Այսօր անցկացվել է Իջեւանի բժշկական կենտրոնի տնօրենի մրցույթ. թեկնածուներից մեկը բոյկոտել ու դուրս է եկել քննասենյակից

Այսօր՝ հոկտեմբերի 1-ին, Տավուշի մարզպետարանում անցկացվել է Իջեւանի բժշկական կենտրոնի տնօրենի թափուր պաշտոնի մրցույթ: Բայց մասնակիցներից մեկը՝ հաստատության տնօրենի պաշտոնակատար, նույն պաշտոնի հավակնորդ Վազգեն Մարգարյանը, բոյկոտել ու քննական սենյակից դուրս է եկել մրցույթը սկսվելուց ընդամենը րոպեներ անց:

Գրավոր փուլի ժամանակ նա հայտնաբերել է, որ թեստում ընդգրկված առաջադրանքների ճնշող մեծամասնությունը դուրս է այն հարցերի շրջանակից, որոնք, համաձայն կարգի, նախապես տրամադրվել են իրեն՝ որպես թեկնածուի, մրցույթին պատրաստվելու համար: Այսինքն՝ թեստում ներառված հարցերը, ըստ Մարգարյանի, պետք է ընտրված լինեին բացառապես տվյալ հարցաշարից:

«Համակարգչով թեստը հանել, տվել են: Առաջին երեք-չորս հարցի պատասխանները հանգիստ ռեժիմով արագ-արագ գրում եմ, որովհետեւ դրանք ինձ տված հարցաշարում կային: Հետո մեկ էլ տեսնում եմ՝ գալիս է մեկը՝ անծանոթ, երկրորդը՝ անծանոթ, երրորդը, տասներորդը, քսաներորդը, հիսուներորդը»,- ասաց բուժհաստատության տնօրենի պաշտոնի հավակնորդ Վազգեն Մարգարյանը: Այդ իրավիճակը տեսնելուց հետո էլ դադարեցրել է մրցույթին իր մասնակցությունը, բողոքի դիմում է գրել եւ հեռացել: Տեղի ունեցածի մեջ նա դիտավորություն է տեսնում: Նախ, ինչպես նշեց, մինչեւ մրցույթն արդեն լուրեր են պտտվել, որ իր մրցակից Էդուարդ Գրիգորյանը մարզպետի նախընտրելի թեկնածուն է, հետո էլ մրցույթի ընթացքում պարզվել է, որ նրա թեստի ու մինչեւ այդ տրամադրված հարցաշարի միջեւ անհամապատասխանություն չկա, ինչն իր դեպքում էր, թեպետ մրցույթի ընթացքում երկու մասնակիցներին տրամադրված թեստն էլ նույնն է եղել:  

«Նա իրենց ընտրած մարդն է՝ մարզպետի համագյուղացին, որին պիտի անցկացնեին: Այդ խոսակցությունները վաղուց կային: Նույնիսկ նախկին ռեժիմի ժամանակ նման ձեւի անբարոյական վերաբերմունք ցույց չէին տալիս, ես երեք անգամ այդ մրցույթներին մասնակցել եմ: Գոնե ձեւական արդարության մրցույթի սկզբունքը պահպանում էին: Հետո այնպես էին անում, մյուս մասնակիցն էլ էր անցնում երկրորդ փուլ, երկուսով-երեքով հաղթում էինք, մարզպետը ինքն էր որոշում՝ այդ դեպքում ում նշանակի տնօրեն: Բայց այս ձեւով անելը, ես չգիտեմ՝ սրանք առյուծի սի՞րտ են կերել՝ կարգը խախտելով, անօրինական քայլերի դիմելով: Մեղքը գցում են այն կնոջ վրա, որը մեզ հարցաշարերը տվել է՝ պարապելու. «Կարող է իր թերացումն է, մենք իրեն կպատժենք»: Ասում եմ՝ ինքը այստեղ կապ չունի, դուք չփորձեք իրեն մեղադրել»,- պատմեց Վազգեն Մարգարյանը:

«Խոսակցություններ կային, որ (մյուս թեկնածուն) մեծ ֆինանսական միջոցներ է տրամադրել Իջեւանի բժշկական կենտրոնի տնօրեն դառնալու համար, հիմա էլ ապացուցվեց, որ խոսակցությունները իրականություն են դառնում, որովհետեւ ամենագռեհիկ ձեւով մրցույթի իրավահավասարությունը, ազնվությունը խախտելով՝ սուբյեկտիվ մոտեցում դրսեւորեցին»,- լսածն ու տեսածը զուգահեռ անցկացրեց մեր զրուցակիցը:

Նա պատրաստվում է դատական կարգով բողոքարկել մրցույթի արդյունքները:

Տավուշի մարզպետ Հայկ Չոբանյանի խոսնակ Գագիկ Աղբալյանը, փոխանցելով մասնավորապես մրցութային հանձնաժողովի նախագահ Արբակ Գրիգորյանի պարզաբանումները, ասաց, որ մրցույթին մասնակցելուց հրաժարված Վազգեն Մարգարյանն իր դիմումը հասցեագրել է մարզպետին: Այդ գրության մեջ տեղ գտած պնդումների կապակցությամբ անցկացվելու է ծառայողական քննություն՝ պարզելու համար՝ արդյոք որեւէ մեկը միջամտե՞լ է, որպեսզի մրցույթը կողմնակալ կազմակերպվի:

«Վազգեն Մարգարյանը նախորդ տարիներին երկու անգամ նույն թեստերով նմանատիպ մրցույթում հաղթել է»,- այդուհանդերձ նկատեց մարզպետի խոսնակը: Նաեւ ավելացրեց. «Այն, որ ինքը հրաժարվել է մրցույթին մասնակցելուց, իրեն զրկել է դրա արդյունքները բողոքարկելու հնարավորությունից, ինչը շատ զարմանալի է ու ի վնաս պարոն Մարգարյանի: Նա կարող էր մասնակցել ու բողոքարկել մրցույթի արդյունքները»: Պետք է ենթադրել, սակայն, որ Իջեւանի բժշկական կենտրոնի տնօրենի պաշտոնի հավակնորդի բողոքի շեշտադրումը վերաբերելու է մրցույթի ընթացակարգն ու հավասարության սկզբունքը չպահպանելուն, ինչի դեպքում մասնակցությունը կարող է պարտադիր չլինել:

Ինչ վերաբերում է Վազգեն Մարգարյանի այն պնդմանը, թե իր մրցակից, Բերդ քաղաքի զինվորական հոսպիտալի նախկին պետ Էդուարդ Գրիգորյանը Տավուշի մարզպետի համագյուղացին է, Աղբալյանը չհերքեց: Բայց նաեւ հավաստիացրեց, որ այս մրցույթում նրա հաջողությունը կապ չունի նշված հանգամանքի հետ եւ դա չէր կարող վճռորոշ լինել:

«Սահմանամերձ մարզում՝ այն էլ առողջապահության ոլորտի կառույցի գործունեության դեպքում այդ ճոխությունը չենք կարող թույլ տալ, որ ուղղակի նշանակվի ինչ-որ մեկը, որը մարզպետի կամ այլ պաշտոնյայի բարեկամն է: Սա բացառվում է: Բայց նաեւ եթե որեւէ մասնագետ կարողանում է հաղթել ինչ-որ մրցույթում, որեւէ պաշտոնյայի համագյուղացի լինելը չպիտի խոչընդոտ հանդիսանա, որպեսզի այդ մարդը աշխատի այնտեղ, որ պետք է աշխատի: Մարզպետարանում կան հայեցողական բազմաթիվ պաշտոններ, բայց որեւէ պարագայում չի նշանակվել մարդ, որը Հայկ Չոբանյանի ընկերն է, համագյուղացին է: Ավելին, Տավուշի մարզում աշխատելու են հրավիրվել մարդիկ, որոնք այս կամ այն ոլորտում աչքի ընկնող մասնագետներ են ու կարող են աշխատանքի բարձր մակարդակ ապահովել»,- շեշտեց մարզպետի խոսնակը: Ուշադրություն հրավիրեց այն փաստի վրա, որ ամիսներ առաջ Վազգեն Մարգարյանին էլ մարզպետն էր նշանակել Իջեւանի բժշկական կենտրոնի տնօրենի պաշտոնակատար: «Կարելի է հիշել, որ ցանկացած նման նշանակում, հատկապես Իջեւանի բժշկական կենտրոնում, տարբեր ժամանակներում տարբեր դժգոհությունների տեղիք է տվել: Ամեն դեպքում հաղթողը լինում է մեկը»,- ասաց նա:

Տպել
3948 դիտում

Ադրբեջանական կողմը վերադարձրել է Քասախ համայնքի երկու բնակիչներին. ԱԱԾ

Պարզվել է՝ որպես ադրբեջանցի լրտեսներ բերման ենթարկված 3 անձինք Իրանից ժամանած զբոսաշրջիկներ են. ոստիկանություն

Աշխարհի 25 ամենահարուստ ընտանիքների ընդհանուր կարողությունը կազմում է 1.7 տրիլիոն դոլար․ ովքեր են նրանք

Ալավերդու չգործող պղնձաձուլարանում 183 աշխատակից ևս 2 ամիս աշխատավարձ կստանա. պատգամավոր

Անթիլիասի Մայրավանքում կատարվել է ՀՀ վերանկախացման 30-ամյակի Գոհաբանական մաղթանք

Արման Ծառուկյանը նոկաուտի է ենթարկել ամերիկացի մրցակցին (տեսանյութ)

Մակրոնը չեղարկել է Շվեյցարիա կատարելիք այցը. արգելվել են նաև բոլոր բարձր մակարդակի շփումները

«Հայրենիքիս հետ». երգ՝ նվիրված ՀՀ անկախության 30-ամյակին (տեսանյութ)

Պետական եկամուտների կոմիտեի բոուլինգի թիմը հաղթող է ճանաչվել պետական հիմնարկների բոուլինգի մրցաշարում

Դադարեցվել է Երևանի մի շարք հասցեների գազամատակարարումը

Առաջիկա օրերին ՀՀ որոշ շրջաններում սպասվում են ամպրոպ և անձրև. ջերմաստիճանը կբարձրանա

Թբիլիսիի հայկական թատրոնը Բաթումիում 2 ներկայացում կխաղա

Այսօր պատվաստված քաղաքացիները ստացել են Երևանի Դրամատիկական թատրոնի ներկայացման տոմսեր

Վրաստանում կորոնավիրուսից վերջին 24 ժամվա ընթացքում մահացել է 43 հիվանդ

Վախճանվել է անվանի գիտնական Էդվարդ Չուբարյանը

Չարենցի Կամար հուշարձանի վրա անհայտ անձանց կողմից արվել են գրություններ (լուսանկարներ)

Երևան-Սևան ավտոճանապարհին մեքենա է հրդեհվել

«Անկախ հայրենիքիս հետ»․ Անկախության 30-ամյակի առթիվ Կառավարությունը հոլովակներ է հրապարակել

Հույս ունենք՝ ձերբակալված վարորդներն անհապաղ ազատ կարձակվեն. Իրանի ԱԳՆ ներկայացուցիչ

Խոսել եմ անհետացածների ընտանիքների անդամների հետ. ՄԻՊ-ը՝ Քասախի 2 բնակիչների անհետացման մասին

Գավառ քաղաքում այրվել է մոտ 1500 հակ կուտակած անասնակեր

Մեկնարկել է «ՀՀ Վարչապետի գավաթ» սիրողական խճուղային հեծանվավազքի մրցաշարը. կլինեն 80 մրցանակակիրներ

Դեսպան Կոպիրկինը գոհ է ՌԴ Պետդումայի՝ Հայաստանում անցկացվող ընտրությունների ընթացքից

Խաչիկ համայնքում աշխարհի ամենամեծ և ռեկորդային չափսեր ունեցող գաթան են թխել (լուսանկարներ)

Ինչ դեր են ունեցել «Բայրաքթար»-ները. ԱՄՆ կոնգրեսում Թուրքիային և Ադրբեջանին պատժելու առաջարկներ են ներկայացվել

Հրդեհ Կարենիս գյուղում. այրվել է անասնագոմն ու պահեստավորված մեծաքանակ անասնակերը

Արցախում ցեմենտի ժամանակակից գործարանը կարտադրի նաև այլ շինանյութ. ԱՀ նախագահն այցելել է գործարան (տեսանյութ)

«Ավան» հոգեկան առողջության կենտրոնում բացվել է ստացիոնար բաժանմունք երեխաների համար (տեսանյութ)

Մասնակցել եմ Արցախի հերոս զավակ Բենիամին Պետրոսյանի հիշատակը հավերժացնող կոթողի բացման արարողությանը. ԱՀ նախագահ

«Արևիկ» ազգային պարկի տարածքում հրդեհաշիջման աշխատանքները շարունակվում են (տեսանյութ)

Տեղեկություններ կան Քասախի 2 բնակչի՝ Ադրբեջանի վերահսկողության տարածքում հայտնվելու մասին. ԱԱԾ

Արմեն Սարգսյանը «Մտքերի գագաթնաժողովի» շրջանակում ներկա է գտնվել պանելային քննարկումների (տեսանյութ)

Արամ Ա հայրապետն ընդունել է Հայկական բարեգործական ընդհանուր միության նախագահին

Էրեբունի վարչական շրջանի սուպերմարկետներում խախտումներ չեն արձանագրվել. ՍԱՏՄ

Հաստատվել է կորոնավիրուսային հիվանդության 507 նոր դեպք. գրանցվել է 18 մահ 1 օրում

Մի քանի ժամ լույս չի լինելու Երևանի ու 7 մարզերի մի շարք հասցեներում

Ոստիկանության Չարբախի բաժանմունքի դիմաց Infiniti-ն բախվել է 5 մեքենայի . կան վիրավորներ

Գյումրու «Մուշ» թաղամասում 40 ընտանիքի համար շենքեր են կառուցվում. Պապիկյան

Արզնի գյուղում այրվել է կայանված «Opel Vectra» մակնիշի ավտոմեքենա

Առանց մասսայական հավաքների, զարդ ու զարդարանքների, բայց՝ ներկայանալի. նշվեց Գյումրու օրը (լուսանկարներ, տեսանյութ)