Հարկատուները համաձայն չեն լինի, որ չաշխատող դատավորներին այդքան աշխատավարձ տան իրենց վճարած գումարներով. Պետրոսյան

Այսօր ԱԺ-ում՝ «Սահմանադրական դատարանի մասին» սահմանադրական օրենքում լրացում կատարելու մասին» եւ կից օրենքների նախագծերի փաթեթի քննարկման ժամանակ, «Բարգավաճ Հայաստան» խմբակցության պատգամավոր Գևորգ Պետրոսյանն ասաց, որ ՀՀ պատմության մեջ առաջին անգամ օրենքի մակարդակով առանձին պաշտոնատար անձանց հարկադրաբար ուղարկում են թոշակի:

«Իհարկե, կարող է կարծիք հնչել, որ դա հարկադրաբար չէ, կամավոր է, բայց ով չի հասկանում, որ սա կամավոր չէ: Ամբողջ պետական մեքենան լծվել է այս գործին. եթե կամավոր է, թող այդ մարդիկ ընտրեն»,- ասաց Պետրոսյանը:

Նրա կարծիքով՝ հարկատուները հաստատ համաձայն չեն լինի, որ չաշխատող դատավորներին այդքան աշխատավարձ տան իրենց վճարած գումարներով:

«Ինչո՞ւ է ընտրվել հենց Սահմանադրական դատարանը, ինչո՞ւ է թիրախավորվել հենց Սահմանադրական դատարանը, թող այս նույն գայթակղիչ առաջարկը ներկայացնեն Վճռաբեկ դատարանի անդամներին, Վերաքննիչ դատարանի անդամներին. չէ՞ որ նրանք էլ են նշանակվել նախկին իշխանության օրոք»,- ասաց Պետրոսյանը՝ հավելելով, որ, եթե պատճառաբանությունն այն է, որ ՍԴ կազմն անվստահելի է, ստացվում է, որ պետական մարմնի դժգոհության համար վրեժխնդիր են լինում անձանցից:

Նա նշեց նաև, որ, եթե Վրաստանի փորձն է վկայակոչվում, երեկ Վրաստանի փոխվարչապետ և արդարադատության նախարար Թեա Ցուլուկիանին խորհուրդ տվեց, որ Հայաստանում այս փորձը կիրառենք ոչ թե անձանց դեմ, այլ օրենսդրությունը կարգավորելու մակարդակով: Իսկ Պետրոսյանի կարծիքով՝ սա ուղղված է անձանց դեմ, որովհետև այսօր ՍԴ մնացել է այն միակ անառիկ ամրոցը, որը, գրավելով իշխանությունը, ի վիճակի է ցանկացած նախաձեռնություն կյանքի կոչել, միջազգային պայմանագրեր վավերացնել:

Պատգամավորի պնդմամբ՝ այն, որ սա բացառապես քաղաքական շարժառիթներ ունի, խոստովանել է տխրահռչակ ՍԴ դատարանի դատավոր Վահե Գրիգորյանը, որն այսօր ՍԴ միակ ճգնաժամն է:

«Հայտնագործություն չեմ անելու այս նախադասությամբ, ընդամենը հիշեցնում եմ, որ մի երկիր, որի Սահմանադրական դատարանը ձևավորվում է և պահպանվում է քաղաքական շարժառիթներով, այդ երկիրը ո՛չ ներկա ունի, ո՛չ ապագա»,- եզրափակեց Պետրոսյանը:

Ժաննա Ջեյրանյան

Տպել
735 դիտում

Ելիզավետա 2-րդը ստորագրել է Brexit-ի մասին օրենքը. հաջորդ շաբաթ Մեծ Բրիտանիան կլքի ԵՄ-ն

Հայկ Մարությանը գնացել է Մկրտիչ Արզումանյանի ներկայացմանը

Lexus RX 350-ի վարորդը Երեւանում վրաերթի է ենթարկել հետիոտնին. կինը տեղում մահացել է

Գողություն Ախթալայում. բերման է ենթարկվել նույն գյուղի 57-ամյա մի բնակիչ (տեսանյութ)

Ինձ համար հայտնաբերեցի մեծաքանակ վախեցած երաժիշտների, զգուշավոր արվեստագետների եւ անհաղորդ հայրենակիցների. Հասմիկ Պապյան

Գողացել են Սպանդարյան կայարանի գնացքի ռելսերի ամրակները

«Աստղիկ» ԲԿ-ն նախապատրաստվում է 3-րդ լյարդի փոխպատվաստմանը, պացինետների վիճակը լավ է

Արփինե Հովհաննիսյանը սահմանադրական բարեփոխումների մասնագիտական հանձնաժողովում ընդգրկվելու հայտ է ներկայացրել

Վերանորոգվում է Վարդենիսի Սուրբ Աստվածածին եկեղեցու զանգակատունը, որը 100 տարի եղել է կիսակառույց վիճակում

«Կանաչ ֆինանսավորման գործիքների ընդլայնումը ՀՀ-ում» դրամաշնորհային ծրագրի ֆինանսավորումը հաստատվել է

Նիկոլ Փաշինյանի «Երկրի հակառակ կողմը» կթարգմանվի մակեդոներեն. թարգմանության ցանկում է եւս 15 հեղինակ

2020 թվականին Շիրակի մարզը 2 նոր փրկարարական ջոկատ կունենա

Ալավերդու պղնձաձուլարանի աշխատակիցները բողոքի ցույց են արել. պահանջում են 3 ամսվա աշխատավարձն ու վերջնահաշվարկ

Շրջակա միջավայրի նախարար Էրիկ Գրիգորյանն ընդունել է ԵՄ պատվիրակությանը

Ակունքում հրդեհ է բռնկվել. դեպքի վայր է մեկնել երկու մարտական հաշվարկ

Զոհրաբ Մնացականյանը հանդիպել է Նիդերլանդների Թագավորության արտաքին գործերի նախարար Ստեֆ Բլոկին. ԱԳՆ

Զինհաշմանդամ մարզիկները Գերմանիայում մասնակցում են անցկացվող ուսումնամարզական հավաքին. ՊՆ

«Իրավիճակը հաղթահարվեց հնարավոր ամենամեղմ սցենարով». Նիկոլ Փաշինյանն անդրադարձել է Արման Սարգսյանի գործողություններին

«Էրեբունի պլազայում» կրակոցներ արձակող եւ պատանդներ պահողը Քոչարյանի աջակիցն է. «Հրապարակ»

Թուրք կազմակերպիչը, որը ՀՀ շախմատի չեմպիոնին խանգարել էր մրցման մասնակցել, որակազրկվել է. հայ մարզիկը կարծիք է հայտնել