Դեմոկրատիան որոշները սխալ են հասկացել․ մեկին ազատում ես՝ ստացվում է՝ աթոռը տնից է բերել ու շատ է սիրում պաշտոնը․ նախարար

Վերջին օրերին մամուլի ուշադրության կենտրոնում ՀՀ արտակարգ իրավիճակների նախարար Ֆելիքս Ցոլակյանն է: Նախ տեղեկություն շրջանառվեց, որ նա իր ծանոթներին աշխատանքի է տեղավորել ԱԻՆ-ում, ապա քննարկվեց ԱԻՆ փրկարար ծառայության տնօրեն Արտակ Նահապետյանի ազատումը. շատերն այս պաշտոնանկությունը կապեցին Ֆելիքս Ցոլակյանի հետ վատ հարաբերություններով:

«Հայկական ժամանակ»-ը երեկ մի քանի հարց ուղղեց նախարարին:

- Պարո՛ն Ցոլակյան, մամուլում տեղեկություններ են շրջանառվում, որ ձեր եւ Արտակ Նահապետյանի հարաբերությունները լարված են, եւ որ նրա պաշտոնանկությունը կապված է դրա հետ: Սա ինչպե՞ս կմեկնաբանեք: Եւ որքանո՞վ դուք առնչություն ունեք Նահապետյանի ազատման հետ:

- Լարված բառը ես չէի օգտագործի, որովհետեւ ես որեւէ մեկի հետ լարված հարաբերություններ չեմ կարող ունենալ: Նահապետյանն ազատվել է իմ միջնորդությամբ: Այն պայմանավորված է եղել վերջին շրջանում նրա գործունեության հետ, որը չի բավարարել ինձ՝ որպես նախարարի: Կար վստահության հարց, եւ երկրորդ՝ եղել են պահեր, երբ ես չեմ կարողացել հանդուրժել այն վերաբերմունքը, որն ունեցել է Արտակ Նահապետյանը աշխատանքի նկատմամբ: Մասնավորապես ամառային հրդեհների ժամանակ, երբ նա արձակուրդ էր գնացել, երբեւէ չի հետաքրքրվել, թե ինչ է կատարվում: Մի անգամ ինձ զանգ չի եղել, պարզելու, թե ինչ հրդեհներ են, երբ որ ամբողջ աշխարհն ինձ այդ հարցով զանգում էր: Սրանք բաներ էին, որոնք ավելանալով՝ առաջացրին այն անվստահության պակասը, ինչի հետեւանքով ես միջնորդություն ներկայացրի վարչապետին: Դրանից հետո կառավարությունից եկել է ծանուցում, որպեսզի ես ծանուցեմ Նահապետյանին, որ ինքն ազատվում է աշխատանքից: Դրանից հետո Նահապետյանը մարդկանց՝ մի մասին խաբելով, մյուս մասին՝ համոզելով, (մի մասն էլ այն մարդիկ են, որոնք գիտեին, որ կառուցվածքային փոփոխություններից հետո իրենց հարցը կարող է բացասական լուծում ստանալ), ընդհանուր՝ 9 հոգի՝ գումարած ինքը, վարչապետի անունով բողոք-նամակ են ստորագրում, որը ես չեմ տեսել: Վարչապետն ստացել է իհարկե դա, ինձ հետ խոսել է այդ մասին, ասել է, որ այսպիսի նամակ կա, ես, իհարկե, բովանդակությանը ծանոթ չեմ: Ինչից հետո ես խնդրել եմ վարչապետին, որ նա այդ նամակի հետ կապված այստեղ ուղարկի Պետական վերահսկողության ծառայությանը, որպեսզի նամակում նշված բոլոր փաստերը ստուգեն. դա շատ շուտով կարվի: Բայց մինչ այս ամենը, ես ինձ մոտ էի հրավիրել փրկարար ծառայության տնօրեն Նահապետյանին, առաջարկել, որ ազատվի աշխատանքից՝ իր դիմումի համաձայն, ինչից նա հրաժարվել էր ու դրանից հետո կատարել այս քայլերը:

Ընդհանրապես զինվորական հիմնարկում սա համարվում է արտառոց երեւույթ, երբ մարդիկ խմբով բողոք են արտահայտում: Հետաքրքիր բան է կատարվում հիմա մեզ մոտ. դեմոկրատիան որոշ մարդիկ սխալ են հասկացել, ազատ խոսքը սխալ են մեկնաբանում: Հասկացել են այս ձեւ. եթե մեկի խաթրին կպան, մեկին ազատեցին աշխատանքից, ուրեմն՝ անպայման պետք է ինչ-որ քայլեր անել: Ստացվում է, որ որեւէ մեկին ազատել չի կարելի, որեւէ տեղ կամ որեւէ մեկից ազատվել չի կարելի: Ստացվում է, որ այդ աթոռներն իրենք իրենց տնից են բերել իրենց հետ ու շատ են սիրում այդ պաշտոնը:

Ի՞նչ կստացվեր, եթե ես խելքս տայի իրենց խելքին, ասեի՝ գնացեք (3500 հոգի փրկարար ծառայությունում մարդ է աշխատում) 3 հազար հատ ստորագրություն հավաքեք: Հետո՞, դա ի՞նչ բան է: Դա անընդունելի է: Այն մարդիկ, որոնք ստորագրել էին, նրանցից մեկն արդեն որերորդ անգամ հայտարարում է, թե տեքստը չի տեսել: Ասում է՝ ես իմացել եմ, թե պետք է ստորագրենք, որ ՓԾ տնօրենին չազատեն աշխատանքից, նա ինձ այդպես է ասել: Մեկ ուրիշն ասում է, թե ինձ խաբել են, ասել են՝ հենց ՓԾ տնօրենը դուրս եկավ աշխատանքից, ուրեմն՝ բոլորիս ազատելու են, որովհետեւ նախարարն այդպես է տրամադրված: Մեկին ասել են՝ ՓԾ տնօրենը պետք է դառնա նախարար, այդ դեպքում բոլորս լավ կլինենք, եկեք ստորագրենք: Սա է ամբողջ պատմությունը:

- Ի՞նչ է լինելու այն աշխատակիցների ճակատագիրը, որոնք ստորագրել են այդ բողոքի տակ:

- Դա իրենց բարոյականության հարցն է, ես ասելիք չունեմ այստեղ: Ես չեմ գնացել այդ ճանապարհով: Ես դրանից հետո խորհրդակցություն եմ անցկացրել եւ ասել, որ հաշվում եմ, թե իրենք մոլորված են եւ մոլորյալները թող իրենք որոշեն իրենց անելիքը:

- Պաշտպանության նախարար Դավիթ Տոնոյանի հետ ինչպեսն են ձեր հարաբերությունները: Շատ է նշվում, որ Արտակ Նահապետյանը Տոնոյանի կադրն էր, ու դա էր պատճառը, որ ցանկանում էիք ազատվել նրանից:

- Տոնոյանի հետ կապված ես որեւէ խնդիր չունեմ: Ամբողջ հարցն այն է, որ երբ եկա այստեղ աշխատելու, պետք է շարժվեի կուսակցական մոտեցումներով ընդունվածներին ազատելու սկզբունքով, ինչը չեմ արել, ցավոք սրտի, հաշվի առնելով մարդկային գործոնը: Հետաքրքիրն այն է, որ ես որեւէ տեղ աշխատանքի գնալուց երբեք առաջին շրջանում մարդկանց չեմ ազատում աշխատանքից: Ես միշտ ասում եմ՝ աշխատեք կտեսնենք, ով լավ կաշխատի, կմնա, ով վատ կաշխատի՝ նա դուրս կգա: Բայց այդ սկզբունքն այստեղ մի քանիսը շատ վատ են հասկացել, ու սա այդ մի քանիսի արածն է:

Դավիթ Տոնոյանի հետ ես խոսել եմ այս հարցով: Ասել եմ՝ դուք եք նշանակել նրան, նա ինձ ասել է՝ ես չեմ նշանակել ՓԾ տնօրեն, ես իրեն բերել եմ քաղպաշտպանության վարչության պետ, որտեղ հավանաբար իր աշխատանքը ստացվել է: Բայց ոչ դրանից ավելի: Այդ ավելին արդեն արվել է Տոնոյանին հաջորդող նախարարի կողմից (Հրաչյա Ռոստոմյան): Թե ում միջնորդությամբ, ինչպես՝ դրա մասին չեմ ուզում խոսել:  

- Մամուլը գրեց, որ դուք ԱԻՆ-ում տեղավորել եք ձեր ծանոթ-բարեկամներին: Այս տեղեկությունները ճի՞շտ են:

- Ծանոթ, այո՛, բարեկամ՝ ո՛չ: Ես դրա համար եմ ասել, որ գան ստուգեն, տեսնեն՝ ես այստեղ որեւէ բարեկամական-հարազատական կապեր չունեմ: Իսկ ծանոթը պարտադիր է, որ լինի: Եթե ես գալիս եմ մի տեղ, որտեղ ես ոչինչ չգիտեմ, ինձ պետք են ծանոթ եւ վստահելի մարդիկ, եւ ես նրանց ընդունել եմ աշխատանքի: Այո՛, ես դրանից չեմ հրաժարվում, կարծում եմ, որ ճիշտ եմ արել: Ես չգիտեմ մեկ ուրիշ տեղ, որտեղ այդպես չի արվում: Սուտ-սուտ գրել են, թե փոխնախարարն իմ քրոջ որդին է: Ես այստեղ աշխատող քրոջ որդի չունեմ, ոչ էլ՝ այստեղ աշխատող եղբոր որդի: Ինչ է՝ չե՞ն դիմում, դիմում են, քրոջ որդի էլ է դիմում, եղբոր որդի էլ է դիմում, ազգական էլ է դիմում, հորեղբոր որդի էլ է դիմում: Բայց ես ոչ մեկին չեմ ընդունել, ասել եմ՝ ո՛չ, քանի ես այստեղ եմ, բարեկամներ չեն աշխատելու:

- Որքանո՞վ է ձեր ծանոթը լինելու հանգամանքը ազդում այդ աշխատողների աշխատանքին:

- Ես այստեղ եկել եմ աշխատելու, 3-4 ամիս զբաղվել ենք վառելիքի, հագուստի հարցերով: Բերել ենք նոր թիկունքի վարչության պետ, որի մասին շատ են ակնարկում, ասում են՝ պաշտոն եմ բարձրացրել: Թիկունքի վարչության պետը կարողացել է կարճ ժամանակում կարգավորել վառելիքի, հագուստի եւ բոլոր պարագաների հարցերը, որը երբեւիցե չի եղել: Պատմության մեջ փրկարար ծառայության ստորաբաժանումը օճառ չի ստացել, ավել չի ստացել, ոչինչ չի ստացել: Մեր պահեստներն այսօր լիքն են, ամեն ինչ ունենք, ու այդ բոլորը արվել են թիկունքի վարչության պետի անմիջական մասնակցությամբ եւ ջանքերով: Ու թիկունքի վարչության պետի կոչումը ես բարձրացրել եմ, լավ եմ արել: Կադրերի հարցն ինձ համար մութ անտառ էր, ես չգիտեի՝ ովքեր են ընդունվում: Օրենքը թույլատրում է, որ ՓԾ տնօրենը պետք է շարքային անձնակազմից մինչեւ ենթասպա ընդուներ: Կադրերի վարչության պետի փոփոխություն է եղել, նշանակել եմ իմ վստահելի մարդուն, որպեսզի ես տիրապետեմ իրավիճակին: Վա՞տ բան եմ արել՝ ո՛չ, ես կարծում եմ, որ լավ բան եմ արել, ճիշտ բան եմ արել: Ու սա մարդկանց վրա շատ բացասական ազդեցություն է թողել: Ու որպեսզի մարդկանց ավելի համոզիչ լիներ, թե ինչի համար է գրվում այդ բողոք-նամակը, նրանց ասել են, թե ՓԾ տնօրենին ազատում են, որ նշանակեն այդ թիկունքի վարչության պետին: Ասել են՝ նա, որ եկավ, վատ է լինելու ձեր վիճակը՝ սկզբունքային է: Ես խորհրդակցության ժամանակ ասացի, որ նման մտադրություն չունեմ եւ երբեք չեմ մտածել այդ մասին, քանի որ թիկունքի վարչությունն իսկական նրա տեղն է: Փրկարար ծառայությունում 29 ղեկավար պաշտոններ կան, որոնք վարչության պետեր են եւ կարեւորագույն կառույցի ղեկավարներ: 29 մարդուն էլ ասել են՝ եկեք ստորագրեք: Նրանցից 20-ը հրաժարվել է՝ ասելով, որ այդտեղ սուտ է գրված: Դա ոչ մեկը չի տեսնում, բոլորը տեսնում են այն 9-ին, որ ստորագրել են:

- Այս պահին ԱԻՆ-ում կադրային ի՞նչ փոփոխություններ են իրականացվում:

- Շուտով մեր նոր կառուցվածքը կուղարկենք վարչապետի հաստատմանը: Մենք 2 ամիս առաջ զգուշացրել ենք, որ կառուցվածքային փոփոխությունների հետեւանքով կարող են կադրային փոփոխություններ լինել: Կադրային փոփոխություններն այսպես են լինելու. ՓԾ հաստիքացուցակը, մեր կարծիքով, քիչ է, եւ մենք հաստիքներ կրճատելու մտադրություն չունենք: Ըստ այդմ՝ մենք միավորելու ենք կրկնվող բաժինները, կրկնվող վարչությունները: Մենք ղեկավար անձնակազմի հաստիքների կրճատման խնդիր ենք դնում: Մենք չենք դնում շարքային անձնակազմի հաստիքի կրճատում:

- Կառույցի ներսում, բացի ՓԾ տնօրենի հետ կապված խնդրից, ձեր աշխատանքի կամ ձեր մեթոդների հետ կապված այլ դժգոհություններ կա՞ն:

- Ես որտեղ որ աշխատել եմ, չեմ լսել, որ իմ հետ կապված որեւիցե դժգոհություն լինի: Այսօր մեկին էլ եմ ասել, որ ազատեն աշխատանքից ու ասել եմ, որ ասեն՝ դիմում գրիր, գնա: Ճիշտ եմ արել:

- Բարձրաստիճան պաշտոնյաների՞ց է, կնշե՞ք անունը:

- Այո՛, բարձրաստիճան է: Ո՛չ, չեմ նշի, դրա ձայնն էլ կելնի: Մեկ այլ բան ասեմ. Ճգնաժամային կառավարման կենտրոն ունենք՝ կարեւորագույն օղակներից մեկն է: Ղեկավարը (Հովհաննես Խանգելդյան) այլ աշխատանք է գտել իրեն, դիմում է գրել այս աշխատանքից ազատվելու համար: Դրանից հետո գրել են, թե Ցոլակյանի հետ չունենալու պատճառով այս մարդը դիմում է գրել: Այդ մարդը, ընդհակառակը, շատ վատ հարաբերություններ ուներ ՓԾ տնօրենի հետ: Ու երբ որ ես ասում եմ բարոյաքաղաքական կլիման լավ չի, ես նկատի ունեմ նաեւ դա: Երկու կարեւոր կառույցների ղեկավարներ իրար հետ չեն շփվում: Այդ մարդը 20 տարի աշխատելուց հետո իր համար բարձր աշխատավարձով աշխատանք է գտել: Երբեք իր հետ որեւէ խնդիր չեմ ունեցել: Մեկին ազատել ենք աշխատանքից, եկել է ինձ մոտ, ասում է՝ շատ շնորհակալ եմ, ես էլ ասել եմ՝ ապրես, գնա՛: Իմանալով իր բնավորությունը՝ ասել եմ՝ հանկարծ իմ վրա գրել չտաս: Հաջորդ օրը գրել է տվել՝ չնայած, որ ինձ խոստացել էր՝ չի գրի: Հավանաբար ինչ-որ մարդիկ մի քիչ շատ թեւ են տվել՝ ասելով, որ շատ լավ կլինի: Այդ ամեն ինչը ազդեցություն է ունեցել այս ամբողջ պրոցեսի վրա: Ես ամբիցիաներ չունեցող մարդկանցից մեկն եմ այս երկրում, երբեք աթոռի համար կռիվ չեմ տվել: Մի անգամ իմ խորհրդակցության ժամանակ ասել եմ՝ հրդեհի ժամանակ տարածքում կանգնածները սպիտակ վերնաշապիկով ֆռֆռում են: Ինձ անընդհատ հարցնում են՝ սպիտակ վերնաշապիկներովներին ազատելո՞ւ եք, այո՛, ազատելու եմ, դրանցից մի քանիսը կան՝ հերթ են կանգնած, թե երբ պիտի ազատեմ: Նրանք փրկարարի անունը գցող են: Ես մի բան գիտեմ՝ իմ գալուց հետո՝ 1 տարվա մեջ, փրկարար ծառայության պրեստիժը շատ է բարձրացել: Ասում են՝ Ցոլակյանի ժամանակ կոռումպացված վիճակ է. այսպես չի եղել: Վայ, ձեր տունը շինվի, կոռումպացվա՞ծ, ասացի՝ ամեն ինչ կարող եք կպցնել Ցոլակյանին, բացի կոռուպցիայից: Ինչ ուզում եք գրեք՝ բարեկամ-հարազատ: Ի՞նչ է եղել այն ժամանակ այստեղ՝ լեւի փող, լեւի յաշիկ, ինչ ասես՝ եղել է, ես եկել եմ ու ասել՝ պիտի օրենքով անենք: Բայց դա ոչ մեկի դուրը չի գալիս:

- Կոնկրետ վերջին օրերին ինչո՞վ եք պայմանավորում ձեր մասին այսքան հրապարակումները:

- Նույն խմբերն են: Հավանաբար իմ նկատմամբ էլի մարդիկ կան, որ կուզեին գրվեր, դա արդեն այստեղից դուրս: Եթե ուշադիր նայեք, թե որ մամուլն է գրում իմ մասին, կտեսնեք, թե քամին որտեղից է փչում:

- Պարո՛ն Ցոլակյան, այժմ ո՞վ է փոխարինում ՓԾ տնօրենին:

- ՓԾ տնօրենի ժամանակավոր պաշտոնակատար եմ նշանակել տնօրենի տեղակալ Վրեժ Գաբրիելյանին եւ միջնորդելու եմ վարչապետին, որ հենց նա նշանակվի տնօրեն:

 

Տպել
8749 դիտում

Ինչպես են փրկարարներն Արփա գետից դուրս բերում ավտոմեքենան (տեսանյութ)

Դատավորների ընդհանուր ժողովը ՍԴ դատավորի թեկնածու է ընտրել

Բրյուսելում կայանալիք հանդիպումը ինչի կարող է «դրդել» Հայաստանին․ ինչ է հայտարարել Ադրբեջանի ԱԳՆ-ն

Արտույտի ապօրինի որս է կատարվել․ ԲԸՏՄ-ն առգրավել է որսագողերի զենքերը

Վարչապետն ընդունել է Հայաստանի ամերիկյան համալսարանի նախագահին․ անդրադարձ է կատարվել ծրագրերին և նախաձեռնություններին

Crocus City Hall-ի ահաբեկչությունից հետո պատահաբար այնտեղ հայտնված և մարդկանց փրկած 35-ամյա Կարեն Ենգիբարյանը մահացել է

Կրակը մարելուց հետո այրված շինությունում տղամարդու դի է հայտնաբերվել

Նարեկ Մանթաշյանին նոր մեղադրանք է առաջադրվել

Զինծառայողն ինքնասպան է եղել համածառայակիցների և իր ոչ կանոնադրական հարաբերությունների պատճառով․ վարույթը դատարանում է

Վասիլիս Մարագոսը վերահաստատել է ԵՄ աջակցությունը արդարադատության ոլորտի բարեփոխումներին

Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)

Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)

Մոսկվայում կարծում են, թե ՀՀ-ում 102-րդ ռազմաբազայի առկայությունը Հայաստանի ինքնիշխանության միակ իրական երաշխիքն է

Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի

Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում