Քաղաքապետը որոշեց քանդել շենքը, դատարանը որոշումն անվավեր ճանաչեց, բայց կառուցապատողը, մեկ է, կքանդի

Երեւանի քաղաքապետի որոշմամբ 2018 թվականի նոյեմբերին ինքնակամ շինության քանդման աշխատանքներ էին իրականացվել Նոր Նորք վարչական շրջանի Գյուրջյան փողոցի N 1/3 հասցեում: Տեղի ունեցածը հանրային մեծ հնչեղություն էր ստացել, ընդ որում՝ նաեւ քաղաքապետարանի ջանքերի շնորհիվ՝ նպատակ ունենալով, այդպիսով, համապատասխան ուղերձ հղել ապօրինի շինարարություն անողներին:

Այժմ կա դատարանի վճիռ, որով անվավեր է ճանաչվել քաղաքապետի որոշումը, եւ կատարվածը դարձյալ հանրության շրջանում մեծ արձագանք է գտել՝ այս անգամ տեղիք տալով տարաբնույթ մեկնաբանությունների ու թյուրըմբռնումների:

Վարչական դատարանի վճռի մասին հայտնի դարձավ շաբաթ օրը, իսկ քաղաքապետարանը շտապեց հերքել լուրը՝ ասելով, որ խոսքը ոչ թե մեկ, այլ մյուս որոշումն անվավարեր ճանաչելու մասին է, որ նոյեմբերի որոշման վերաբերյալ դատական ակտ չկա ու հետեւաբար նաեւ անտեղի են հարկատուների վճարած գումարներից փոխհատուցում տալու մասին կանխատեսումները՝ այդպիսով էլ, ըստ էության, խճճելով իրողությունները:

Ի սկզբանե՝ անցյալ տարի, քաղաքապետարանը տեղեկացրել էր, որ նշված հասցեում «Անի-97» ՍՊԸ-ն շինարարություն է իրականացրել ոչ միայն իր սեփական հողատարածքում, որի մակերեսը շուրջ 1000 քմ է, այլ նաեւ Երեւան համայնքի սեփականությունը հանդիսացող 160 քմ-ում: Շինարարությունը համարվել էր ապօրինի, եւ քաղաքապետը քանդման որոշում էր կայացրել: Այդ որոշումը, որն առաջինն էր, կայացվել է 2018 թվականի հոկտեմբերի 29-ին: Երկրորդ որոշումը եղել է նույն թվականի նոյեմբերի 12-ին: Ու հիմա քաղաքապետի մամուլի քարտուղար Հակոբ Կարապետյանը հայտարարում է, որ ինքնակամ շինությունը քանդելու նոյեմբերի որոշման վերաբերյալ դատական ակտ չկա:

Երբ փորձեցինք հասկանալ, թե ինչ տարբերություն կա հոկտեմբերի եւ նոյեմբերի որոշումների միջեւ, պարզվեց, որ հոկտեմբերի որոշումը վերաբերել է ամբողջ շինության քանդմանը: Բայց շուտով էլ ընկերությունը դա բողոքարկելու համար դատական հայց է ներկայացրել, ինչին հետեւել է քաղաքապետի հաջորդ որոշումը՝ արդեն միայն համայնքապատկան հողատարածքում իրականացված շինությունը քանդելու վերաբերյալ:

«Ունենք մեկ ամբողջական շինություն, որն ինքնակամ է: Այդ շինության մեծ մասը արված է մասնավոր հողի վրա, իսկ փոքր մասը՝ համայնքային հողի: Հոկտեմբերի 29-ին քաղաքապետը որոշել է, որ ամբողջ շինությունը պետք է քանդվի: Այդ որոշումը կայացնելուց մինչեւ իրագործումը կառուցապատողն այն բողոքարկել է դատարանում, եւ քաղաքապետարանը օրենքի ուժով չէր կարող բողոքարկվող որոշումը իրականացնել: Հետո արդեն նոյեմբերի 12-ին քաղաքապետը կայացնում է որոշում՝ քանդելու ինքնակամ շինության այն հատվածը, որը, բացի այն, որ ինքնակամ է, նաեւ համայնքային հողի վրա է: Այսինքն՝ քաղաքապետը որոշում է կայացնում ազատել համայնքային հողը ինքնակամ շինությունից, եւ դա իրականցվում է»,- այսօր մեզ հետ զրույցում ասաց Հակոբ Կարապետյանը:

Կրկնեց, որ խնդրի մասին մամուլում հրապարակված տեղեկատվությունը թերի է, խեղաթյուրված կերպով է ներկայացնում իրականությունը եւ ապակողմնորոշում է հանրությանը: «Դատարանի վճիռը վերաբերում է հոկտեմբերի 29-ի որոշմանը, որով ըստ էության, քաղաքապետարանը որեւէ գործողություն չի կատարել»,- կրկին շեշտեց քաղաքապետի մամուլի քարտուղարը՝ հավելելով, որ նոյեմբերին ընդունված որոշումը չի բողոքարկվել:

Դիտարկմանը, թե եթե ամբողջ շինությանը վերաբերող որոշումը բողոքարկվել է, ու դատարանի վճռով անվավավեր ճանաչվել, հետեւաբար ստացվում է մի հատվածին վերաբերող որոշումն էլ իրենից ոչինչ այլեւս չի ներկայացնում, Կարապետյանը պատասխանեց. «Այդպես չի ստացվում: Երեւի այստեղ պետք է իրավաբանի մեկնաբանություն, բայց այդպես չի ստացվում, որովետեւ ամբողջը  ինքնանկամ շինություն է, իսկ այն մի մասը՝ հանրային տարածքի վրա մասնավոր շինություն է»:

Քաղաքապետի հոկտեմբերի 29-ի որոշումն անվավավեր ճանաչելու մասին Վարչական դատարանի որոշումը դեռ ուժի մեջ չի մտել: Երեւանի քաղաքապետարանն այն բողոքարկել է վերաքննիչ Վարչական դատարան:

Նոր Նորքում կառուցապատում իրականացրած «Անի-97» ՍՊԸ հիմնադիր Դավիթ Ահարոնյանի փաստաբան Արմեն Օհանյանը մեզ հետ զրույցում ասաց, որ իրեն հայտնի չէ, թե որտեղից են շրջանառվում իր վստահորդին 100 միլիոն կամ ավելի դրամի փոխհատուցում տրամադրելու մասին խոսակցությունները: Նշեց, որ իր վստահորդը քաղաքապետարանից չի ակնկալում վնասի փոխհատուցում ու հետեւաբար չեն էլ փորձել պարզել՝ դրա համար իրավական հիմքեր կա՞ն, թե չէ:

Փաստաբանը չբացառեց, որ Դավիթ Ահարոնյանն իր միջոցներով ամբողջությամբ կապամոնտաժի Գյուրջյան փողոցում կառուցած շինությունը, իսկ դրանից հետո, արդեն միայն իր սեփականություն հողատարածքում կկառուցի նոր՝ ավելի մեծ շինություն: «Իմ վստահորդը քաղաքապետարանի պաշտոնյաների հետ այս պահին բանակցությունների մեջ է: Եթե չեմ սխալվում, անգամ նախնական պայմանավորվածություն կա, որ դա պետք է քանդվի, փոխարենը կառուցվի հինգ-վեց հարկանի շենք»,- ասաց նա: Նշեց նաեւ, որ քաղաքապետի որոշումը վիճարկելուց հետո իր վստահորդը մի քանի շինթույլտվություններ է ստացել տարբեր հասցեներում: Գլխավոր ճարտարապետ Արթուր Մեսչյանն ու քաղաքապետ Հայկ Մարությանը նրան ընդառաջ են գնացել: «Այսինքն՝ թշնամություն չի արվել»,- փաստեց Օհանյանը:

Ինչ վերաբերում է հարցին, թե եթե «Անի-97» ՍՊԸ-ն շենքը կառուցել էր առանց շինթույլտվության, ինչու է դատարանը անվավեր ճանաչել քաղաքապետի որոշումը, Օհանյանը պատասխանեց, որ որոշումն ընդունված է եղել ընթացակարգային խախտումներով: «Բայց մենք դա անցյալ ենք համարում, որովհետեւ մենք արդեն առաջ ենք նայում: Իսկ «առաջ»-ը իմ վստահորդի եւ քաղաքապետարանի համագործակցությունն է, որն այս պահին նորմալ ստացվում է»,- հայտարարեց փաստաբանը:

Տպել
5101 դիտում

Կոնդի եկեղեցում վերջին հրաժեշտն են տալիս ՀՀ վաստակավոր արտիստ Լալա Մնացականյանին

Հայաստանի բռնցքամարտի թիմը 10 մեդալ է նվաճել Վրաստանում

Կալիֆորնիայում ընտրել են «աշխարհի ամենատգեղ շուն» մրցույթի հաղթողներին (լուսանկարներ)

«Նիսսան»-ի վարորդը հարվածել է պարեկի ավտոմեքենային և դիմել փախուստի. կան վիրավորներ, հնչել են կրակոցներ

Որոնք են «Քաղաքացիական պայմանագիր» կուսակցության առաքելությունը և մեր երկրի սպառնալիքները. վարչապետը մանրամասնել է

Հիմա շատ կարևոր է, որ գտնենք մի հարցի պատասխան՝ ինչու հերթական ընդդիմադիր շարժումը ՀՀ-ում ձախողվեց. վարչապետ (տեսանյութ)

Տոյվո Կլաարը դրական է գնահատել սահմանին hրադադարի խախտումների դեմ պայքարի մասին ՀՀ-ի առաջարկը

Իսրայելը զանգվածային հարվածներ է հասցրել Ռաֆահին. Al Jazeera

Բնության գրկում. Աննա Հակոբյանը տեսանյութ է հրապարակել

Եղեգնուտում այրվել է բնակելի տնակ

Գնել Սանոսյանը ծանոթացել է Կիրանցի նոր կառուցվող ճանապարհի և կամրջի շինարարության ընթացքին

Բայդենը շուտով ԱՄՆ-ին ներքաշելու է Երրորդ համաշխարհային պատերազմի մեջ. Թրամփ

Երևանում ու մարզերում երեկոյան ժամերին սպասվում է կարճատև անձրև, ամպրոպ և քամու ուժգնացում

ԿԳՄՍ նախարարի՝ Գերմանիա այցի շրջանակում քննարկվել է Լայպցիգի գրքի ցուցահանդեսին Հայաստանի հնարավոր մասնակցությունը

Ավտոտեխսպասարկման կետում մեքենան ընկել է փոսը. քաղաքացին արգելափակվել է միջնամասում

Թուրքիայում երկրաշարժ է տեղի ունեցել

Աղվերանի հյուրանոցում պայթյունից տուժած տղամարդը այրվածքներ է ստացել. ՆԳՆ-ն մանրամասներ է հայտնել դեպքից

Ալեն Սիմոնյանը շնորհավորել է Լյուքսեմբուրգի Ազգային տոնի՝ Մեծ դուքսի ծննդյան օրվա առիթով

Հայտնի է՝ երբ այս տարի կնշվի Վարդավառը

Հրապարակվել են գաղտնի նամակներ Բելառուսի ու Ադրբեջանի միջև ռազմական համագործակցությունից. Հետք

Պուտինն Ադրբեջանում Ռուսաստանի դեսպանին պարգևատրել է շքանշանով

Երևանում թալանել են «Թելսել» տերմինալը, որում եղել է 1,2 մլն դրամ

Հանրապետությունում կան փակ և միակողմանի գործող ավտոճանապարհներ

ԱԺ պատվիրակությունն այցելել է Չինաստանի տեղական օրենսդրական իրազեկման գրասենյակ

Անի Երանյանը և Մհեր Բաղդասարյանը նոր սիրառատ ֆոտոշարք են հրապարակել (լուսանկարներ)

Պայթյուն Աղվերանում հայտնի «Արարատ ռեզորթ» հյուրանոցային համալիրում. կա վիրավոր (լուսանկարներ)

Հայաստանի՝ Պաղեստինի Պետության ճանաչումը համարձակ որոշում է. ԱՊԼ գլխավոր քարտուղար

Միմյանց բախվելուց հետո մեքենաներից մեկը կողաշրջվել է. տուժածին դուրս են բերել քաղաքացիները

Բահրեյնի Թագավորությունը ողջունել է Հայաստանի կողմից Պաղեստինի Պետության պաշտոնական ճանաչումը

Տեղի է ունեցել «Քաղաքացիական պայմանագիր» կուսակցության 4-րդ Քաղաքական ժողովը

ՀՀ վարչապետի աշխատակազմը հայտարարություն է տարածել. ինչ է առաջարկվում Ադրբեջանին

Իսլամական համագործակցության կազմակերպությունը ողջունել է Հայաստանի կողմից Պաղեստինի Պետության ճանաչումը

Նոր Նորք վարչական շրջանում հողազավթումներից ազատվել է 25 հազար քմ տարածք, որոնց փոխարեն կլինեն բարեկարգ բակեր. Ավինյան

ՀՀ ԶՈՒ ստորաբաժանումները կրակ չեն բացել. Ադրբեջանը շարունակում է ապատեղեկատվություն տարածել. ՊՆ

Տղամարդիկ Վայոց ձորի մի քանի գյուղում կեղծ թղթադրամներով գնումներ են արել. երկուսն էլ ձերբակալվել են

Ուրախ ենք աջակցել Հայաստանում այլ մշակույթների հանրահռչակմանը. Կասկադում նշվել է Յոգայի միջազգային օրը

Մոսկվան համարժեք պատասխան կտա ԱՄՆ-ին. Զախարովա

Լալայի կորուստը, իսկապես, մշակութային կորուստ է, մեծ դիապազոնի դերասանուհի էր. Հայաստանի կինոգործիչների միություն

Քավորի շունը կծել է սանիկին. 34-ամյա տղամարդն այրունահոսությամբ տեղափոխվել է բժշկական կենտրոն

ԱՄՆ-ը ծանուցել է ռուսական վիզաների կենտրոնի փակման և դիվանագետներին հարկային արտոնություններից զրկելու մասին