Օգտվելով առիթից, որ մենակ եմ մնացել Օրբելյանն ու Կարապետյանը թիրախավորել եւ փորձում են իրենց վրեժն ինձնից լուծել

Գայանե Կարապետյանի այս քայլն արդեն դառնում է անձնական հողի վրա պայքար: Ես իրեն չեմ վիրավորել, մինչդեռ ինքը ինձ վիրավորել է: Այս մասին ՀԺ-ի հետ զրույցում ասաց ՀՀ մշակույթի նախկին փոխնախարար Նազենի Ղարիբյանը՝ անդրադառնալով Խորեոգրաֆիայի թատրոնի տնօրեն Գայանե Կարապետյանի այն հայտարարությանը, թե պատրաստվում է Նազենի Ղարիբյանի դեմ մի քանի հայցով դիմել դատարան:

«Ես ընթացակարգով արել եմ այնպես, ինչպես օրենքն է թույլ տվել, կամ ինչպես իրավապահ մարմիններն են ասել: Զանգահարել եմ, խորհուրդ հարցրել, թե նման դեպքերում ինչ է արվում»,-ասաց Ղարիբյանը:

Հուլիսի 4-ին Երեւան քաղաքի ընդհանուր իրավասության դատարանն անվավեր էր ճանաչել մշակույթի նախարարի՝ Խորեոգրաֆիայի թատրոնի տնօրեն Գայանե Կարապետյանին պաշտոնից ազատելու վերաբերյալ հրամանը: Այսօր Գայանե Կարապետյանը պատրաստվում է ՀՀ մշակույթի նախկին փոխնախարար Նազենի Ղարիբյանի դեմ մի քանի հայցով դիմել դատարան: 

Դատարանի որոշմամբ՝ ՀՀ կրթության, գիտության, մշակույթի եւ սպորտի նախարարությունից հօգուտ Խորեոգրաֆիայի թատրոնի տնօրեն Գայանե Կարապետյանի 800 հազար դրամ կբռնագանձվի՝ որպես աշխատողին աշխատանքում չվերականգնելու դիմաց հատուցում: «Ես նորից եմ դիմելու դատարան՝ արժանապատվությունս, բարի համբավս վարկաբեկելու, ֆինանսական տույժերի եւ իմ միջոցներով ստեղծած գույքը վնասելու համար»,- մեր զրույցում ասաց Գայանե Կարապետյանը:

Ղարիբյանն էլ նկատեց, որ պարզապես ապշեցուցիչ է, որ հետհեղափոխական Հայաստանում կարող էին նման գործընթացներ լինել իր դեմ: «Ինչպես Կոնստանտին Օրբելյանը, այնպես էլ Գայանե Կարապետյանը, օգտվելով առիթից, որ ես բոլորովին մենակ եմ մնացել եւ ոչ ոք ինձ չի պաշտպանում, թիրախավորել են ու հերթով փորձում են իրենց վրեժն ինձանից լուծել»,-ասաց նա:

Նազենի Ղարիբյանից հետաքրքրվեցինք, թե արդեն հասցրե՞լ է իրավաբան վարձել, վերջինս նշեց՝ քանի որ դեռեւս ոչնչից տեղյակ չէ ու արտերկրից նոր է վերադարձել, նախ, կհասկանա, թե ինչ է կատարվել իր բացակայության ընթացքում, ապա կորոշի:

Հիշեցնենք, որ Գայանե Կարապետյանի պաշտոնավարման ժամկետն ավարտվել էր 2018 թվականի դեկտեմբերի 28-ին: Նախկին նախարար Լիլիթ Մակունցի կողմից ստորագրվել էր Լիլիթ Փալանջյանին ժամանակավոր պաշտոնակատար նշանակելու հրամանը, բայց Կարապետյանը չէր վերադարձրել կնիքը եւ չէր պատրաստվում ազատել տարածքը:

Խորեոգրաֆիայի թատրոնի անձնակազմն արդեն 6 ամսից ավելի է՝ աշխատավարձ չի ստացել, վերջնահաշվարկ չի ստացել նաեւ ինքը՝ Կարապետյանը: Խորեոգրաֆիայի պետական թատրոնում լարվածություն սկսվեց եւ առավել սրվեց այն պահից, երբ թատրոնի դռները նորանշանակ տնօրենի ԺՊ Լիլիթ Փալանջյանի առջեւ բացվեցին առանց Գայանե Կարապետյանի համաձայնության: Թատրոնում տեւական ժամանակ լուռ գործադուլ էր:

Մշակույթի նախարարության կողմից նշանակած ԺՊ-ին ԱԻՆ-ի աշխատակիցների միջամտությամբ թատրոն մտցնելուց հետո 22 հոգանոց անձնակազմն այսօր էլ  հրաժարվում է աշխատել Փալանջյանի հետ: Ի վերջո, Գայանե Կարապետյանը կարողացավ հասնել նրան, որ վերականգնվեց տնօրենի պաշտոնում, չնայած պաշտոնավարման ժամկետը լրացել է:

Տպել
1870 դիտում

Հրդեհ է բռնկվել հայ-վրացական սահմանի մոտ

Չեմպիոնների լիգայի վերջին 18 խաղում խաղում ընդամենը 2-րդ անգամն է, որ «Յուվենտուսը» գոլ չի խփում (տեսանյութ)

Պաշտոնական այցով Հայաստանում է Վրաստանի պաշտպանության նախարարը

Մոսկվայում կկանգնեցվի լեգենդար հետախույզ Գեւորգ Վարդանյանի հուշարձանը

ՀԱՕԿ-ը եւ ՀԸՖ-ն երբեք չեն միջամտել մարզչական որոշումներին. Ռոբերտ Խաչատրյան

ՍԴ որեւէ անդամ հրաժարականի դիմում այդպես էլ չներկայացրեց Ազգային ժողով

Եվրոպայի փոխչեմպիոն մարմնամարզիկ Արթուր Դավթյանն օլիմպիական խաղերում հանդես է գալու 2 վարժությունում

Տարեցների եւ երեխաների խնամքի շուրջօրյա հաստատություններում կարանտին է հայտարարվել. այն կշարունակվի երկու շաբաթ

Քիչ առաջ հանդիպեցի «Այո»-ի նկարի հեղինակներից Ստեփան Նարոյանի դստեր եւ կնոջ հետ. Սուրեն Պապիկյան

ԱԺ փոխնախագահ Ալեն Սիմոնյանը հանդիպել է ՀԱՊԿ գլխավոր քարտուղարին

ՀՀ եւ Վրաստանի պաշտպանության նախարարության միջեւ ստորագրվեց 2020 թվականի ռազմական համագործակցության ծրագիրը. Տոնոյան

Մահացել է հուշարձանագետ Սամվել Կարապետյանը

ՀՀ մարմնամարզության այս տարվա առաջնությունը տարբերվում է նախորդներից. ՀՀ հավաքականի գլխավոր մարզիչ

Բակո Սահակյանը խորհրդակցություն է հրավիրել Արցախում կորոնավիրուսի տարածման կանխարգելմանն ուղղված աշխատանքների հարցով

Մայրն ահազանգում է, որ ինքն ու սեռական բռնության ենթարկված իր երեխան վտանգի մեջ են. կոտրել են նրա մեքենան

Տեքստիլի արտադրության հայկական առաջատարները մասնակցում են «CPM 2020 – Collection Premiere Moscow» ցուցահանդեսին

Աշտարակում բացվել է «Քամանչայի թանգարան եւ Գաստրոբակ» յուրատեսակ վայրը

Ալեքսան Պետրոսյանի ազատ արձակման որոշման դեմ Դատախազության բողոքը մերժվել է

Ահազանգ է ստացվել, որ Սյունիքի մարզի երկու դպրոցներում փակցված է վարչապետ Նիկոլ Փաշինյանի նկարը. Մխիթար Հայրապետյան

Հայտնի է՝ ինչու է լեգենդար ֆուտբոլիստ Դել Պիեռոն Երեւան այցելել. պետք է ՌԴ վիզա ստանար