Սա ոչ թե իմպիչմենթ է, այլ պետական հեղաշրջում. Թրամփը շատ կտրուկ քննադատել է դեմոկրատներին

02/10/2019 schedule15:20

Ուկրաինայի և ԱՄՆ-ի նախագահների միջեւ աղմկահարույց հեռախոսազրույցի շուրջ քննարկումները շարունակվում են: Դոնալդ Թրամփը Թվիթերի միջոցով սպառնում է ոչ միայն տեղեկությունը հայտնած պաշտոնիային, այլ նաև հետախուզության հարցերով հանձնաժողովի նախագահ Ադամ Շիֆին:

Ինչպես գրում է Ամերիկայի ձայնը, իմփիչմենթի հետաքննության ներքո Միացյալ Նահանգների նախագահը շարունակում է քննադատել դեմոկրատներին, այդ թվում՝ նաև Ներկայացուցիչների պալատի հետախուզության հարցերով հանձնաժողովի նախագահ Ադամ Շիֆին:

Թրամփը նաև հայտնել է, որ ինքը փորձում է հայտնաբերել Ուկրաինայի նախագահի հետ իր հեռախոսազրույցի մասին հայտնած պետական պաշտոնյային: «Հեռախոսազրույցը կատարյալ էր: Երբ պետական պաշտոնյան դրա մասին հայտնել է, նա այն վատ ձևով է մեկնաբանել: Այնուհետև Ադամ Շիֆը սխալ բառեր է հորինել, ինչը կարծում եմ՝ ահավոր է»,- ասում է Թրամփը:

ԱՄՆ նախագահը նշել է, որ ամեն օր տվյալ հարցի շուրջ ավելի շատ տեղեկություն է ստանում։ Նա հայտարարել է, որ այդ ամենը ոչ թե իմպիչմենթ է, այլ պետական հեղաշրջում։ Թրամփի կարծիքով՝ դրա նպատակն է «մարդկանցից խլել իշխանությունը, նրանց ձայները, նրանց ազատությունը», ինչպես նաև՝ «ԱՄՆ-ի քաղաքացիներին Աստծո տված իրավունքները»։

«Los Angeles Times» լրատվականի հաղորդմամբ՝ անցած շաբաթ՝ փակ միջոցառման ժամանակ, Թրամփը պետական պաշտոնյային, որը ազդարարել էր Թրամփի հեռախոսազրույցի մասին, «լրտես» է անվանել: «Ժամանակին մենք նման լրտեսների հետ այլ կերպ էինք վարվում»,- «Los Angeles Times» լրատվականի ձայնագրությունում ասում է Թրամփը:

Թվիթերի իր գրառման մեջ Թրամփը ցանկություն է հայտնել հանդիպել իր հեռախոսազրույցի արտահոսքի մեղավորի հետ ու սպառնացել վերջինիս։

Հիշեցնենք, որ օրենքը թույլ է տալիս հայտնել, իրենց կարծիքով, որևէ մեկի ցուցաբերած սխալ վարքի կամ քայլի մասին՝ առանց իրենց անձը բացահայտելու կամ վրեժխնդրության վտանգի:

«Օրենքին հետևող մարդուն քննադատելը կամ սպառնալն այն բանի համար, որ նա մեղադրել է նախագահին, նախագահին վայել քայլ չէ. ամերիկացիներն իրենց երկրի առաջնորդից ավելին են սպասում»,- նշում է Բրուքինգս հաստատությունից Ջոն Հադոքը։

Մինչ դեմոկրատները հետաքննում են, թե արդյո՞ք Թրամփը Զելենսկիի միջոցով փորձել է Ջո Բայդենի մասին վարկաբեկող տեղեկություններ ձեռք բերել, հանրապետականները պնդում են, որ դեմոկրատները գործում են իրենց իսկ շահերից:

«Մեր աշխատանքն օրենսդրությունն է, այլ ոչ թե նախագահին իմփիչմենթի ենթարկելու համար հետաքննություն անցկացնելը, երբ դրա համար չկան պատճառներ»,- նշել է Ներկայացուցիչների պալատի փոքրամասնության առաջնորդ Քեվին Մքարթին:

Ներկայացուցիչների պալատում իմփիչմենթի որոշում կայացվելու դեպքում Սենատում քվեարկություն կանցկացվի: Նախագահին պաշտոնանկ անելու համար անհրաժեշտ կլինի առնվազն 67 ձայն, ներառյալ՝ 22 հանրապետականների ձայներ:

Տպել
1277 դիտում

Վարչապետը հանդիպել է անհետ կորած եւ գերեվարված զինծառայողների ընտանիքի անդամների հետ

Էլեկտրաէներգիայի պլանային անջատումներ կլինեն Երևանում, Արագածոտնում, Կոտայքում և Շիրակում

Ճամբարակ քաղաքում տեղում է ձյուն, Սյունիքի մարզի Գորիս քաղաքում՝ ձնախառն անձրև

Լաչինի միջանցքի, անհետ կորածների, գերիների ու այլ հարցերի մասին հեռախոսազրույցներ են ունեցել Փաշինյանն ու Պուտինը

Վարչապետը քիչ անց կհանդիպի անհետ կորած եւ գերեվարված զինվորների ընտանիքների անդամներին․ վարչապետի մամուլի խոսնակ

ՀՀ սահմանից ներս ներխուժում տեղի չի ունցել, որևէ նոր զիջում տեղի չի ունեցել. Ռուբեն Ռուբինյան

ԵՄ-ն խիստ պատժամիջոցներ կկիրառի Թուրքիայի դեմ՝ Միջերկրական ծովում ապօրինության եւ Ղարաբաղում միջամտության համար

ՀՀ սահմաններից ներս ադրբեջանական բանակի զինվորներ չկան․ Գնել Սանոսյան

Գյումրիում ռուս զինծառայողի դի է հայտնաբերվել. ռուսական կողմը քննություն է սկսել

Հրդեհ է բռնկվել է Նոյեմբերյան քաղաքի երկհարկանի տներից մեկի նկուղում․ ԱԻՆ

Բաքվում Ֆրանսիայի դեսպան Զակարի Գրոսսը կանչվել է Ադրբեջանի ԱԳՆ. РИА Новости

Վայոց ձորի մարզի 7 համայնքում իրականացվում է սուբվենցիոն 27 ծրագիր

Երիտասարդներն ուժեղ էին փորձառուներից. ավարտվել է ազատ ոճի ըմբշամարտի Հայաստանի առաջնությունը

Վերսկսվել են Մոսկվա-Գյումրի-Մոսկվա երթուղով չվերթերը

Թշնամու 15 տանկ խոցած Արցախի հերոս Դավթի մարմինը մի քանի օր առաջ են գտել․ մանրամասներ

ԱԺ նախագահ Արարատ Միրզոյանը նամակ է հղել Ֆրանսիայի Սենատի նախագահ Ժերար Լարշեին

Զառիթափ համայնքի սահմանամերձ Սերս բնակավայրում իրականացվում են գիշերային լուսավորության կառուցման աշխատանքներ

«Ալաշկերտը» հաղթեց առաջատարին, «Վանն» ուժեղ գտնվեց «Շիրակից»

Հայտնաբերվել է փողոցում մի կնոջ պարանոցից ոսկյա շղթա հափշտակած և փախուստի դիմած տղամարդը (տեսանյութ)

Արցախի հետ Հայաստանի նախկին սահմանի փոխարեն ձևավորվել է սահման՝ Հայաստանի և Ադրբեջանի միջև․ ՊՆ