Տեռորով աշխատեցնել չի լինի, իմացություն է պետք. Օպերային թատրոնում պահանջում են բալետային խմբի ղեկավարի հրաժարականը

Օպերային թատրոնի բալետի արտիստները պահանջում են բալետի ղեկավար, բալետային խմբի ղեկավար, ավագ փորձավար, արվեստի վաստակավոր գործիչ Արմեն Գրիգորյանի հրաժարականը: Օպերային թատրոնում այս խռովությունները սկսվել էր բավականին երկար ժամանակ առաջ, սակայն առավել սրացան բալետի պարող Ռուբեն Մուրադյանի եւ Արմեն Գրիգորյանի կոնֆլիկտից հետո:

Օպերային թատրոնի մեր աղբյուրի փոխանցմամբ՝ այսօր հավաքվել է բալետի արտիստների «ախպերությունը», որոնք ուզում են իրենք որոշել, թե ով է լինելու իրենց ղեկավարը: Նրանք նպատակադրված են հեռացնել Արմեն Գրիգորյանին: Թատրոնի աշխատակցի համոզմամբ՝ տարիներ առաջ, երբ պահանջեցին նախկին գլխավոր բալետմայստեր Ռուդոլֆ Խառատյանի հրաժարականը, այսօր էլ նույն մարդիկ են, նույն տղաները:

«Նրանք ապստամբեցին Ռուդոլֆ Խառատյանի դեմ, որովհետեւ Խառատյանը եկել էր ԱՄՆ-ից եւ ուզում էր դիսցիպլինա լինի: Ուզում էր, որ ժամը 11-ից գային մինչեւ ժամը 2-ը, 3-ը մնային: Հիմա գալիս են ժամը 11-ին, իսկ 12-ին գնում, մի մասն էլ ընդհանրապես չի գալիս: Ռուբեն Մուրադյանը, որը ուղիղ մի տարի է՝ բեմ դուրս չի եկել, առանց որեւէ բացատրության հայտարարում է՝ մենք չենք ուզում աշխատել Արմեն Գրիգորյանի հետ: Ստանում է 400 հազար դրամից ավել աշխատավարձ միայն այն բանի համար, որ չի պարում, բայց զբաղված է Արմեն Գրիգորյանի դեմ պայքարներով»,-պատմեց Օպերային թատրոնի աշխատակիցներից մեկը:

Վերջինիս համոզմամբ՝ բալետի պարողներից՝ աղջիկների խումբը դեմ չեն Արմեն Գրիգորյանին, բողոքողները հիմանականում տղաներն են:

Մեր տեղեկություններով՝ այս կոնֆլիկտի մասին տեղյակ է նաեւ ԿԳՄՍ փոխնախարար Արա Խզմալյանը: Փոխնախարարը մի քանի օր առաջ գնացել է Օպերային թատրոն, ժողով հրավիրել բալետի արտիստների հետ, պայմանավորվել, որ անկեղծ զրույց ունենան, ապա հորդորել կտրուկ քայլերի չդիմել: Սակայն հենց փոխնախարարը ոտքը երկրից դուրս է դրել, բողոքավորները կրկին ակտիվացել են: «Ռուբենը բեմ չի բարձրացել. քանի որ զբաղվում է շոու բիզնեսով, սերիալներով եւ այլն: Իսկ Օրբելյանն իր փափկության համաձայն միշտ ասում է՝ պրեսպեկտիվա ունի, ինչպե՞ս հանենք, առավելեւս որ նա մեր աստղերից է»,-պատմեց աշխատակիցներից մեկը:

ՀՀ ժողովրդական արտիստ Ալ. Սպենդիարյանի անվան օպերայի եւ բալետի ազգային ակադեմիական թատրոնի նակին գլխավոր բալետմայստեր բալետմայստեր Ռուդոլֆ Խառատյանը «Հայկական ժամանակ»-ի հետ զրույցում հայտնեց, որ բալետի արտիստների հետ մշտական կապի մեջ է եւ տեղյակ է խռովություններից: «Ես նրանց մասնագիտական ուղղվածություն եմ տալիս, որը նրանց հանգստացնում է եւ մոտիվացնում: Իսկ մնացած հարցերում, թե ինչու է Արմեն Գրիգորյանը օպոզիցիայի մեջ թատրոնի կոլեկտիվի հետ, ինչու չեն ուզում, դրանք նեղ հարցեր են»,-ասաց բալետմայստերը:

Վերջինիս համոզմամբ՝ այս պատմության մեջ ամենակարեւորը, որ այսօր Օպերային թատրոնին խելացի, կարող, եւ բանիմաց ղեկավարներ են պետք, որոնք չկան: Ըստ բալետմայստերի՝ Օպերայի եւ բալետի թատրոնում պոտենցյալ ունեցողները շատ են եւ ինտուիտիվ. այս մարդիկ շատ են պահանջում, բայց չեն ստանում եւ սկսվում է նմանատիպ մի բան:

Հիշեցնենք, որ 2014 թվականին էլ թատրոնի բալետի խումբը ստորագրահավաք էր անցկացրել` ընդդեմ Ռուդոլֆ Խառատյանի` պահանջելով նրա պաշտոնանկությունը: Խառատյանին նրանք մեղադրում են ոչ պրոֆեսիոնալ լինելու մեջ` բողոքելով դասական բալետը ժամանակակիցով փոխարինելու քայլերից: Բողոքի այս ալիքը բարձրացել էր, երբ բալետի արտիստների որակավորում էր անցկացվել, որի արդյունքների կապակցությամբ կոլեկտիվում առաջացել էին դժգոհություններ: 

«Իմ ժամանակ էլ խռովություններ եղան: Անկեղծ լինեմ եւ ասեմ, որ այն 30 ներկայացումները որոնք ես մեջտեղ բերեցի պատահական չէր կարող լինել, այսինքն բալետային խումբը պիտի լավ աշխատեր: Բայց այնտեղ կային 2-ից 3 հոգի, որոնք մթնոլորտը փչացնում էին: Նրանք հովանավորվում էին դիրք ունեցող եւ պաշտոն զբաղեցնող մարդկանց կողմից: Այդ բարձր պաշտոնի մարդիկ էլ չգիտեին, թե մեր պետականությունն ինչի կարիք ունի, դրա համար էլ այսօր ամեն ինչ այդ վիճակում է»,-ասաց Խառատյանը:

Ըստ բալետմայստերի՝ խաղացանկն է որոշում, թե թատրոնն ուր է գնում: Եվ թատրոնում ո՛չ Արմեն Գրիգորյանը, ո՛չ էլ մյուս կողմը չեն կարող գժտվել, եթե խաղացանկ լինի, վերեւում ճիշտ ղեկավար լինի, վարող, որը կասի՝ երկրի հոգեւոր արժեքներն ամրապնդելու համար պետք է այս խաղացանկը արվի: «Այսօրվա խաղացանկը վկայում է, որ մեր ղեկավարներն անգրագետ են այդ իմաստով: Եթե նայեք խաղացանկում մնացել է երեք ներակայացում, որոնք երեքն էլ անցյալ դարից մնացած բաներ են»,-նկատեց Խառատյանը:

Բալետմայստերի համոզմամբ՝ թատրոնի ղեկավարությունը գաղափար չունի այսօրվա տենդենսների մասին, միջազգային բալետի մասին: Այսօրվա Օպերայի եւ բալետի թատրոնը տեսլական է ուզում, որը չկա. «Որ նախարարն էլ գա, ով էլ գա, միեւնույնն է՝ չի կարողանալու ղեկավարել, որովհետեւ մեր բալետին փողոցների նման են վերաբեվում. քանդված փողոցները արկատան են լցնում վրայից փակում, մի քանի տարի անց նորից է քանդվում: Դրա համար խելք է պետք, իմացություն է պետք, որն այսօրվա ղեկավարների մոտ չկա:

Խոսելով Արմեն Գրիգորյանի դեմ բողոքների մասին՝ ասաց. «Տերորով, կռվով աշխատեցնել չի լինի, պետք է իմացություն ունենալ, որ ժողովուրդը քո հետեւից գա: Այնպես որ, Կոնստանտինն էլ, մնացածն էլ՝ մեր խեղճ Օպերային չեն կարող փրկել, մինչեւ գիտակ մեկը չգա, ոտքը դնի ու ասի՝ սա է, սա նոր է ու այսպես ենք անելու, խաղացանկն  է որոշում, թե մենք ուր ենք գնում»:

Ռուդոլֆ Խառատյանը ցավով փաստեց, որ հոգեւոր արժեքները մեզ մոտ երբեւիցե չեն գնահատվել: Վերջինիս վստահեցմամբ՝ Օպերային թատրոնի գեղարվեստական ղեկավարը եւս իր տեղում չէ. «Կոնստանտին Օրբելյանը շատ լավ մարդ է, բայց լավ մարդն ու լավ մասնագետը տարբեր բաներ են: Նա կարող էր շատ լավ պրոդյուսեր լինել, բայց գիտակ չէ, ցույց է տալիս, թե գիտակ է, բայց ո՛չ»: Խառատյանը նույնը վստահեցրեց նաեւ մի քանի բալետի ղեկավարների մասին, ասելով, որ նրանց մտածելակերպը հազար տարեկանի է, թարմություն չկա:

Հ.Գ. «Հայական ժամանակ»-ը երկու օր անընդմեջ փորձեց կապ հաստատել Ռուբեն Մուրադյանի հետ, վերջինս մերժեց, նշելով, որ հարցերին կպատասխանի մի քանի օրից: Բալետմայստեր Արմեն Գրիգորյանը եւս չցանկացավ խոսել: Գրիգորյանի հրաժարականը պահանջող պարողների թիմը համառորեն լռում է: Մեր զրույցում նրանցից մի քանիսը հայտնեցին, որ կխոսեն միայն սեպտեմբերի 7-ին ժամը 11-ին կայանալիք մամուլի ասուլիսի ժամանակ:

Տպել
1730 դիտում

Կրակոցներ Երևանում. հայտնաբերվել է «Մակարով» ատրճանակի 3 պարկուճ, 1 գնդակ, 2 ավտոմեքենաների վրա՝ կրակոցների հետքեր

Ա. Հարությունյանը Վրաստանի գործընկերոջ հետ քննարկել է Վրաստանի դպրոցներում հայոց լեզվի դասագրքեր ունենալու հարցը

Մրգաշենի նախկին ղեկավարը բնակիչների անուններով գումարներ է դուրս գրել եւ յուրացրել՝ կեղծելով ստորագրությունները

ԱԳ նախարարն ընդունել է ԱՄՆ-ից ժամանած ռեժիսորների և պրոդյուսերների պատվիրակությանը

ԱՄՆ-ը եւ Թուրքիան Սիրիայում կրակը դադարեցնելու մասին պայմանավորվածություն են ձեռք բերել

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

1-ին զորամիավորման ուսումնական կենտրոնում անցկացվել են հավաքներ

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց