Ես կարեկցում եմ Արսեն Թորոսյանին․ նրա գործողություններում հանցակազմ կա, եւ դա կեղծ ցուցմունքն է․ Դավիթ Սանասարյան

Ես զանգել եմ ԱԱԾ նախկին տնօրեն Արթուր Վանեցյանին եւ խնդրել եմ, որ հեմոդիալիզի թեման ԱԱԾ-ն ու ՊՎԾ-ն միասին փորձեն առաջ տանել։ Վանեցյանն ասաց՝ պետք է զեկուցի վարչապետին, որից հետո գործ հարուցվեց իմ դեմ։ Այս մասին այսօր՝ հրավիրված մամուլի ասուլիսի ժամանակ, ասաց ՀՀ պետական վերահսկողական ծառայության՝ լիազորությունները կասեցված ղեկավար Դավիթ Սանասարյանը։

Հիշեցնենք, որ ՀՀ գլխավոր դատախազության պետական շահերի պաշտպանության վարչությունում կատարված ուսումնասիրության արդյունքում քրեական գործեր են հարուցվել երկու բժշկական կենտրոնների ծառայողների կողմից հեմոդիալիզի պարագաների գնումների գործընթացները առեւտրային կազմակերպության ծառայողների կողմից լիազորությունների չարաշահմամբ կազմակերպելու դեպքերի առթիվ: ՊՎԾ ղեկավար Դավիթ Սանասարյանին մեղադրանք է առաջադրվել այն բանի համար, որ նա, հանդիսանալով ՀՀ պետական վերահսկողական ծառայության ղեկավար, ունենալով ծառայության անմիջական ղեկավարումն իրականացնելու, ծառայության աշխատակիցներին նշանակելու եւ ազատելու, կարգապահական տույժի ենթարկելու, վերահսկվող օբյեկտներում ուսումնասիրություններ իրականացնելու հանձնարարագրեր տալու, վերահսկվող օբյեկտներից ծառայության գործառույթներին առնչվող տեղեկություններ եւ փաստաթղթեր պահանջելու լիազորություններ, խմբային շահերից ելնելով, իր պաշտոնեական դիրքն օգտագործել է ծառայության շահերին հակառակ, ինչպես նաեւ չի կատարել իր ծառայողական պարտականությունները: Նրա նկատմամբ որպես խափանման միջոց է ընտրվել չհեռանալու մասին ստորագրությունը։ Մեղադրանք է առաջադրված նաեւ ՊՎԾ աշխատակիցներ Գեւորգ Խաչատրյանին, Սամվել Ադյանին եւ վերջինիս մտերիմ Տարոն Ավետիսյանին։

Հարցին՝ ինչո՞ւ է Սանասարյանը վստահել Սամվել Ադյանին, Սանասարյանը պատասխանեց, որ նա գնումների ոլորտի մասնագետ է, եւ իր գործունեության արդյունքում մի քանի հարյուր մլն դրամ վերականգնվել է պետբյուջե․ «Այսինքն, Ադյանը փաստացի օգուտ է տվել, բարեխիղճ վարք  է դրսեւորել»,- ասաց Սանասարյանը։

Ինչ վերաբերում է Արսեն Թորոսյանի ցուցմունքներին, Սանասարյանն արձագանքեց․

«Ես կարեկցում եմ Թորոսյանին, իմ պաշտպանն ասաց, թե նրա գործողությունների մեջ հանցակազմ չկա, բայց հանցակազմ կա, եւ դա կեղծ ցուցմունքն է։ Ես ասել եմ, որ իմ աշխատողն իրավունք չունի մասնակցել տենդերին: Թորոսյանն ասել է, որ ես էլ բիզնես ունեմ։ Կարեւորը դա չէ, կարեւորը պետության շահն է, իրեն հետաքրքիր չէր, որ պետական աշխատողը տենդերին մասնակցում է: Իմ հարցին ի պատասխան առերեսման ժամանակ Թորոսյանն ասել է, որ դա իրեն չի հետաքրքրել»,- պարզաբանեց Դավիթ Սանասարյանը։

Դավիթ Սանասարյանը նաեւ նշեց, որ վարչապետին դեռ վաղուց է գրել, որ եթե անվստահություն կա իր նկատմամբ, ինքը հրաժարական կտա, որովհետեւ չի կարող անվստահության պայմաններում աշխատել, իսկ վարչապետը նշել է, որ նման խնդիր չկա, կա ցուցմունք քո դեմ, քրեական գործի ավարտից հետո կհասկանան:

Տպել
11413 դիտում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)