Վլադիմիր Գասպարյանի հետ առնչություն ունեցել եմ, բայց ոչ սիգի հարցով. «Սեւան» ազգային պարկի տնօրեն

Օրերս Փաստերի ստուգման հարթակը (Fip) գրել էր, որ Հայաստանում պահածոյացված սիգ արտադրող ընկերություններից մեկը «Գալիլիա» ՍՊԸ-ն է: Հրապարկման մեջ նշվել էր, որ ընկերության սեփականատերը եւ հիմնադիրը ՀՀ նախկին ոստիկանապետ Վլադիմիր Գասպարյանի զոքանչն է՝ Հեղուշ Գալստյանը: Նշվել էր նաեւ, որ 2014-17 թվականներին ընկերության տնօրենը եղել է «Սեւան» ազգային պարկի տնօրեն Վահե Գուլանյանը: Հիշեցնենք, որ 2006 թվականից Սեւանա լճում սիգի որսն արգելված է: Նշենք, որ դատախազությունը սիգի իրացման փաստեր է պարզել եւ քրեական գործ է հարուցել:

«Սեւան» ազգային պարկի տնօրեն Վահե Գուլանյանը «Հայկական ժամանակ»-ի հետ զրույցում ասաց, որ մտավախություն չունի հարուցված քրեական գործի առնչությամբ:

- Պարոն Գուլանյան, վերջերս հրապարակում եղավ, որ դուք առնչություն ունեք սիգի արտադրությամբ եւ վաճառքով զբաղվող ընկերության հետ: Ինչպե՞ս կմեկնաբանեք դա:

- Ես «Սեւան» ազգային պարկի տնօրեն եմ դարձել 2007 թվականի հուլիս-օգոստոսին: Այդ ՍՊԸ-ի մասին, որ խոսում են, ես այդ ՍՊԸ-ի հետ, որպես այդպիսին, կապ չունեմ: 2014-ից 17 թվականները ես բոլորին հայտնել եմ, որ զբաղվում եմ Սեւանի իշխանի էնդեմիկ տեսակի աճեցմամբ: Այդ ՍՊԸ-ն Ծովագյուղի ներքեւում ունի ձկնաբուծարան՝ իմ տեխնոլոգիաներով, իմ պատկերացմամբ: Դա այնպիսի բան է եղել, որը տարածաշրջանում չկա: Ես Հեղուշ Գալստյանի հետ պայմանավորվեցի՝ այդ հատվածում իմ ձուկն էի աճեցնում մինչեւ 2017 թվականը: Հետո այդ ՍՊԸ-ից ես դուրս եկա: Հետո այդ ՍՊԸ-ն, երբ որ այնտեղ բերել եւ գործարան է կառուցել, դա իմ դուրս գալուց մոտավորապես 8 ամիս հետո է եղել: Երբ ընկերությունը կանգնել է, նոր իրենց մտքով անցել է բերեն այդտեղ գործարան սարքեն:

Սա ամենաահավորը չի: Երբ որ դու մի պայքարի մեջ ես ու քո դեմ գրում են, բողոքում են, ամեն ինչ անում են, ու տեսնում են՝ քեզ ոչինչ չի լինում, դրանից մարդիկ ստիպված գնում են ստոր քայլերի, բայց իմ հանդեպ ավելի ստոր բաներ են արվել: «Սեւան» ազգային պարկի տնօրենը 2017 թվականի դեկտեմբերին 5-6 հոգով առճակատում է ունեցել մոտ 200 հոգի դեմ՝ կատաղած մաֆիա, ձուկ որսացողներ էին: Այդ խնդիրը դարձել էր իմ անձնական պայքարը: Ես պայքարում եմ, որ Հայաստան ցանցեր չներկրվեն: Ասում էին, թե ես ցանցեր եմ ներկրել Հայաստան, պայքարում եմ, որ փակվի, որ մնացածը չբերեն, որպեսզի ես կարողանամ վաճառել իմ ցանցերը: Վերջում էլ սկսեցին ասել, թե ես ցանց եմ գործում այստեղ, դրա համար եմ փակում հնարավորությունը ցանց բերելու: Հիմա էլ ասում են՝ ես ձկան դեմ չեմ պայքարում, թեեւ այդպես չի: Կարելի է ավազանում քայլել ու տարբեր մարդկանցից հարցնել, թե ո՞վ է իրականում պայքարում: Մի հատ համապատասխանող բան են գտել՝ ես եւ «Գալիլիա» ՍՊԸ-ն: Քրեական գործ են հարուցել, թող մտնեն, ստուգեն: Որերորդ անգամ այս նույն խոսակցությունը գնում է, գալիս են որոշակի կառույցներ, մտնում նայում են, գործ չի հարուցվում, տեսնում են՝ սուտ է, թողնում գնում են:

Մի պահ էլ սկսել էին գրել, թե խեցգետնի մաֆիան իմ ձեռքում է: Խեցգետին չկար բացարձակապես, Արծվիկ Մինասյանը բնապահպանության նախարար եղած ժամանակ 100 տոննա խեցգետնի թույլտվություն էր տվել ինձնից թաքուն, դրա մասին էլ իմացա: Մինչեւ եկա կանգնեցնելու, արդեն 40 տոննան տարել էին, վերջին 60 տոննան պահեցի: Դա իմ մշտական պայքարն է, բոլորը գիտեն:

- Նախկին ոստիկանապետ Վլադիմիր Գասպարյանի հետ ի՞նչ առնչություն ունեք:

- Առնչություն ունեցել եմ իր հետ: Այդ բուծարանը եղել է իր զոքանչինը: Բայց կոնկրետ Գասպարյանի հետ այդ մասով առնչություն չեմ ունեցել: Եղել է, որ այն ժամանակ ձուկ էինք աճեցնում, գալիս էր իր կորտեժով ու ասում էր՝ դու պրոֆեսոր ես: Բայց իր հետի կապն ավելի շատ ազգային պարկից է, քանի որ նա հարակից տարածքում առանձնատուն ունի:

- Խեցգետնի արտահանմամբ էլ գեներալ Հայկազ Բաղմանյա՞նն էր զբաղվում:

- Զբաղվել է, հիմա չի զբաղվում: 3300 տոննա խեցգետնի թույլտվություն էր տրվում, 7 հազար տոննա եւ ավելի խեցգետին էր Հայաստանից դուրս գալիս: Դա դարձել էր կոնյակից հետո երկրորդ գործը: Դա տեւեց մինչեւ 2016 թվականը: Բոլոր ոստիկանապետերին, բոլոր բնապահպանության նախարարներին առաջինը ես եմ ասել, որ Սեւանա լճից սիգ են տանում:

- Կոնկրետ պահածոյացման եւ արտահանման համար այդքան մեծ քանակությամբ սիգ ինչպե՞ս են կարողանում հանել:

- 1 մարդու մոտ մեծ քանակությամբ սիգ է լինում: Մարդիկ կան, որ ուզում են ցույց տալ, որ շրջակա միջավայրի նախարարությունը ձախողելու է, կառավարությունը ձախողելու է:

- Ուզում եք ասել, որ մի քանի անհատ կարողանում են այնքան մեծ քանակությամբ սիգ որսալ, որ այդպիսի մեծ քանակությամբ արտահանո՞ւմ իրականացնեն:

- 1000 ձկնորս մտնում է Սեւանա լիճ, ամեն ձկնորսը հանում է 500-ից 1000 ձուկ: Գիտեք 5 հատ ձո՞ւկ է բռնում մի ձկնորսը: Նրանց պետք է արագ ինձ լիկվիդացնել, որովհետեւ մինչեւ այդ բոլոր տնօրեններին կարողացել են խաբել, կաշառել:

Ես 2 տարի է՝ գոռում եմ օրենքի բացի մասին: Եթե այստեղ Վլադիմիր Գասպարյանը չի, Վահե Գուլանյանը չի՝ չարաշահում չեն կարողանում ապացուցել, տնտեսվարող սուբյեկտին ոչինչ չեն կարողանում անել: Ի՞նչ է ստացվում, մեր երկրում սիգ բռնելն արգելված է, բայց դրա վաճառքն արգելված չէ: Մի կազմակերպություն կարող է սա կանգնեցնել՝ բնապահպանության եւ ընդերքի տեսչական մարմինը, բայց ոչինչ չեն կարողանում անել: 2 տարի է՝ ասում եմ՝ եկեք օրենսդրության մեջ կետ գցենք եւ արգելենք նաեւ վաճառքը, ինչպես եւ որսն ենք արգելում: Մի բառ է ընդամենը փոխվում: 2 տարի չենք փոխում, այսօր ասում ենք՝ դա կապ ունի Վլադիմիր Գասպարյանի կամ Գուլանյան Վահեի հետ:

- Իսկ այս պահին նախատեսվո՞ւմ է այդպիսի օրենսդրական փոփոխություն կատարել:

- Քննարկումներ շատ կա: Դրա մասին ավելի կոնկրետ կասի տեսչական մարմնի ղեկավարը: Տեսչական մարմնի նախկին ղեկավար Արթուր Գրիգորյանն ամեն ինչ անում էր աշխատելու փոխարեն: Նա չգիտեմ ինչու այդ օրենքը շրջանառության մեջ չդրեց: Տեսչական մարմնի ներկայիս ղեկավարի հետ խոսել եմ, նա ասաց, որ արագ ընթացք կտան: Հիմա 5 կազմակերպության մասին են խոսում, որ սիգի արտադրությամբ են զբաղվում, այն ժամանակ 29 էր:

- Որեւէ մտավախություն չունե՞ք, որ քրեական գործ է հարուցվել:

- Իհարկե չունեմ, ինչո՞ւ պետք է ունենամ: Ես չեմ կարող հերքել, որ բիզնեսներ չեմ ունեցել կամ աշխատավարձով եմ ապրում: Բայց իմ բիզնեսները ազգային պարկից շատ հեռու են: Ես զբաղվում եմ գյուղմթերքի մատակարարումներով: Նաեւ տեխնոլոգիաներ եմ մշակում եւ վաճառում՝ սննդի, կաթնամթերքի, մսամթերքի արտադրության հետ կապված: Ճիշտ է պետական աշխատանքը շատ ժամանակ է խլում ինձնից, բայց կան մարդիկ, ովքեր զբաղվում են դրանով: Մեր ներկայիս վարչապետը ինձ հարցրեց՝ կա՞ մի օբյեկտ, որը կարող է քեզ կաշկանդել՝ ընդհուպ մինչեւ Վլադիմիր Գասպարյանը: Իմ պատասխանը եղել է՝ պարոն վարչապետ, հանձնարարությունը տվեք, տեսեք՝ կաշկանդված եմ, թե՝ չէ: Որեւիցե մի բան ինձ չի կարող կաշկանդել եւ ես որեւիցե մի բանից չեմ վախենում: 10 տարի շարունակ ինձ մեղադրում են: Ես կամ՝ կա խնդիր իրենց համար: Պատկերացրեք՝ օրը առնվազն 50 մարդու նեղացնում եմ, նրանցից 10-ը իմ վրա մի բան գրել կտան չէ՞, նորմալ է: Մեկ է՝ չեն կարողանալու կոտրել: Ես միշտ կարող եմ իմ անմեղությունը ապացուցել:

Տպել
4420 դիտում

ԱԻ նախարարը հրդեհի վայրում է. ձևավորվել է 30 հոգուց կազմված աշխատանքային խումբ, աշխատում է 19 մարտական հաշվարկ

Հրդեհի հետևանքով Հանրապետական հիվանդանոց տեղափոխված 2 քաղաքացիները դուրս են գրվել

Վայոց Ձորում վթարի հետևանքով զոհվել է 3 քաղաքացի, եւս 3-ը հիվանդանոցում են

Հրդեհի ծավալը մեծ էր, հարկ համարեցի գալ. Վ. Օսիպյանը ժամանեց հրդեհի վայր ու նկատողություն արեց ոստիկաններին

ՀՀ վարչապետը ելույթ է ունեցել «Քայլ դեպի տուն» ծրագրի փակման արարողության ժամանակ (տեսանյութ)

Մալաթիայում տեղի ունեցած հրդեհի հետևանքով ևս 1 տուժած տեղափոխվում է «Աստղիկ» Բ/Կ

«Մալաթիա մոլ»-ի հրդեհը դեռ չի մարվել. նախնական վարկածով՝ կրակը բռնկվել է «ՎԵԳԱ»-ի պահեստում

Մալաթիայի հրդեհի հետեւանքով տուժած քաղաքացիները ծխահարվել են, 6 անձ է տուժել. ԱՆ խոսնակ

Մալաթիայի խոշոր հրդեհի հետևանքով 4 անձ տեղափոխվել է «Աստղիկ» Բ/Կ, 2-ը՝ Ճառագայթային բժշկության կենտրոն

Խոշոր հրդեհ «Մալաթիա մոլ»-ի շենքում. բարձրացվել է բարդության «Թիվ 3» կանչ, կան տուժածներ (տեսանյութ). ԹԱՐՄԱՑՎԱԾ

Շոգ, առանց տեղումների եղանակը կպահպանվի առաջիկա օրերին. եղանակն այս շաբաթ

ՃՏՊ Կրասնոդարի երկրամասի Ռ-217 ավտոճանապարհին. զոհերն ու տուժածները հայեր են (լուսանկարներ)

Դատարկ ապարների լցակույտի տարածքի ուսումնասիրությունները ոչ լիարժեք են. Ամուլսարում ուրանի և թորիումի առկայության մասին

Երևանում և Ագարակ գյուղում փրկարարները բռնել են 1 շահմար, 1 սահնօձ և 1 գյուրզա

«ԳեոՊրոՄայնինգ» ընկերությունը աջակցեց մանկական քաղցկեղի կենտրոնին (լուսանկարներ, տեսանյութ)

Ստեփանակերտում 16-ամյա երեխայի նկատմամբ բռնության դեպքը կանխվել է

Արցախում՝ Ամարասի դաշտում, տղամարդու դի է հայտնաբերվել. հավանաբար մահացել է ցուլի հարվածից

Ստեփանակերտի ջրամատակարարման խնդիրը լուծման փուլում է. Բակո Սահակյանը ծանոթացել է աշխատանքներին

Սասունիկ-Էջմիածին ճանապարհին «ԶԻԼ»-ը դուրս է եկել ճանապարհից ու կողաշրջվել

Երևանում 2 երիտասարդի վեճն ավարտվել է դանակահարությամբ ու կրակոցներով. կան տուժածներ