Մինչեւ 23 տարեկան հայ հունահռոմեականներն աշխարհի առաջնությունից գալիս են ոսկով ու բրոնզով, ազատոճայինները՝ ձեռնունայն

Հայաստանի հունահռոմեական ոճի ըմբիշները 2 մեդալով են վերադառնում մինչեւ 23 տարեկանների աշխարհի 2019 թ. առաջնությունից, մինչդեռ ազատոճայինները մնացին առանց մեդալների: Հոկտեմբերի 28-ից նոյեմբերի 3-ը Հունգարիայի մայրաքաղաք Բուդապեշտում կայացած մրցաշարում Արմեն Մելիքյանը (60կգ) չեմպիոն դարձավ: Դավիթ Օվասապյանը (130կգ) նվաճեց բրոնզե մեդալ:

Մելիքյանը 4 գոտեմարտ անցկացրեց ու մինչեւ եզրափակիչ հասնելը ոչ մի միավոր չտվեց մրցակիցներին: Պայքարը սկսեց 1/8 եզրափակչից, որտեղ հաղթեց բուլղարացի Մարտին Վելեւին (8-0), քառորդ եզրափակչում առավելության հասավ իրանցի Մեհդի Մոհսենի նկատմամբ (4-0), կիսաեզրափակչում պարտության մատնեց հունգարացի Կրիստիան Կեչսկեմետիին (5-0): Եզրափակչում ոսկե մեդալը նվաճեց 11-7 հաշվով՝ հաղթելով Ղրղզստանի ներկայացուցիչ Ժոլաման Շարշենբեկովին:

Օվասապյանը նույնպես պայքարը սկսեց 1/8 եզրափակչից: 2 հաղթանակ տանելուց հետո կիսաեզրափակչում պարտվեց վրացի Զվիադի Պատարիձին: Բրոնզե մեդալի համար գոտեմարտում առավելության հասավ ղազախ Մանսուր Շադուկաեւի նկատմամբ:

Մեդալ չկարողացավ նվաճել ընտրանու առաջատար, աշխարհի 2019 թ. առաջնության բրոնզեմեդալակիր Սլավիկ Գալստյանը (63կգ): Նա սկսեց 1/8 եզրափակչից, որտեղ հաղթեց հնդիկ Ռաջիթ Ռաջիթին: Քառորդ եզրափակչում պարտվեց թուրք Մեհմեթ Չերեքին: Վերջինս եզրափակիչ չհասավ, ու Գալստյանը մեդալի համար պայքարելու հնարավորություն չստացավ:

ՀՀ հունահռոմեական ոճի ըմբշամարտի հավաքականի կազմում մրցաշարին մասնակցում էին նաեւ Նորայր Հախոյանը (55կգ), Հայկ Մելիքյանը (67կգ), Հրանտ Կալաչյանը (72կգ), Վահե Պողոսյանը (77կգ), Արման Վարդումյանը (82կգ), Ալբերտ Եղիկյանը (87կգ)։ Նրանք պայքարն ավարտեցին առանց մեդալների:

Բրոնզ կարող էր նվաճել Հախոյանը: Նա սկսեց 1/8 եզրափակչից ու զիջեց ռուս Էմին Սեֆերշաեւին: Վերջինս եզրափակիչ հասավ, ու Հախոյանը պայքարը շարունակելու հնարավորություն ստացավ: 2 սփոփիչ գոտեմարտերում հաղթեց, սակայն բրոնզի համար պայքարում զիջեց ադրբեջանցի Զաուր Ալիեւին:

Բրոնզի հույսեր ուներ նաեւ Վարդումյանը: Սկսեց 1/8 եզրափակչից, որտեղ հաղթեց չինացի Լոնգսի Սունին: Քառորդ եզրափակչում զիջեց խորվաթ Վյեկոսլավ Լուբարիչին: Խորվաթը եզրափակիչ հասավ, ու Վարդումյանը շարունակեց պայքարը: Սփոփիչ գոտեմարտում հաղթեց, սակայն բրոնզի համար պայքարում զիջեց ղազախ Եվգենի Պոլիվադովին:

Ավելի վաղ պայքարն ավարտել էին հայ ազատոճայինները: Նրանք, ինչպես հունահռոմեականները, ներկայացված էին 10 քաշային կարգերից 9-ում. 2 ոճում էլ ՀՀ-ն 97կգ քաշային կարգի մասնակից չուներ: Ազատոճայիններն ընդհանուր առմամբ անհաջող հանդես եկան: Մեդալներ չնվաճեցին նաեւ առաջատարները՝ Եվրոպայի մինչեւ 23 տարեկանների չեմպիոն Վազգեն Թեւանյանը (65կգ) եւ հավաքականի գլխավոր հույսերից մեկը՝ Եվրոպայի 2019 թ. չեմպիոն Արսեն Հարությունյանը (61կգ):

Այս մրցաշարից հետո հայ ըմբիշներին սպասվում են Հայաստանի 2019 թ. առաջնությունները: ՀՀ ազատ ոճի ըմբշամարտի առաջնությունը տեղի կունենա նոյեմբերի 24-26-ը, հունահռոմեականներինը՝ դեկտեմբերի 2-4-ը: 2 մրցաշարերն էլ կանցկացվեն «Միկա» մարզահամալիրում: Առաջնությունների արդյունքներով կձեւավորվեն հավաքականները:

Տպել
375 դիտում

Սուր դանակը մեզ պետք է հաց կտրելու, ոչ թե վնասելու համար․ պատգամավորը՝ դատավորների բարեվարքության ստուգման նախագծի մասին

Իրավապահների անգործությունը կամ ինչպես դառնալ միլիոնատեր ուրիշի անձնագրով. ֆեյսբուքյան օգտիրոջ պատմությունը

Նոյեմբերի 25-ից ավտոմեքենաների մաքսազերծման գործառույթն ամբողջովին կտեղափոխվի Գյումրի քաղաք

«Խառը զգացմունքներ». պրեմիերա Երեւանի Կ. Ստանիսլավսկու անվան ռուսական թատրոնում

Հարկերի մասին մատչելի տեղեկատվությունն արդեն հասանելի է էլեկտրոնային հարթակում

Եվրասիական զարգացման բանկը նպատակ ունի ընդլայնել իր գործունեությունը Հայաստանում. էկոնոմիկայի նախարարություն

Փաշինյանին տեղեկություն տվողները կամ գիտությունից բան չեն հասկանում, կամ ակադեմիայի թշնամիներն են. Ռադիկ Մարտիրոսյան

Սիմֆոնիկ նվագախումբը կներկայացնի Ջեքսոնի հիթերը դասական մոտեցմամբ. համերգը նախորդ տարի հետաձգվել էր

ԱՄՆ Սենատում երկրորդ անգամ է վետո դրվել Հայոց ցեղասպանությունը ճանաչող բանաձևի վրա

Նոր օրինագծով հայոց լեզվի քննությունը բուհ ընդունվելիս պարտադիր կլինի, իսկ մինչ այդ խախտվում է «Լեզվի մասին» օրենքը

Չարենցավանի բժշկական կենտրոնի շուրջ 15 տարի լքված մասնաշենքը հիմնանորոգվել է

Իսրայելի գործող վարչապետ Բենյամին Նեթանյահուին պաշտոնական մեղադրանք է առաջադրվել

Փոքր եւ միջին ջերմատնային տնտեսությունների ներդրման պետական աջակցության ծրագիրը բացասական կողմեր չունի. գյուղատնտես

ԱԻՆ գլխավոր քարտուղար Վահագն Օհանյանը շրջայց է կատարել հրշեջ-փրկարարական ջոկատներում. ԱԻՆ

Քննարկվել են «Կուսակցությունների մասին» ՀՀ օրենքում առաջարկվող փոփոխությունները

ԱԻՆ-ում տեղի ունեցավ պաշտոնների նշանակման և հերթական կոչումների շնորհման հանդիսավոր արարողություն

Աղմուկ հանած եւ Կինոկենտրոնից 16 միլիոն դրամ ստացած «Չնչիկ»-ն այս տարի էլ մեծ էկրան չի բարձրանա

Վանաձորի՝ անձրեւի ժամանակ հեղեղվող դպրոցի տանիքը վերջապես կփոխվի (լուսանկարներ)

Նախագահ Արմեն Սարգսյանը հանդիպել է Ուկրաինայի վարչապետ Օլեքսի Հոնչարուկին

Խաշմանյանը պետք է ներողություն խնդրեր երկրպագուներից ու հրաժարական տար. Լեւոն Պաչաջյան