ԵՊՀ-ում դասադուլը շարունակվում է. ուսանողները ԿԳՄՍՆ շենքի մոտ նստացույց են հայտարարել (լրացված)

ժ.11։30 Երեւանի պետական համալսարանի բանասիրության ֆակուլտետի նախաձեռնած դասադուլը շարունակվում է: Ուսանողներն այսօր երթով շարժվել են դեպի ԵՊՀ կենտրոնական մասնաշենք: Ինչպես հայտնում է «Հայկական ժամանակ»-ի թղթակիցը, նրանց թիվն աստիճանաբար աճում է: Առայժմ նրանք մոտ 100-ն են:

Բողոքի ցույցի մասնակիցներին են միացել ուսանողներ ռոմանագերմանական, արեւելագիտության, պատմության ֆակուլտետներից: Ուսանողները հայտարարել են, որ բուհից ուղեւորվելու են դեպի կառավարության շենք, որտեղ այս պահին նիստ է ընթանում:

Ուսանողներն ասել են, որ իրենց ակցիան համաձայնեցված է ֆակուլտետի ղեկավարության ու դասախոսների հետ եւ դասերին չմասնակցելու թույլտվություն են ստացել: Բողոքի ցույց անող երիտասարդներին միացել են նաեւ մի խումբ դասախոսներ:

ԵՊՀ-ում, հիմնականում բանասիրության ֆակուլտետի ուսանողները, դասադուլ են անում երեկվանից: Նրանց բողոքն ընդդեմ «Բարձրագույն կրթության եւ գիտության մասին» օրենքի նախագծի է: Ավելի հստակ՝ այն դրույթի, ըստ որի՝ բուհերում «Հայոց լեզու», «Հայ գրականություն» եւ «Հայոց պատմություն» առարկաների դասավանդումը պարտադիր չէ, եւ բուհն ազատ է ինքը որոշելու՝ նպատակահարմա՞ր է դրանք ներառել ուսումնական ծրագրերի մեջ, թե՞ ոչ:   

Ժ.12:10 Բողոքի ցույցի մասնակիցներն արդեն կառավարության շենքի մոտ են: Նրանց են միացել ուսանողներ աստվածաբանության ֆակուլտետից, նաեւ ՀՅԴ երիտասարդական միությունը: Հավաքվածները վանկարկում են «Արայի՛կ, հեռացի՛ր»: Նրանք տարբեր գրությամբ պաստառներ են պարզել. «Պահանջվում է ԿԳՄՍ նախարար», «Հայ ա մետ», «#գորՁ կա»:

ժ.12:50 ԵՊՀ դասադուլ հայտարարած ուսանողներն իրենց բողոքի ցույցը շարունակում են կրթության, գիտության, մշակույթի եւ սպորտի նախարարության շենքի մոտ: Նրանք բողոքում են նաեւ «Մել» ֆիլմի համար գումարներ հատկացնելու, «Հայոց եկեղեցու պատմություն» առարկան դպրոցներում, որպես այդպիսին, չդասավանդելու հեռանկարի դեմ: Նրանք նախարարի հեռանալու պահանջը երբեմն-երբեմն վանկարկում են անգլերենով: Պատճառաբանում են, որ ոչ հայերեն լեզուն նրան ավելի հասկանալի է:

Ուսանողները հայտարարել են, որ նստացույց են սկսում, ԵՊՀ մյուս ֆակուլտետների ուսանողներին կոչ են արել միանալ իրենց:

Տպել
525 դիտում

Նախորդ շաբաթվա ընթացքում արձանագրվել է թունավորման 8 դեպք, տուժել է 19, զոհվել՝ 5 քաղաքացի

Մեղրաձոր գյուղում այրվել է մոտ 1000 հակ անասնակեր

Թբիլիսիում հազարավոր մարդիկ արգելափակել են խորհրդարանը, պահանջում են կառավարության հրաժարական և արտահերթ ընտրություններ

Սիսիան-Երևան ավտոճանապարհին ավտոմեքենան կողաշրջվել է. կա տուժած

Հանձնաժողովի տեղ ծախեմ դոլարով. ընդդիմությունը հանձնեց նաեւ դալարը

Աչք են դրել. ո՞ւմը կդառնա պոլիկլինիկայի շենքը

Եկեք մեզ ստուգեք. արդեն զավեշտական է դառնում

56 տարեկանում մահացել է նախկին պատգամավոր Հովհաննես Ահարոնյանը

Վարչապետը ծանոթացել է Կոտայքում իրականացվող սուբվենցիոն ծրագրերի ընթացքին (լուսանկարներ)

Առավոտյան ժամը 05:00-ի սահմաններում «Նուբարաշեն» ՔԿՀ-ի դատապարտյալ է փախել. ՔԿԾ-ն փնտրում է

Գորիս-«Զանգեր» ավտոճանապարհին առկա է մառախուղ, Լարսը բաց է բոլոր տեսակի ավտոմեքենաների համար

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 18.7 հա տարածք

Ամուլսարի հարցով հանդիպում է տեղի ունեցել Գնդեվազի եւ Ջերմուկի բնակիչների, շահագրգիռ կողմերի հետ

30 հատ արծաթափայլ եղևնիների գողություն Կոտայքի մարզում. տուժածը բնապահպանության նախարարության պաշտոնյա է

Միհրան Ծառուկյանը բեմում ամուսնության առաջարկ արեց Արփի Գաբրիելյանին (տեսանյութ)

Գնալ խանութ եւ հանդիպել... Հայաստանի Ազգային հերոս Հովհաննես Չեքիջյանին. վարչապետը լուսանկար է հրապարակել

Արմեն Սարգսյանը պաշտոնական այցով ժամանել է Կատարի Պետություն (լուսանկարներ, տեսանյութ)

Հրաժարվում ենք պոլիէթիլենային տոպրակներից և վերցնում կտորե տոպրակներ. վարչապետն ու տիկինը գնումներ են կատարում

Նոր-Հաճնում՝ իրենց բնակարանում շմոլ գազից մահացածներից երկուսը հանդես էին գալիս «Արարատ» ՖԱ-ի կանանց թիմում

Ապօրինի ծառահատում Փամբակ գյուղի տարածքում. փայտանյութի համար փաստաթուղթ չի ներկայացվել