«Հայրենիք» կինոթատրոնը աճուրդի է հանվել 358 մլն դրամ մեկնարկային գնով. շենքի սեփականատերը Շենգավիթի նախկին թաղապետն է

Երեւանի «Հայրենիք» կինոթատրոնն աճուրդի է հանվել: Շենքի սեփականատերը 20 տարուց ավելի է՝ Շենգավիթ վարչական շրջանի նախկին թաղապետ Սարգիս Հովհաննիսյանն է (Կադիլակ Սերոժ): 

2015 թվականից «Հայրենիք» կինոթատրոնի շենքը գրավադրված է «Արդշինբանկ» ՓԲԸ-ում՝ ներկայումս սնանկության կարգավիճակ ունեցող «Վանանդ Կաթ» ՍՊԸ-ի պարտավորությունների դիմաց: Գույքի մեկնարկային արժեքը կազմում է 358 միլիոն դրամ: Արշակունյաց 38 հասցեում գտնվող եռահարկ շենքն արդեն մեկ անգամ աճուրդի է դրվել սույն թվականի սեպտեմբերի 13-ին: Նշանակված օրը, սակայն, հայտեր չլինելու պատճառով աճուրդը չի կայացել: «Հայրենիք» կինոթատրոնի կրկնաճուրդը տեղի կունենա հոկտեբերի 15-ին Արշակունյաց 5 հասցեում:

Սնանկ ճանաչված «Վանանդ Կաթ» ՍՊԸ-ի տնօրենը նախկինում եղել է Սեդրակ Հարությունյանը, որն էլ մտերիմ հարաբերությունների մեջ է եղել շենքի սեփականատեր Սարգիս Հովհաննիսյանի եւ ոմն Գեւորգ Բալասանյանի հետ: Այս անձինք դիմել են Սեդրակ Հովհաննիսյանին, որպեսզի վերջինս բանկում երաշխավոր կանգնի, գրավադրի իր սեփականությունը՝ կինոթատրոնի շենքը:

Ի սկզբանե վարկային պարտավորությունը եղել է 180 միլիոն դրամ (մոտ 360 հազար դոլար): Ժամանակի ընթացքում վարկը չվճարելու հետեւանքով գրեթե 200 հազար դոլար տույժ-տուգանք է ավելացել եւ գումարը դարձել 560 հազար դոլար: Սարգիս Հովհաննիսյանը բազմիցս պատրաստակամություն է հայտնել վճարել նախնական գումարը, եթե Գեւորգ Բալասանյանը տույժերը փակի, բայց վերջինս այդպես էլ չի վճարել շարունակ ավելացող տույժերը:

«Հայկական ժամանակ»-ի հետ զրույցում Սարգիս Հովհաննիսյանը հայտնեց, որ 20 տարի առաջ իրենց կոլեկտիվով են ձեռք բերել շենքի բաժնետոմսերը, ապա ինքը, դրանք գնելով կոլեկտիվի մյուս անդամներից, դարձել է շենքի միակ սեփականատերը: «100 հազարներով գումարներ եմ տվել. այն ժամանակ սա առնելու փոխարեն կարող էի Կարամելի գործարանն ու ծխախոտի գործարանը միասին առնել»,- ասաց նախկին թաղապետը:

Նշեց, որ «Վանանդ Կաթ» ՍՊԸ-ից սուտ խոստումներ են իրեն տվել, խաբել, որ մեծ հեռանկարներով բիզնես են դրել, եւ վարկը կարճ ժամանակում փակվելու է: «Ժամանակին Գեւորգ Բալասանյան անունով մի «մաշեյնիկ» եկավ, համոզեց, վարկ վերցրինք, պարզվեց՝ ոտքից գլուխ պարտքերի մեջ է թաղված: Երաշխավորեցի, գումարը վերցրեց, պարտքերը փակեց: Խաբեցին, թե գազելներ ունեն, պանրի գործ են անում, հնարավորություններ ունեն»,- պատմեց Սարգիս Հովհաննիսյանը: 

«Հայրենիք» կինոթատրոնի սեփականատերը հումորով նկատեց, որ իրեն շատերը հիշում են՝ որպես «նախկին հանրապետականի», քանի որ եղել է ՀՀԿ անդամ, երբ զբաղեցրել է Շենգավիթ համայնքի ղեկավարի պաշտոնը. «2011 թվականից, ինչ դուրս եմ եկել Հանրապետական կուսակցությունից ու հրաժարվել Շենգավիթ վարչական շրջանի ղեկավարի պաշտոնից, մեկնել եմ Ռուսաստան, այնտեղ եմ աշխատում: Համաձայնվել, շենքը տվել էի, դու մի ասա՝ այդ «մաշեյնիկ»-ը գույքի համար ընդհանրապես գումար չի մուծում»:

«Վանանդ Կաթ» ՍՊԸ-ի սեփականատերն այս պահին Գարեգին Ալեքսանյանն է: Նա նախկին սեփականատերերի հետ որեւէ առնչություն չունի: ՍՊԸ-ն ձեռք է բերել որոշակի գումարի դիմաց: Գարեգին Ալեքսանյանի իրավապաշտպան Սեդրակ Մկրտչյանը ՀԺ-ին հայտնեց, որ այս պահին գործը վճռաբեկ դատարանում է եւ դեռ պարզ չէ՝ վարույթ կընդունվի, թե կմերժվի: Իրավապաշտպանը չցանկացավ մանրամասներ հայտնել:

Մինչդեռ Սարգիս Հովհաննիսյանը վստահեցրեց, որ դատավարական այս քաշքշուկների զոհ է նաեւ ՍՊԸ-ի տնօրենը: Նա վստահեցրեց, որ գույքն ամեն գնով հետ կվերցնի, գումար կտա, կառնի՝ աճուրդով լինի, թե մեկ այլ ձեւով, բայց կվերցնի:  «Հայրենիք»-ը միայն իմը չէ, դա ընտանիքինս է, մեր ամբողջ ազգինն է: Աճուրդով էլ պետք է առնեմ, եթե առնելու լինեմ»,- ասաց նա:

Հովհաննիսյանից հետաքրքրվեցինք, թե տարիներ առաջ ի՞նչ նպատակով է ձեռք բերել «Հայրենիք» կինոթատրոնը եւ ինչո՞ւ մինչեւ օրս չի կարողացել այն իր նպատակին ծառայեցնել: Սեփականատերը նշեց, որ շենքը միշտ ծառայել է մշակույթին, միջոցառումների իրականացման համար տարածքն անվճար է տրամադրվել. «Չի կարող որեւէ մեկը գալ եւ ասել, որ այնտեղ ինչ-որ միջոցառում անելու համար փող է տվել: Շատ է եղել, որ մշակույթից դուրս՝ այլ նպատակի ծառայեցնելու համար են խնդրել, բայց մերժել եմ: Հիմա հենց այս բանկային խնդիրները լուծենք, շենքը սարքելու եմ 100 տոկոսանոց մշակույթի կենտրոն»,-ասաց նա:

Տասնյակ տարիներ է, ինչ հայտնի ճարտարապետ Գրիգոր Աղաբաբյանի նախագծած «Հայրենիք» կինոթատրոնի շենքի դռները կողպված են։ 1951 թվականի «Սովետական Հայաստանի» մայիսի 1-ի համարում, որն ամբողջությամբ նվիրված է եղել «Աշխատավորների օրվան», վերջին էջի այն հատվածում, որտեղ սովորաբար տեղ էին գտնում թատրոնների ու կինոթատրոնների այդ օրվա խաղացանկերը, մի փոքրիկ անկյունում գրված է եղել. «Երևան քաղաքի Ստալինյան ռայոնում բացվում է նոր կինոթատրոն՝ «Հայրենիք»: Ցուցադրվելու է գունավոր գեղարվեստական ֆիլմ՝ «Բեռլինի անկումը»:

68 տարի անց «Հայրենիք» կինոթատրոնում ակտիվություն է նկատվել միայն ընտրությունների ժամանակ, երբ շենքում կուսակցական շտաբներ են տեղակայվել, կամ էլ այս կամ այն թեկնածուի պաստառները՝ փակցվել պատերին: «Խնդրել են, մերժում չեն ստացել: Այս տարի եկան նույն «Իմ քայլից», խնդրեցին, դարձյալ տվեցի»,-նշեց Հովհաննիսյանը:

Արշակունյաց պողոտա 38 հասցեում գտնվող եւ աճուրդի հանված շինության ընդհանուր մակերեսը՝ 1513,7 քմ է: «Հայրենիք» արտադրական կոոպերատիվի, այսօր արդեն «Հայրենիք» կինոթատրոնի գործունեությունը նախկինում եղել է կինոֆիլմերի ցուցադրումը, պլաստմասե իրերի արտադրությունը, պարենային ապրանքների մանրածախ եւ մեծածախ առեւտուրը, կենցաղային եւ տնտեսական ապրանքների, հագուստի եւ կոշիկի մանրածախ ու մեծածախ առեւտուրը:

1996 թվականի հուլիսի 16-ին Սարգիս Հովհաննիսյանի հետ կնքվել է սեփականաշնորհման պայմանագիր: Գույքի գինը, համաձայն կառավարության 1996 թվականի մասիսի 22-ի 156 որոշման, կազմել է 165 միլիոն 641 հազար 955 դրամ: Այժմ այն աճուրդի է հանվել կրկնակի գնով, սակայն սեփականատերը պատրաստ է ավելին էլ վճարել, միայն թե չկորցնի շենքը:

Տպել
4623 դիտում

Թուրքական «Խաղաղության աղբյուրը». բոլորը կողմ են՝ դեմ խոսելով

ԿԲ նախագահ Արթուր Ջավադյանը հանդիպել է China Union Pay կազմակերպության խորհրդի նախագահի հետ

Զոհրաբ Մնացականյանը հանդիպել է Վրաստանի ԱԳ նախարար Դավիթ Զալկալիանիի հետ

Շվեդիան չեղարկել է Թուրքիային զինտեխնիկա մատակարարելու բոլոր թույլտվությունները

Բեթհովենի 250-ամյակին և բեռլինյան պատի 30-ամյակին նվիրված միջոցառումներ կանցկացվեն. հանդիպում Գերմանիայի դեսպանի հետ

Տավուշի մարզում Porsche-ն մի քանի պտույտ գլորվելով ընկել է ձորակը. կա 1 զոհ, 1 վիրավոր

ՀՀ ֆուտբոլի հավաքականը պարտվեց ու գործնականում կորցրեց Եվրո 2020-ում հայտնվելու հնարավորությունը

ՀՀ պաշտպանության նախարարն ընդունել է Լիտվայի դեսպանին

Ադրբեջանը բողոքի նոտա է հղել Ռուսաստանին՝ պատգամավոր Զատուլինի՝ Արցախ կատարած այցի պատճառով

ՀՀ ֆուտբոլի հավաքականը 2-րդ գոլը բաց թողեց Ֆինլանդիայից. արդեն պարտվում է 0:2

Ինչ եկամուտներ են հայտարարագրել ԱԱԾ ՊՊԾ արդեն նախկին պետ Գրիգորի Հայրապետովը, նրա կինն ու դուստրը

Խաղաղություն ու բարօրություն վրաց ժողովրդին. Ամենայն Հայոց Կաթողիկոսն ընդունեց Վրաստանի վարչապետին

Ոստիկանության Հրազդանի բաժնում մեծ քանակությամբ տարբեր տեսակի զինամթերք է հանձնվել (տեսանյութ)

ՀՀ ֆուտբոլի հավաքականը գոլ բաց թողեց Ֆինլանդիայի դեմ խաղում. պարտվում է 0:1

Հակատուբերկուլոզային դիսպանսերը դեռ չի փակվի, սակայն քննարկվում է կառույցին տրվող ֆինանսական միջոցների կրճատման հարցը

ՀՀ Ազգային ժողովի նախագահը ելույթ է ունեցել Միջխորհրդարանական միության 141-րդ նստաշրջանում

Վարչապետ Փաշինյանի անունից ի պատիվ Գեորգի Գախարիայի տրվել է պաշտոնական ընթրիք

Համալիր մարզումներ են իրականացվել ՊՆ հակաօդային պաշտպանության ստորաբաժանումում

ՀՀ պաշտպանության նախարարը հետևել է խաղաղապահների վարժանքներին

Գրիգորի Հայրապետովն ազատվել է ԱԱԾ պետական պահպանության ծառայության պետի պաշտոնից