Ոստիկանությունը Ճըվճվ Արոյի որդիների նկատմամբ «վենդետա» օպերացիա է սկսել. խմբագրական

Նախանցած գիշեր Երեւանի կենտրոնում տեղի ունեցած ողբերգական ավտովթարը խլեց երկու երիտասարդների՝ ՃՈ աշխատակիցների կյանք: Մամուլը հեղեղված է ավտովթարի հեղինակ Ճըվճվ Արոյի որդու՝ Սարգիս Վարդանյանի (ձախ նկարում), մեղմ ասած, «հարուստ» կենսագրության մասին տեղեկություններով: Պակաս «հարուստ» չէ նաեւ նրա եղբոր՝ Սերժ Վարդանյանի կենսագրությունը: Նրանց «կյանքի ու գործունեության» յուրաքանչյուր դրվագ ուսումնասիրելով՝ ակնհայտ է դառնում, որ այդ երիտասարդները կարող էին հիմա լինել ճաղավանդակների ետեւում, բայց ամեն անգամ հայկական արդարադատությունն ու իրավապահ համակարգը խիստ մեղմ են գտնվել նրանց նկատմամբ: Եղբայրների անունները նախկինում էլ հաճախ են շոշափվել տարատեսակ հանցագործությունների վերաբերյալ տեղեկատվություններում:

Սա արդեն իսկ տարակուսելի է դարձնում մեր իրավապահների անաչառությունն ու օբյեկտիվությունը: Բայց տվյալ դեպքում կարելի է նման ենթադրություններին հակադարձել, թե կա անմեղության կանխավարկած, պատժի համաչափություն եւ իրավական այլ տերմիններ: Շատ լավ: Բայց այն, ինչ տեղի ունեցավ ավտովթարից անմիջապես հետո, ցույց է տալիս, որ այս ավտովթարում մեղքի իրենց բաժինը ունեն նաեւ իրավապահները: Խնդիրն այն է, որ վթարից անմիջապես հետո վթարի հեղինակի եղբոր՝ Սերժ Վարդանյանի նկատմամբ իրավապահները հայտարարեցին հետախուզում, հայտնաբերեցին ու ձերբակալեցին: Եվ դա, ուշադրություն, մի քանի ամիս առաջ տեղի ունեցած իրադարձությունների համար:

Ըստ իրավապահների, 2017 թվականի սեպտեմբերի 12-ին «Երեւան քաղաքի Հր. Քոչար փողոցի կամուրջի հարեւանությամբ կայանված «Օպել Աստրա» մակնիշի ավտոմեքենայի սրահում Սերժ Արայի Վարդանյանը բացահայտ կերպով պոկելու եղանակով հափշտակել է Կարեն Արայի Գասպարյանի պարանոցի՝ զգալի չափերի 200.000 ՀՀ դրամ արժողությամբ ոսկյա վզնոցը: Դեպքի առթիվ 05.10.2017թ. ՀՀ ոստիկանության Արաբկիրի բաժնում՝ ՀՀ քրեական օրենսգրքի 176-րդ հոդվածի 1-ին մասի հատկանիշներով (կողոպուտ) հարուցվել է քրեական գործ: «Կատարած հանցավոր արարքի համար Սերժ Վարդանյանին 13.10.2017թ. մեղադրանք է առաջադրվել ՀՀ քր. օր.-ի 176-րդ հոդվածի 1-ին մասով եւ խափանման միջոց է ընտրվել ստորագրություն չհեռանալու մասին»:

Երկրորդ դրվագով դեպքը տեղի է ունեցել անցած տարվա նոյեմբերի 26-ին « մի խումբ երիտասարդներ Ն. Զարյան 24 հասցեում գտնվող «Աֆրիկյաններ» ռեստորանային համալիր թիվ 3-րդ առանձնասենյակում, իրենց անձի թվացյալ առավելությունն ի ցույց դնելու մղումով, հասարակական կարգը կոպիտ կերպով խախտելով, բացահայտ անհարգալից վերաբերմունք դրսեւորելով այդ պահին ռեստորանում գտնվող հաճախորդների եւ աշխատակիցների նկատմամբ, շուրջ 5-10 րոպե վիճաբանել են սեռական բնույթի հայհոյանքներ տալու համար իրենց դիտողություն կատարած նշված ռեստորանային համալիրի մատուցող Հովհաննես Գասպարյանի հետ: Այնուհետեւ դուրս են եկել միջանցք, որտեղ Հովհաննես Գասպարյանի հասցեին սեռական բնույթի հայհոյանքներ տալով, վերջինիս նկատմամբ գործադրել են բռնություն, ինչի հետեւանքով խաթարվել է ռեստորանային համալիրի բնականոն աշխատանքը»:

Ուրեմն ի՞նչ է ստացվում: Իրավապահները նախկինում հիմքեր ունեին Սերժ Վարդանյանին ձերբակալելու, բայց ինչ-ինչ պատճառներով չեն ձերբակալել, այլ բավարարվել են չհեռանալու մասին ստորագրությամբ: Կամ հիմա չունեն հիմքեր, բայց ձերբակալել են, քանի որ նրա եղբայրը՝ Սարգիս Վարդանյանը, երկու ոստիկանների մահվան պատճառ է դարձել: Իհարկե, պաշտոնական ձեւակերպմամբ Սերժ Վարդանյանին կանչել են, ու նա չի ներկայացել: Բայց, թերեւս, ոչ ոք չի հավատա նման զուգադիպության. հենց այդ օրը նրան կանչել են հարցաքննության, ու հենց այդ օրը նա չի ներկայացել:

Ակնհայտ է, որ իրավապահներն առաջնորդվում են ոչ թե օրենքով, այլ անձնական վրեժ են լուծում: Ու այս դեպքում շատ դժվար է ասել՝ եթե ավտովթարի հետեւանքով զոհվեին ոչ թե ոստիկաններ, այլ, ասենք, բժիշկներ, ուսանողներ կամ թափառաշրջիկներ, իրավապահները նույնկերպ կգործեի՞ն: Թե հերթական անգամ կգտնեին որեւէ իրավական ձեւակերպում չբացակայելու մասին ստորագրություն վերցնելու եւ նրանց ազատ արձակելու համար:

Սա կրկին անգամ ցույց է տալիս, թե որքան աղճատված է մեր իրավապահ համակարգը: Որքան հեռու են մեր իրավապահներն իրենց իրական դերի ու գործառույթների գիտակցումից: Բավական է թերթել մամուլը, եւ կհամոզվենք, թե որքան հանդուրժող ու մարդասեր են մեր իրավապահները տարատեսակ պաշտոնյաների, օլիգարխների, քրեական հեղինակությունների ու նրանց «դաստիարակված» զավակների նկատմամբ, ու որքան խիստ ու անհանդուրժող են, օրինակ, հասարակական կարգը բողոքի ակցիաներով խաթարող երիտասարդների նկատմամբ:

Խաղաղ ցույցերից հետո հարյուրավոր երիտասարդների բաժիններ տանելու, նրանց նկատմամբ վարույթներ մոգոնելու, երբեմն նույնիսկ քրեական գործեր հարուցելու վրա մեր իրավապահներն այնքան ռեսուրս ու էներգիա են ծախսում, որ հասարակության համար իրոք վտանգ ներկայացնողների համար հավես ու ժամանակ չի մնում:

Տպել
10196 դիտում

Թուրքիան, Վրաստանը և Ադրբեջանը համատեղ զորավարժություն են պլանավորում

Լարսի ավտոճանապարհով երթևեկությունը վերականգնված է բոլոր տեսակի տրանսպորտային միջոցների համար

Երկար ժամանակով լույս չի լինելու Երևանի և 7 մարզերի մի շարք հասցեներում

Տեղեր գյուղի վանքին հարակից ժայռից 2 քաղաքացի ընկել է ձորակը. նրանց վիճակը միջին ծանրության է

«Հանրապետություն» կուսակցությունը մասնակցելու է Քաջարանի ՏԻՄ ընտրություններին

Քիչ առաջ Լարսում վերականգնվել է երթևեկությունը

Դատական համակարգում կան կլաններ, խմբավորումներ. Փաշինյանը՝ Ջհանգիրյանի և Վարդազարյանի մասնակցությամբ ձայնագրության մասին

Ավտոճանապարհային կապը ՌԴ-ի հետ կվերականգնվի երկու ժամվա ընթացքում. Վահան Քերոբյան

Քննարկվել են հոկտեմբերին Երևանում կայանալիք սամբոյի աշխարհի պատանիների և երիտասարդների առաջնությանն առնչվող հարցերը

Տեղի է ունեցել «ԿԱՆԱՉ Հայաստան» համատեղ հարթակի առաջին՝ քաղաքականությունների երկխոսությունը

Ինչ դիրքորոշում ունի վարչապետը ընդդիմադիր որոշ պատգամավորների մանդատից զրկելու վերաբերյալ

Միայն վերջին 3 ամսում էլեկտրական ինքնագլորից տուժած շուրջ 40 քաղաքացի է տեղափոխվել համալսարանական հիվանդանոց

Փոփոխություններ` «Ղարաբաղ Տելեկոմ» ցանցում ռոումինգ ծառայության պայմաններում

ԱԻ նախարարությունում քննարկվել են Հայաստանում սեյսմոլոգիական դպրոց կազմակերպելու հնարավորությունները

Նիկոլ Փաշինյանը հայտնեց, թե ովքեր են Արցախի հարցի նշաձողի իջեցման կոչ ներկայացնողները

Աննա Հակոբյանը այցելել է Ալպ-Մարիտիմի տարածաշրջանի «Սոֆիա Անտիպոլիս» տեխնոպարկ

Հունաստանում քննարկվել են «Պարսից ծոց-Սև ծով միջազգային տրանսպորտային միջանցքի» ստեղծման ուղղությամբ տարվող աշխատանքները

Վարչապետը նշեց պատճառները, թե ինչու Ադրբեջանը չի վերադարձնում հայ ռազմագերիներին

Խորհրդարանն ընտրել է Վճռաբեկ դատարանի վարչական պալատի դատավորների թեկնածուներ

Ադրբեջանը կաթիլ-կաթիլ փորձում է կուտակել նոր պատերազմի լեգիտիմություն. Նիկոլ Փաշինյան

Եթե առցանց չլիներ, կրկին առիթ կգտնեին բոյկոտելու. վարչապետի արձագանքը՝ որոշ լրատվամիջոցների՝ առցանց ասուլիսը բոյկոտելուն

«Վանաձոր» ՔԿՀ տեսակցության գնացած քաղաքացին կալանավորված անձին կասկածելի իր է փոխանցել

ՀԲ ներկայացուցիչները Գնել Սանոսյանին են ներկայացրել ջրային ոլորտում ենթակառուցվածքների զարգացման իրենց հետազոտությունը

Պետությանը պատկանող բնակելի տարածքներ են նվիրատվություն արվել ՀՀ քաղաքացիներին

Ծնողը գումարի պատճառով երեխային չէր տանում ստուգման․ ինչ անվճար հետազոտություններից կարող են օգտվել 0-18 տարեկանները

Արարատ Միրզոյանը Հունաստանի վարչապետին է ներկայացրել Հայաստան-Թուրքիա կարգավորման գործընթացի զարգացումները

Երեկոյան ժամերին սպասվում է կարճատև անձրև. առաջիկա օրերի եղանակային կանխատեսումը

Բուհերի ընդունելության երկրորդ փուլի քննությունները տեղի կունենան հուլիսի 4-ից 9-ը

Թունիսի նորանշանակ դեսպանն իր հավատարմագրերի պատճենն է հանձնել Հայաստանի ԱԳ նախարարի տեղակալին

Զվարթնոց թաղամասի մոտակայքում ավտոմեքենան բախվել է հեղուկ գազի լիցքավորման վահանակին

Անահիտ Ավանեսյանը և Նաթիա Նացվլիշվիլին անդրադարձել են առողջության ապահովագրության հայեցակարգի ներդրման հարցերին

Խաղաղությունը մեր սկզբունքը, մեր քաղաքականությունն ու ռազմավարությունն է. ՀՀ ԱԳ նախարար

«ՔոնթուրԳլոբալ Հիդրո կասկադ» ՓԲԸ-ն հայտարարում է մրցույթ

Քաղաքաշինության կոմիտեի ղեկավարը հետևել է մարզական կառույցների շինարարության ընթացքին

Անցած 3 օրում հանրապետությունում արձանագրվել է 48 ՃՏՊ. 2 մարդ զոհվել է

Յունիբանկի Բաժնետերերի տարեկան ընդհանուր ժողովն ամփոփեց 2021թ.-ի արդյունքները

Հայ երիտասարդները մասնակցել են «Eurasia Global» միջազգային երիտասարդական 7-րդ համաժողովին

Համբարձում Մաթևոսյանի գլխավորությամբ շարունակվում են համայնքներից ստացված սուբվենցիայի ծրագրային հայտերի քննարկումները

Մեկնարկել է Հայաստանի և Հունաստանի ԱԳ նախարարների հանդիպումը

Լիանա Հակոբյանը՝ Վճռաբեկ դատարանի վարչական պալատի դատավոր