Քոչարյանի անունից Գյումրի ուղարկված պսակի մասին պատգամավորի գրառումից հետո ծեծել են վերջինիս ընկերոջը

Դեկտեմբերի 7-ին 1988-ի աղետի զոհերի հիշատակման օրը տարբեր պսակների շարքում Գյումրիում դրված էր նաեւ «Երկրորդ նախագահ Ռոբերտ Քոչարյանից» գրառմամբ ծաղկեպսակ: Այդ մասին ֆեյսբուքի իր էջում գրառում էր արել ԱԺ պատգամավոր Կարեն Սարուխանյանը, ինչն էլ Գյումրիում հաշվեհարդարի եւ ծեծի պատճառ է դարձել:

Այս մասին տեղեկացրել է պատգամավորը, գրելով. «Գրառում էի կատարել դեկտեմբերի 7-ին Քոչարյանի կողմից ուղարկած ծաղկեպսակի հետ կապված։ Երեկ` օրվա ընթացքում, Գյումրիում բնակվող Շեկո մականվամբ մեկը և Կարո անունով մյուսը, մի քանի անգամ փորձել են տարբեր ընկերներիս միջոցով հանդիպել ինձ հետ՝ թե բա խոսելու բան կա»։ Հետո իմացել եմ, որ ուզել են ինձ ներկայացնել, թե իրականում իբր ծաղկեպսակը դողալով չեն տարել, բարձր գլխով են տարել և դուխները տեղը...

Ինչևէ, հանդիպումների փորձին պատասխան եմ ուղարկել, որ կարող են հանդիպել քաղաքացիների հետ կազմակերպվող հանդիպման ֆորմատով՝ մեր գրասենյակում։ Իրենց, երևի չբավարարված զգալով, անցած գիշերը՝ ժամը 01.00-ի մոտակայքում, Շեկո մականվամբ երիտասարդն ու էլի մեկը, նախապես հետևելով ինձ ու ընկերոջս, սպասել են, որ նա ինձ տուն իջեցնի ու մնա մենակ, Գյումրու Անի թաղամասում մոտեցել են նրան։ Հարցրել են՝ Սարուխանյանը քո ի՞նչն է, ընկերս պատասխանել է՝ ընկերս է․ դրանից հետո սրանք սկսել են խփել ընկերոջս՝ պատճառելով մարմնական վնասվածքներ։ Որպես վերջաբան էլ սպառնացել են, թե գնա ու Կարենին փոխանցիր, որ հաջորդն ինքն է լինելու: Ասեմ՝ հարգելի շեկո ու նմանատիպ գոյացություններ, բախտներդ ուղղակի բերել է, որ կարգավիճակս, ցավոք, թույլ չի տալիս ձեզ համարժեք պատասխան տալ։ Գործը պետք է քննվի օրենքի շրջանակում, ինչին, ակնկալում եմ, կհետևի համաչափ պատիժ»,- մասնավորապես գրել է Սարուխանյանը:

ՇՄ դատախազ Կարեն Գաբրիելյանի փոխանցմամբ, հարուցված քրեական գործ դեռեւս չկա: Դեպքի հետ կապված Ոստիկանության Մուշի բաժնում նախապատրաստվում են նյութեր:

Կարեն Սարուխանյանը ՀԺ-ի հետ զրույցում ասաց Շեկոն նույն ինքը Գյումրիում գործող «Կռունկ» խանութի սեփականատեր, գործարար Գարիկ Ուզունյանն է:

Մինչ այդ դեպքը Սարուխանյանն Ուզունյանի հետ որեւէ առնչություն չի ունեցել: Պատգամավորի ընկերոջը ծեծելիս Ուզունյանն, ըստ Սարուխանյանի, եղել է Կարապետ Պողոսյանի հետ:

«Գարիկ Ուզունյանն ու Կարապետ Պողոսյանը ընկերոջս ծեծել են Անի թաղամասում, գիշերը 01:00-ի սահմաններում, Ջավախք խանութի մոտ՝ ընկերուհու ներկայությամբ: Տուժածը բուժօգնության չի դիմել, դեմքը կապտած է, քիթն ուռած: Հիմնականում դեմքին են հարվածել»,-ՀԺ-ի հետ զրույցում պատմեց Կարեն Սարուխանյանը:

Պատգամավորն ասաց՝ անձամբ է հետեւելու իրավապահների աշխատանքին: Նաեւ նշում է, տարածքում, որտեղ դեպքը տեղի է ունեցել, շատ տեսանկարահանման սարքեր կան տեղադրված: Այնպես որ, որեւէ մեկը չի կարող պատասխանատվությունից խուսափել:

Նշենք, որ Շեկոյի՝ Գարիկ Ուզունյանի հետ կապված վերջին աղմկոտ իրադարձությունը սեպտեմբերի 7-ին էր եղել: Մասնավորապես մամուլում հրապարակում էր եղել այն մասին, թե ոստիկանները հարձակվել են խանութի վրա, քաշքշել աշխատակիցներին եւ Վրաստանի քաղաքացի հանդսիացող հաճախորդներին: Ոստիկանությունն ուսումնասիրել էր այս հրապակումները, բայց թե ինչ ընթացք էր տրվել, հայտնի չէ:

 

Տպել
6104 դիտում

Արագածոտնի, Շիրակի, Սյունիքի մարզերում ձյուն է տեղում. կան փակ եւ դժվարանցանելի ճանապարհներ

Գեղարքունիքում 2 մեքենաների բախման հետեւանքով կա 6 վիրավոր

Իսկ հեղափոխությունից բացի ինչի՞ վրա կարող են հույս դնել նախկինները

Կատարվել է հոգեհանգիստ՝ Բաքվում և Սումգայիթում իրականացված հայերի ջարդերի 30-րդ տարելիցի առիթով

Թեհրանի օդանավակայանում թռիչքները հետաձգվել են՝ ձյան առատ տեղումների պատճառով

13 տարի առաջ այս օրը սպանվեց «Ակոսի» գլխավոր խմբագիր Հրանտ Դինքը

Պուտինը փորձում է լուծել երկու խնդիր, բայց հնարավոր է, նա կանգնած է Սերժ Սարգսյանի ճակատագրին արժանանալու վտանգի առջեւ

Ադրբեջանի և Հայաստանի ԱԳՆ ղեկավարների հանդիպումն այս ամսին է պլանավորված. Մամեդյարով

Ծեծկռտուք Նինոծմինդայի սակրեբուլոյի նախագահի և Գորելովկա գյուղի բնակիչների միջև

Հունվարի 20-ի գիշերը Հայաստանի մեծ մասում սպասվում է ձյուն, ջերմաստիճանը կնվազի 3-4 աստիճանով

Հայաստան ժամանած 32-ամյա ՌԴ քաղաքացին Զվարթնոց օդանավակայանում ձերբակալվել է՝ կասկածելի փաթեթ ունենալու համար

Մարմաշեն գյուղում այրվել է կուտակված անասնակեր ու անասնագոմի տանիքը

Երևանում կողոպտել են հայտնի բժշկական կենտրոններից մեկի տնօրենի 14-ամա տղային

Պոլսո պատրիարքարանը պարզաբանում է ներկայացրել Տ. Սահակ Բ պատրիարքի աղմկահարույց հարցազրույցի վերաբերյալ

Արսեն Ջուլֆալակյանը ոսկե մեդալակիր է դարձել Դանիայի միջազգային մրցաշարում

Թրամփի իմփիչմենտի՝ Սենատ ուղարկված գործը 111 էջից է բաղկացած

Փրկարարները Ծաղկաձորում արգելափակումից դուրս են բերել ավտոմեքենան

Ովքեր եւ ինչու են դիմադրում փոփոխություններին

Երեւանում Honda-ն տապալել է էլեկտրասյունն ու բախվել կայանված Opel-ին. վիրավորներից մեկին բեռնախցիկից են գտել

Կոտայքի մարզպետարանը ԱԱՏՄ-ի կողմից մարզի որոշ դպրոցների նկատմամբ վարչական վարույթի մասին պարզաբանում է ներկայացրել