Այգեկի դպրոցի տնօրենը հերքում է ոստիկանությանը. մամուլից է իմացել իր դեմ հարուցված քրգործի մասին

Երեկ ՀՀ ոստիկանության լրատվական ծառայությունը տեսանյութ էր հրապարակել այն մասին, որ Ոստիկանության ԿՀԴՊ գլխավոր վարչության կոռուպցիայի և տնտեսական գործունեության դեմ ուղղված հանցագործությունների հակազդման վարչությունում չարաշահումների վերաբերյալ օպերատիվ տեղեկություններ էին ստացվել, պարզվել էր Այգեկ գյուղի դպրոցի տնօրենի կողմից թույլ տրված չարաշահումներ:

Ոստիկանությանն արված հղումով հաղորդագրությանը տեղադրվել էր էլեկտրոնային լրատվամիջոցներում, ինչին հաջորդել է դպրոցի տնօրենի հերքումը: Այն ամբողջությամբ ներկայացնում ենք ստորեւ.

Այսօր՝ առավոտյան, էլեկտրոնային մամուլից տեղեկացա, որ ոստիկանության Վաղարշապատի բաժնում իմ դեմ հարուցվել է քրեական գործ և կատարվում է նախաքննություն:

Հայտնում եմ, որ ներկայացված տեղեկատվությունը չի համապատասխանում իրականությանը: Ավելին՝ հապճեպ, փնթի և «հերոսանալու» ակնհայտ միտումով կազմված այս հաղորդման մեջ տեղ են գտել չստուգված և իրականության հետ կապ չունեցող հայտարարություններ: Այսպես՝

1. Դպրոցում չկա 2009 թվականի hունվարից մինչև 2019 թվականի մայիս և 2016 թվականի հունվարից մինչև 2017 փետրվար աշխատած ոչ մի պահակ:

2. Պահակների հաշվեհամարին փոխանցված գումարը փաստացի կատարված աշխատանքի դիմաց տրված աշխատավարձն է:

3. Հաղորդման մեջ հարկ չեն համարել պահպանել անգամ անմեղության կանխավարկածի տարրական պահանջը: ՀՀ քրեական դատավարության օրենսգրքի 18-րդ հոդվածի 1-ին մասի համաձայն՝ անձը համարվում է անմեղ, քանի դեռ նրա մեղավորությունը ապացուցված չէ դատարանի՝ օրինական ուժի մեջ մտած դատավճռով: Այլ կերպ՝ քրեական հետապնդման մարմինների այն պնդումը, որ այս պահի դրությամբ հաստատվել է դպրոցի տնօրենի կողմից առանձնապես խոշոր չափով վատնում կատարելու հանգամանքը, ոչ այլ ինչ է, եթե ոչ անհիմն, չփաստարկված և անմեղության կանխավարկածի սկզբունքը կոպտորեն խախտող տեղեկատվություն:

Հուսով եմ, որ օբյեկտիվ նախաքննության արդյունքում հիմնավորապես կհերքվի սույն անապացույց հաղորդմամբ փոխանցվող տեղեկատվությունը /հիմա՝ ապատեղեկատվությունը կամ թամաշան/:

Հիշեցնենք, համաձայն հիշյալ հաղորդագրության, ոստիկանության ունեցած տեղեկությունների հիման վրա վարչության ծառայողների և ոստիկանության Վաղարշապատի բաժնի աշխատակիցների համատեղ ձեռնարկված միջոցառումներով պարզվել է, որ Արմավիրի մարզի Այգեկ գյուղի միջնակարգ դպրոցի տնօրենը 2016թ․ հունվարից 2017թ․ փետրվարը և 2009թ․ հունվարից 2019թ․ մայիսը՝ որպես դպրոցի գիշերային պահակ է հրամանագրել երկու հոգու։

Պահակները փաստացի աշխատանքի չեն ներկայացել, իսկ նրանց աշխատավարձի հաշվեհամարին դպրոցի բյուջեից ամեն ամիս փոխանցվել է 80,025 դրամ։ Արդյունքում՝ քննությանն այս պահին հայտնի տվյալներով՝ դպրոցի բյուջեից վատնվել է ընդհանուր շուրջ 10,883,000 դրամ։

Հարուցվել է քրեական գործ։ Կատարվում է քննություն։

Ստորեւ՝ ՀՀ ոստիկանության լրատվական ծառայության պատրաստած եւ ոստիկանության պաշտոնական կայքում տեղադրված տեսանյութը:

Տպել
737 դիտում

«Gazprom»-ը սկսել է գազով լցնել «Թուրքական հոսքի» խողովակաշարը

Փրկարարները Երեւանում եւ Եղվարդում հայտնաբերված օձերին տեղափոխել են անվտանգ տարածք

Աշտարակի ոստիկանները ապօրինի թմրաշրջանառության դեպքեր են բացահայտել (տեսանյութ)

ՀՀ ԱԳՆ-ն ողջունում է Ուկրաինայի խորհրդարանում Հայաստանի հետ բարեկամական խմբի ձևավորումը

Երևանի պատվավոր քաղաքացու կոչումը ստանալուց հետո Մանարյանը հուզմունքից համբուրում էր մեդալը

Հայաստանում եղանակը կցրտի մինչև 8 աստիճանով, սպասվում է անձրև և ամպրոպ

Հրդեհ Վարդենիս քաղաքում. այրվել է տան փայտյա տանիքը

«Ավրորա» ֆորումի մասնակիցներն այցելել են Ծիծեռնակաբերդ. Իրականացվել է «Հիշատակի ծառատունկ»

Փոխվարչապետ Մհեր Գրիգորյանը հանդիպել է ԱՄՀ հոլանդաբելգիական ենթախմբի գործադիր տնօրենի հետ

Հայկ Մարությանն ընդունել է Ստեփանակերտի նորընտիր քաղաքապետին

Այսօր կանցկացվի Խնձորի առաջին փառատոնը

Մեր սիրած կիրակին. Նիկոլ Փաշինյանն ընտանիքի հետ պիկնիկ է անում (տեսանյութ)

Արտաշատում հարազատների գերեզմանի մոտից հրազենային վնասվածքով հիվանդանոց է տեղափոխվել 35-ամյա տղամարդ

Մեր սիրած կիրակին. Աննա Հակոբյանը լուսանկար է հրապարակել

«Ավրորա»-ն դարձել է մեր՝ «Խաղաղության համար շնորհվող Նոբելյան Մրցանակը». Նիկոլ Փաշինյան

Հայկ Մարությանն ու Էրմիտաժի գլխավոր տնօրենն այցելել են Կարմիր բլուր հնավայր

Երևանի բոլոր վարչական շրջաններում գիշերը տոնական միաժամանակյա հրավառություն է եղել

Հրդեհ է բռնկվել Արագածոտնի մարզի Աղձք գյուղի մշակույթի նախկին տանը

Տեղեկությունները, թե «Գյումրու տուն-ինտերնատ»ի տարեց խնամյալները դուրս են հանվելու, կեղտոտ մանիպուլյացիա են. նախարար

Սյունիքի մարզում ՈւԱԶ-ը դուրս է եկել երթևեկելի գոտուց և հայտնվել ձորում. վարորդը հոսպիտալացվել է