Երկրաշարժի պատճառով անօթևան մնացած ընտանիքների բնակարանաշինության ծրագրին 6.5 անգամ ավելի գումար է հատկացվել․ Կարապետյան

15/11/2019 schedule11:53

ԱԺ-ում շարունակվում է 2020 թվականի բյուջեի նախագծի քննարկումը:

Քննարկման ժամանակ «Իմ քայլը» խմբակցության պատգամավոր Վարազդատ Կարապետյանը խոսեց բյուջեի մի շարք դրական ու արդյունավետ կողմերի մասին: Նրա կարծիքով՝ այդքան էլ արդյունավետ չէ ԱԺ ամբիոնը ծառայեցնել թվերի մասին խոսելու համար, բայց որոշակի ծրագրեր կան, որտեղ կա բարելավման պոտենցիալ:

Անդրադառնալով կրթության ոլորտին՝ Կարապետյանը նշեց, որ բյուջեում շատ մանրակրկիտ է քննարկվել այս ոլորտը։ Պատգամավորը երեք շատ կարեւոր ծրագրեր առանձնացրեց։ Առաջինը՝ ռոբոտաշինության զարգացման ծրագիրն է, որը, ըստ Կարապետյանի, կրթական նոր մշակույթն է, որ մտնում է դպրոց՝ աշակերտներին տալով նոր հնարավորություն. ստանդարտ առարկաներից ու դասաժամերից անցում կատարել դեպի ստեղծագործականություն:

Երկրորդը՝ «Ապահով դպրոց» ծրագիրն է, որտեղ 8 անգամ ավելի ներդրումներ են լինելու: Սա թույլ է տալիս հավասար կառույցային պայմաններ ապահովել Հայաստանի բոլոր աշակերտների համար՝ լինի դա Երեւանի կենտրոնում, թե սահմանամերձ գյուղերում:

Մյուս ծրագիրն ուղղված է հայոց լեզվի դասավանդմանն օտարերկրյա դպրոցներում, որտեղ 70 տոկոսով ավելի գումար է հատկացվել, քան 2018-ին: Սա պատասխանն է այն հարցի, թե ինչ մոտեցում ունի կառավարությունը հայոց լեզվի վերաբերյալ, իսկ ԲՈՒՀ-երի հետ կապված՝ Կարապետյանը նշեց, որ դրանք, որպես ակադեմիական հաստատություններ, իրենք պետք է որոշեն, թե ինչպես դասավանդեն հայոց լեզուն: Պատգամավորի կարծիքով՝ սա ճիշտ մոտեցում է, քանի որ տարբեր մասնագիտությունների շրջանակներում հայոց լեզուն պետք է դասավանդվի տարբեր կերպ:

Պատգամավորը նաեւ առանձնացրեց երկրաշարժի պատճառով անօթեւան մնացած ընտանիքների բնակարանաշինության ծրագիրը, որտեղ 6.5 անգամ ավելի գումար է հատկացվել, քան անցած տարի․ «Աղետի գոտին պետք է դադարի աղետի գոտի լինելուց»,- ասաց պատգամավորը՝ հույս հայտնելով, որ 2020-ին վերջնականապես կլուծվի այս հարցը:

Տարածքային կառավարման ոլորտում կան մի շարք ծրագրեր, որոնք Կարապետյանն առանձնացրեց: Դրանցից առաջինը ճանապարհաշինությունը բարեկարգող ծրագրերն են, որտեղ կա 4 անգամ ավելի գումարի աճ, մասնավորապես Գյումրիում՝ 12 անգամ ավելի: Ոռոգման համակարգերի բարեկարգմանն ուղղված ծրագրի միջոցներն էլ աճել են 15 անգամ:

Մյուս կարեւոր ծրագիրը Սեւանա լճի ափամերձ հատվածներում ջրածածկ անտառների մաքրմանն ուղղված միջոցառումներն են, որտեղ 14 անգամ ավելի շատ գումար է հատկացված, եւ այն, որ տարիներ շարունակ չի արվել, պատգամավորի խոսքով, առաջիկա 2-3 տարիների ընթացքում ամբողջությամբ կարվի:

Պատգամավորի խոսքով՝ առաջիկա մի քանի ամիսների ընթացքում կհասկանանք ծրագրերի արդյունավետությունը եւ եթե կարիք լինի, պետք է ավելացնել ֆինանսավորումը:

«Ես կոչ եմ անում կողմ քվեարկել, որովհետեւ այս բյուջեն իրականում շատ բան կփոխի 2020 թվականին»,-եզրափակեց Վարազդատ Կարապետյանը:

 Ժաննա Ջեյրանյան

Տպել
500 դիտում

Գյումրեցի գործարար Գարիկ Ուզունյանը՝ Շեկոն, ձերբակալվել է, հարուցվել է քրեական գործ (տեսանյութ)

Դատավոր Աննա Դանիբեկյանին հետապնդած երիտասարդներից մեկն ազատ կարձակվի

Գյումրեցի գործարար Գարիկ Ուզունյանը բերման ենթարկվեց. Կարեն Սարուխանյան

Իրանն ու ԱՄՆ-ն փոխանակվել են դատապարտյալներով

Կաշառքի գործով Ռազմիկ Աբրահամյանն ընդունեց մեղադրանքը, իսկ Արսեն Դավթյանը` ոչ

ՊԵԿ նախագահի տեղակալը խաղային ոլորտի միջազգային փորձագետների հետ քննարկել է հայկական խաղային շուկան

«Ես ասել եմ էտել, իրենք սխալ են հասկացել». Գյումրու N20 դպրոցի բակում ծառեր են հատվել, վնասը կփոխհատուցի տնտեսվարը

ՏԿԵ նախարարությունում քննարկվել են պղնձաձուլարանի կառուցման նախագծին վերաբերող հարցեր

Փարիզում հանդիպել է «Նորմանդական քառյակը». Ռուսաստանը չունի սպասելիքներ, Ուկրաինան ունի հարցեր

Երևանի շոկոլադի գործարանը ավելացրել է արտահանման ծավալները

Ցանկացած դատավոր ցանկանում է այս գործով չզբաղվել. Քոչարյանի պաշտպանը՝ դատավորի ինքնաբացարկի մասին

Նպատակ ունենք կրճատելու վաղաժամ մահացությունների թիվը. Տիգրան Ավինյան

Հանրապետության նախագահի, կառավարության և Ազգային ժողովի միջեւ շատ լավ աշխատանքային մթնոլորտ է ձևավորված. վարչապետ

Ննջասենյակում հայտնաբերվել է 1946 թ.-ին ծնված տղամարդու դի. ԱԻՆ

Համայնքի բնակիչների հրավերով այսօր Գեղարքունիքի մարզի Մեծ Մասրիկ գյուղում էի. Աննա Հակոբյան

«Եվա և Սյուզի» ՍՊԸ-ն կրթօջախների սննդամթերքը մատակարարել է տեխնիկական բնութագրի պահանջների խախտմամբ

Տիգրան Ավինյանը մասնակցել է Հայ-վրացական իրավական համագործակցության երրորդ ֆորումին

Արթուր Պետրոսյանը շուտով եվրոպական ակումբ կգլխավորի

Գվատեմալայի Կոնգրեսի պատվիրակությունն այցելել է Արցախի Հանրապետություն

«Ռեալի» ճանաչված նախկին մարզչի համար Հայաստանը յուրահատուկ է. նա ասել է, թե ինչու