Յենս Ստոլտենբերգը պատասխանել է Թուրքիային ՆԱՏՕ-ից վտարելու կոչին՝ պաշտպանելով վերջինիս

04/11/2019 schedule13:39

ՆԱՏՕ-ի գլխավոր քարտուղար Յենս Ստոլտենբերգն արձագանքել է Հյուսիսատլանտյան դաշինքի կազմից Թուրքիայի անդամակցությունը հանելու մասին կոչերին:

Նա հայտարարել է, որ ի տարբերություն ԵՄ-ի, ՆԱՏՕ-ն չունի մեխանիզմներ՝ դաշինքի անդամներից մեկի դեմ կիրառելու համար, որովհետեւ անդամ երկրները բաց եւ հստակ տեքստով կարծիքներ են փոխանակում այս կամ այն հարցի շուրջ: Բացի այդ, Ստոլտենբերգը հայտնել է, որ Թուրքիան հսկայական ներդրում է ունեցել Սիրիայում «խալիֆաթ»-ի ոչնչացման գործում:

«Թուրքիայի ներխուժումը Սիրիայի հյուսիս քննադատվեց բազմաթիվ երկրների կողմից, որոնք ՆԱՏՕ-ի անդամներ էին: Ակնհայտ է, որ «Իսլամական պետություն» ահաբեկչական խմբավորման դեմ տարվող պայքարը չպետք է վտանգի ենթարկվի, հումանիտար իրավիճակը չպետք է բարդանա: Միաժամանակ մենք ականատեսն ենք Սիրիայի հյուսիս-արեւելքում բռնության նվազման:

Ոչ մի այլ երկիր չի ընդունել այնքան սիրիացի փախստականների, որքան Թուրքիան: Վերջին պաշտոնական տվյալներով՝ Թուրքիայում ապաստան է ստացել 3,6 միլիոն քաղաքացի Սիրիայից: ՆԱՏՕ-ի ոչ մի այլ անդամ չի ենթարկվել այնքան ահաբեկչական հարձակման, որքան Թուրքիան»,- ասել է կառույցի գլխավոր քարտուղարը Bild պարբերականի հետ հարցազրույցում:

Ստոլտենբերգի փոխանցմամբ՝ «ԻՊ»-ի դեմ պայքարը պետք է շարունակական լինի, եւ չպետք է թույլ տալ, որ բռնված ահաբեկիչ զինյալները ազատության մեջ հայտնվեն:

«Ալ-Բաղդադիի (ԻՊ առաջնորդ) մահը չի նշանակում ԻՊ-ի վերջը: Խմբավորումը Իրաքում եւ Սիրիայում հսկայական տարածքներ ուներ իր վերահսկողության տակ, մենք ազատագրել ենք այդ տարածքների մի մասը, բայց ԻՊ-ին դեռեւս չենք հաղթել: Պայքարը կշարունակվի մինչեւ նրանց ուժերից ազատագրվեն բոլոր տարածքները»,- հավելել է ՆԱՏՕ-ի գլխավոր քարտուղարը:

Ստոլտենբերգը նաեւ ընդգծել է, որ անհրաժեշտ է գտնել կոնֆլիկտի լուծման նոր մեթոդներ՝ անկախ «Սիրիայի հյուսիսի մասին» Թուրքիայի եւ Ռուսաստանի Դաշնության միջեւ ձեռք բերված պայմանավորվածությունների: Մասնավորապես նա ողջունել է Գերմանիայի պաշտպանության նախարար Աննեգրետ Քրամպ-Քարրենբաուերի առաջարկը՝ սիրիա-թուրքական սահմանին ՄԱԿ-ի կողմից հովանավորվող անվտանգության գոտիներ ստեղծելու մասին:

«Երբեք ուշ չէ գտնել ավելի լավ պայմաններ, որոնք, ի վերջո, կհանգեցնեն քաղաքական ճիշտ լուծման, հատկապես Սիրիայում: Այդքան էլ հեշտ չէ Սիրիա նոր զորքեր ուղարկելու թույլտվություն ստանալը: Ուստի դեռ վաղ է ասել, թե արդյոք այս առաջարկը կարո՞ղ է կյանքի կոչվել »,- ասել է գլխավոր քարտուղարը:

Նշենք, որ Յանս Ստոլտենբերգն այս մասին խոսել է ի պատասխան «Ֆրանսիայի ազգային միավորում» կուսակցության առաջնորդ Մարին Լը Պենի հայտարարությունների: Վերջինս հոկտեմբերի 20-ին առաջարկել է վտարել Թուրքիային ՆԱՏՕ-ից:

Քաղաքական գործիչը քննադատել է ԵՄ-ին՝ «ոչինչ չանելու և ոչինչ չառաջարկելու» համար Սիրիայի հյուսիսում Անկարայի գործողություններին ի պատասխան: Ըստ Լը Պենի՝ Թուրքիան իր ռազմական գործողություններով խախտել է դաշինքում գտնվելու չափանիշները:

Տպել
324 դիտում

Ոստիկանները հայտնաբերել են նարկոլոգիական կենտրոնում հաշվառված վարորդների (տեսանյութ)

10-ից ավելի միկրոավտոբուս տեղափոխվել է ճանապարհային ոստիկանության պահպանող հատուկ տարածք. հայտնաբերվել են դանակներ

ԱԺ նախագահը մասնակցել է ԱՊՀ միջխորհրդարանական վեհաժողովի խորհրդի նիստին

ՖԱՖ եւ «Red Eagles» ֆան-ակումբները գիտեն՝ ՀՖՖ ինչպիսի նախագահ են ուզում

Ապօրինի ծառահատումներ Լոռու մարզում. ՀՀ ոստիկանություն

Եթե նախարարի հետ ուսանողների հանդիպում ծրագրվի, ուսանողները նրան կսպասեն ԵՊՀ-ում. դասախոսների ընդունելությունից դժգոհ են

Ժամերի փոփոխությունը հնարավորություն կտա օգտագործելով բնական լույսը՝ խնայել հոսանք եւ ոչ միայն. Ալեն Սիմոնյան

Վրաստանի ֆուտբոլի հավաքականը 15 այլ երկրների շարքում կմրցի Եվրո 2020-ի ուղեգրերի համար. ՀՀ-ն վաղուց պայքարից դուրս է

«ՀԱՅԲԻԶՆԵՍԲԱՆԿ» ՓԲԸ-ի խորհրդի նախագահը որոշել է մասնակցել Արցախի նախագահական ընտրություններին

ԱԱԾ տնօրենի ժ/պ Էդուարդ Մարտիրոսյանն ընդունել է Հայաստանում և Վրաստանում Հնդկաստանի դեսպանին

Զոդի ողբերգական վթարի գործով պիկապի արագությունը չի պարզվել. տուժողի իրավահաջորդ

Վարչապետի հայտարարությունը Իտալիայի վարչապետի հետ բանակցությունների արդյունքների վերաբերյալ (տեսանյութ)

Հակոբ Արշակյանն ընդունել է ԱՄՆ Միջազգային զարգացման գործակալության հայաստանյան առաքելության պատվիրակությանը

Մի անգամ առանց Եվգենի Պետրոսյանից հարցնելու նրա հայկական ազգանունը փոխել են ռուսականի

Արմեն Սարգսյանը մասնակցել է ՎԶԵԲ Արևելյան գործընկերության առաջին ներդրումային գագաթնաժողովին

Փրկարար ծառայություն ընդունվողներն անպայման եռամսյա փորձաշրջան պետք է անցնեն. խորհրդակցություն ԱԻՆ-ում

Հայաստանի համախառն միջազգային պահուստներն ավելացել են 19%-ով. ՀՀ կառավարություն

Թիվ 156 դպրոցում պայթուցիկ սարք չի հայտնաբերվել. ԱԻՆ

ՊՆ 2-րդ զորամիավորումում մարտական հրաձգությամբ զորավարժություն է անցկացվել

Ահազանգ է ստացվել, որ 156 դպրոցում պայթուցիկ սարք կա, տեղում են փրկարար ծառայության աշխատակիցները