Առանց իրավական հետեւանքի հանրաքվեները պիտի արգելեն․ եթե ես անում եմ ընտրություն, այն պիտի ունենա իրավական ուժ․ Զոհրաբյան

Համայնքների խոշորացման ռեֆորմը նախորդ խորհրդարանում ՀՀԿ մեծամասնությունը կարողացավ «արմագեդոններով» անցկացնել, բայց այդպես էլ խոշորացման հաջողված պատմություն չներկայացվեց։ Այս մասին այսօր ԱԺ-ում՝ քաղաքացիներին համայնքների խոշորացման հարցում հանրաքվեի իրավունք տալու նախագծի քննարկման ժամանակ, ասաց ԲՀԿ խմբակցության պատգամավոր Նաիրա Զոհրաբյանը։

Նա նշեց, որ հիմա էլ խոշորացված համայնքներում դժգոհություններ կան ենթակառուցվածքների, ճանապարհների մասին, շտապօգնությունը մի տեղից մյուսը չի կարողանում գնալ եւ այլն․

«Չկա գոնե մեկ հաջողված պատմություն, որ ասեք՝ այս ռեֆորմն արդյունավետ է»,- շեշտեց Զոհրաբյանը՝ հավելելով, որ խոշորացման դեպքում պիտի հաշվի առնել տեղանքի սպեցիֆիկան, մշակութային կապերը, լոգիստիկան, տրամաբանությունը։

Զոհրաբյանն ասաց, որ տեղական հանրաքվեները չունեն իրավական արժեք եւ օրինակ բերեց, որ Սյունիքում, երբ, իր խոսքով, «բդեշխության» կարգեր էին, ժողովուրդը դեմ արտահայտվեց խոշորացմանը, սակայն նրանց կարծիքը հաշվի չառան․

«Տեղական հանրաքվեներում այդտեղ ապրող բնակչությանը նվաստացնելու էլեմենտ կա, ասում են՝ քո կարծիքն ասա, մեկ ա, էսպես ա լուծվելու։ Տրամաբանություն չկա, առանց իրավական հետեւանքի հանրաքվեները, հարցումները պիտի արգելեն, դա կատեգորիկ հակասում է ընտրական տրամաբանության սիստեմին․ եթե ես անում եմ ընտրություն, հայտնում եմ կարծիք, ապա այն պետք է ունենա իրավական ուժ»։

«Իմ քայլը» խմբակցության պատգամավոր Համազասպ Դանիելյանը չցանկացավ շատ մանրամասն արձագանքել Զոհրաբյանին, սակայն նշեց, որ շտապօգնության գնալը խոշորացված-չխոշորացվածի հետ կապ չունի։

Դանիելյանը, սակայն, համաձայնեց ԼՀԿ խմբակցության ղեկավար Էդմոն Մարուքյանի պնդմանը, որ մինչեւ խոշորացնելը՝ պետք է տեղանքի ուսումնասիրություն արվի․

«Ուսումնասիրություն անել արժե, որովհետեւ լավագույն լուծման համար լավագույն փաստերը պիտի ունենանք։ Համաձայն չեմ, թե սա իբրեւ բացասական է եւ ընտրական համակարգի աղճատում։ Դուք լավ գիտեք, որ շատ երկրներում կա խորհրդատվական բնույթ կրող հանրաքվե, եւ եթե քաղաքացիները չեն հասկանում դրա կարեւորությունը, մենք պետք է օգնենք հասկանալ, այդ թվում՝ ձեր օգնությամբ»։

Պատգամավորը, ամեն դեպքում, կարծում է, որ եթե նույնիսկ համայնքի խոշորացման առանձին հաջողված դեպք չի նշվում, սակայն մեխանիզմը շատ դեպքերում ցույց է տվել իր օգտակարությունը։

Տպել
548 դիտում

Ա. Հովհաննիսյանը ներկայացրեց Ղարաբաղում ակտիվ մարտական գործողությունները՝ ըստ քարտեզի (տեսանյութ)

Այսօր եւս չեզոքացվել է 1 դիվերսիոն հետախուզական խումբ, սակայն նրանց դեմ մարտերը դեռ շարունակվում են. Հովհաննիսյան

Արցախի ԱԳՆ-ն դիմել է ԿԽՄԿ-ին` Արցախի ՊԲ-ի զինծառայողների և քաղաքացիական անձի մասնակցությամբ տեսանյութերի կապակցությամբ

Գրադ եւ սմերչ կայանքներից հրթիռակոծվել են Մարտունին, Թաղավարդը, ռազմական ավիացիայով՝ Մարտակերտը

Պատերազմի առաջին օրերից մինչ այսօր միայն «Շենգավիթ» ԲԿ-ում ծնվել է 15 արցախցի փոքրիկ

Ժողովուրդը պետք է հասկանա՝ թուրքական ապրանքները բոյկոտելով հանդերձ, շուկայի եղածը պիտի սպառենք․ Ղազարյան

ՊՆ-ն հերքում է հայկական ինքնաթիռի խոցման մասին ադրբեջանական ապատեղեկատվությունը

ԱՄՆ-ի հայ բժիշկների նվիրաբերած համակարգչային տոմոգրաֆը զինվորների բուժմանը կծառայի Կապանում

Գվատեմալայի Սայախչե քաղաքը ճանաչել է Արցախի ժողովրդի ինքնորոշման իրավունքը

Կրակը դադարեցնելու սին խոստումների եւ ագրեսիայի շարունակման շրջանը կարող է ճեղքվել Արցախի անկախության ճանաչմամբ. ԱՀ ԱԳՆ

Խոցվել է հակառակորդի եւս 11 ԱԹՍ, 2 ՏՕՍ, 12 զրահատեխնիկա. թշնամու կորուստները՝ ամփոփ

ՌԴ-ն եւ ՀՀ-ն պետք է միասին ճանաչեն Արցախի անկախությունը. Պուտինը կարող է լռել, ապա կտրուկ գործել. Տրետյակով

Հոկտեմբերի 24-ի ժամը 15․00-ի դրությամբ հայտնաբերվել է արգելված հրապարակումների 175 դեպք

Հաշվի առնելով ռազմական դրությունը՝ ԱԱՏՄ-ն ուժեղացված վերահսկողություն է իրականացնում խմելու ջրի որակի նկատմամբ

Վերելք» ներկայացման ողջ հասույթը կփոխանցվի Հայաստան» համահայկական հիմնադրամին

Ադրբեջանցիները հարձակվում են հայկական համազգեստով. Մատաղիսի ուղղությամբ 40 դի են թողել՝ հայկական ԶՈՒ-ի համազգեստով

Մեր տղաների արհեստավարժությունն ու գիտելիքները միայն ոգևորություն և վստահություն են ներշնչել. Արայիկ Հարությունյան

Թե՛ մեր օրն ենք լցնում, թե՛ մեր տղաներին ենք օգնում. Արցախից Վանաձոր եկած կանայք զբաղված են քողարկիչ ցանցեր գործելով

Դավիթ Տոնոյանն այցելել է երեկ հարավային ուղղությամբ մարտերի ընթացքում վիրավորված զինծառայողներին

Կանգնեցրել են թշնամուն, ոչնչացրել կենդանի ուժն ու մարտական տեխնիկան. 13 հերոսներ ներկայացվել են պարգևատրման