Մարզերի դպրոցներում իրականացվող «Կայուն սնունդ» ծրագիրը կլինի պետբյուջեի միջոցներով. ԿԳՄՍ նախարարի տեղակալ

Նախատեսվում է, որ Հայաստանի մարզերի տարրական դասարաններում սովորող աշակերտներին դպրոցում սնունդ տրամադրելու ծրագիրն արդեն հաջորդ տարվանից ամբողջությամբ կիրականացվի պետական բյուջեի միջոցներով. այսօր լրագրողների հետ հանդիպման ժամանակ ասաց կրթության, գիտության, մշակույթի եւ սպորտի նախարարի տեղակալ Արեւիկ Անափիոսյանը՝ անդրադառնալով «Կայուն սնունդ» ծրագրին: 

«Մենք ունենք հետազոտություն, ըստ որի՝ այն երեխաները, որոնք ունենում են ճիշտ սննդակարգով նախաճաշ, ավելի լավ կրթական արդյունք են դրսեւորում, քան մյուս երեխաները»,- նշեց Անափիոսյանը՝ հավելելով, որ հետազոտությունն իրականացրել է Միավորված ազգերի կազմակերպության Պարենի համաշխարհային կազմակերպությունը:

Նրա խոսքով՝ «Կայուն դպրոցական սնունդ» ծրագիրն ունի երկու բաղադրիչ. մեկն իրականացվում է ազգային ծրագրի մակարդակով, մյուսը՝ Պարենի համաշխարհային ծրագրի միջոցով եւ միտված է երեխաների համար ճիշտ սննդակարգ ապահովելուն, ինչը նպաստում է դասերի ընթացքում առավել կենտրոնացմանը, ուղեղի զարգացմանը: 

ԿԳՄՍ նախարարությունն այսօր նպատակ ունի ամբողջությամբ անցում կատարել ազգային ծրագրին: Այդպիսով ՀՀ բոլոր մարզերի տարրական դասարանցիները մեկ անգամ կճաշեն դպրոցում, եւ այդ սննդի համար կվճարի պետությունը: Այդ պատճառով նախատեսվում է իրականացնել մի շարք աշխատանքներ. դպրոցներում խոհանոցների վերանորոգում, դրանցում համապատասխան սարքավորումների տեղադրում, ինչպես նաեւ խոհարարների վերապատրաստում:

Նախարարությունն այս մասով այլ նպատակներ նույնպես ունի: Անափիոսյանի խոսքով՝ այժմ ՄԱԿ-ի գործընկերների հետ քննարկում են, որ ապագայում հնարավոր լինի ստեղծել դպրոցների կողքին փոքր ջերմոցներ, որոնց բերքը կօգտագործվի դպրոցական սնունդն ապահովելու նպատակով: Կլինեն նաեւ լաբորատորիաներ, որտեղ կենսաբանության դասին ուսումնասիրություններ կկատարվեն: ԿԳՄՍ նախարարի տեղակալը այս մասին այլ տեղեկատվություն չփոխանցեց, քանի որ այն դեռեւս քննարկումների փուլում է:

Արդյոք ծրագիրը կնախատեսի՞ նաեւ բարձր դասարանի աշակերտների սնունդը՝ Անափիոսյանը պատասխանեց, որ դեռեւս՝ ոչ, սակայն այժմ քննարկվում են բարձր դասարանների համար սննդի կազմակերպման այլ մոդելներ: Միգուցե ապագայում հնարավոր լինի, որ արդեն վերանորոգված ճաշարանները նաեւ բարձր դասարանցիների համար պատրաստեն:

Առայժմ քննարկումների փուլում է նաեւ Երեւանում նմանատիպ ծրագիր մշակվելու հարցը:

«Քննարկվում է՝ ինչ ձեւաչափ կարելի է մշակել Երեւանի համար, որովհետեւ փաստ չէ, որ Երեւանում բոլոր երեխաներն ունեն կայուն սնունդ»,- իր խոսքում նշեց ԿԳՄՍ նախարարի տեղակալը:

Անի Ավագյան

Տպել
1340 դիտում

Լեդի Գագայի նոր տեսահոլովակում Փարաջանովի «Նռան գույնը» հիշեցնող պատկերներ կան ու հայերեն բառեր

Մեծամորի ատոմակայանը հրթիռակոծելու Ադրբեջանի մտադրությունն ի ցույց է դնում այդ պետության իրական դեմքը

Մորուքով ՀՀ վարչապետն ու ռուս գործակալները․ ովքե՞ր են գաղտնի փաստաթղթերում հայտնված Կանդիդատը, Սվետլանան ու Միշան

Պարոն Բադասյանը իրեն օրենքից ավելի բարձր դասեց. Հայաստանի ազգային արխիվի աշխատակիցը բաց նամակով դիմել է վարչապետին

«Ֆորդ Տրանզիտ»-ում 5 խմ ապօրինի փայտանյութ է հայտնաբերվել (տեսանյութ)

Աշնանացանի համար նպաստավոր տարի է, սակայն գյուղացիները ոչ միշտ են կարողացել գտնել մատակարարներին

Մայր Տաճարը վերականգնող ճարտարապետները բացահայտել են 4-5-րդ դարերի կղմինդրածածկի շարվածքի տեխնոլոգիան

Արթիկում 440 մ երկարությամբ և 5 մ լայնությամբ փողոցը նորոգվում է տուֆով. ծրագրի արժեքը 41 մլն 232 հազար դրամ է

Ինչպես է վերականգնվում համաշխարհային տնտեսությունը համաճարակից հետո. կանխատեսումներ եւ իրականություն

ԱՄՆ Եվրոպական հրամանատարության կողմից բժշկական պարագաներ են հատկացվել Արմավիրի մարզպետարանին

Ականի պայթյունի հետևանքով Ճամբարակի ԱԿ հոսպիտալացված զինծառայողը տեղափոխվել է Մուրացանի զինվորական հոսպիտալ

Ներկայացումից հետո դերասանը մատուցող է աշխատում այն մարդու մոտ, որը մեկ ժամ առաջ ծափահարում էր իրեն. Ռաֆայել Երանոսյան

Բարձրաշենի միջնակարգ դպրոցն ամբողջությամբ կբարեկարգվի

Սեպտեմբերի 18-ից 22-ը փակ կլինի «Զվարթնոց» պատմամշակութային արգելոց-թանգարանը

Զորամիավորումներում շարունակվում են նորակոչիկ զինծառայողների մարզումները

ՀՀ տարածքում ավտոճանապարհներն անցանելի են. Լարսը բաց է միայն բեռնատարների համար

Հրազդանում նախատեսվում է սանիտարական աղբավայր կառուցել. հանդիպել են Ռոմանոս Պետրոսյանն ու տիկին Ահլամ ԱլՍալամին

Սմբուկի և պղպեղի արտադրությամբ զբաղվող ֆերմերների խնդիրն ամբողջությամբ կարգավորվել է

Ականատես ենք լինում Ադրբեջանում թուրքական ռազմական շարունակական կուտակման. ԱԳ նախարարի հարցազրույցը «ալ-Ախբար» թերթին

Այնթապ գյուղի կամրջի տակ քաղաքացին փամփուշտ և զենք է թողել (տեսանյութ)