ՀԱՕԿ-ը ոչ մի իրավասություն չունի, ազգային հավաքականը ձեւավորվում է ՀՀ առաջնության արդյունքներով. Արթուր Գեւորգյան

Հայաստանի բռնցքամարտի ֆեդերացիա – Հայաստանի ազգային օլիմպիական կոմիտե հակամարտությունում նոր զարգացում կա: ՀԱՕԿ-ը պատրաստվում է մրցաշար անցկացնել («Կաշվե ձեռնոց»), դրա արդյունքների հիման վրա ձեւավորել հավաքական, որը 2020թ. գարնանը կմասնակցի օլիմպիական վարկանիշային մրցումների: Նման իրավասություն, ըստ ՀԲՖ նախագահ Արթուր Գեւորգյանի, ՀԱՕԿ-ը չունի: «Հայկական ժամանակ»-ի հետ զրույցում վերջինս նշեց, որ այդ իրավունքը պատկանում է միմիայն ՀԲՖ-ին:

«Ոչ մի իրավասություն չունեն, ազգային հավաքականը ձեւավորվում է ՀՀ առաջնության արդյունքներով, իսկ ՀՀ առաջնության անցկացման բացառիկ իրավունքն ունի միայն օրինական, միջազգային կառույցի (խմբ. ԱԻԲԱ) կողմից ճանաչված ֆեդերացիան, եւ մենք հատուկ դրա համար ֆինանսավորվում ենք պետությունից: Նրանց կողմից անցակցվող մրցաշարին դեմ չենք, մարդ են, մրցաշար է, անցկացնում են, բայց դա չի կարող հիմք հանդիսանալ ազգային հավաքական ձեւավորելու համար»,- ասաց նա:

Գեւորգյանը նաեւ ավելացրեց, որ ՄՕԿ-ն իրավասու չի լինի ընդունելու այդ թիմը, քանի որ ՀԱՕԿ-ն այն կազմավորելու իրավունքը չունի: Նման իրավիճակ ամռանը ստեղծվել էր Մինսկում կայացած Եվրոպական խաղերից առաջ, երբ ֆեդերացիան նույնպես ընդգծում էր, որ դրան կարող է մասնակցել բացառապես ՀԲՖ կազմած հավաքականը, սակայն ՀԱՕԿ-ն ամեն դեպքում կարողացավ իր ցանկացած կազմը տանել՝ ներառելով նաեւ մարզիկների, որոնք ՀԲՖ անդամ չեն: Գեւորգյանը խոստովանում է, որ հիմա էլ մտավախություն կա, որ նույնը կարող է կրկնվել, ու կարող են վարկանիշային մրցումներին գնալ նրանք, ովքեր ընտրվել են «Կաշվե ձեռնոց»-ի արդյունքներով:

«Միշտ էլ վտանգը կա, քանի որ, ցավոք, պետական ապարատն ուժեղանալու փոխարեն էլ ավելի թուլացավ, նման մասնավոր կառույցի վերածված ՀԱՕԿ-ներն սկսեցին ավելի լկտի գործել նոր կառավարության ժամանակ: Իհարկե, ամեն ինչ էլ հնարավոր է: Պետության մեջ ենք գործում, որտեղ մեր երաշխավորը պետք է լինի դատարանը, դատարանի վճիռը չեն կատարում, պետության մեջ ենք գործում, որտեղ կառավարությունը պետք է լինի հարցին ճիշտ լուծում տվողը, բայց ձեռնպահ է մնում չգիտես՝ ինչու, եւ թույլ է տալիս ինչ-որ հասարակական կառույցի կողմից ամբողջ օրն անօրինական գործունեություն»,- ասաց նա:

«Կաշվե ձեռնոց»-ը նախատեսված է անցկացնել այս տարի դեկտեմբերի 12-22-ը: Ըստ ՀԱՕԿ-ի՝ համակարգող խմբում ընդգրկվելու են ՀՀ կրթության, գիտության, մշակույթի եւ սպորտի նախարարության ներկայացուցիչներ: Նախարարության մասնակցությունը Գեւորգյանը մեկնաբանում է այսպես.

«Նախարարին (խմբ. Արայիկ Հարությունյան) հարցրեք՝ կյանքում իր հեռախոսից ծանր բան վերցրած կա՞: Մարդը, որն ատում է առողջ ապրելակերպը, ինչպե՞ս կարող է ղեկավարել սպորտը, ինչպե՞ս կարելի է սպորտը միացնել, համընդհանուր ինչ-որ կառույց, նախարարություն սարքել: Այնպիսի տպավորություն է, որ ծաղրում ենք, բոլոր միջոցներով փորձում ենք փորձության ենթարկել եւ ծաղրել սպորտը ՀՀ-ում»,- ասաց նա:

Գեւորգյանը նաեւ խոսեց ՀԱՕԿ-ի եւս մեկ հայտարարության մասին: Կառույցն օրեր առաջ նշել էր, որ ՀԲՖ-ն Լոզանի սպորտային արբիտրաժային դատարան (CAS) բողոք է ներկայացրել ՀԱՕԿ-ի ասամբլեայի որոշման վերաբերյալ (ՀԲՖ-ին ՀԱՕԿ-ի անդամակցությունից զրկելը), սակայն CAS-ը մերժել է բավարար հիմքեր չունենալու պատճառով: Այս հայտարարությունը, Գեւորգյանի խոսքով, սուտ է:

«ՀԱՕԿ-ը կրկին ստում է, ստոր ստում է: Դատը տեղի չի ունեցել, որովհետեւ ՀԱՕԿ-ը հրաժարվել է իր մասնաբաժին գումարը վճարել՝ 20 հազար ֆրանկը»,- ասաց նա:

Գեւորգյանը նաեւ ֆեյսբուքի իր էջում տեղադրել է իրեն ուղարկված CAS-ի նամակը, որում նրա ասվածը հաստատված է: CAS-ը նամակում նաեւ առաջարկում է, որ ՀՖԲ-ն վճարի ամբողջ գումարը:

ՀԲՖ – ՀԱՕԿ հակամարտությունը ձգվում է ավելի քան 1 տարի: Սկանդալն առաջացել է ՀԲՖ նախագահի ընտրություններից հետո: 2018-ի օգոստոսին Գեւորգյանը, որը միակ թեկնածուն էր, վերընտրվեց: Դրանից հետո բռնցքամարտի մի շարք ներկայացուցիչներ ոտքի կանգնեցին՝ ասելով, որ ընտրությունները խախտումներով են եղել: Բողոքողները նոր ֆեդերացիա ստեղծեցին:

Տպել
14829 դիտում

Սուր դանակը մեզ պետք է հաց կտրելու, ոչ թե վնասելու համար․ պատգամավորը՝ դատավորների բարեվարքության ստուգման նախագծի մասին

Իրավապաշտպանների անգործությունը կամ ինչպես դառնալ միլիոնատեր ուրիշի անձնագրով. ֆեյսբուքյան օգտիրոջ պատմությունը

Նոյեմբերի 25-ից ավտոմեքենաների մաքսազերծման գործառույթն ամբողջովին կտեղափոխվի Գյումրի քաղաք

«Խառը զգացմունքներ». պրեմիերա Երեւանի Կ. Ստանիսլավսկու անվան ռուսական թատրոնում

Հարկերի մասին մատչելի տեղեկատվությունն արդեն հասանելի է էլեկտրոնային հարթակում

Եվրասիական զարգացման բանկը նպատակ ունի ընդլայնել իր գործունեությունը Հայաստանում. էկոնոմիկայի նախարարություն

Փաշինյանին տեղեկություն տվողները կամ գիտությունից բան չեն հասկանում, կամ ակադեմիայի թշնամիներն են. Ռադիկ Մարտիրոսյան

Սիմֆոնիկ նվագախումբը կներկայացնի Ջեքսոնի հիթերը դասական մոտեցմամբ. համերգը նախորդ տարի հետաձգվել էր

ԱՄՆ Սենատում երկրորդ անգամ է վետո դրվել Հայոց ցեղասպանությունը ճանաչող բանաձևի վրա

Նոր օրինագծով հայոց լեզվի քննությունը բուհ ընդունվելիս պարտադիր կլինի, իսկ մինչ այդ խախտվում է «Լեզվի մասին» օրենքը

Չարենցավանի բժշկական կենտրոնի շուրջ 15 տարի լքված մասնաշենքը հիմնանորոգվել է

Իսրայելի գործող վարչապետ Բենյամին Նեթանյահուին պաշտոնական մեղադրանք է առաջադրվել

Փոքր եւ միջին ջերմատնային տնտեսությունների ներդրման պետական աջակցության ծրագիրը բացասական կողմեր չունի. գյուղատնտես

ԱԻՆ գլխավոր քարտուղար Վահագն Օհանյանը շրջայց է կատարել հրշեջ-փրկարարական ջոկատներում. ԱԻՆ

Քննարկվել են «Կուսակցությունների մասին» ՀՀ օրենքում առաջարկվող փոփոխությունները

ԱԻՆ-ում տեղի ունեցավ պաշտոնների նշանակման և հերթական կոչումների շնորհման հանդիսավոր արարողություն

Աղմուկ հանած եւ Կինոկենտրոնից 16 միլիոն դրամ ստացած «Չնչիկ»-ն այս տարի էլ մեծ էկրան չի բարձրանա

Վանաձորի՝ անձրեւի ժամանակ հեղեղվող դպրոցի տանիքը վերջապես կփոխվի (լուսանկարներ)

Նախագահ Արմեն Սարգսյանը հանդիպել է Ուկրաինայի վարչապետ Օլեքսի Հոնչարուկին

Խաշմանյանը պետք է ներողություն խնդրեր երկրպագուներից ու հրաժարական տար. Լեւոն Պաչաջյան