«Էրեբունի-Երեւան» տոնակատարության ժամանակ բոլոր 12 վարչական շրջաններում կլինի համաժամանակյա հրավառություն

Այս տարի «էրեբունի-Երեւան» տոնակատարությունները կանցկացվեն հավասարապես բոլոր 12 վարչական շրջաններում: Բոլոր 12 վարչական շրջաններում տեխնիկական հագեցվածությունը կլինի նույնը: Այս մասին հոկտեմբերի 10-ին՝ հրավիրված մամուլի ասուլիսի ժամանակ, հայտարարեց Երեւանի փոխքաղաքապետ Տիգրան Վիրաբյանը:

Փոխքաղաքապետը հայտնեց, որ բոլոր վարչական շրջանների համար գրեթե նույն ֆինանսական միջոցներն են տրամադրվել, նպատակն ապակենտրոնացումն է:

«Միջոցառման տեխնիկական պայմանները որոշելիս հստակ ունեինք մի նախապայման՝ ծայրամասերում իրականացվող տոնական միջոցառումները ոչնչով չպիտի զիջեն կենտրոնում իրականացվողներին: Հրաժարվել ենք Հանրապետության հրապարակում մեկ բեմահարթակում իրականացվող միջոցառումից, քանի որ երբ այն կենտրոնանում է մեկ վայրում, ամբողջ քաղաքը զրկվում է բոլոր վարչական շրջաններում հավասար լավ որակի միջոցառումներ ունենալու հնարավորությունից»,- ասաց Տիգրան Վիրաբյանը։

Աջափնյակ փոփ էստրադային երաժշտության հարթակ,

Ավան վարչական շրջանում հնչելու է մանկական երաժշտություն,

Արաբկիրում՝ դասական,

Դավիթաշենում՝ ջազային,

Էրեբունիում լինելու է ժողովրդական երաժշտության հարթակ,

Մալաթիա-Սեբաստիայում՝ էստրադային,

Նորք-Մարաշում՝ ազգագրական,

Նոր Նորքում՝ էլեկտրոնային,

Շենգավիթ վարչական շրջանում հեղինակային երգերի հարթակ կտեղադրվի,

Քանաքեռ-Զեյթունում՝ ռետրո երաժշտության,

Նուբարաշենի բնակիչները հնարավորություն կունենան ռոք լսել,

Կենտրոն վարչական շրջանում կհնչի փոփ երաժշտություն:

Վիրաբյանի խոսքով՝ այս տարի Կենտրոն վարչական շրջանի միջոցառումները կենտրոնացած կլինեն ոչ թե Հանրապետության կամ Ազատության հրապարակում, այլ Սարյան փողոցում։

Պաշտոնական միջոցառումը, ինչպես արդեն նշել էինք, կլինի նաեւ Օպերայի եւ բալետի ազգային ակադեմիական թատրոնում: Ելույթ կունենան նաեւ Հայաստանի պետական սիմֆոնիկ նվագախումբը եւ Ազգային ակադեմիական երգչախումբը:

Այս տարի տոնակատարությունը կազմակերպելու հայտ է ներկայացրել 18 ընկերություն․ հաղթել են նրանցից մի քանիսը:

Ըստ փոխքաղաքապետի՝ երբ միջոցառումները միայն կենտրոնում են տեղի ունենում, կազմակերպչական հարցերով էլ միայն մեկ ընկերություն է զբաղվում, ընդամենը մի քանի արտիստ է ելույթ ունենում, եւ բնակիչները հնարավորություն չեն ունենում մշակութային բազմազանություն ունկնդրելու:

Վիրաբյանը նկատեց, որ վերջին 10 տարվա մեջ առաջին անգամ է «Էրեբունի-Երեւան» տոնակատարության կազմակերպման համար մեկից ավելի մասնակից ընկերություն լինում։ «Այժմ արդեն պայմանագրերի կնքման գործընթացի մեջ ենք, մեկ-երկու օրից փաստաթղթային հարցերն ավարտած կլինենք»,- ասաց նա:

Համերգային միջոցառումները բոլոր վարչական շրջանում սկսվելու են ժամը 13:00-ին: Կլինի նաեւ միաժամանակյա հրավառություն՝ ժամը 22:00-ին: 

Տպել
833 դիտում

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության

Նիկոլ Փաշինյանն այցելել է Գյումրի՝ ծանոթանալու ավտոմաքսատան շինաշխատանքների ընթացքին (տեսանյութ, լուսանկարներ)

ԿԳՄՍ նախարար Արայիկ Հարությունյանի հանդիպել է ՅՈՒՆԵՍԿՕ-ի բարձրաստիճան պաշտոնյաների հետ

Անցնող շաբաթ Ադրբեջանն Արցախի հետ շփման գծում հրադադարի ռեժիմը խախտել է ավելի քան 150 անգամ՝ արձակելով շուրջ 1100 կրակոց

«Էրեբունի-Երեւան 2801» տոնակատարության միջոցառումների կազմակերպման համար փակ կլինեն մի շարք փողոցներ

Հայաստանի մայրաքաղաքն այսօր տոնում է հիմնադրման 2801-րդ տարեդարձը

ԱԱԾ ստորաբաժանման ղեկավարը նախապես փորձել է ՍԴ աշխատակազմի ղեկավարի միջոցով կապ հաստատել անձամբ Հրայր Թովմասյանի հետ

Երեւանում ոստիկանների վրա հարձակում գործած եղբայրները կալանավորվեցին․ դատարանը բավարարել է քննիչի միջնորդությունը

Ճնշում կա՞, թե չկա. «Իմ քայլի» պատգամավորն այդ հարցում վստահում է Հրայր Թովմասյանին

Արցախի պետնախարարն ընդունել է «Հանրային կապերի և տեղեկատվության կենտրոն» ՊՈԱԿ-ի պատվիրակությանը

Օհանավանի բնակիչը հրացանով կրակել է շան ուղղությամբ, դիպել է գյուղի 32-ամյա մի բնակչուհու

ԱԱԾ-ն պարզաբանում է՝ Հ. Թովմասյանի ազգականների հետ կապված ինչ գործողություններ են կատարվել եւ ինչու

Նախագահ Արմեն Սարգսյանը ստորագրել է Ազգային ժողովի ընդունած մի շարք օրենքներ

Պարեկային ոստիկանները բերման են ենթարկել մի տղամարդու, որի մոտ ատրճանակ ու դանակ է եղել (տեսանյութ)

Նիկոլ Փաշինյանի որոշմամբ Էկոնոմիկայի նախարարության գլխավոր քարտուղարն ազատվել է պաշտոնից