Նախապես վաճառվել է ավելի քան 8 սեանսի տոմս. «Երկնագույն շան աչքերը» շուտով կլինի երեւանյան բեմում

Գյումրու Վարդան Աճեմյանի անվան դրամատիկական թատրոնում բեմադրված «Երկնագույն շան աչքերը» ներկայացումը շուտով կառաջարկվի նաեւ երեւանյան հանդիսատեսին: Նոյեմբերի 9-ին եւ 10-ին ներկայացումը կլինի Երեւանի Հրաչյա Ղափլանյանի անվան դրամատիկական թատրոնի բեմում:

Առաջնախաղը տեղի է ունեցել սեպտեմբերի 25-ին Գյումրու թատրոնի «Մհեր Մկրտչյան» փոքր դահլիճում: Տնօրինության փոխանցմամբ, հաջորդող 8 ներկայացումների տոմսերն արդեն վաճառված են եղել դեռ պրեմիերայից առաջ:

Այս տարի Գյումրու Վարդան Աճեմյանի անվան դրամատիկական թատրոնի 154-րդ թատերաշրջանը բացվեց երեք նոր ներկայացմամբ, որոնցից մեկը «Երկնագույն շան աչքերն» էր: Գաբրիել Գարսիա Մարկեսի 1 գործողությամբ այդ դրաման նախ բեմադրել է ներկայումս գլխավոր դերակատար Արսեն Միքայելյանը՝ որպես իր կուրսային աշխատանք: Ավելի ուշ դրա հիման վրա նոր բեմադրություն է արել ռեժիսոր Ռաֆայել Ասատրյանը: «Երկնագույն շան աչքերը» թատրոնի խաղացանկում էր մինչեւ 2017 թվականի վերջը: Այժմ այն վերադառնում է՝ այս անգամ նոր դերակատարներով: Ի դեպ, նախորդ տարիներին եւս ներկայացումը բավական մեծ արձագանք էր ստացել: Ներկայացվել է Լիբանանում, 2018 թվականին գլխավոր դերակատարուհի Ջեմմա Աղամյանն արժանացել է «Արտավազդ» մրցանակի:

Թատրոնի տնօրեն Լյուդվիգ Հարությունյանի խոսքով՝ տարեսկզբին ստեղծագործական խմբի ցանկությամբ որոշվել է այն կրկին ընդգրկել խաղացանկում, բայց այս անգամ դերասանական կազմի փոփոխությամբ: 

Բեմադրությանն իրենց թարմ շունչն ու գույնն են հաղորդել հեռուստանախագծերից ու սերիալներից հայտնի Իննա Խոջամիրյանն ու Գյումրիի դրամատիկական թատրոնի երիտասարդ դերասան Արսեն Միքայելյանը: 

Ներկայացումը երազում պատահած զույգի մասին է, ովքեր զրկված են միմյանց հետ ֆիզիկական շփումից: Նրանց հպումը կնշանակի երազային սիրո ավարտ։ Երազն իրականություն դարձնելու համար նրանք անընդհատ փորձում են գտնել միմյանց, սակայն արթնանալիս մոռանում են միմյանց։ Կյանքում իրար ճանաչելու համար նրանք հորինում են այնպիսի մի արտահայտություն, որն իրական կյանքում գոյություն չունի՝ «Երկնագույն շան աչքեր»:

Գյումրիի դրամատիկական թատրոնում հրավիրյալ արտիստների ու ռեժիսորների մասնակցությամբ ներկայացումներ բեմադրելու ավանդույթը վաղուց է ձեւավորվել: Իննա Խոջամիրյանը եւս հրավիրյալ դերասանուհի է: Տարիներ առաջ հրավիրյալների շարքում էր նաեւ ՀԽՍՀ եւ ԽՍՀՄ Ժողովրդական արտիստ Վարդուհի Վարդերեսյանը: Բոլորովին վերջերս էլ ՀՀ Ժողովրդական արտիստ Հրանտ Թոխատյանն ու Ռոզի Ավետիսովան աճեմյանցիների հետ բեմ բարձրացան, ռեժիսոր Հրաչ Քեշիշյանի բեմադրությամբ էլ «Ոչինչ չի մնա»-ն ներկայացվեց, եւ այս ցանկը կարելի է երկար շարունակել:

«Երկնագույն շան աչքերը» բեմադրության նկարչական եւ երաժշտական ձեւավորման հեղինակը եւս Արսեն Միքայելյանն է, պարային լուծումներինը` ՀՀ վաստակավոր արտիստ Ռուբեն Մուրադյանը: «Երկնագույն շան աչքեր»-ի տոմսերը երեւանյան հանդիսատեսն արդեն կարող է ձեռք բերել tomsarkgh.am-ից, տոմսի արժեքը 2500 դրամ է: 

Ներկայացումն առաջիկայում նախատեսված է տանել Վանաձոր, Արցախ, ապա նաեւ ԱՄՆ, որտեղ «Երկնագույն շան աչքերը» ներկայացնելու են անգլերեն լեզվով:

Տպել
228 դիտում

ԲՀԿ-ն 2020 թվականի բյուջեի նախագծին դեմ է քվեարկելու․ նրանց համոզմամբ՝ այն չի սպասարկում տնտեսական հեղափոխությունը

Սիրիայի նախագահը ցավակցություն է հայտնել հայ քահանայի սպանության կապակցությամբ

Որպես անհետ կորած որոնվող 31-ամյա Մայա Ժիդկովան հայտնաբերվել է

Վանաձորն արդեն բազմաֆունկցիոնալ 2 նոր տեխնիկա ունի․ դրանցով կիրականացվեն ձնամաքրման, փողոցների լվացման աշխատանքներ

Արշակ Փոլադյանը նշանակվել է Թունիսում ՀՀ արտակարգ եւ լիազոր դեսպան

Գյումրի-Երևան ավտոճանապարհին ավտոմեքենան բախվել է ճամփեզրի բետոնե արգելապատնեշին

Դատարանը հեռացավ խորհրդակցական սենյակ՝ կաշառք ստանալու մեջ մեղադրվող դատավորի գործով դատավճիռ կայացնելու

Վերջին 6 ամսում 1 անձի ներում է շնորհվել. ներում ստացած անձը դատապարտված է եղել ՌԴ-ում

Խոսվում է խորհրդարանական վերահսկողության մասին, բայց ԼՀԿ-ն դեմ է քվեարկում, ԲՀԿ-ն՝ ձեռնպահ՝ առանց հիմնավորման․ Վարդանյան

Չարենցավանի բնակչուհուն առեւանգել էին, տարել անհայտ ուղղությամբ. երիտասարդն ու ընկերը ձերբակալվել են

Ֆելիքս Ցոլակյանը շրջայց է կատարել ԱԻՆ Ճգնաժամային կառավարման պետական ակադեմիայում և Ավանի ՀՓՋ-ում (տեսանյութ)

ՀՀ-ում կրիմինալ չկա, օրենքով գողերի պես էլ խելոք մարդիկ աշխարհի տակ չկան․ Վարդան Ղուկասյան

Փաստաբանների պալատը կոչ է անում չներգրավվել կոռուպցիոն գործարքներում. հայտարարություն՝ ձերբակալված փաստաբանների մասին

ՀՅԴ երիտասարդական միությունը հանրահավաք է հրավիրել՝ ԿԳՄՍ նախարարի հրաժարականի պահանջով․ հավաքն իրազեկված չէ

ԵԱՀԿ-ն դիտարկում է անցկացրել Արցախի և Ադրբեջանի սահմանին

Ավերակներ եւ անմարդկային պայմաններ. ահազանգ Ավան հոգեբուժական կենտրոնի պայմանների մասին (լուսանկարներ)

Ինքնասպանություն Երեւանում. տղամարդը նետվել է Կիևյան կամրջից

Սինգապուրի «SWITCH 2019» ցուցահանդեսում Հայաստանը ներկայացված է առանձին տաղավարով. այցելել է Սինգապուրի վարչապետը

40-ամյա տղամարդը մահացել էր ներքին արնահոսության հետևանքով՝ վիճաբանության հաջորդ օրը (տեսանյութ)

Խորհրդարանն առաջին ընթերցմամբ չընդունեց ԱԺ նախագահին ԱԽ նիստերին մասնակցելու իրավունք տալու նախագիծը