլանյանի հետ, ինչ-որ քաշքուկի մեջ են ընկել, ինքը (Նարեկ Կարապետյանը) ընդամենը բաժանել ու փորձել է նրանց հաշտեցնել»,- շարունակեց մեր զրուցակիցը՝ հավելելով, որ Նարեկ Կարապետյանը Վահե Պարազյանին որեւէ գումարային պահանջ չի ներկայացրել: Պաշտպան Ֆերոյանը հաստատեց մեր այն տեղեկությունը, որ երեկ Նարեկ Կարապետյանն ու Վահե Պարազյանը առերես հարցաքննվել են: ՀՀ Քրեական դատավարության օրենսգրքի 216 հոդվածի համաձայն՝ քննիչը պարտավոր է կատարել առերեսում, եթե էական հակասություններ կան մեղադրյալի եւ մեկ այլ անձի ցուցմունքներում: «Այո առերեսվել են, Նարեկ Կարապետյաը պնդել է իր ցուցմունքը, Վահե Պարազյանը՝ իր»,- ասաց Արմեն Ֆերոյանը: Մեր դիտարկմանը, որ Վահե Պարազյանի պնդմամբ՝ Նարեկ Կարապետյանը իր թիկնապահներով է իրեն ծեծի ենթարկել, պաշտպանը արձագանքեց. «Թիկնապահ հասկացողություն գոյություն չունի»: Մեր հարցին ի պատասխան՝ պաշտպանն ասաց, որ տեղեկություն չունի՝ արդյոք դեպքի վայրում տեսախցիկներ եղե՞լ են, թե՞ ոչ:

Արմեն Ֆերոյանը պաշտպանում է նաեւ Կարապետյանի ընկերոջ՝ Տիգրան Ասլանյանի շահերը: Վերջինս եւս չի ընդունում առաջադրված մեղադրանքը. «Իմ պաշտպանյալը միայն ընդունում է, որ Վահեի հետ կոնֆիլիկտ է եղել, կոնֆլիկտի ժամանակ ինքը Վահեին մեկ-երկու հարված է հասցրել»,- ասաց պաշտպանը:

Վաե Պարազյանի ներկայացուցիչ, փաստաբան Հովսեփ Սարգսյանն էլ մեր զրույցում անդրադառնալով պաշտպանի այն դիտարկմանը, որ գործում միայն իր վստահորդի ցուցմունքն է, մեջբերեց ՀՀ Քրեական դատավարության օրենսգրքի 202-րդ հոդվածը, որով նախատեսվում է, որ անձին որպես մեղադրյալ ներգրավելու հիմքը նրա կողմից հանցանքի կատարումը վկայող բավարար ապացույցների համակցությունն է: Ներկայացուցիչը նախաքննական գաղտնիքից ելնելով այլ հարցերին չպատասխանեց:

Գործով տուժող Վահե Պարազյանն էլ անդրադառնալով պաշտպանական կողմի այն դիտարկմանը, որ իրեն հարվածներ հասցրել է ոչ թե Նարեկ Կարապետյանը, այլ ընկերը, ասաց. «Ուղղակի գտել են մի մարդու, որին կարող են ժերտվա տալ, բայց դա իրանց մոտ չի ստացվի, քանի որ դա աբսուրդ է, որ ես ինչ- որ վարորդի հետ ճանապարահային խնդիր եմ ունեցել: Դա իրենց մեթոդն է, որը չի անցնելու»,- ասաց Պարազյանը՝ հավելելով, որ երբեք Տիգրան Ասլանյանին չի տեսել ու երբեք իր հետ որեւէ հարց չի ունեցել: Մեր ճշտմանը՝ Տիգրան Ասլանյանը դեպքի վայրում եղել է, Պարազյանը դրական պատասխան տվեց:

Վահե Պարազյանի հայրը՝ Աշոտ Պարազյանը, Սամվել Կարապետյանի հետ ժամանակին աշխատել է Ռուսաստանում, զբաղվել է վերջինիս խոշոր բիզնես-ծրագրերով: Որոշ տեղեկություններով՝ տարիներ առաջ նրանց միջեւ Աշոտ Պարազյանի որդու՝ Վահե Պարազյանի բիզնես գործունեության հետ կապված կոնֆլիկտ է եղել: Այդ ժամանակ թե՛ Վահե Պարազյանի ընկերությունը, թե՛ Կարեն Կարապետյանի ընկերությունը հաճախ մասնակցել են ռուսական «Գազպրոմի» տենդերներին:

Հակասությունների արդյունքում Աշոտ Պարազյանը հրաժարականի դիմում է գրել եւ խզել կապերը «Տաշիր» ընկերության սեփականատիրոջ հետ: Այդ ժամանակից ի վեր՝ երկու ընտանիքների միջեւ սուր հակասությունները միայն խորացել են: 

Նշենք, որ Նարեկ Կարապետյանի եւ նրա ընկերոջ՝ Տիգրան Ասլանյանի նկատմամբ որպես խափանման միջոց է ընտրվել երկրից չհեռանալու մասին ստորագրությունը:

Տպել
3205 դիտում

Նորքի տներից մեկի բակում կեսգիշերն անց հրավառություն իրականացրած տղամարդը հայտնաբերվել է

«Oրենքով գող» Ալոյի եւ քրեական հեղինակություն «Տիզ»-ի կալանավորման միջնորդությունները կքննվեն նորից

ՎՏԲ Բանկն առաջարկում է շահավետ պայմաններ՝ ֆինանսական կազմակերպություններից գույքի գրավադրմամբ վարկեր գնելու նպատակով

Վաղվանից Հայաստանի տարածքում ջերմաստիճանը կնվազի, սպասվում են տեղումներ

Արցախի Մարտունու շրջանի Սոս և Մաճկալաշեն համայնքներում դպրոցները դեռ փակ կմնան

Գազամատակարարման պլանային ընդհատումներ կլինեն Երևանում, Լոռու, Կոտայքի, Արագածոտնի և Սյունիքի մարզերում

Ադրբեջանը պատասխանել է իրենց մոտ հայտնված ՀՀ քաղաքացի Ն. Սարդարյանի վերաբերյալ ՄԻԵԴ-ի հարցերին. փաստաբանը մանրամասնում է

Արցախի նախագահն ընդունել է ՀՀ ԱԳՆ պատվիրակությանը. քննարկվել է արտաքին քաղաքականության հարցերի լայն շրջանակ

Եկամտահարկով ուսման վարձի փոխհատուցումը կատարվում է ուսումնական տարվա ավարտից հետո. ԿԳՄՍՆ-ն մանրամասնում է

Անկախության տոնին առաջին անգամ կհանձնվի շախմատի Երևանի գավաթը

Քրեակատարողական ծառայության ղեկավար անձնակազմն այցելել է «Գորիս» քրեակատարողական հիմնարկ

ՍԴ նորընտիր դատավոր Երվանդ Խունդկարյանն ԱԺ ամբիոնից երդվեց լինել անկախ եւ անաչառ

Ուսումնական տարին սկսվեց` երթուղայինների թիվը չավելացավ. Երեւանի քաղաքապետարանը նախապատրաստական աշխատանքներ է անում

Հարձակում Սան-Ֆրանցիսկոյի հայկական կենտրոնի վրա. անհայտ անձինք այն հրկիզել են (լուսանկարներ)

Վարչապետը շնորհավորել է Հայաստանի հրեական համայնքին՝ Ռոշ Հաշանայի կապակցությամբ

Անկախության օրվա կապակցությամբ սեպտեմբերի 21-ին Երևան-Գյումրի-Երևան ուղղությունում կաշխատեն լրացուցիչ էլեկտրագնացքներ

Կոռուպցիոն չարաշահումներ Ամասիայի առողջության կենտրոնում. հարուցվել է քրեական գործ

«Սխալվելու վճռականությունը՝ ճշմարիտ ճանապարհ». Նիկոլ Փաշինյանը՝ ՔՊ-ի սխալների մասին

Խորհրդարանում շարունակվում է քառօրյան․ պատգամավորները կողմ քվեարկեցին հայտարարագրերի մասին օրենքի նախագծին

Հաստատվել է կորոնավիրուսի 239 նոր դեպք. մահացել է 45-ամյա տղամարդ