Բողոքի ակցիա Գյումրու լոկոմոտիվային դեպոյում.մարդատար եւ բեռնատար գնացքները չեն շահագործվի նաեւ վաղը(տեսանյութ)

Այսօր կեսօրն անց բողոքի ակցիա է սկսվել Գյումրու լոկոմոտիվային դեպոյում: Մարդատար եւ բեռնատար գնացքները չեն շահագործվել: Գնացքները ոչ միայն Գյումրիից չեն շարժվել, այլեւ չեն եկել Երեւանից: Թբիլիսի մեկնող գնացքը եւս չի շահագործվել: Մեքենավարները ՀԺ-ի հետ զրույցում ասացին՝ սա ոչ թե գործադուլ է, այլ իրենց իրավունքի պաշտպանություն: Ըստ նրանց՝ իրենք 11 ամիս առաջ էին նման բողոքի ակցիա արել եւ ՀԿԵ ղեկավարությունից պահանջել էին աշխատավարձի չափի վերանայում: Խոստացել էին եւ խնդրել ժամանակ, որի հետ մեքենավարները համաձայնել եւ շարունակել են աշխատանքը մինչեւ այսօր առավոտ:

«11 ամիս ամեն ամիս խաբելով՝ աշխատացրել են: Ամեն անգամ մյուս ամիս, մյուս ամիս, ու դրանից հետո էլ էս նոր պռիկազը եղավ: Մենք կստանայինք 50 տոկոս երկարամյա աշխատավարձ, իրանք ասեցին արեք էդ 50 տոկոսն աշխատավարձ չհաշվենք, 25 տոկոսը դարձնենք պարգեւավճար, մյուս 25 տոկոսն էլ տանք մյուս աշխատակիցներին, որ ոգեւորվեն, աշխատեն: Հետո նոր հրաման եկավ, որ եթե երկաթգծի ղեկավարությունը չկարողանա իրա պատվերները կատարե, պռեմիան կկտրենք, մենք էլ բողոքեցինք ու բացատրեցինք, որ մեր աշխատանքը, եթե թերի չի եղել, իրանք իրավունք չունին նման քայլ ենեն: Իրանք էդ մեր փողը տվեցին: Ու մենք էլ իրանց առաջարկեցինք, որ մեր գումարն ավելացնեն, էլ պռեմիա ու ուրիշ  բաներ չտան: Իրանք հա՛մ գիշերային աշխատանքից են կտրել, 50-ից իջըցրին 30 տոկոս, հա՛մ վռեդնստից են կտրել, էլի, 20 տոկոս: Եղավ, որ 40 տոկոս մեզնից հանել են: Հմի արդեն մեզի 40 պետք չէ, 30 տոկոս բարձրացնեն, մեկ ժամի համար 290 դրամ սարքեն, էլի աշխատինք: Ըսեցին ֆինանսական դակումենտ է, Ռուսաստանով է, մենք էլ համաձայնեցինք նորմալ աշխատենք, մինչեւ իրանք էդ հարցերը կարգավորեն: Էդ պակասով մինչեւ էսօր աշխատել ենք, բայց հմի լրիվ ուրիշ բան են բերել ու գումարն էլ չեն ավելցրել: Մենք համաձայն չենք ու չենք աշխատի: Ոչ թե գործադուլ է, այլ ով համաձայն չէ նոր պայմանի հետ, չի աշխատել: Եթե մեկը կա, որ կաշխատի, ուրեմն՝ թող աշխատի»,- ասացին մեքենավարները:

Գյումրի ժամանած Տարածքային կառավարման և ենթակառուցվածքների նախարարի տեղակալ Արմեն Սիմոնյանը մեզ հետ զրույցում ասաց, պահանջվում է ներկա պահին գործող աշխատավարձի 30 տոկոսի բարձրացում: Ծագած խնդիրն օրվա ընթացքում քննարկել են ՀԿԵ ղեկավարության հետ: «Մենք ֆինանսական բլոկի հետ էլ զրուցեցինք, էն հնարավորությունը, որը որ կա, եթե բոլորինն ենք բարձրացնում, 10 տոկոսի սահմաններում կլինի: Ես նաեւ առաջարկեցի, որ բոլոր հարցերը քննարկենք հոկտեմբերի 25-ին Մոսկվայում կայանալիք տնօրենների խորհրդի նիստում, բայց աշխատակիցներն ուզում են հենց հիմա այդ լուծումը գտնել: Նման բան հնարավոր չէ, որովհետեւ այդ տոկոսների տակ լուրջ ֆինանսական միջոցներ են, դա լուրջ հաշվարկ է պահանջում, եւ այս պահին ՀԿԵ-ն չի կարող իրենց խոսք տա, որ 30 տոկոսով կբարձրացնի աշխատավարձը: Իրենց աշխատավարձը միջինը, առանց հարկերը հանելու, 360.000-ից 400.000-ի կարգի է, հարկերը չհանած՝ իրենք ուզում են՝ դա 30 տոկոսով բարձրանա, որովհետեւ ասում են՝ մեքենավարի աշխատանքն ամենապատասխանատու աշխատանքներից մեկն է եւ լարված են աշխատում: Նրանք նաեւ ասացին, որ ժամանակին գիշերային ժամերի աշխատանքի դիմաց ստացել են 20 տոկոս հավելավճար եւ 20 տոկոս ստաժի հետ կապված: Իրենց ասելով՝ 40 տոկոսի կորուստ ունեն եւ հիմա ուզում են, որ 30 տոկոսով ավելացնեն: Մենք մեր քաղաքացիների շահերը հաշվի ենք առնում, խնդիրը բարձրացրել են, ուրեմն՝ կա ինչ-որ հարց, բայց պետք է նստել եւ քննարկել այդ հարցերը»,- ասաց նախարարի տեղակալը:

Մոսկվայում հոկտեմբերի 25-ին, ըստ Արմեն Սիմոնյանի, այս հարցը կքննարկվի, սակայն լուծման տարբերակներից մեկն էլ աշխատակիցների կրճատման ճանապարհն է: Այս մասին այսօր մեքենավարներին տեղյակ պահվեց: Դրա հետ համաձայնողներ չեղան: Տարբերակին նաեւ նախարարի տեղակալը կողմ չէ: Ասաց՝ ներկա պահին երկաթգծում 3060 աշխատող կա, եւ դա այն օպտիմալ թիվն է, որով կարող  է երկաթգիծը նորմալ աշխատել: Այսինքն՝ եթե կրճատում լինի, ապա ե՛ւ ծառայության էֆեկտիվությունը կընկնի, ե՛ւ աշխատանքը կխափանվի:

Արմեն Սիմոնյանը հույս ուներ, որ կեսօրից մինչեւ կեսգիշեր շարունակված քննարկումների արդյունքում վաղն աշխատանքի դուրս գալու որոշում կկայացնեն մեքենավարները: Եղավ, սակայն, հակառակը: Որեւէ գնացք վաղը չի շահագործվի ո՛չ Գյումրիում, ո՛չ Երեւանում, ո՛չ Սանահինում: «Մենք մեր պահանջը դրել ենք, ու ֆսյո: Չնայած մենք եգուց կհավաքվինք, բայց չենք աշխատի»,- ՀԺ-ին տեղեկացրին ՀԿԵ Գյումրու մեքենավարները:

Տպել
3342 դիտում

Կինոկենտրոնը սկսել է «Հայֆիլմ» ստուդիայի տարածքում գտնվող նյութերի հավաքագրման, արխիվացման և ուսումնասիրման աշխատանքները

Ուսուցիչները խճճվել են՝ երգի դասին երգել կարելի՞ է, թե՞ չէ. ԿԳՄՍՆ պարզաբանումը

Փամբուխչյանի մանդատը կփոխանցվի Գոռ Երանյանին. նա նախ հրաժարվել էր մանդատը վերցնել, հիմա փոշմանել է

ԱԱՏՄ-ն շարունակում է վերահսկողական աշխատանքները․ խախտումների դեպքում կասեցման փոխարեն այժմ կկիրառվի տուգանք

Ինչ-որ իմաստով Վենետիկը նաև հայկական քաղաք է․ նախագահականում կգործի իտալական արվեստի բացառիկ նմուշների ցուցադրություն

ՀՔԾ-ն պարզաբանում է դատարանի կողմից Արթուր Ղազինյանի բողոքը բավարարելու մասին լուրերը

ՍԴ-ն անցել է նախագահի և փոխնախագահի ընտրության հարցի քննարկմանը. եղել է 1 առաջադրում և 1 ինքնաառաջադրում

«Խորհուրդ կտամ մեզ հետ նման տոնով չխոսել». ՀՊՏՀ-ում վերսկսում են դասերը՝ պայքարի այլ ուղիներ քննարկելով

Պաշտպանը Գագիկ Ծառուկյանի գործով հանցագործության մասին հաղորդում է ներկայացվել գլխավոր դատախազին եւ ՀՔԾ պետին

Մեկնարկել է «Հայկական գինիները Ռուսաստանում» ծրագիրը

Հայաստանի եւ Արցախի ԱԺ նախագահները քննարկել են երկկողմ համագործակցության զարգացմանն ու խորացմանն ուղղված մի շարք հարցեր

Տիգրան Բադալյանի շրթունքները կարված են եղել. ՄԻՊ ներկայացուցիչները չհայտարարված այց են իրականացրել «Արմավիր» ՔԿՀ

ԱԺ նախկին պատգամավոր Արթուր Գեւորգյանը ԱՄՆ-ում ձերբակալվել է. ՀՀ դատախազությունը դիմում կուղարկի ԱՄՆ

ԿԳՄՍՆ փոխնախարար Գրիշա Թամրազյանն ազատման դիմում է գրել. ոլորտում ամենաաղմկոտ իրադարձությունները նրա հետ են կապվում

ՔՊ-ում ընդլայնված նիստ է հրավիրվել. ներկա կլինի նաեւ վարչապետը

«Էությունն էլ եմ հասկանում, տողատակերն էլ». Սեդրակ Առուստամյանն իրեն մեղավոր չճանաչեց

Վլադիմիր Պուտինին առաջադրել են խաղաղության Նոբելյան մրցանակի

Սեդրակ Առուստամյանի պաշտպանը միջնորդեց դատակոչել Երեւանի քաղաքապետի խորհրդական Կամո Արեյանին

Ծեծի մեղադրանքով հետախուզվող կինը հայտնաբերվել է Գյումրիում

Բնակավայրը պետք է ինքնին չնշանակի որոշակի ապրելակերպ, իսկ շատ գյուղերում շատ փողոցներ ուղղակի հողային վիճակում են