Երևան
24 °C
Դա հեղափոխություն չէր, դա իշխանության բռնազավթում էր:
Այս մասին Livenews.am-ի հետ հարցազրույցում հայտարարել է Արցախի Հանրապետության ազգային անվտանգության խորհրդի նախկին քարտուղար, գեներալ-մայոր Վիտալի Բալասանյանը՝ անդրադառնալով հայաստանյան իրադարձություններին եւ այժմ տարվող քաղաքականությանը:
«Այն ժամանակ ես Արցախի անվտանգության խորհրդի քարտուղարն էի, մենք լու՜ռ հետեւում էինք Հայաստանում կատարվող իրադարձություններին: Իհարկե, կար դժգոհ մասսա տարվող քաղաքականությունից ու իշխանությունից:
Նիկոլ Փաշինյանը կատարածու է՝ իր իշխանության իշխանավորների հետ միասին: Միանշանակ չի կարելի բարձրաձայնել, բայց մինչ Արցախում անվտանգության նիստ գումարելը, մենք քննարկել էինք բազմաթիվ օրակարգային հարցեր. ամենից կարեւորը մեզ համար եղել են Արցախի հակամարտության կարգավորման ուղիների քննարկումները: Մենք առաջարկել ենք ուղիներ. Նիկոլ Փաշինյանը բարձրաձայն, ճիշտ է, հայտարարեց, որ ինքն իրավունք չունի Արցախի անունից բանակցություններ վարի. մենք լիազորել ենք, որ Նիկոլ Փաշինյանը ԵԱՀԿ ՄԽ համանախագահների հետ հանդիպման մասնակցի եւ լիազորի Հայաստանի անունից, որ Արցախը մասնակցելու է բանակցություններին որպես սուբյեկտ: Հիմա ասում են՝ ինչո՞ւ ավելի վաղ չէիք առաջարկել: Երբ Ռոբերտ Քոչարյանը բանակցություններ էր վարում, նա ավելի փորձառու էր: Երբ ՄԽ համանախագահները հայտնվում էին Արցախում, ճշտումներ էին անում, հետո բանակցում էր Ռոբերտ Քոչարյանը, այնուհետ՝ Սերժ Սարգսյանը:
Ի դեմս Սերժ Սարգսյանի՝ նրանք կարողացան նորամուծություն մտցնել բանակցություններում, այն է՝ արցախա-ադրբեջանական սահմանին մշտադիտարկում իրականացնել: Նիկոլ Փաշինյանը, իշխանության գալով, այդ վերելակային դիվանագիտությունը, վերելակում մութ հարցերի շուրջ խոսակցություններն ունեցավ: Ըստ իմ լսած, օդում կախված լուրերի՝ անգամ Ալիեւն իրեն ինչ-որ փաստաթղթեր է փոխանցել: Նիկոլ Փաշինյանը կա՛մ թող հերքի, կա՛մ ներկայացնի՝ վերելակում ստույգ ինչ են խոսել Ալիեւի հետ: Բարոյական, իրավական եւ պաշտոնական առումով ես հայտարարում եմ, որ Նիկոլ Փաշինյանը չունի սեփական տեսլական: Նա հայտարարում է, որ նախորդ իշխանություններն անգամ չեն իմացել, թե ինչ փաստաթղթեր են եղել բանակցությունների շրջանակներում: Նա ասում է, որ այդ փաստաթղթերին ինքն է միայն ծանոթացել եւ այդ փաթեթը փոխանցել իշխանություններին՝ ի դեմս Բակո Սահակյանի: Ես հայտարարում եմ, որ չկա նման բան, Նիկոլ Փաշինյանը ստում է, նա ոչ մի փաստաթուղթ էլ չի ներկայացրել, չի կարելի այդպես մոլորեցնել ժողովրդին»:
Վիտալի Բալասանյանը նաեւ հայտարարեց, որ Հայաստանը երբեւէ հակամարտող կողմ չի եղել, Հայաստանը պատերազմական գործողությունների որպես սուբյեկտ երբեւէ մասնակից չի եղել: Լեռնային Ղարաբաղն է ընդունել Ադրբեջանի հայտարարած պատերազմը, Հայաստանը միայն աջակցել է նրան:
«Ցավով պետք է արձանագրեմ, որ Նիկոլ Փաշինյանը ֆիքսեց, թե Հայաստանը պատերազմող կողմ է, ավելին՝ Հայաստանի անվտանգության խորհրդի քարտուղար Արմեն Գրիգորյանն էլ իր շուրթերով հայտարարեց, որ Հայաստանը գտնվում է պատերազմական իրավիճակում եւ Նիկոլ Փաշինյանը գերագույն գլխավոր հրամանատար է: Այդ մարդիկ Սահմանադրություն էլ չեն կարդացել: Նիկոլ Փաշինյանի քաղաքականությունը Հայաստանն ու Արցախը կտանի կործանման: Նա իշխանությունը բռնազավթել է եւ պետք է օր առաջ հեռանա»:
Անդրադառնալով վերջերս Ժիրայր Սեֆիլյանի եւ Գարեգին Չուգասզյանի հետ Նիկոլ Փաշինյանի հանդիպմանը` Բալասանյանն ասաց, որ Նիկոլ Փաշինյանը փորձում է ահաբեկել բոլորին, նաև՝ իրեն և իր նմաններին: «Որ, տեսեք, ես ունեմ մարտական թև, կարող եմ մի փոքր հրաման տալ, և «Սասնա ծռերը» կամ մնացածը ձեր հարցերը ֆիզիկապես կլուծեն: Ուզում եմ լուր տամ բոլորին, մանավանդ Նիկոլ Փաշինյանի կողմնակից «Սասնա ծռեր»-ին՝ չփորձեն նմանատիպ խոսակցություններ ծավալել կամ քննարկել. րոպե առաջ պատասխան են տալու»,- ասաց նա:
Բալասանյանը նշեց, որ ուզում է մեկ բառ ասել, որը ժամանակին էլ է ասել, Նիկոլ Փաշինյանն էլ լսել է. «Ցռան Վերգո»-ի տպավորությունը Նիկոլ Փաշինյանինն է և իր կողմնակիցներինը: Մենք ճանապարհ անցած մարդիկ ենք՝ անկախ մեր տարիքից, զբաղեցրած դիրքից և պաշտոնից, այսօր էլ մեր հնարավորությունները ներում են, որ եթե ինչ-որ մեկն ահաբեկչական գործողություն անի՝ թե՛ սահմանում, թե՛ երկրի ներսում, պատասխան կտա»,- ասաց նա՝ «Սասնա ծռեր»-ին անվանելով ահաբեկիչներ, որոնց մի անգամ արդեն ներել են ու երկրորդ անգամ ներել չեն պատրաստվում:
«Նիկոլ Փաշինյանն ու այդ ահաբեկչական խմբավորումը մեկ ամբողջություն են, դա մեկ ահաբեկչական խմբավորում է. մեկը՝ զենքով, մյուսը գրիչով իշխանությունը բռնազավթել են: Բարձրաձայն եմ ասում, թող Նիկոլի հպարտ քաղաքացիները լսեն, համայն հայությունն էլ լսի և րոպե առաջ քայլ անի: 2016 թվականին ներեցինք այդ ահաբեկիչներին, հիմա հայտարարում եմ, որ ֆիզիկապես ոչնչացնելու ենք նրանց, ովքեր կփորձեն ոտնձգություն անել իմ, մեր ժողովրդի, մեր պետության, պետականության, սահմանների, Արցախի իշխանությունների նկատմամբ»,- եզրափակեց նա:
Ստորեւ՝ հարցազրույցն ամբողջությամբ
Վիտալի Բալասանյանի աղմկահարույց հարցազրույցը երեկվանից ակտիվ քննարկվում է սոցիալական հարթակներում: Հարցազրույցին նաեւ անդրադարձել են Աժ պատգամավորները.
«Արցախի հերոս Վիտալի Բալասանյանի հարցազրույցը մեծ ցավ էր ինձ համար, աչքներիս առաջ հերոսը բեմադրեց, թե ինչպես են դառնում հակահերոս: Նրա հարցազրույցը ոչ միայն անասելի վիրավորում է ողջ հայ ժողովրդին ու Հայաստանի օրինական իշխանություններին, այլև Հայաստանի ու Արցախի միջև սեպ խրելու դավադիր փորձ է»,- գրել է Աժ պատգամավոր Վիկտոր Ենգիբարյանը:
«Մոլորյալ գեներալի հայտարարությունները դատապարտողներ շատ ե՞ն եղել՝ որպես ատելության խոսք: Իսկ երկակի ստանդարտներից խոսողնե՞ր: Սպասում եմ ստանդարտի գալու գեթ մեկ նախաձեռնության»,-գրել է ԱԺ պատգամավոր Վահագն Թեւոսյանը:
Իրանը հաստատել է նախագահի մասնակցությունը ԲՐԻԿՍ-ի գագաթնաժողովին
Հայաստանի երեք մարզում ԲՏԱ նախարարության իրականացրած տեխնոլոգիական դասընթացներն ավարտվել են
Օդի ջերմաստիճանը կնվազի 3-5, որոշ մարզերում՝ մինչև 7 աստիճանով. անձրև և ամպրոպ կլինի
20-ամյա Գեորգի Հարությունյանը տարիքային նոր ռեկորդ է սահմանել Հայատանի ազգային հավաքականում
Սեպտեմբերի 15-ը Ժողովրդավարության միջազգային օրն է. ինչ է այն ըստ ՀՀ քաղաքացիների (տեսանյութ)
ՊՆ ռազմական ակադեմիայի պատվիրակությունն այցելել է Ֆրանսիայի ԶՈՒ նախարարություն և Սեն-Սիրի ռազմական ակադեմիա
Կրակոցներ Երևանի քաղաքապետարանի մոտ․ պարեկները մեքենաներ են վնասազերծել. կա վիրավոր
Հութիները լուսադեմին բալիստիկ հրթիռ են արձակել Իսրայելի ուղղությամբ
Աշտարակի 5 բնակավայրի մի շարք փողոցներ գազաֆիկացվում են
Ռուսական «Միր» վճարային համակարգը ինտեգրվում է իրանական «Շետաբ»-ին. երբ այն կսկսի գործել
Երևանում և Արարատի մարզում գազ չի լինի. հասցեներ
Եվրոն թանկացել է. ինչ փոփոխություններ է արձանագրել տարադրամի շուկան սեպտեմբերի 15-ին
Լառնակա-Բրատիսլավա չվերթը հարկադիր վայրէջք է կատարել Աթենքում
2018 թվականի թավշյա հեղափոխությունից հետո ՀՀ-ն ևս բռնել է ժողովրդավարական բարեփոխումների ուղին. Ալեն Սիմոնյանի ուղերձը
Հայ առաքելական եկեղեցին նշում է Խաչվերացի տոնը
Ինչ իրավիճակ է հանրապետության ճանապարհներին և Լարսում
Շախմատի համաշխարհային 45-րդ օլիմպիադա. Հայաստանի կանանց հավաքականը չորրորդ անընդմեջ հաղթանակն է տարել
Երևանի և 7 մարզի բազմաթիվ հասցեներում լույս չի լինի
Ավտոմեքենան դուրս է եկել ճանապարհի երթևեկելի հատվածից և մոտ 15 մետր գլորվել ձորը. վարորդը մահացել է
Այսպիսին էր մեր 16-րդ հեծանվային լուսաբացը. վարչապետը տեսանյութ է հրապարակել
Հյուսիսային Կորեան կրկին աղբով լցված փուչիկներ է ուղարկել Հարավային Կորեա
Զապորոժիեի մարզին հարվածի հետևանքով զոհվել է գյուղատնտեսական ձեռնարկության երեք աշխատակից
Վանաշեն գյուղի բակերից մեկից հեռացվել է 85 տոննա ջուր
ՀՀ-ում էպիդուրալ ցավազրկումը անվճար է դարձել. մեր երկրում 37,7%-ը ծննդաբերում է կեսարյան հատմամբ. ինչ վտանգներ ունի այն
Նպատակը՝ բացահայտել Գեղարքունիքի տնտեսական զարգացման հեռանկարները. հանդիպում ԷՆ-ի և գործարարների միջև
Երկրաշարժ՝ Կասպից ծովի ադրբեջանական հատվածում
Մխիթար Հայրապետյանը ծանոթացել է «Ինժեներական քաղաք»-ում ընթացող աշխատանքներին (լուսանկարներ)
Ասֆալտապատվում են Աշտարակ քաղաքի և կից 27 բնակավայրի փողոցները․ ՏԿԵՆ
ՌԴ-ն կողմ է կոմունիկացիաների ապաշրջափակմանը՝ ՀՀ ինքնիշխանության պահպանման սկզբունքով. Օվերչուկ
Երևանում հարձակվել, հարվածներ են հասցրել բժշկին. վերջինս ստացել է ձեռքի կոտրվածք
«Wildberries»-ը վերացրել է սխալմամբ պատվերները չեղարկելու պատճառը
Մեկնարկը՝ Արմավիրի մարզից. վարչապետը հայտնել է ՔՊ-ում ստեղծված նոր ձևաչափի մասին (տեսանյութ)
Կյանքից հեռացել է դրամատուրգ, երգիծաբան Սամվել Խալաթյանը
Դանիել Դանիելյանի գլխավորած պատվիրակությունը մասնակցել է Սանկտ Պետերբուրգի մշակութային միջազգային համաժողովին
Կրիստալի 120 փաթեթ. Երևանում թմրամիջոցների շրջանառության համար ձերբակալվել են Հնդկաստանի քաղաքացիներ
Աշխարհի երիտասարդ պատգամավորները հավաքվել են Հայաստանում. ԱԺ-ն ամփոփել է գլոբալ համաժողովը (տեսանյութ)
Մհեր Գրիգորյանի և Ալեքսեյ Օվերչուկի հանդիպումը տևել է մոտ 5 ժամ
Պետությունը պետք է ստուգի՝ կենացով տուրքը տրվե՞լ է հայրենիքին, թե՞ խնջույքը ավարտվել է, կենացը՝ մոռացվել. վարչապետ
Ո՛չ օդային տրամվայ նստեցին, ո՛չ էկոքաղաքում կրթվեցին. կյանքի չկոչված ու կիսատ-պռատ ներդրումային ծրագրեր Գյումրիում
Հայ երիտասարդները այլևս նորովի են առաջ շարժվում՝ հիմնելով բարդություններից քաղած դասերի վրա. Հակոբյանի ելույթը
