Դավիթ Սանասարյանը մտել էր մի դաշտ, որտեղ չէին սպասում ՊՎԾ գործունեությանը․ պաշտպան Իննեսա Պետրոսյան

Պետական վերահսկողության ծառայության՝ լիազորությունները կասեցված ղեկավար Դավիթ Սանասարյանի գործով ի սկզբանե երեւում էր, որ ուղղորդված քննություն պետք է լինի եւ ակնհայտ էր, որ ինչ-որ մի տեղից ղեկավարվում էր այդ գործընթացը, քանի որ այդ պահին նրա նկատմամբ քրեադատավարական խախտումներն ակնհայտ էին: Այս մասին այսօր՝ մամուլի ասուլիսի ժամանակ, ասաց Դավիթ Սանասարյանի պաշտպան Ինեսսա Պետրոսյանը:

«Եթե արդեն հարց էր ծագել, որ կարող է պատահի Պետական վերահսկողության ծառայության բարձրաստիճան պաշտոնյան որպես կասկածյալ հարցաքննվի կամ մեղադրանք առաջադրվի, միանշանակ էր, որ գործը պետք է տեղափոխվեր Հատուկ քննչական ծառայություն: Բայց իրենք այդ ճանապարհով չգնացին, նույնիսկ այն բանից հետո, երբ պաշտպանական կողմը հայտնեց բացարկի միջնորդություն: Այդ միջնորդությունը նույնպես կոպիտ խախտմամբ մերժվեց, քանի որ Քրեական դատավարության օրենսգիրքը հստակ սահմանում է, որ նման գործերը պետք է գտնվեն ՀՔԾ տիրույթում: Այս դեպքում արդեն ակնհայտ էր, որ Դավիթ Սանասարյանի նկատմամբ ուղղորդված ու պատվիրված քննություն պետք է տեղի ունենար»,- մեկնաբանեց Պետրոսյանը:

Պաշտպանի պնդմամբ՝ քանի որ Դավիթ Սանասարյանը մտել էր մի դաշտ, որտեղ չէին սպասում ՊՎԾ գործունեությանը, որոշ անձինք սկսեցին ուղղորդել այդ գործը, եւ ստացվեց այնպիսի իրավիճակ, որ այդ գործով անցնող մեղադրյալները, որոնք գտնվում էին նախնական կալանքի տակ, արդեն սկսում են այնպիսի դիմումներ ներկայացնել քննիչին, ինչպիսիք են առանձին տեսակցությունները՝ առանց պաշտպանների ներկայության:

«Այդ ձեռագիրն ակնհայտ էր: Մենք իրականում տեսանք, որ գործը սարքվել էր, որովհետեւ 2-3 կալանավորված անձինք անընդհատ առանձնատեսակցություն են խնդրել վարույթն իրականացնող մարմնից եւ խոսել, եւ դրանից հետո չի եղել մի փաստաթուղթ, թե ինչի՞ մասին են իրենք զրուցել, ու հանկարծ հայտնվում են Դավիթ Սանասարյանի դեմ ցուցմունքները: Այստեղ մեկ նպատակ էր հետապնդում վարույթն իրականացնող մարմինը, որ անմիջապես կասեցվեին մեր պաշտպանյալի լիազորությունները: Այդ պահին նա պետք է մեկուսացվեր այն աշխատանքից, որին լծված կատարում էր»,- նշեց Պետրոսյանը՝ եւս մեկ անգամ շեշտելով, որ մեղադրանքն ի սկզբանե շինծու է եղել, եւ իրենք հույս ունեին, որ դատախազությունն այդ ճանապարհով չէր գնա։ Նրա խոսքով՝ Սանասարյանի մասով մեղադրական եզրակացություն չէր կարող հաստատվել, նրա նկատմամբ քրեական հետապնդումը պետք է դադարեցվեր, իսկ մյուսների մասով պետք է որոշեր նախաքննական մարմինը դատախազության հետ համատեղ։

Պաշտպանն ասաց, որ սեպտեմբերի 13-ին բողոք է ներկայացվել եւ դատախազության կողմից առ այսօր գրավոր որեւէ պատասխան չեն ստացել․

«Մենք միայն տեղեկացաք մամուլից, եւ ես լրիվ պատահական տեսա այդ օրը, երբ գործը տեղափոխվում էր դատարան, որ մեղադրական եզրակացությունը հաստատվել է: Միջնորդություն էինք ներկայացրել նաեւ, որ պարոն Սանասարյանի պաշտոնավարումը վերականգնվի, դրա պատասխանը նույնպես չենք ստացել»,- նշեց Իննեսա Պետրոսյանը:

Հիշեցնենք, որ Դավիթ Սանասարյանի եւ մյուսների գործն արդեն ուղարկվել է Երեւան քաղաքի ընդհանուր իրավասության դատարան եւ մակագրվել դատավոր Դավիթ Բալայանին: Դավիթ Սանասարյանին մեղադրանք է առաջադրվել այն բանի համար, որ նա, հանդիսանալով ՀՀ պետական վերահսկողական ծառայության ղեկավար, ունենալով ծառայության անմիջական ղեկավարումն իրականացնելու, ծառայության աշխատակիցներին նշանակելու և ազատելու, կարգապահական տույժի ենթարկելու, վերահսկվող օբյեկտներում ուսումնասիրություններ իրականացնելու հանձնարարագրեր տալու, վերահսկվող օբյեկտներից ծառայության գործառույթներին առնչվող տեղեկություններ և փաստաթղթեր պահանջելու լիազորություններ, խմբային շահերից ելնելով, իր պաշտոնեական դիրքն օգտագործել է ծառայության շահերին հակառակ, ինչպես նաև չի կատարել իր ծառայողական պարտականությունները: Նրա նկատմամբ որպես խափանման միջոց է ընտրվել չհեռանալու մասին ստորագրությունը։

Մեղադրանք է առաջադրված նաեւ ՊՎԾ աշխատակիցներ Գևորգ Խաչատրյանին, Սամվել Ադյանին եւ վերջինիս մտերիմ Տարոն Ավետիսյանին։

Տպել
348 դիտում

Շանն ուղղված կրակոցից տուժած 32-ամյա կինը հողամասում աշխատում էր. կրակողը դեռ չի բացահայտվել

Կանայք կազմում են բնակչության կեսը, նրանք պետք է զբաղեցնեն որոշումներ կայացնող պաշտոններ․ Լենա Նազարյան

Նյութերի նախապատրաստման ընթացքում անհրաժեշտություն է առաջացել բացատրություն վերցնել Թովմասյանի մոտ ազգականներից. ԱԱԾ

ՍԴ դատավորները հետևում են Հրայր Թովմասյանի և նրա ընտանիքի անդամների հետ կապված զարգացումներին

Ինչպես բարձրացնել կուսակցությունների թափանցիկությունը, հրապարակայնությունն ու հաշվետվողականությունը․ Արմեն Մազմանյան

Ալավերդի քաղաքի տարածքով անցնող հատվածում մեկնարկել են հին կոյուղագծերը նորով փոխարինելու աշխատանքները

ՍԴ նախագահ Հրայր Թովմասյանի հայրը հրավիրվել է ԱԱԾ

Լոռու մարզի Սվերդլով բնակավայրի մի շարք թաղամասեր 1 ամիս է՝ ջուր չունեն. բնակիչ

Կառավարությունում տեղի է ունեցել Հայաստանի ինովացիոն զարգացմանը նվիրված հանդիպում

Աշոտ Ղուլյանն ու ՀՀ հանրային կապերի և տեղեկատվության կենտրոնի ներկայացուցիչները քննարկել են համագործակցության հարցեր

Կարող ենք պատասխանել բոլոր զրպարտանքներին, բայց գործով կատարվում է նախաքննություն եւ կսպասենք. Հանրապետական ծննդատուն

Արսեն Թորոսյանին նորից դատի են տվել. պահանջում են հերքում, ներողություն եւ մինչեւ 3 մլն դրամ փոխհատուցում

Հայ-վրացական սահմանով ՀՀ մտնող մեքենաները մաքսազերծվելու են Հյուսիսային ավտոմաքսատանը՝ անկախ բերվող երկրից. ՊԵԿ

Ջրօգտագործման ոլորտում կոռուպցիոն չարաշահումների քրգործերով պետությանը պատճառվել է 5,7 միլիարդ դրամի վնաս

ՊՆ փոխգնդապետին ծեծի ենթարկելու կասկածանքով կալանավորված Վայոց ձորի նախկին մարզպետի օգնականն ազատվել է աշխատանքից

«Փոխանցիր հեշտ, ստացիր արագ». ակցիա ՀԱՅԲԻԶՆԵՍԲԱՆԿԻ կողմից

Վարչապետի գլխավորությամբ տեղի է ունենում Անվտանգության խորհրդի նիստ

Ի՞նչ կարող է տալ Հայաստանին Երեւանի՝ Booking.com-ի ամենաթրենդային քաղաքների 10-նյակում հայտնվելը

Հարուցվել է քրգործ՝ Ավանում տեղի ունեցած կրակոցների դեպքի առթիվ. հայտնաբերվել է 3 կրակված պարկուճ, 1 գնդակ

Պետք է փոխվեն հաստատված «խաղի կանոնները», երբ հաղթողը ստանում է ամեն ինչ․ մեկնարկել են խորհրդարանական լսումները