Ում է ձեռնտու թիրախավորել սաուդյան նավթը. ԱՄՆ-ը մեղադրում է Իրանին

Սեպտեմբերի լույս 14-ի առավոտյան, Սաուդյան Արաբիայի ժամանակով 4-ի շրջանում Հուրաիսի եւ Աբքայքի պետական Saudi Aramco ընկերության նավթային օբյեկտների վրա հրդեհներ էին բռնկվել: Համաձայն երկրի ներքին գործերի նախարարության հաղորդագրության՝ պատճառը անօդաչու թռչող սարքերի հարձակումն էր: Հրդեհները հաջողվել էր արագորեն վերցնել վերահսկողության տակ: Տեղի մամուլի հաղորդմամբ՝ որոշ օբյեկտներում անվտանգության նկատառումներով դադարեցված աշխատանքը կվերականգնվի առաջիկա օրերի ընթացքում: Այդուհանդերձ, Սաուդյան Արաբիայի էներգետիկայի նախարար արքայազն Աբդուլազիզ բին Սալմանը հայտնել է, որ նավթահումքի արտադրությունը կրճատվել է 5.7 մլն բարելով, ինչը կազմում է Սաուդյան Արաբիայի նավթի արտադրության մոտ 50, իսկ համաշխարհային արտադրության՝ 5 տոկոսը:

Հարձակումների պատասխանատվությունն իր վրա է վերցրել Եմենի հուսի-ապստամբների «Անսար Ալլահ» շարժումը: Նրանց ներկայացուցիչը նշել է, որ օգտագործվել են տասը ԱԹՍ եւ խոստացել, որ հարձակումները շարունակվելու են: Հուսի-ապստամբների մամուլի խոսնակ Յահյա Սառեայի խոսքով՝ հարձակումն իրականացվել է «թագավորության ներսում գտնվող ազնիվ մարդկանց հետ համագործակցելով»:

Ուշագրավ է, որ թեեւ Սաուդյան Արաբիան առնվազն հրապարակային մեղադրանքներ չի ներկայացրել երրորդ երկրների՝ ԱՄՆ պետքարտուղար Մայք Պոմպեոն հարձակումներից գրեթե անմիջապես հետո հայտարարել էր, որ Իրանի իշխանությունները կապ ունեն Սաուդյան Արաբիայի նավթային օբյեկտների վրա իրականացված հարձակումների հետ: Իրանը հերքել է այդ մեղադրանքները՝ դրանք որակելով անհեթեթ, իսկ Իսլամական Հանրապետության արտաքին գործերի նախարար Մոհամադ Ջավադ Զարիֆը Թվիթերի իր միկրոբլոգում քննադատության է ենթարկել Պոմպեոյին՝ նշելով, որ «երբ չի աշխատում ծայրահեղ ճնշումը՝ գործի է դրվում ծայրահեղ սուտը»: Դրանից հետո ԱՄՆ Հանրապետական սենատոր Լինդսի Գրեմը հայտարարել է, որ ժամանակն է, որ Միացյալ Նահանգները քննարկեն Իրանի նավթային օբյեկտներին հարվածելու տարբերակը, եթե վերջինս «շարունակի իր սադրանքները», քանի որ «Իրանը չի դադարեցնի իր վատ պահվածքն այնքան ժամանակ, մինչեւ հետեւանքներն ավելի իրական չլինեն»: Իսլամական հեղափոխության պահապանների կորպուսի ռազմատիեզերական ուժերի հրամանատար Ամիր Ալի Հաջիզադեն, թերեւս կանխատեսելով նման նախագծի առկայությունը շտապել է հանդես գալ զգուշացմամբ՝ նշելով, որ հարվածների տակ կհայտնվեն Քաթարում եւ ԱՄԷ-ում տեղակայված ամերիկյան ռազմաբազաները, ինչպես նաեւ իրանական հրթիռների խոցման շառավղում գտնվող մի շարք այլ ամերիկայն օբյեկտներ:

Պոմպեոյի «կայծակնային» արձագանքը, ինչպես նաեւ ամերիկյան մամուլի եւ քաղաքական շրջանակների՝ կոնկրետ դեպքում անհիմն տրամադրվածությունը Իրանի նկատմամբ կարող են տպավորություն ստեղծել, որ Թրամփի վարչակազմը հող է նախապատրաստում Իրանին հարված հասցնելու համար: Նման պնդում անելու համար, սակայն, պետք է անտեսել շատ կարեւոր գործոն. նախորդ շաբաթ Թրամփն աշխատանքից ազատել էր ազգային անվտանգության հարցերով խորհրդական Ջոն Բոլթոնին, որը դեռեւս մինչեւ այդ պաշտոնում նշանակվելը կողմ էր Իրանի նկատմամբ հնարավորինս խիստ քաղաքականության: Ընդ որում, ըստ ամերիկյան լրատվամիջոցների՝ Թրամփը նախատեսում էր բանակցությունների գնալ Իրանի հետ, իսկ մինչ այդ թեթեւացնել պատժամիջոցների բեռը, ինչին խիստ դեմ էր Բոլթոնը:

Մյուս կողմից՝ չի կարելի նաեւ բացառել Իրանի դեմ կոշտ քաղաքականության մեջ շահագրգիռ շրջանակների ներգրավվածության տարբերակը: Հուսիների մամուլի խոսնակի ակնարկը Սաուդյան Արաբիայում գտնվող անձանց հետ համագործակցության վերաբերյալ կարող է ոչ միայն ուղղված լինել հակառակորդի ճամբարում վհուկների որս նախաձեռնելու համար, այլեւ իրական հիմք ունենալ:

Ստեղծված իրավիճակը ձեռնտու է նաեւ Saudi Aramco ընկերության մրցակիցներին: Բանն այն է, որ սաուդյան նավթային ընկերությունը նախատեսում է իր բաժնետոմսերի մի մասը վաճառքի հանել ֆոնդային բորսաներում: Այս միջադեպից հետո, հաշվի առնելով ընկերության օբյեկտների խոցելիության «ցուցադրումը»՝ դրանց գինը կտրուկ նվազել է:

Այս ամենի հետ մեկտեղ, սակայն, ամենահավանական տարբերակը զերծ է դավադրությունների տեսություններից եւ բարդ սխեմաներից: Հաշվի առնելով տարատեսակ դրոնների հասանելիությունը՝ չի բացառվում, որ հարձակումներն իրականացվել են ոչ մարտական ԱԹՍ-երի միջոցով: Իսկ դա արդեն համապատասխանում է ապստամբների հնարավորություններին:

Ամեն դեպքում, ստեղծված իրավիճակը հավելյալ լարում է մտցնում առանց այդ էլ պայթյունավտանգ տարածաշրջանում: Թեեւ Սաուդյան Արաբիան հավաստիացրել է ԱՄՆ-ին, որ ի զորու է ինքնուրույն ապահովել անվտանգությունը՝ այն կարող է առիթ հանդիսանալ տարածաշրջանում ամերիկյան ներկայության ընդլայնմանը: Դեպքերի զարգացման նման ընթացքի պարագայում բարդ է կանխատեսել, թե ինչպիսին կլինի Իրանի պատասխանը:

Տպել
27920 դիտում

Ժաննա Անդրեասյանը՝ դպրոցներում երկարօրյա ծառայությունների մասին

Հայաստանի տարածքում նամակի առաքումը 70 դրամից հասել է 230-ի. միջազգային առաքման սակագներն առավել սարսափեցնող են

Նորամարգ համայնքում ֆուտբոլի դաշտ է կառուցվել

Տարիների թշնամանքից հետո Իրանն ու Սաուդյան Արաբիան բանակցություններ են սկսել. հաշտեցման 2 պատճառ ունեն

Գեղանիստում խաչքար է կանգնեցվել պատերազմում հերոսացած տղաների հիշատակին

ՊՆ-ում նշվել է պաշտպանության կոմիտեի կազմավորման 30-ամյակը (լուսանկարներ)

Կարեն Կիրակոսյանն ընդգրկվել է ՊՆ զինծառայողների բնակարանային ապահովման հերթացուցակում․ ՄԻՊ (տեսանյութ)

Ես ափսոսում եմ, որ մենք էդ շարժման մեջ էինք. էլ ՀԱԿ չկա, Լեւոն Տեր-Պետրոսյանը թաղեց. ՀԺԿ քարտուղար

Շիրակի մարզում կորոնավիրուսի դեմ արդեն պատվաստվել է 807 քաղաքացի

«Օրենքով գող» Շահումյանցի Ժիրոյին մեղադրանք է առաջադրվել. նրան կալանավորելու միջնորդություն է ներկայացվել դատարան

Խաղաղապահ զորախումբը վերադարձել է Հայաստան

Այսօր ձերբակալված «օրենքով գողը» Շահումյանցի Ժիրոն է. գործով անցնում է նաև Կիլիկիացի Հարութիկը

Անահիտ Ավանեսյանն աշխատանքային այցով եղել է Տավուշի մարզում

ԱԺ-ն մայիսի 10-ին արտահերթ նիստ կգումարի. օրակարգում վարչապետի ընտրությունն է

Պարգևատրվել են ՊՆ ռազմական ոստիկանության մի խումբ աշխատակիցներ

Լուրերը, թե նախագահը հովանավորում է տարբեր ուժերի և կոչ է անում բոյկոտել ընտրությունները, կեղծ են․ նախագահի աշխատակազմ

ՀՀ զինված ուժերի գլխավոր շտաբի պետն այցելել է զորամասեր

Ուխտավորի երկյուղածությամբ կմոտենանք այս անկյանը. Գյումրու 2-րդ դպրոցում բացվեց նահատակված հերոս աշակերտների անկյուն

Մեքենայում վիճաբանելուց հետո 36-ամյա կինը ատրճանակից կրակոցներ է արձակել․ Shamshyan.com

Մանկապարտեզները 100 տոկոսով պատրաստ են ընդունելու երեխաներին. Հակոբ Կարապետյան

Ալենն իր կյանքում միշտ էր պատերազմում ու պայքարում, բայց՝ գրքով ու գրչով. պայքարող Ալենի մասին գիրք է հրատարակվել

Ժամանակավոր դադարեցվում է Ցեֆտոնուս դեղափոշի ներարկման լուծույթի շրջանառությունը

Ավտոմեքենաների համարանիշների հափշտակությունը կքրեականացվի. միայն Երեւանում արձանագրվել է 306 դեպք

Հանվել է երկարօրյա ծառայությունների եւ արտաուսումնական խմբակների կազմակերպման արգելքը, բայց սահմանվել են նոր կանոններ

Անահիտ Ավանեսյանն ընդունել է Չինաստանի դեսպան Ֆան Յունին․ կողմերն անդրադարձել են պատվաստումային գործընթացին

Աննա Հակոբյանը և Լենա Նազարյանը ներկա են գտնվել Վանաձորի N25 հիմնական դպրոցի նորոգված մարզադահլիճի բացման արարողությանը

Դժվար է լինելու, բայց ոչ անհնարին. հունահռոմեականների վիճակահանությունը օլիմպիական վարկանիշային մրցաշարում

Տեր-Պետրոսյանի հրապարակած հայտարարության տեքստը Սարգսյանը տեսնում է առաջին անգամ․ Սերժ Սարգսյանի գրասենյակի արձագանքը

ԱԺ-ն երկրորդ ընթերցմամբ ընդունեց «Ընտրական օրենսգրքի» փոփոխությունների փաթեթը

Կորոնավիրուսային հիվանդության դեմ պատվաստումների շեմն անցել է 10 հազարը

Հայաստանի տարբեր մարզերում ընթանում են ճանապարհների բարեկարգման աշխատանքներ (տեսանյութ)

Գերիների ազատ արձակման հարցում ուժեղացող միջազգային ճնշման ներքո Ադրբեջանը փորձում է առաջ քաշել կեղծ օրակարգեր․ ԱԳՆ

Ստեփանակերտ-Ասկերան ճանապարհին ավտոմեքենան գլորվել է և հայտնվել Կարկառ գետում․ վարորդը մահացել է

Արմեն Սարգսյանը մայիսի 8-ից կգտնվի կարճատեւ արձակուրդում, որը կանցկացնի Մոսկվայում

«Նախապես ասեմ՝ մերժելու ենք...». Նիկոլ Փաշինյանի խորհրդականի հումորային արձագանքը՝ Տեր-Պետրոսյանի առաջարկների շարքին

Մոդուլային դպրոցներ կկառուցվեն Մեդովկա և Հագվի համայնքներում, նաեւ մոդուլային մանկապարտեզ՝ Սպիտակ համայնքում

Վահրամ Դումանյանը Շուշիի Ղազանչեցոց մայր տաճարի վերաբերյալ նամակ է հղել ՅՈՒՆԵՍԿՕ-ի գլխավոր տնօրենին

Լեւոն Տեր-Պետրոսյանը օրեր առաջ հանդիպել է Սերժ Սարգսյանին եւ առաջարկել ՀԱԿ-ՀՀԿ դաշինք ստեղծել

Ոչ նախկիններին ենք սպասարկել, ոչ ներկաներին ենք սպասարկում, ոչ էլ ապագաներին ենք սպասարկելու. Վազգեն Ռշտունի

Գեղամ Հովեյանը ընտրվեց Հաշվեքննիչ պալատի անդամ