«Ազնիվ գողեր» ֆիլմը նկարահանվել է հեղափոխության ժամանակ, ու դժվարություններ են եղել. կայացավ պրեմիերան

«Ազնիվ գողեր» կատակերգությունը ստեղծվել է ոչ սովորական աշխատանքային պայմաններում: Այն նկարահանվել է 2018թ. Թավշյա հեղափոխության օրերին: Այսօր՝ սեպտեմբերի 19-ին, «Մոսկվա» կինոթատրոնում կայացավ պրեմիերան: Մամուլի ասուլիսի ժամանակ ռեժիսոր Գոռ Կիրակոսյանը խոստովանեց, որ նկարահանումները բարդ են եղել:

«Շատ, որովհետեւ նկարել ենք հեղափոխության ժամանակ,- ասաց նա,- փողոցները փակ էին, ոչ մի տեղ չէինք կարողանում գնալ, ոչ մի հանդիպում չէինք կարողանում ունենալ»:

Այդպես, օրինակ, ռեժիսորը մի օր «Հայֆիլմ» հասնելու համար ստիպված է եղել 6 ամգամ տաքսի փոխել: Գլխավոր հերոսներից մեկին՝ Արամին, մարմնավորած Արամ MP3-ն էլ մեկ այլ դեպք հիշեց:

«Նալբանդյան փողոցի սկզբնամասում մի հատված կա, որ նկարահանում էինք. գրասենյակից դուրս եմ գալիս ու բաներները նետում եմ: Այդ ժամանակ Հանրապետության հրապարակում տեղի էր ունենում մեծ համերգ, ու բոլորը բղավում էին»,- պատմեց նա:

Ֆիլմը 5 անհաջողակների մասին է, որոնք պատահաբար հանդիպում են ու որոշում գողություն անել՝ ամեն մեկն իր խնդիրները լուծելու նպատակով: Ցանկանում են մի հարուստ մարդու տնից գողանալ Սուլեյման սուլթանի ոսկյա թանկարժեք ջազվեն, հետո հանձնել այն ոստիկաններին, ասել, որ գտել են ու պարգեւավճար ստանալ:

Դերերում հանդես են եկել հումորային նախագծերով զբաղվող ամերիկյան «Դեմք շոու» կազմակերպության մի քանի դերասաններ՝ ամերիկաբնակ Դավիթ Թովմասյանը, Լեւոն Տեր-Պետրոսյանը, Արտակ Գասպարյանը, Արմեն Դարբինյանը, Մեգի Գրիգորյանը: Հայաստանից նրանց միացել են Արամ MP3-ը եւ Ռաֆայել Երանոսյանը, որոնք գլխավոր դերակատարներն են: Նրանցից յուրաքանչյուրը ստիպված է եղել որեւէ զոհողության գնալ կերպարի համար: Մեգի Գրիգորյանը մազերը կտրել ու կարմիր է ներկել՝ հակառակ իր կամքին, Դավիթ Թովմասյանը 2 ամիս ստիպված է եղել  ծիծաղելի բեղերով մնալ, Արամ MP3-ն էլ՝ սափրվել:

«Իմ կերպարը կոկիկ է, մաքարսեր, պերֆեկցիոնիստ անձնավորություն, եւ առաջին խնդիրը, որ դրվեց իմ առջեւ, ես պետք է սափրվեի: Դա ամենաբարդն էր տրվում ինձ: Ես ունեմ շատ դյուրագրգիռ մաշկ, այդ պատճառով այդ պրոցեսն ինձ դաժան տրվեց»,- ասաց նա:

Դերասանները մեծ ոգեւորությամբ ու լավ պատմություններով են հիշում ֆիլմի աշխատանքային օրերը: Օրինակ, հիշում են՝ ինչպես են ռեժիսորին համոզել, որ թողնի իմպրովիզներ անել: Կիրակոսյանն ընդգծում է, որ իմպրովիզներ թույլ տալիս է շատ հազվադեպ՝ միայն այդ դեպքերում, երբ դրանք օգնում են պարտմությանը, այլ ոչ թե արվում են այն պատճառով, որ դերասանն իր տեքստը լավ չի սովորել: Իմպրովիզներից մեկը հաջողացրել է Արամ MP3-ը:

«Երբ դերասանուհին (խմբ. Դավիթ Թովմասյանի կերպարին) ասում է՝ լավ էլ երգում ես, գնա «Եվրատեսիլ», այդ կադրում Գոռին ասացի՝ թույլ տուր նայեմ տեսախցիկին: Այդ մեկը ասաց՝ այո՛»,- պատմեց Արամ MP3-ը:

Ֆիլմի հերոսները մեծահարուստի տանը փնտրում են մի թանկարժեք իր, սակայն գտնում են ուրիշը: Պարզվում է՝ այդ տանը ոչ մի ջազվե էլ չկա, այլ թանգարանից գողացված նկար է, որի համար նրանց իսկապես պաեւգեւավճար են տալիս: Նրանք էլ գումարն օգտագործում են սեփական բիզնեսը հիմնելու համար: Կիրակոսյանն ընդգծում է, որ ֆիլմի հիմնական նպատակը հանդիսատեսի համար ուրախ ժամանց ապահովելն է, սակայն մյուս կողմից այն որոշակի ասելիքներ ունի:

«Երբ պատմությունը գրում էի, ավելի շատ մտածում էի, որ այն ինձ համար կոմերցիոն է, հանդիսատեսին ուրախացնելու, ծիծաղեցնելու ֆիլմ է, բայց, եթե ուշադիր լսեք, մեսիջներ կան, որ, օրինակ, քաղաքը մաքուր պետք է պահել»,- ասաց նա:

«Ազնիվ գողերն» այսուհետ Հայաստանում կլինի մեծ էկրաններին: 1 ամիս առաջ ԱՄՆ-ում փակ պրեմիերա է տեղի ունեցել ֆիլմի անձնակազմի գործընկերների համար: Գոռ Կիրակոսյանը փորձում է այն դուրս բերել նաեւ ռուսական ու ամերիկյան շուկա: Նշում է, որ այդ 2 լեզուներով էլ լուսագրերը կան, իսկ պատմությունն այնպիսին է, որ ցանկացած տեղում էլ կարող է պատահել ու այն, ինչպես նաեւ դրանում եղած կատակները հասկանալու համար հայկական մշակույթին ծանոթ լինելը պարտադիր չէ: Եթե ֆիլմը հաջողություն ունենա, Կիրակոսյանը չի բացառում, որ 2-րդ մաս էլ կնկարահանեն:

Տպել
4832 դիտում

Ջաջուռ գյուղում այրվել է մոտ 40 հա խոտածածկույթ, գյուղի 13 բնակիչ մասնակցել է հրդեհաշիջման աշխատանքներին

Անբարոյականությունը՝ քաղաքական պայքարի անվան տակ

Ֆրանսիան ու Գերմանիան առաջարկում են Թեհրանի միջուկային գործարքի շուրջ նոր բանակցություններ սկսել

Զորամասերից մեկի մարտավարական դաշտում անցկացվել է մարտական պատրաստության պարապմունք

«Airbus» ընկերության ներկայացուցիչները Հայաստանում կծանոթանան համագործակցության հնարավորություններին

Սպանված ոստիկան Տիգրան Առաքելյանի հոգեհանգիստը տեղի կունենա վաղը՝ Ոստիկանության ակադեմիայում

Դատական գործընթաց ենք սկսում՝ ատենախոսությանս շուրջ ստեղծված կեղծ աղմուկի եւ մեղադրանքների համար. Հայրապետյան

Շարունակվում են գերատեսչությունների բյուջետային հատկացումների հայտերի ուղղությամբ քննարկումները

Գնահատման կեղծ եզրակացությամբ պետական սեփականության գույքը մի քանի անգամ ցածր գնով օտարելու դեպքով քրգործ է հարուցվել

«Բարեփոխելով աշխարհը» կինոյի և հաղորդումների փառատոնի հատուկ մրցանակը շնորհվել է Արմեն Սարգսյանին

Վարչապետն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցչին

ԱԳ նախարար Զոհրաբ Մնացականյանը հանդիպել է ԵՄ հատուկ ներկայացուցիչ Տոյվո Կլաարի հետ

Հայոց լեզու, գրականություն և պատմություն առարկաների դասավանդումը բուհերում այլևս պարտադիր չի՞ լինի. ԿԳՄՍ-ն պարզաբանում է

Թուրքիան խոստանում է պատասխանել Թրամփի պատժամիջոցներին, ԱՄՆ-ը նշում՝ չեն ցանկանում փչացնել հարաբերությունները

Արմեն Գրիգորյանը ընդունել է Արցախի արտաքին գործերի նախարար Մասիս Մայիլյանին

Հայաստանը Ռուսաստանում գրանցել է ապրանքների ներմուծման ռեկերդային՝ 22% ցուցանիշ

Շուտով Երեւանից Միլան հնարավոր կլինի մեկնել 28 եվրոյով, Երեւանից Բեռլին՝ 40 եվրո 99 ցենտով. տոմսերն արդեն վաճառքում են

ՀՀ ոստիկանապետի ժ/պ-ի հրամաններով զոհված ու վիրավորված ոստիկանները պարգևատրվեցին

Մխիթարյանը շարք կվերադառնա մոտ 1 շաբաթից

Ցեղասպանության թեմայով Թուրքիայի նախագահի հայտարարությունները մեկնաբանության արժանի չեն. ՀՀ ԱԳՆ