Առաջարկվում է տուգանել շներին առանց դնչկալի զբոսանքի տանողներին. շուն պահողները դեմ են կենդանուն ճնշելուն

Երեւանում զբոսնելիս ամեն քայլափոխի կարելի է հանդիպել մարդկանց, որոնք իրենց շներին դուրս են բերում զբոսանքի առանց դնչկալների, երբեմն նաեւ առանց վզկապների: Շուն պահող քաղաքացիների մեծ մասը սահմանված կանոնները չեն պահպանում, իսկ օրենքը պահանջում է՝ անգամ մի քիչ ագրեսիվ եւ խոշոր չափերի շնատեսակներին զբոսանքի տանելիս հագցնել դնչկալ, անպայման կարճ կապի վրա պահել:

«Թափառող կենդանիների վնասազերծման կենտրոն» ՀՈԱԿ-ի տնօրեն Արմեն Բեգոյանի համոզմամբ՝ մեր քաղաքացիների կողմից հազվադեպ են արվում օրենքով նախատեսված քայլերը: «Սա խնդիր է, որովհետեւ ազատ բաց թողնելով՝ կենդանին իրենցից բավականին հեռու է լինում եւ կարող է վտանգ ներկայացնել: Եթե անգամ որեւէ մեկին չի վնասում, ամեն դեպքում, մանկահասակ երեխաների համար այն վախենալու է, նրանք խուսափում են, փախչում: Բացի փոքրիկ շներից (ձեռքի, գրպանի շուն)՝ մնացածը պետք է լինեն դնչկալներով, եթե հասարակության մեջ են»,- նկատեց նա:

Համաձայն 2011 թվականի ՀՀ Երեւանի ավագանու N312-Ն որոշման (Երեւան քաղաքում ընտանի կենդանիներին հաշվառելու եւ պահելու կանոնները հաստատելու մասին)՝ շների զբոսանքի ժամանակ տիրապետողը պարտավոր է շանը պահել դնչկալով՝ մայթերով շարժման ժամանակ, հետիոտնի ճանապարհին, մարդաշատ վայրերում եւ երթեւեկության հատման մասերում։ Հասարակական վայրերում տիրապետողը պետք է ագրեսիվ շանը պահի կարճ կապի վրա եւ դնչկալով։ Իսկ առանց դնչկալի եւ կապի շանը զբոսանքի տանելու առանձնացված վայրերն սահմանվում են Երեւանի քաղաքապետի կողմից:

Բեգոյանի խոսքով՝ օրենքի նոր նախագիծ է մշակվում, որի նախնական քննարկումներին մասնակցել է նաեւ իրենց ՀՈԱԿ-ը: Նախատեսվում է հասարակական վայրերում շներին առանց դնչկալի զբոսանքի տանելու դեպքում նրանց տերերին ենթարկել վարչական պատասխանատվության՝ տուգանել:

Նա նաեւ նկատեց՝ Երեւան քաղաքի վարչական տարածքում ընտանի կենդանիներ պահելու թույլտվության համար գոյություն ունեցող տեղական տուրքը եւս մարդիկ չեն վճարում. «Ընթացիկ տարվա համար՝ 5000 դրամ է, բայց չեն տալիս»:

«Հայկական ժամանակ»-ը հարցում անցկացրեց քաղաքի որոշ հատվածներում զբոսնող շնատերերի հետ: Հարկ է նշել, որ մեր հարցվածները շներին հանել էին զբոսանքի առանց դնչկալի, բայց կարճ կապով: Անահիտ Վարդանյանը մեկ տարի է, ինչ պահում է «պուդել» տեսակի շուն, այդ ընթացքում դնչկալ չի հագցրել: Մեր զրույցում վստահեցրեց, որ չի էլ պատրաստվում հագցնել՝ անկախ ամեն ինչից:

«Այսքան ժամանակ կարիք չի եղել, շունը չի հարձակվել ոչ ոքի վրա: Մեր դիմացի այգում մեծ շներ կան, որոնք դնչկալներով են ու ագրեսիվ, բայց իմ շունը լսող է, բոլորովին կարիք չկա նրան տանջելու»,- ասաց նա: Անահիտ Վարդանյանը եւս 5 հազար դրամները չի մուծում, սակայն այն համոզմանն է, որ եթե այդ գումարներն օգտագործվեն թափառական շների խնամքի համար, ապա կտրամադրի:

Ռուզաննա Երիցյանն արդեն մի տարի է, ինչ պահում է «Կոկեր սպանիել» տեսակի շուն, դնչկալ չի հագցրել: «Մեծ շներից վախենում եմ, կարծում եմ՝ մեծ շների դեպքում պարտադիր պետք է հագցնել»,- ասաց նա: Մեր հարցվածներից շատերն էլ այն համոզմանն են, որ պահանջվող 5 հազար դրամները լրիվ անհիմն են, դա քայլ է՝ մարդկանց համար հավելյալ խոչընդոտ ստեղծելու:

Ըստ Արմեն Բեգոյանի՝ կենդանիների, մասնավորապես շների խնամքի դեպքում մեզ մոտ դեռ չի զարգացել մեկ այլ՝ ոչ պակաս կարեւոր մշակույթ: Խոսքը հասարակական վայրերում կենդանու բնական կարիքները հոգալու եւ հետքերը չվերացնելու մասին է: «Հիմնականում դուրս են բերում, որպեսզի կենդանին իր բնական կարիքները հոգա: Տիրոջ մոտ պարտադիր պետք է լինի ձեռնոց եւ համապատասխան տոպրակ, որպեսզի շան կարիքները հոգալուց հետո նա անմիջապես հագնի ձեռնոցը, վերցնի կեղտն ու գցի աղբարկղ»,- շեշտեց Բեգոյանը:

Նա նկատեց, որ վերջին մի քանի տարիներին այդ մշակույթը քիչ թե շատ զարգացել է քաղաքի կենտրոնում. «Ես տեսնում եմ, որ նրանք համապատասխան պատրաստվածություն ունեն, բայց դա նկատել եմ միայն կենտրոնում, քաղաքի այլ հատվածներում շունն ինչպես կեղտոտում է, այնպես էլ տերը թողնում, հեռանում է: Էսթետիկորեն չափազանց տհաճ բան է, էլ չասեմ, որ կեղտոտվում է քաղաքի կանաչ հատվածը, որն անընդունելի է»:

«Թափառող կենդանիների վնասազերծման կենտրոն» ՀՈԱԿ-ի տնօրենը նաեւ հիշեցրեց ՀՀ Ազգային ժողովի պատգամավորներ Լենա Նազարյանի եւ Մերի Գալստյանի հեղինակած «Կենդանիների նկատմամբ պատասխանատու վերաբերմունքի մասին» օրենքի նոր նախագիծը: Հայտնեց, որ ամբողջական փաթեթի պատրաստմանը, որպես ոլորտից քաջատեղյակ, մասնակցել է նաեւ իրենց ՀՈԱԿ-ը: «Բազմիցս հանդիպումներ ենք ունեցել եւ քննարկել օրինագծի փաթեթը, որի նպատակն է սահմանել կենդանիների նկատմամբ պատասխանատու վերաբերմունքը, ինչը ենթադրում է կենդանու խնամքը, բուծումը, հաշվառումը, վաճառքը եւ նրա նկատմամբ բոլոր գործողությունները»,- ասաց Բեգոյանը:

Նախագծով փորձ է արվում կարգավորել Հայաստանում ընտանի կենդանիների ցուցադրման, ժամանցային եւ սպորտային միջոցառումների համար օգտագործվող, անազատ պայմաններում պահվող, ծառայողական եւ թափառող, ինչպես նաեւ փորձարկումների համար օգտագործվող կենդանիների նկատմամբ պատասխանատու վերաբերմունքի շուրջ իրավահարաբերությունները:

Բեգոյանը հայտնեց, որ նոր մշակվող փաթեթով վերջնական սահմանվելու է քաղաքացու կողմից կենդանի պահելու կանոնները, բնակարանային պայմաններում նրանց թույլատրելի քանակը: «Ունենք բազմաբնակարան շենքեր, որտեղ որոշ քաղաքացիներ պահում են հինգ եւ ավելի շներ: Դրանք անհարմարություն են ստեղծում հարեւանների համար, շենքի մնացած բնակիչների համար: Այսուհետ 3 կենդանուց ավելի պահելու դեպքում պետք է համապատասխան կառույցներից քաղաքացին թույլտվություն ունենա»,- եզրափակեց նա:

Ազգային ժողովը սույն թվականի հոկտեմբերի 23-ին ամբողջությամբ ընդունել է կենդանիների նկատմամբ դաժան վերաբերմունքը քրեականացնող նախագիծը: Հիշեցնենք, որ այդ օրենքով տնային եւ անտուն կենդանու հանդեպ դաժան վերաբերմունքի համար (խեղելը, մասնատելը, թունավորելը, փորձարկելու, ողջ վիճակում անդամահատումը, մաշկահանումը, կենդանուն բարձրությունից նետելը, մարտերի կազմակերպումն ու անցկացումը) նախատեսվում է տուգանք՝ 100-200 հազար դրամի չափով կամ կալանք՝ 1-3 ամիս ժամկետով կամ ազատազրկում՝ առավելագույնը 1 տարի ժամկետով:

Տպել
3168 դիտում

Նոր հաղթանակներ գրանցելու համար պետք է հիշել և արժևորել պատմական հաղթանակները. Արցախի ԱԳՆ

Նիկոլ Փաշինյանն այցելել է Եռաբլուր

Մենք պարտավոր ենք հաղթել. ՀՀ նախագահի ուղերձը Հաղթանակի և խաղաղության տոնի առթիվ

Շուշին այսօր էլ պիտի լինի հայկական վերածննդի կարևորագույն խորհրդանիշներից մեկը. Արարատ Միրզոյան

Ֆիորին France 3-ի եթերում չկարողացավ զսպել հուզմունքը Ազնավուրի «Քեզ համար Հայաստան» երգի կատարման ժամանակ (տեսանյութ)

Աննա Հակոբյանն այցելել է անմահացած ժամկետային զինծառայող Վահան Աղախանյանի ընտանիքին

Ցավում եմ, որ այս բարձրագույն կոչումը հանձնում եմ ոչ թե անձամբ Կոմանդոսին, այլ Ձեզ, և հանձնում ենք հետմահու. Փաշինյան

Պետական սահմանում պահպանվել է օպերատիվ մարտավարական կայուն իրավիճակ

Ֆրանսիական Ալպերում ձնահյուսի պատճառով չորս մարդ է մահացել

Օտարերկրացի ապագա բժիշկները 100+33 ծառ տնկեցին «Եռաբլուր» զինվորական պանթեոնում

Իսպանիայում ՀՀ դեսպանության ներկայացուցիչները մասնակցել են նացիզմից Եվրոպայի ազատագրման օրվա միջոցառմանը

Կամո Ցուցուլյանը նշանակվել է ՀՀ ոստիկանության պետի տեղակալ

Թաղավարդ և Մեծ Թաղեր գյուղերի գերեզմանատները ոչնչացնելու դեպքերի վերաբերյալ հրապարկումներն ուղարկվել է ԱՀ ոստիկանություն

Հետախուզվողը հայտնաբերվեց Հանրապետության հրապարակում

Երևանի քաղաքապետարանի ենթակայությամբ գործող մանկապարտեզներում կվերսկսվի երեխաների ընդունելությունը

Գյումրիում կարդիականացվի փողոցային լուսավորության համակարգը

Ներքին Հանդ-Ծավ ճանապարհից 20-ամյա տղամարդ է բերման ենթարկվել

Ադրդեջանի կողմից հայկական դիրքերի գրավման փորձ չի եղել, լուրը չի համապատասխանում իրականությանը. Info chechk

Նիկոլ Փաշինյանն Արկադի Տեր-Թադևոսյանին շնորհված Հայրենիքի շքանշանը հանձնել է նրա որդուն՝ Հայկ Տեր-Թադևոսյանին

Շաբաթ և կիրակի օրերին պոլիկլինիկաներում պատվաստումների համար սահմանվել են հերթապահություններ

«Mitsubishi montero»-ն ընկել է Ասկերանի գետը. մեքենայում նաև վարորդի 80-ամյա տատն է եղել

Սփյուռքահայ բժիշկները հայրենիքի համար ծանր ժամանակահատվածում եղել են թիկունքի զինվորները

Քրեական գործ է հարուցվել Երևանում հնչած կրակոցների դեպքի առթիվ. սպանվածը 1984 թվականին ծնված տղամարդ է

Կայացել է «Երաժշտություն հանուն ապագայի» կրթաթոշակառուների համերգը

Օդի ջերմաստիճանը կնվազի 5-ից 7 աստիճանով. լեռնային շրջաններում ձյուն է սպասվում

Պուտինը Հայրենական պատերազմում հաղթանակի 76-րդ տարեդարձի առթիվ շնորհավորել է Փաշինյանին և ՀՀ քաղաքացիներին. «Արմենպրես»

Շիրակի մարզպետն ու Գյումրու քաղաքապետը հարգանքի տուրք են մատուցել հանուն հայրենիքի նահատակվածների հիշատակին

Շատինցի տղամարդն ու գյուղի անասնապահը արջ են սպանել

«Շուշիս». Ստեփանակերտում բացվել է բերդաքաղաքի հայկականությունը փաստող հետազոտությունների ցուցահանդես. «Արցախպրես»

Ռուս խաղաղապահները Լեռնային Ղարաբաղում ականազերծել են շուրջ 2087 հա տարածք

Նիդերլանդներում հայ կնոջ դանակահարության դեպքը ճշտվում է. լուսանկարի կինը ողջ ու առողջ է. դեսպանություն

Պետք է համախմբվենք, չկորցնենք հույսը, որ Շուշին հետ բերենք. Սասուն Միքայելյանն ու ԵԿՄ-ն այցելել են Եռաբլուր

Արցախի ՄԻՊ-ն առցանց հանդիպում է ունեցել «Վերադարձ դեպի Քաշաթաղ» հկ-ի ներկայացուցիչների հետ

Ստեփանակերտ-Դրմբոն ավտոճանապարհին մեքենան ձորն է ընկել. տուժածը տեղափոխվել է զինվորական հոսպիտալ

Նախագահ Արմեն Սարգսյանի անունից ծաղկեպսակ է դրվել «Եռաբլուր» զինվորական պանթեոնում

Արցախում հաստատվել է կորոնավիրուսի 13 նոր դեպք. ստացիոնար բուժում է ստանում 16 մարդ

Դեպքի վայր ժամանած փրկարարներն օգնություն են ցուցաբերել քաղաքացիներին

Կորոնավիրուսի 411 նոր դեպք է հաստատվել. առողջացել է 814, մահացել՝ 16 մարդ

ՀՀ տարածքում կա դժվարանցանելի ավտոճանապարհ, Լարսը բաց է

Տուն, վագոն-տնակ, անասնագոմ. հրդեհի 5 ահազանգ ՀՀ մարզերից