Ռուբեն Հայրապետյանը բացատրություն չի տվել. ոստիկանությունում նրա վերաբերյալ բողոք կա

Հայաստանի պետական տնտեսագիտական համալսարանի (ՀՊՏՀ) եւ ռեկտորի նախկին ժամանակավոր պաշտոնակատար Ռուբեն Հայրապետյանի շուրջ տեղի ունեցող զարգացումները նորանոր դրսեւորումներ են ստանում:

Այժմ էլ հայտնի է դարձել, որ ոստիկանությունում նյութեր են նախապատրաստվում՝ Հայրապետյանին վերագրվող չարաշահումների առթիվ: «ԿՀԴՊ-ում (6-րդ վարչություն-խմբ.) ստացված օպերատիվ տվյալների համաձայն, ՀՀ պետական տնտեսագիտական համալսարանի ռեկտորի նախին պաշտոնակատարը, չարաշահելով իր պաշտոնեական լիազորությունները, խախտելով «Աշխատանքային օրենսգրքի» ու բուհի կանոնադարության պահանջները, իր մտերիմներին տրամադրել է չնախատեսված ամենամյա վճարովի արձակուրդներ, միանվագ դրամական պարգեւատրումներ եւ լրավարձեր, ինչի հետեւանքով վատնվել են խոշոր չափերի գումարներ: Վնասի չափը պարզվում է, նախապատարստվում են նյութեր»,- «Հայկական ժամանակին» փոխանցեցին ոստիկանության լրատվական ծառայությունից:

Սրան Ռուբեն Հայրապետյանը ֆեյսբուքյան էջում այսպես էր արձագանքել. «Երբ խեղկատակությունը եւ ճղճիմությունը միախառնվում են, մարդիկ անգամ այսպիսի ծիծաղելի քայլերի են դիմում: Ոստիկանությանը լուրջ դեմքով «օպերատիվ տեղեկություններ» են փոխանցել, որ աշխատակիցներից մեկը (օրինակ, մինչեւ ուշ գիշեր աշխատող լաբորանտը) 100 հազար դրամի չափով պարգեւատրում է ստացել, բայց դա իրենց կարծիքով խախտում է, մյուսը արձակուրդ է գնացել, բայց դա կրկին իրենց կարծիքով արգելվում էր, եւ այս մակարդակի 4-5 դեպք: Պատկերացնո՞ւմ եք մանրության աստիճանը: Հետո այս ամենը խուճապահար հանձնել են մամուլին, միայն թե այս փուլում բացասական լուրեր շրջանառվեն, քանի դեռ չի բացահայտվել թեմայի ամբողջ ցնորքը: Սա է իրենց բացահայտած «ֆինանսական խախտումները». երիցս ապացուցում են հանրությանը, թե ինչ աստիճանի արդար ենք աշխատել: Հարգելի’ գործընկերներ, դուք հանճարեղ բացահայտումներ եք արել, շարունակե՚ք նույն ոճով բացահայտել ձեր մակարդակը եւ իրական դեմքը»:

Ռուբեն Հայրապետյանը ոստիկանություն չի հրավիրվել՝ բացատրություն տալու: Նա կարծում է, որ ցնդաբանության վերաբերյալ բացատրություն տալու իմաստ էլ չկա: «Բայց, այնուամենայնիվ, եթե դրա անհրաժեշտությունը առաջանա, ես այդ ամբողջ զավեշտը կփորձեմ մեկնաբանել եւ ասել, թե ինչքն մեծ անիմաստ գործողություններ են տեղի ունենում»,- «Հայկական ժամանակի» հետ զրույցում նշեց նա:  

Հայրապետյանը քանի դեռ փաստեր չունի ոստիկանություն դիմողների վերաբերյալ, ենթադրյալ անուններ չի բարձրաձայնում: Բայց կարծում է՝ այս ամենը նրանց հարկավոր էր իրեն հեղինակազրկելու համար, ինչքան էլ որ գիտեն սեփական ձեռնարկի հիմնազուրկ լինելը: «Դա շտապել են ներկայացնել մամուլին, որպեսզի աղմուկ բարձրացվի: Իրենք էլ շատ լավ հասկանում են, որ ցնդաբանություն է հանցակազմի մասին խոսելը, բայց կարեւոր է, որպեսզի այս փուլում նմանատիպ տեղեկություններ շրջանառվեն եւ հարված հասցվի իմ հեղինակությանը, որովհետեւ շատ մարդիկ հիմա չեն կարողանում հանգիստ ընդունել այն փաստը, որ ուսանողությունը եւ շրջանավարտները այդքան մեծ աջակցություն են ցուցաբերում ինձ եւ, հետեւաբար, նպատակ են հետապնդում այսպես իմ հեղինակության հետ խաղալ, որպեսզի հետագայում արդեն կարողանան իրենց շահերը պաշտպանել»,- ասաց նա:

ՀՊՏՀ ռեկտորի նախկին ժամանակավոր պաշտոնակատարը պարզաբանեց, որ ոչ թե կարծում է, թե իրեն վերագրվող չարաշահումները մանրուք են, այլ այն համոզմանն է, որ դրանք ուղղակի չեն եղել. «Բայց անգամ եթե հիպոթետիկ այդպիսի խախտումներ լինեն կամ բացահայտվեն, որ ասենք, ըստ «Աշխատանքային օրենսգրքի» իրականում այդ հարյուր հազարը չպետք է հատկացվեր որպես պարգեւատրում, այլ պետք է ձեւակերպվեր որպես կրկնակի աշխատավարձ, լրավարձ եւ այլն, դա կազմակերպության բարձրագույն ղեկավարի պատասխանատվությունը չէ: Այնտեղ կան կադրերի եւ իրավաբանական բաժիններ, կա հաշվապահություն: Եվ, բնականաբար, ռեկտորը չպետք է «Աշխատանքային օրենսգիրքը» թերթի եւ տեսնի, թե ձեւակերպումը ինչպես կարելի է տալ: Բայց անգամ եթե նմանատիպ խնդիրներ լինեն, դա այնքան ծիծաղելի մասշտաբների կլինի, որ ես կարող եմ պնդել, որ մամուլում շրջանառվող տեղեկությունը, թե խոշոր չափերի չարաշահում է եղել, ուղղակի ցնդաբանություն է»:

Հայրապետյանը չհերքեց ու նաեւ բնական համարեց, որ բուհում եղել են մարդիկ, որոնց հետ այս կամ այն չափով ունեցել է մտերիմ հարաբերություններ, բայց նրանք, իր խոսքով, արտոնյալ չեն եղել եւ անգամ ստացել են ավելի ցածր պարգեւավճար, քան իր նկատմամբ չեզոք կամ բացասական վերաբերմունք ունեցողները:

Ռուբեն Հայրապետյանը չի բացառում, որ կարող է մասնակցել ՀՊՏՀ ռեկտորի թափուր պաշտոնի հայտարարվելիք մրցույթին: «Իմ այնտեղ լինելը պայմանավորված է երկու շահառուների ցանկությամբ: Եթե ես երկու շահառուների կողմից այդ ցանկությունը տեսա, ոչինչ չի բացառվում: Ես երբեւէ նախկինում էլ ոչ ոքից չեմ խնդրել որեւէ պաշտոն եւ չեմ պարտադրել իմ ներկայությունը: Ես տեսել եմ այդ մեծ ցանկությունը: Հիմա իմ կյանքում իրականում ոչինչ չի փոխվել: Եթե այդ մեծ ցանկությունը լինի երկու հիմնական շահառուների կողմից, ես պատրաստ եմ ծառայել»,- ասաց նա: ՀՊՏՀ-ն ռեկտորի ժամանակավոր պաշտոնակատարի կարգավիճակով ղեկավարած Ռուբեն Հայրապետյանը, հիշեցնենք, պաշտոնից հեռացավ կրթության նախարարի հետ փոխհամաձայնության արդյունքում այն բանից հետո, երբ հայտնի դարձավ ու հաստատվեց, որ նրա դոկտորական ատենախոսության մեջ բացակայում են որոշակի հղումներ:

Նշված բուհի ռեկտորի ընտրությունը ձգձգվում է հաստատության կարգավիճակի փոփոխության պատճառով: Այն վերակազմակերպվելու է՝ ՊՈԱԿ-ից դառնալով հիմնադրամ: Ռեկտորի նոր պաշտոնակատար Դիանա Գալոյանը, պատասխանելով մեր հարցմանը, թե այդ գործընթացն ինչ փուլում է եւ երբ է նախատեսվում ավարտին հասցնել, նշել է. «Համալսարանը հիմնադրամի վերազմակերպման եւ հիմնադրամի կանոնադրությունը հաստատելու վերաբերյալ որոշման նախագիծը ԿԳՄՍ նախարարության կողմից ուղարկվել է շահագրգիռ նախարարությունների քննարկմանը, որից հետո սահմանված կարգով կներկայացվի կառավարության քննարկմանը։ Կոնկրետ ժամկետներ նշել չենք կարող»։ Ինչ վերաբերում է հարցին, թե բուհում ուսումնասիրություն անցկացվե՞լ է ռեկտորի նախկին ժամանակավոր պաշտոնակատար Ռուբեն Հայրապետյանի գործունեության ժամանահատվածի վերաբերյալ, Դիանա Գալոյանը բացասական է պատասխանել. «Նախկին ժամանակավոր պաշտոնակատար Ռուբեն Հայրապետյանի գործունեության ժամանակահատվածի վերաբերյալ Համալսարանի կողմից ուսումնասիրություններ չեն կատարվել»։

Տպել
3252 դիտում

Իրանը հայտարարել է Իսրայելի դեմ գործողության ավարտի մասին

Երևանի մանկապարտեզներից մեկում շչակ է գործարկվելու

Մահվան ելքով վրաերթ Երևանում. հետիոտնը մահացել է ճանապարհին

Իսրայելը բացել է օդային տարածքը

Տոկաևը կժամանի Հայաստան. հայտնի է հանդիպումների շրջանակը

Իրան-Իսրայել լարվածության ֆոնին Նեթանյահուն առաջին անգամ հայտարարություն է արել

ԱՄՆ-ը հրավիրել է G7-ի առաջնորդներին՝ Իրանի «լկտի» հարձակման պատասխան մշակելու համար

ԱՄՆ-ն օգնեց Իսրայելին ոչնչացնել գրեթե բոլոր անօդաչու սարքերն ու հրթիռները. Բայդեն

Իսրայելը կպատժվի. Իրանի գերագույն առաջնորդ

Երուսաղեմի հայկական թաղամասում ամեն ինչ հանգիստ է. զոհեր և վիրավորներ չկան

Իսրայելի՝ Թել Ավիվ քաղաքի երկինքը (տեսանյութ)

Սա աննախադեպ էսկալացիա է և լուրջ սպառնալիք տարածաշրջանային անվտանգության համար․ Բորել

Խստորեն դատապարտում ենք Իրանի հարձակումը Իսրայելի վրա․ Մեծ Բրիտանիայի վարչապետ

Մի շարք երկրներ փակել են իրենց օդային տարածքները

Իրանական բալիստիկ հրթիռներն Իրաքի օդային տարածքում (տեսանյութ)

Հեզբոլլահի հարվածներն Իսրայելի հյուսիսին (տեսանյութ)

Ցանկացած երկիր, որը կբացի իր օդային տարածքը Իսրայելի առաջ՝ Իրանի վրա հարձակվելու համար, կստանա մեր ուժգին պատասխանը

Նեթանյահուն ռազմական շտաբում արտահերթ նիստ է գումարել

Ռուսաստանը դադարեցրել է դեպի Իսրայել, Իրաք և Հորդանան թռիչքները

Իսրայելի ուղղությամբ անօդաչու թռչող սարքերի արձակումն իրականացվել է ոչ միայն Իրանից, այլև տարածաշրջանի այլ երկրներից

Իրանն Իսրայելի ուղությամբ արձակել է ԱԹՍ-ների երրորդ խմբաքանակը․ արաբագետ

Իրանը հայտարարել է Թեհրանի օդային տարածքը փակելու մասին

Իսրայելը պատրաստ է իրադարձությունների զարգացման բոլոր սցենարներին. Իսրայելի վարչապետ

Իրանը տասնյակ անօդաչու սարքեր է արձակել Իսրայելի ուղղությամբ

«Դեպի դասական Եվրատեսիլ» մրցույթում Հայաստանը կներկայացնի Հայկ Հեքեքյանը

Ձվաբջջի դոնոր՝ 500 հզ դր, տղամարդու դոնորություն՝ 30 հզ դր, սուրոգատ մայր՝ 20 հզ դոլար. «ինչ արժի» երեխա ունենալը ՀՀ-ում

«Ուրալ»-ների՝ զինվորների հաշվին վերանորոգման հայտարարության առնչությամբ ծառայողական քննություն կանցկացվի․ ՊՆ

Երևանում 27-ամյա վարորդը վրաերթի է ենթարկել հետիոտնին. վերջինը տեղափոխվել է հիվանդանոց

«Հարսնացուն հյուսիսից». ռուս նկարչուհին, որը խելագարվում է սարյանական գույների, Երևանի հոտի համար (տեսանյութ)

Գյումրու ողջ տարածքում իրականացվել են մաքրման, աղբի հեռացման աշխատանքներ

Մասնագիտական կողմնորոշման ամուր հիմք․ ամփոփվել է համադպրոցական գիտության 4-րդ փառատոնը

Երևանը կլինի 11-րդ մայրաքաղաքն աշխարհում, որը կընդունի Անգլիայի ազգային բալետին (տեսանյութ)

Հայտնի սուպերմարկետներից մեկի տիրոջ տանը հայտնաբերվել է տղամարդու մարմին

Վահան Քերոբյանի՝ խափանման միջոց տնային կալանքը երկարաձգվել է

Գերմանիան Ուկրաինային կտրամադրի ևս մեկ «Patriot» համակարգ

Իսրայելի ԱԳ նախարարը Իրանին մեղադրել է ծովահենության մեջ

Երկրաշարժ Հայաստանում՝ Երևանից 8 կմ հյուսիս-արևելք․ ցնցումները զգացվել են Գառնի և Ձորաղբյուր գյուղերում

Սանկտ Պետերբուրգում տղամարդը կրակել և վիրավորել է ռեստորանի այցելուին, փորձել է խեղդել մյուսներին

Լիլիթ Մակունցն ու ԱՄՆ կոնգրեսական Ռոբերտ Ադերհոլթը քննարկել են ՀՀ և Ադրբեջանի միջև խաղաղության գործընթացի հեռանկարները

Մեկ տարբերակ կա, որով հնարավոր է Ադրբեջանին բերել կառուցողական դաշտ. Արմինե Մարգարյանը մանրամասնել է