Կոռուպցիայի կանխարգելման հանձնաժողովի նախագահ ընտրվեց Հայկուհի Հարությունյանը

26/11/2019 schedule11:54

Այսօր տեղի ունեցավ Կոռուպցիայի կանխարգելման հանձնաժողովի առաջին նիստը, որի օրակարգում 1 հարց էր՝ հանձնաժողովի նախագահի ընտրությունը։

Նիստին մասնակցում էին հանձնաժողովի բոլոր անդամները՝ Հայկուհի Հարությունյանը, Էդգար Շաթիրյանը, Նարեկ Համբարձումյանը, Լիլիթ Ալեքսանյանը և Արամայիս Փաշինյանը։

Ըստ օրենքի՝ հանձնաժողովի առաջին կազմի բոլոր անդամների նշանակումից հետո՝ մեկշաբաթյա ժամկետում, հանձնաժողովն իր կազմից հանձնաժողովի անդամի լիազորությունների ժամկետով ընտրում է հանձնաժողովի նախագահ։

Մինչև հանձնաժողովի նախագահի ընտրվելը, հանձնաժողովի նախագահի լիազորություններն իրականացնում է հանձնաժողովի տարիքով ավագ անդամը, տվյալ դեպքում՝ Արամայիս Փաշինյանը։

Ինքնաառաջադրվեցին 2 թեկնածուներ՝ Հայկուհի Հարությունյանն ու Էդգար Շաթիրյանը։ 1 դեմ և 3 կողմ քվեարկությամբ հանձնաժողովի նախագահ ընտրվեց Հայկուհի Հարությունյանը։

Նա, իր ելույթում խոսելով հայերի մասին, նշեց, որ մեր հիմնական բնութագրիչն այն է, որ մենք մեծ հաջողությունների ենք հասնում անհատական պայքարում, օրինակ՝ շախմատում և ձախողում ենք թիմային մրցապայքարի մեջ, ինչպիսին ֆուտբոլն է։ «Ես ուզում եմ այդ մոտեցումը փոփոխել կոռուպցիայի կանխարգելման հանձնաժողովի թիմային աշխատանքի գործունեության շնորհիվ»,- ասաց Հարությունյանը՝ նշելով, որ որպես կոռուպցիայի կանխարգելման հանձնաժողովի նախագահի թեկնածու՝ կարևորում է 3 սկզբունքներ։

Առաջին՝ թիմային աշխատանքն է, որի շնորհիվ, ըստ թեկնածուի, կարելի է կոտրել բազմաթիվ կարծրատիպեր։ Երկրորդ՝ հանրության հետ կապ հաստատելն ու պահպանելն է, իսկ երրորդը՝ ձևավորել կոռուպցիայի նկատմամբ անհանդուրժողականության մշակույթ ամբողջ հասարակության շրջանում։

Ըստ Հարությունյանի՝ հանձնաժողովի գործունեությունը բաժանվում է 2 մասի՝ ներքին և արտաքին։

«Արտաքին աշխարհի հետ հարաբերությունների ձևավորման մասով ես շատ կարևորում եմ հանրության հետ հարաբերությունների կառուցումը կոռուպցիայի կանխարգելման գործընթացում: Կարծում եմ, որ առաջնայինը պիտի կարողանանք այնպես ներկայացնել հանձնաժողովին, որ ՀՀ յուրաքանչյուր քաղաքացի դառնա մեր գործընկերը»,- ասաց Հարությունյանը։

Հանձնաժողովի ներքին աշխատանքների կազմակերպման մասով Հարությունյանի համար առաջնային է բարեվարքության կանոնների միասնական վարքագծի ձևավորումը, որը պետք է առավելապես ապահովել։

Հիշեցնենք, որ Կոռուպցիայի կանխարգելման հանձնաժողովում կառավարությունը ներկայացրել էր Լիլիթ Ալեքսանյանի, «Իմ քայլը»՝ Էդգար Շաթիրյանի, «Բարգավաճ Հայաստան»-ը՝ Նարեկ Համբարձումյանի, «Լուսավոր Հայաստան»-ը՝ Հայկուհի Հարությունյանի և Բարձրագույն դատական խորհուրդը՝ Արամայիս Փաշինյանի թեկնածությունները: Հինգն էլ փակ գաղտնի քվեարկությամբ խորհրդարանի կողմից ընտրվել էին անդամներ:

 

Ժաննա Ջեյրանյան

Տպել
10448 դիտում

ԱՄՆ ՄԶԳ մասնագետների հետ քննարկվել են ֆինանսական միջոցների հասանելիության խնդիրները

ԵԿՄ կնիքով հաստատված փաստաթղթեր են պատրաստվել՝ կեղծ տեղեկատվության մասին. ԱԱԾ բացահայտումը

«Հայկական տառարվեստը և դրա մշակութային դրսևորումները» հայտը՝ ՅՈՒՆԵՍԿՕ-ի՝ ոչ նյութական մշակութային ժառանգության ցանկում

ՀԸՖ-ն համագործակցության հուշագիր է ստորագրել Արաբական երկրների ըմբշամարտի ֆեդերացիայի հետ

Երևանում 2020-ին բակերի հիմնանորոգման և կառուցման համար կծախսվի 1 մլրդ 34 մլն դրամ

Արմեն Սարգսյանը հեռախոսազրույց է ունեցել Մեծի Տանն Կիլիկիո կաթողիկոս Արամ Առաջինի հետ

ԱԳ նախարարի տեղակալը մասնակցել է Արգենտինայի նորընտիր նախագահի պաշտոնի ստանձնմանը և երդմնակալությանը

Արմեն Սարգսյանը ստորագրել է մի քանի օրենքներում փոփոխություն եւ լրացում կատարելու մասին օրենքը

Երևանի Արտաշիսյան փողոցում չբնակեցված երկհարկանի վագոն-տնակ է հրդեհվել

Երևանի Գոգոլի փողոցի տներից մեկի մոտ ավտոմեքենան ամբողջությամբ այրվել է

Վանաձոր-Ալավերդի-Բագրատաշեն ճանապարհահատվածը բեռնատարների համար փակ է

Երիտասարդը թոշակ հատկացնելու պատրվակով մտել էր բնակիչներից մեկի տուն ու փող գողացել (տեսանյութ)

Մի քանի ժամով լույս չի լինի Երևանի ու ևս 6 մարզերի մի շարք հասցեներում

ՏԻՄ ընտրություններից հետո միայն 1 վերահաշվարկի իրականացման դիմում է եղել, որն էլ մերժվել է. Մուկուչյան

Վանաձորի Հայքի հրապարակը երբեւէ նման լուսավորություն չի ունեցել (լուսանկարներ)

Ադրբեջանում խոսքի ազատության հարցում դեռեւս չկա առաջընթաց. ԵԽ-ն զեկույց է հրապարակել

Տավուշում հակամարտության սրման դեպքում բնակչության ներհոսքը դեպի Իջեւան կազմակերպելուն ուղղված վարժանք է անցկացվել

Մարզի ղեկավարի պահանջն է. նոր Հայաստանում նման բացթողումներն անընդունելի են

Թալիբները թիրախավորել են Աֆղանստանի խոշորագույն ամերիկյան ռազմաբազան. զոհվել է 2, վիրավորվել՝ 73 բնակիչ

Գյումրիում Toyota-ն գլխիվայր շրջվել է, կա վիրավոր