Մթության մեջ հարձակվել է մեր 2-րդ ոստիկանի վրա եւ փորձել ազատել ընկերոջը. ոստիկանապետը մանրամասներ է պատմում (տեսանյութ)

ՀՀ ոստիկանապետի պաշտոնակատար Արման Սարգսյանը «Սուրբ Գրիգոր Լուսավորիչ» բժշկական կենտրոնում տեսակցեց երեկ գիշերը տեղի ունեցած միջադեպի հետեւանքով վիրավորված 25-ամյա ոստիկան Արսեն Հակոբյանին:

Դուրս գալով հիվանդասենյակից՝ ոստիկանապետը լրագրողների հետ զրույցում ներկայացրեց դեպքի վերաբերյալ որոշ մանրամասներ.

«Ոստիկանության ծառայողն իր պարտականությունները կատարելիս տեսնում է կասկածելի անձանց եւ իրենք են հետամուտ լինում նրանց ինքնությունը ստուգելուն: Եվ երբ մոտեցել են նշված անձանց, վերջիններս անմիջապես դիմել են փախուստի: Հետապնդել են (ոստիկանները-խմբ.) նրանց եւ կարողացել են մեկին բռնել, իսկ երկրորդը, որը մինչ այդ կարողացել էր դիմել փախուստի, «Հաղթանակ» զբոսայգու մոտակայքում մթության մեջ անսպասելի հարձակվել է մեր երկրորդ ոստիկանի վրա եւ փորձել ազատել իր բռնված ընկերոջը: Այդտեղ որոշակի քաշքշուկի ընթացքում հաջողացրել է մեր ոստիկանի ատրճանակը պոկել, (որը հատուկ պարանով ամրակապված է եղել իր վրա) եւ արձակել կրակոց»,- մանրամասնեց Սարգսյանը՝ հավելելով, որ հավանաբար կենսական նշանակության որեւէ օրգան է վնասվել, որովհետեւ, նախնական տեղեկություններով, մեկ կրակոց է արձակվել:

Պաշտոնական հաղորդագրություններում նշվում է, որ դեպքի վայրում հայտնաբերվել է մեկ փամփուշտ եւ մեկ պարկուճ: «Հայկական ժամանակ»-ի հարցին՝ արդյոք հայտնաբերվե՞լ է զենքը՝ ոստիկանապետի պաշտոնակատարը պատասխանեց. «Զենքը դեռ չի հայտնաբերվել: Ի ուրախություն մեզ՝ արդեն կարճ ժամանակահատվածում կարողացել ենք պարզել (երեւի թե որակումներ տալը տեղին չէ, բայց...) այդ ստահակներին եւ վերջիններս արդեն մեզ մոտ են, խոստովանում են»:

Մեր այն հարցին, թե ովքե՞ր են բերման ենթարկվածները, արդյոք նախկինում դատված եղե՞լ են, Սարգսյանը պատասխանեց, որ «իրավահարգ քաղաքացիներ չեն եղել, օրինապաշտ քաղաքացիներ չեն եղել»:

«Ոստիկանության ծառայողների օպերատիվ հոտառությունն իրենց չի դավաճանել, մոտեցել են ճիշտ մարդկանց: Ուղղակի ցավում եմ, որ նման դեպք է եղել»,- հավելեց նա:

Մեր մյուս հարցին՝ հասցրե՞լ են «կապ տալ», ընկերներից օգնություն խնդրել՝ ոստիկանապետի  պաշտոնակատարը պատասխանեց, որ հասցրել են կապ տալ, միանգամից բոլորը մոտեցել են, բայց, ցավոք սրտի, մեր մյուս գործընկերոջ՝ Տիգրան Առաքելյանի կյանքը հնարավոր չի եղել փրկել:

«Օգտվելով առիթից՝ մի հանգամանքի կցանկանամ անդրադառնալ: Կուզեմ՝ հանրային ընկալման մեջ բոլորը գիտակցեն, որ ոստիկանի վրա ձեռք բարձրացնելը հավասարազոր է պետության վրա ձեռք բարձրացնելուն: Եվ խստագույնս կպատժվեն նրանք, ովքեր կփորձեն որեւէ կերպ հանդգնել պետության վրա ձեռք բարձրացնել: Սա նաեւ մեր համախմբվածության արդյունքն է, որ գիշերվա այս կարճ ժամանակահատվածում վերլուծական, եղած օպերատիվ տվյալների համադրմամբ, ընդհանուր առմամբ բոլոր հնարավոր միջոցների օգտագործման արդյունքում կարողացել ենք պարզել, անձերը ճշտել եւ վերջիններիս բերման ենթարկել»,- ասաց ոստիկանապետը՝ հավելելով, որ քննության մանրամասներն արագ կհրապարակվեն, որովհետեւ զոհվել է ոստիկան, սպանվել է իր ծառայողական պարտականությունները կատարելիս, խիզախաբար:

«Իրենք կարող էին չտեսնելու տալ, չհետապնդել, բռնելուց հետո այդ երկար տարածությունը չվազել, ձեռնամարտի հնարք չկիրառել եւ այլն»,- հավելեց Սարգսյանը:

Ոստիկանապետից հետաքրքրվեցինք նաեւ՝ արդյոք դեպքի վայրում տեսախցիկներ եղե՞լ են. «Դեպքի վայրին հարակից բենզալցակայան կա, որն ունի տեսախցիկներ, բայց որոշակի առումով միայն իր տարածքն է տեսանկարահանում: Էդ առումով կցանկանամ մեր տնտեսվարող սուբյեկտներին ուղղակի խնդրել, հորդորել, որ իրենք տեսախցիկներ տեղադրեն: Չկապենք այս բացահայտումը տեսախցիկների առկայության հետ, որովհետեւ ոչ միայն տեսախցիկները, այլև այլ հանգամանքներն են օժանդակել, որ մենք բացահայտել ենք: Սա ուղղակի թող լինի ազդակ, որ մեր բոլոր քաղաքացիները, ովքեր մտահոգ են երկրում ներքին կայունության ապահովմամբ, փոքր ծախս անելով՝ օգնեն, որպեսզի իրենք եւս ապրեն անվտանգ Երեւանում եւ առհասարակ հանրապետությունում»,- պատասխանեց նա:

Մեր այն հարցին, թե քանի՞ տարվա փորձ ունեն ոստիկանները, ոստիկանապետը պատասխանեց, որ վիրավորված ոստիկանը երկարամյա ծառայության փորձ չունի, բայց զոհված ոստիկանի կենսաթոշակի անցնելու տարիքը կա՛մ լրացել էր, կա՛մ շուտով լրանալու էր: Խոսելով կարգավիճակի մասին՝ Սարգսյանն ասաց, որ զոհված ոստիկանը երեխաներ ուներ:

«Պատրաստվում ենք պետության ողջ հնարավորությունների չափով օժանդակել մեր գործընկերոջը, եւ սա ուղղակի մեր բարոյական պարտքն է, նաեւ խրախուսել, փառաբանել նման անձանց, որպեսզի իրենց ընտանիքի անդամներն էլ հասկանան, որ իրենց զավակները, ամուսինները... իսկ մյուս մեր գործընկերներն էլ հասկանան, որ իրենց գործընկերները խիզախություն են գործում հանուն պետության եւ պետությունն էլ գնահատում է նրանց վարքագիծը»,- նկատեց Սարգսյանը՝ հավելելով, որ նախաձեռնելու է գործընթաց, որ զոհված ոստիկանը պարտադիր պարգեւատրվի:

Ինչ վերաբերում է վիրավոր ոստիկանին, ոստիկանապետը մեր հարցին ի պատասխան՝ հայտարարեց, որ վիրավոր ոստիկանը կշարունակի աշխատել համակարգում. «Ոչ միայն կշարունակի աշխատել, այլեւ խոստացավ ինձ, որ ինքը բարձրագույն կրթություն կստանա, որպեսզի մենք իրեն միջին խմբում պաշտոն տանք եւ շնորհենք սպայական կոչումներ»,- նշեց նա:

Հիշեցնենք, որ գիշերը «Հաղթանակ» զբոսայգու մոտակայքում միջադեպ է տեղի ունեցել, որի հետեւանքով մեկ ոստիկան սպանվել է, մյուսը՝ վիրավորվել: Հանցագործություն կատարելու կասկածանքով ձերբակալվել են երկու երիտասարդներ:

Տպել
10258 դիտում

Հայտնի է՝ ինչն է եղել Իրանի նախագահական ուղղաթիռի կործանման պատճառը

Շարժումը վերածվել է 100 հոգանոց երեկոյան հավաքների, որի ժամանակ ընթերցվում են կեղծ լուրեր. Ալեքսանյան

ՔԿ նախագահն ու ԱՄՆ պետքարտուղարի փոխտեղակալը քննարկել են համագործակցության ընդլայնման հարցեր

Սիմոնյանը չի բացառում, որ նույն՝ 1976-ի քարտեզներով կշարունակվի սահմանազատումը նաև ՀՀ-Ադրբեջան սահմանի ամբողջ երկայնքով

Աստիճանաբար կցրտի 4-6 աստիճանով. սպասվում են ինտենսիվ տեղումներ, որոշ շրջաններում՝ կարկուտ

ՀՀ-ի և Ադրբեջանի միջև Տավուշի մարզի և Ղազախի շրջանի հատվածում սահմանազատումը, կարելի է ասել, ավարտվել է․ Սիմոնյան

Գալստանյանի թեկնածությունը որպես քաղաքական լիդեր 2023-ին առաջ է քաշել ռուս պրոպագանդիստ Արամ Գաբրիելյանովը. Ալեքսանյան

Մարտի 1-ին Քոչարյանը մարդ էր գնդակահարում, մարդիկ գնացել էին կաթողիկոսի մոտ, ոչինչ չարեց, դուրս չեկավ․ Սիմոնյան

Զորակոչի կամ հավաքների մասին քաղաքացին կծանուցվի 4 եղանակով, չներկայանալու դեպքում պատասխանատվություն կլինի. փոխնախարար

ՀՀ ԱԽ քարտուղարն ու Համադ Քամիս ալ-Քուբայիսին անդրադարձել են տարածաշրջանային անվտանգային իրավիճակին

Մեր պատգամավորներից մեկը հիմա «Հայաստան» դաշինքում է, չի ուրախանա, որ իր տեղափոխումը առնետավազք եք անվանում. Ալեքսանյան

Վազգեն Մանուկյանին փոխարինել են Բագրատ սրբազանով, թե ինչ կերպարանքով հանդես կգան, իրենց նախասիրությունն է․ Ալեն Սիմոնյան

Կիրանցում չափագրական աշխատանքներ են իրականացվում

Թավրիզում վերջին հրաժեշտն են տալիս Ռաիսիին, Աբդոլլահիանին և մյուսներին. արարողություններ են սպասվում ևս 5 քաղաքում

Չգիտեմ՝ Քոչարյանի հերթական պայքարը սրբազան կոչելը ինչքանո՞վ է օգնում դրան, ավելի շատ կոմիկ դաշտում է. Ալեքսանյան

Երևանում Մկրտիչ Սարգսյանի անվամբ փողոց է անվանակոչվել

Ավագանիները չեն վճարվում, հիմա նրանց արգելում ենք աշխատել, ո՞նց են ապրելու․ Գաբրիելյան

Սահիբա Գաֆարովան անդրադարձել է ՀՀ ԱԺ նախագահ Ալեն Սիմոնյանի հետ հանդիպմանը

Իրանի իշխանություններն իրենք են մեղավոր, եղանակային վատ պայմաններում 45 տարվա ուղղաթիռ են կիրառում. Պետդեպ

Ո՞նց ես դու էդ մարդկանց կողքին, նրանց նազիր-վեզիրների խառնամբոխում խոսում Վազգենից և ուրանալուց. Մկրտչյանը՝ Գալստանյանին

Որ մեր հակառակորդը գա, ձեր գրասենյակի մոտ «պոստ» դնի, ասի՝ Արծվիկ Մինասյանն ասել է՝ սահման չկա, ի՞նչ եք ասելու. Սիմոնյան

Անունը դրել են «սրբազան շարժում», շարժման առաջնորդ սրբազանը երեսով է տալիս իր աջը համբուրելը, էս չե՞ք․ Ալեքսանյան

Էրդողանն Իրանի նախագահի և ԱԳ նախարարի մահվան կապակցությամբ 1-օրյա սուգ է հայտարարել

Մեր նոր զորամասերից մեկն է, մեծ բարեփոխումները իրականություն են դառնում. Արայիկ Հարությունյան (լուսանկարներ)

ՀՀ ԱԺ պատգամավորները մեկ րոպե լռությամբ հարգեցին ուղղաթիռի վթարի հետևանքով զոհված Իրանի նախագահի և ԱԳ նախարարի հիշատակը

Հոգևորականի սքեմի ներքո փորձում եք Հայաստանում քաղաքական իշխանություն զավթել. Կոնջորյան

Արման Խոջոյանն ու Քու Դոնգյուն անդրադարձել են պարենային համակարգերի ամրապնդմանն ու կայունացմանը

Ռաիսիի հուղարկավորության կապակցությամբ Իրանում մայիսի 22-ը հայտարարվել է ոչ աշխատանքային

Բերբոքը չհայտարարված այցով ժամանել է Կիև

Լոռու մարզի որոշ բնակավայրերում 8 ժամ գազ չի լինի

«Շիրակ Ավիա»-ի ինքնաթիռներն անվանակոչվել են Հովհաննես Շիրազի և Ավետիք Իսահակյանի անուններով

Թումանյանի անվան զբոսայգում կկայանա «Երևանի բալետային փառատոն»-ը

Մի քանի ժամով կհոսանքազրկվեն Երևանի և 6 մարզի բազմաթիվ հասցեներ

Կիրանցի մոտից բոլոր բերման ենթարկվածներն ազատ են արձակվել. ՆԳՆ

Կործանված ուղղաթիռի վթարի վայրից հայտնաբերվել է Էբրահիմ Ռայիսիի մատանին (տեսանյութ)

Համացանցում տարածվել են Իրանի նախագահի ուղղաթիռի հայտնաբերման առաջին կադրերը (տեսանյութ)

Հրամանատարաշտաբային զորավարժության ժամանակ ի հայտ եկած թերությունների շտկման ուղղությամբ քայլեր են ձեռնարկվել․ ՊՆ

Թուրքիան ուշադիր հետևում է հայ-ադրբեջանական խաղաղության գործընթացին․ Էրդողանն ու Ալիևը հեռախոսազրույց են ունեցել

Ով դուրս է գալիս, ուզում է դիմացինի գլխին քարով խփել. Վահագն Հայրապետյանը՝ ներքաղաքական զարգացումների մասին

Վիեննայում համաժողովը մեկնարկել է մեկ րոպե լռությամբ․ Միրզոյանը ցավակցություն է հայտնել Իրանի ներկայացուցչին