Զորամասը լքելու նախորդ օրը խոսել ենք հետը, լավ էր ամեն ինչ. զինծառայողի հարազատները 5 օր է՝ լուր չունեն նրանից

Վանաձոր քաղաքի բնակիչ, պարտադիր ժամկետային զինծառայող Էրիկ Գ.-ն արդեն 5 օր է, ինչ ինքնակամ լքել է զորամասը: Թե՛ ընտանիքի անդամները ու թե՛ իրավապահները զինվորի մասին որեւէ տեղեկություն չունեն:

Այս մասին ՀԺ-ի հետ զրույցում հայտնեց զինծառայողի մորաքույրը՝ նշելով, որ իրենց զինվորը երբեւէ ծառայությունից չի դժգոհել. «Ամռանն արձակուրդ էր եկել, որեւէ բողոք չուներ ծառայությունից, զորամասը լքելու նախորդ օրն էլ ենք խոսել հետը, էլի լավ էր ամեն ինչ»,- ասաց մորաքույրը՝ տիկին Քնարիկը:

Տղան ծառայում էր Կապանում տեղակայված ՀՀ ՊՆ N զորամասում: Զինծառայողի զորամասը լքելու մասին ընտանիքի անդամներին հայտնել են ռազմական ոստիկանությունից՝ նշելով, որ դեպքի օրը թույլտվություն է խնդրել հրամանատարությունից՝ զորամասի տարածքից դուրս գալու համար: Հրամանատարությունը մերժել է, ինչից հետո տղան, ըստ մորաքրոջ պատմածի, պատի վրայից թռչելով՝ լքել է զորամասը:

Պարտադիր ժամկետային զինծառայողի որոնողական աշխատանքներով զբաղվում են թե՛ ռազմական ոստիկանությունը եւ թե՛ ոստիկանության մյուս ստորաբաժանումները:

Զինծառայողի մայրը՝ տիկին Ջեմման էլ մեր զրույցում հայտնեց, որ այս պահին իր բնակարանում են գտնվում ռազմական ոստիկանության աշխատակիցները եւ խնդրեց ավելի ուշ զանգահարել:

Զորամասն ինքնակամ լքած տղան ընտանիքի կրտսեր տղան է, ավագ եղբայրն ամուսնացած է: Վանաձորում բնակվում են տնակային ավաններից մեկում: Հայր չունի: Մայրը առողջական խնդիրներ ունի: Ներկայումս ապրում եւ աշխատում է Երեւանում: Թե ինչը կարող էր ծառայության 9 ամիսներից եւրբեւէ չդժգոհած զինվորին զորամասը լքելու պատճառ դառնալ, ոչ ոք չգիտի:

ՀԺ-ն դեպքի վերաբերյալ մեկնաբանություն ստանալու նպատակով զանգահարեց նաեւ ՀՀ ՊՆ տեղեկատվության եւ հասարակայնության հետ կապի վարչության պետ Գեւորգ Ալթունյանին, որն առաջարկեց հարցերն ուղարկել գրավոր: ՊՆ խոսնակ Արծրուն Հովհաննիսյանի հետ կապ հաստատել չհաջողվեց: Ավելի ուշ նա հետեւյալ գրառումը կատարեց ֆեյսբուքյան իր էջում. «Բաքվում շատ սիրված հայկական «լրատվամիջոցներից» մեկն այսօր կրկին «փայլել» է: Թե՝ բա զինվորի ազգականը զանգել է....: Ա՛յ խելոքներ, եթե ընտանիքի հետ ՌՈ աշխատակիցները Երևանից առանձին, Վանաձորից առանձին կապի մեջ են մշտական, աշխատում են, փնտրում են: Եթե այլ կառույցները ևս ինտենսիվ աշխատում են, այս թատրոնն ո՞ւմ համար է: Ո՞ր պատկան մարմինն է նոր միայն զբաղվելու, ով որ պետք է զբաղվեր, օր ու գիշեր զբաղվում է»:

Տպել
2000 դիտում

Շուտով Եռաբլուրի միակողմանի ծառուղին կդառնա երկկողմ․ պանթեոն տանող խճուղում տնկվել է 120 սոսի

Ռուստամ Բադասյանի պարզաբանումը Հակակոռուպցիոն կոմիտեի ստեղծման համար նախատեսվող ֆինանսական միջոցների վերաբերյալ

Նրա երգն ու երաժշտությունը հոգեհարազատ ու սիրելի են բոլոր սերունդներին․ Ռուբեն Հախվերդյանը բոլորեց ծննդյան 70-ամյակը

Արմեն Փամբուխչյանը և Հելեն Ֆեյզին անդրադարձել են ԱԻՆ աշխատակիցների համար անգլերեն լեզվի ուսուցման ծրագրին

Բոլորը հարցնում էին՝ ո՞վ, եթե ոչ Նիկոլ Փաշինյանը... 16 ուժերի վարչապետի միասնական թեկնածուն Վազգեն Մանուկյանն է

Սյունիքի մարզի գրեթե 30 համայնք կդառնա սահմանամերձ. Սյունիքի փոխմարզպետ

Վարչապետ Նիկոլ Փաշինյանը հանդիպում է ունեցել ՍԴ նորընտիր նախագահի հետ

Թավջութակահար Սևակ Ավանեսյանը, հաջակցություն արցախցի արվեստագետների և նրանց ընտանիքների, դրամահավաք է սկսել

ԱԱԾ-ն հերքում է իր աշխատակիցների կողմից համակարգը զանգվածաբար լքելու մասին լուրերը

Երևանի մշակույթի և արվեստի պետական քոլեջի աշխատակազմը համաձայնության է եկել տնօրենի հարցում

Թուրքիան ընդունում է, որ պատերազմի ընթացքում ինքն աջակցություն ունեցել է․ Արթուր Սաքունց

Կարծում եմ՝ մոտ ապագայում Հայաստանը կբարձրացնի Ղարաբաղի անկախ տարածքների դեօկուպացիայի հարցը․ Ղազարյան

Ընթանում են զորքերի վերակազմակերպման և ստորաբաժանումների կառուցվածքի վերանայման աշխատանքներ. հանդիպում Արցախում

Պատերազմին մասնակից ուսանողները և պատերազմի մասնակիցների ուսանող երեխաները կստանան ուսման վարձավճարի փոխհատուցում

62 ուսուցիչ ստացել է առաջին, երկրորդ և երրորդ աստիճանի տարակարգ

Կբարելավվի կապի ոլորտի ծառայությունների որակը Արցախում. Արցախի նախագահը հանդիպել է «Տելեկոմ Արմենիա»-ի տնօրենների հետ

Որքան Ադրբեջանն է կարող հայց ներկայացնել ՀՀ-ի դեմ, այդքան կամ ավելի այդքան ՀՀ-ն կարող է պահանջներ դնել․ Կիրակոսյան

ԱԺ նախագահը հանդիպել է ՄԻ պաշտպան Արման Թաթոյանի հետ

Երեւանի կրկեսի շենքի շինարարական աշխատանքները նախատեսված է ավարտել 2021-ի տարեվերջին

Վահան Հունանյանը նշանակվել է փոխվարչապետի խորհրդական