Պրակտիկ ռեալ պոլիտիկ եմ. Մարտի 1-ի տուժողին, ըստ ոստիկանության, կաշառք առաջարկած Քոչարյանի աջակիցը պերեվարոտ է խոստանում

Մարտի 1-ի գործով ամբաստանյալ Ռոբերտ Քոչարյանի աջակիցը, որն ըստ ոստիկանության կողմից երեկ հրապարակված տեսանյութի՝ Մարտի 1-ի գործով տուժողին գումարի եւ հետագայում պաշտոնի դիմաց ցուցմունքից հրաժարվելու առաջարկ է արել՝ Վարուժան Մկրտչյանն է:

Վերջինս երեկ ՀԺ-ի հետ զրույցում իրեն ներկայացրել է որպես «հանրային մարդ», «պրակտիկ ռեալ պոլիտիկ»,  որը Քանաքեռում գտնվող իր գրասենյակում քաղաքացիների է ընդունում, լսում նրանց, իր քաղաքական հայացքներն արտահայտում: Մեր թղթակցի հետ զրույցում նա ընդունել է, որ տեսանյութում պատկերված անձը ինքն է, գրասենյակը՝ իրենը: Ասել է, որ տեսանյութում երեւացող մյուս անձին ճանաչում է շուրջ 30 տարի, սակայն նրան կաշառք չի առաջարկել: Ինչ վերաբերում է ապագայում պաշտոնի առաջարկին՝ այն չի հերքել: Չի հերքել նաեւ, որ իր գրասենյակում զենքի նմանվող առարկա եղել է, սակայն ասել է, որ այն «սուվինիր» է: «Ով որ բերել էր, նա ա տարել: Իմ ընկերներից մեկը, ասում էր՝ կուզե՞ս մոտդ մնա, ասել եմ՝ չէ: Երբ ուզենամ, կբերի, ինչի՞ մասին ա խոսքը»,- ասել է Մկրտչյանը: Նշենք, որ ՀԺ-ին հայտնի է դարձել նաեւ Մարտի 1-ի գործով այն տուժողի անունը, որին, ըստ ոստիկանության տեսանյութի՝ կաշառք է առաջարկում Քոչարյանի աջակիցը: Տուժողի անունը չենք հրապարակում հասկանալի պատճառներով:

Ստորեւ՝ մեր զրույցը.

- Պարոն Մկրտչյան, Ոստիկանությունը հայտարարել է, որ ձեր գրասենյակ եք հրավիրել Մարտի 1-ի դեպքերից տուժած անձանցից մեկին ու առաջարկել հրաժարվել տուժողի կարգավիճակից, տված ցուցմունքից եւ չներկայանալ դատական նիստերին... Ի՞նչ կասեք այս մասին:

- Դե չկա տենց բան: Իմ դռները բոլորի առջեւ բաց են, ես հանրային մարդ եմ. եթե իմ դուռը փորձեն բացել, ներս մտնել, փորձեն մի բանից խոսել, լսեն մի բանի մասին…

- Ինչպե՞ս է այդ մարդը իմացել ձեր մասին, ո՞նց է որոշել, որ ձեզ պետք է պատմի:

- Էդ մարդը չի եկել էդ բանը պատմելու համար, էդ մարդը բացի էն, որ ինչ-որ բան փորձել է ինձ պատմի, ինքը ինչ պատմել է, նա էլ լսել է: Բանը նրանում է, որ ես էդ մարդուն երկար տարիներ եմ ճանաչում, պրիչո՞մ մարտի 1:

- Որտեղի՞ց եք ճանաչում:

-Դե ճանաչում եմ, նորից եմ կրկնում՝ հասարակության մարդ եմ:

- Ո՞վ է նա:

- Քանի որ այսօրվա դրությամբ գործը քննության է առնված, ես չեմ փորձելու խոչընդոտել, ոչ էլ փորձելու եմ անուններ տալ, դա ինձ հարիր չի: Ուղղակի մի բան կասեմ, այս ամենը, այս բոլոլան արված է մի բանի համար, որպեսզի ազդեն դատավարական պրոցեսի վրա: Երբ դատավորն անցավ այն փուլին, որ հրապարակվի վճիռը, երեկվա կատարվածը, կցորդված վիդեոզապիսները, ուղղակի ձեւով կապել այս ամենը, բերել... դա միայն իշխանությունների ձեռագիրն է: Նպատակը մեկն է՝ Ռոբերտ Քոչարյանին պահել անազատության մեջ, ապօրինի ձեւով:

- Դուք այդ անձին գումար առաջարկե՞լ եք:

- Բացարձակ, ի՞նչ գումարի առաջարկի մասին ա խոսքը: Գումար իրեն առաջարկել է պետությունը, որ պետք է ստանա: Մենք ինչի՞ համար առաջարկենք:

- Ըստ հաղորդագրության, դուք էլ ասել եք՝ ես էդ գումարը կտամ՝ ցուցմունքը փոխելու դիմաց:

- Իմ բերանից արտաբերած տենց արտահայտություն կա՞:

- Հաղորդագրությունում նշված է՝ «Ռոբերտ Քոչարյանի աջակիցներից մեկը Քանաքեռում գտնվող իր գրասենյակ է հրավիրել Մարտի 1-ի դեպքերից տուժած անձանցից մեկին ու առաջարկել հրաժարվել տուժողի կարգավիճակից, տված ցուցմունքից եւ չներկայանալ դատական նիստերին՝ հայտնելով, որ պատրաստ է վճարել այն գումարը, որը պետք է պետությունը տրամադրի որպես դրամական աջակցություն։ Բացի այդ խոստացել է, որ իշխանափոխությունից հետո տուժողին կնշանակեն բարձր պաշտոնի»:

- Ոստիկանությունը շատ էլ որ ասում է:

- Այսինքն հերքո՞ւմ եք:

- Միանշանակ:

- Իսկ պաշտոն խոստացե՞լ  եք՝ իշխանափոխությունից հետո:

-Ես չեմ առաջարկել, որ… ես ասել եմ, եթե քո նկատմամբ ուժեր կկիրառվեն, բիրտ ուժ ու քեզի կդնեն, կճնշեն, անօրինականություն կտանեն, երբ որ իշխանափոխություն… բա պարզ ա, մարդ ես, նորմալ մարդ ես, ուզում են քեզի ստիպեն մի բան անես, կստիպեն ինչ-որ մի բանի մեջ, մենք չենք անտեսի էտի: Ես ձեզ ասեմ, հարգելի լրագրողներ, որ ապագա իշխանությունը մենք ենք: Էս ամենը սենց չի կարա մնա:

- Տեսանյութում լսվում է նաեւ, որ դուք հայտարարում եք. «Ամբողջ ցելն ա՝ պերեվարոտ անենք»: Սրա՞ մասին եք խոսում:

- Գաղափարական: Պերեվարոտը մի հատ հայերեն ասեք էլի…հեղաշրջում…Իհարկե, բա թողնելու ենք սենց մնա՞, ֆարսերի տակ մնա՞:

- Ի՞նչ եք անելու:

- Մեր աջակիցներով, մեր կողմնակիցներով պայքարելու ենք այսպիսի անօրինականությունների դեմ: Պայքարելու ենք մինչեւ վերջ:

- Պարոն Մկրտչյան, հրապարակված տեսանյութում լսվում է, որ դուք, դիմելով ձեր զրուցակցին՝ ասում եք. «Դու էն վախտ գրել էլ ես, չէ, որ դու չես տեսել ով ա խփել, ոնց ա խփել, ինչ ա արել, ում կողմից ա եղել: Ոստիկանները չեն քեզ խփել»: Այնուհետեւ հարցնում եք. «Հա, բայց որ հարց տան՝ ոստիկաններ ձեզ խփեցին, ինչ կասես, որտեղից եկավ էդ խփածը»: Եվ երբ Մարտի 1-ի գործով տուժողը պատասխանում է՝ «գրաժդանսկիից», հավելում եք՝ «վերջացավ, ըհը»: Ձեր զրույցից տպավորություն է ստեղծվում, որ ձեր նպատակն է եղել ուղղորդել նրան, թե ինչպես խոսի, իսկ հիմա հերքում եք:

- Ի սեր Աստծո, մինչեւ իմ հետ խոսելը տասնյակ տարիներ առաջ էդ մարդը ցուցմունք է տվել, բնական ա, խոմ անօրինական բան չի՞ գրելու: Ես ի՞նչ եմ ասում, ոստիկանները չեն քեզ խփել, չէ…Ես իրեն հարց եմ տալիս՝ քեզ հարց են տալու, որտեղի՞ց, դու շառ չե՞ս անելու ոստիկանների վրա:

- Բայց դուք ինչո՞ւ եք էդ մասին իր հետ խոսում: Ինքը չգիտի՞, որ դատարանում ճիշտը պիտի ասի:

- Ինքն է ինձ պատմել այդ պահին, ես էլ իրեն հարց եմ տալիս՝ հիմա ինձ որ ասում ես, ուրիշ բան չե՞ս գրելու, ի սեր Աստծո, ուրիշ բան չե՞ս ասելու, մնա քո շրջանակի մեջ:

- Իրեն ճնշե՞լ են, ասել են, որ փոխի՞ նախնական ցուցմունքը:

- էդ մասին բերեք ես ոչ մի հաղորդագրություն ձեզ չտամ, չասեմ ինչ են պատմել, ինչ ա ինքը պատմում:

- Եթե չեն ճնշել՝ ինչո՞ւ է ձեզ դիմում, որ դուք էլ իրեն խորհուրդ տաք՝ ցուցմունքը պնդի:

- Ես խորհուրդ չեմ տալիս: Միայն մեկ դեպքում կարելի է խորհուրդ տալ, եթե անմիջական մասնակցություն ունես պրոցեսի մեջ: Մե՞նք ուր, մարտի 1-ն ուր: Մարդը նստել ա, ասում ա՝ սենց բան եմ գրել, դե ինչ գրել ես, ինչ ասել ես, մնա քո սկզբունքներին:

- Հետաքրքիրն այն է, որ ինչ-որ մեկը ձեզ որոշում է պատմել 10 տարի առաջ տված ցուցմունքի մասին: Եթե դուք չեք հրավիրել ինչ-որ պայմանավորվածության, ինչո՞ւ է հիշել այդ մասին 10 տարի անց:

-Իմ դռները բաց ա, հիմա 5 րոպե որ նստեք, կարող ա մեկն էլ մտնի:

-Ի՞նչ գործունեություն եք ծավալում այս գրասենյակում:

- Ես պրակտիկ ռեալ պոլիտիկ եմ եւ իմ քաղաքական հայացքներն եմ արտահայտում, այսօր ինչ հայացքներ որ ունեմ:

- Այսինքն ընդունում եք մարդկանց ու արտահայտում ձեր հայացքնե՞րը:

- Լսում եմ նրանց, սկսենք դրանից:

- Օրինակ ես, որպես ՀՀ քաղաքացի, ինչպե՞ս  իմանամ՝ ինչպես ձեզ դիմեմ, որ պատմեմ իմ խնդիրների, դուք էլ՝ ձեր հայացքների մասին: Ձեր գրասենյակի վրա անուն չկա: 

- Ոնց դուք կիմանաք՝ դա հարցի երկրորդ կողմն է, ոնց ինքը կիմանա՝ 20-30 տարուց ավելի ինձ ճանաչում ա: Դուք եւ նա տարբեր հարթություններում եք:

- Գրասենյակը միայն ճանաչողների՞ համար է:

- Ոչ, խոսքը իր մասին է: Իսկ չճանաչող մարդիկ, այո, գալիս են, դուռը բացում են, գիտեն, ես հանրային մարդ եմ, տեսնում են ինձ դատերին, ստորագրահավաքներին:

- Ճի՞շտ է, որ 3 ամիս է, ինչ աջակցում եք Քոչարյանին: Քոչարյանի որդին է հայտարարել այդ մասին:

- Մոտ 3 ամիս: Ես տասը տարի ստեղ չեմ ապրում, նոր եմ եկել, մի քանի ամիս ա: ՌԴ-ում էի ապրում, նոր եմ եկել: էս անօրինականությունների դեմ եմ եկել, եկել եմ պայքարելու:

- Ձեր ցանկությա՞մբ, թե առաջարկ է եղել Քոչարյանի հարազատների կողմից:

- Իհարկե, բացարձակ ոչ մի առաջարկ: Ես անկուսակցական եմ, երբեւէ չեմ եղել իշխանությունում: Ոչ մեկի հետ քավոր-սանիկ չեմ: Բոլոր պրոցեսներին մասնակցել եմ, բացի հեղափոխությունից, որին ի սկզբանե դեմ եմ եղել: Թաղապետի թեկնածու եմ եղել Քանաքեռ-Զեյթունում:

- Քոչարյանի տղան տեսանյութի հրապարակումից հետո ըստ էության ակնարկել է, որ դուք արջի ծառայություն եք մատուցել:

- Քոչարյանի տղան տենց բան չի ասել, շատ ճիշտ բան ա ասել Լեւոնը, որ իրենք երբեւէ արջի ծառայություններ չեն ընդունում: Իմ քայլը ոչ մի ձեւ չի դիտարկված, ոչ մի ձեւ կապ չունի: Որովհետեւ ես որեւիցե մի տեղ չեմ գնացել, որեւիցե մեկին չեմ զանգել, չեմ հրավիրել, չեմ կանչել, անձամբ ինքը եկել ա, կյանքը պատմել ա, երկու բառ խոսացել ա, ինչ խոսացել ա, նա էլ լսել ա, իրա ասածը իրան եմ ասել, հելե գնացել ա:

- Էլի կա՞ն անձինք, որոնց հետ նման խոսակցություններ եք տարել:

- Էլ չկան անձեր, անիմաստ են մնացած խոսակցությունները, էս պրոցեսը ցույց կտա, որ ինչի մասին իրենք խոսում են, ուղղակի ասելու համար ա, չունի տրամաբանություն:

- Պարոն Մկրտչյան, դուք նշեցիք, որ ՌԴ-ում եք ապրել, կասե՞ք այնտեղ ինչով եք զբաղվել:

- Ես հռչակված, բայց չնշանակված հյուպատոսի դեր եմ կատարել Ռուսաստանի տվյալ տարածաշրջանում:

- Ո՞վ է ձեզ ֆինանսավորում, բիզնես ունե՞ք:

- Ես ֆինանսավորելու կարիք չունեմ, բիզնեսմեն չեմ, հակառակը բիզնեսմեններին կարողացել եմ Եվրազեսի շրջանակներում միավորեմ:

- Ինչպե՞ս ստացվեց, որ դարձաք Քոչարյանի համակիրը, աջակիցը:

-Դե, անօրինականությունները տեսնելով, բա սա անելու բան ա՞: Ասում եք ամենակարեւոր խնդիրը Ղարաբաղի անվտանգությունն ա, Ղարաբաղի նախագահին բերել եք, մտցրել եք խուցը…

- Երբ որ Սասուն Միքայելյանն էր բանտարկված՝ նույն բանը մտածո՞ւմ էիք: Ինչո՞ւ չէիք պահանջում նրա ազատությունը:

- Ես ոչ գոռացել եմ՝ ուռա՜, որ Սասուն Միքայելյանը նստած է եղել, ոչ էլ երբեւէ ուրախացել եմ էդ բանով: Ասեմ ավելին՝ մենք չունենք սենց ֆորմատ: Իշխանության գալով ոչ մեկին չենք հետապնդելու:

- Ո՞ւմ նկատի ունեք՝ մենք ասելով:

- Ապագա իշխանությունը:

- Քոչարյանի գլխավորությա՞մբ: Քոչարյանը 10 տարի եղել է իշխանության, մարդիկ գիտեն՝ ինչ է սպասվում:

- Ի՞նչ գիտեն: 

- Պողոս Պողոսյանի սպանություն, Հոկտեմբերի 27, հեռուստաընկերության փակում…

- Պետք չի կապել  Քոչարյան անձի հետ ինչ-որ մի սպանություն:

- Պարոն Մկրտչյան, կրկին վերադառնալով ոստիկանության հրապարակած տեսանյութին՝ կասե՞ք ինչ զենք էր երեւում կադրերում:

- Սուվինիր: Իրականում սուվինիր ա, պատասխանատու հայտարարությունում եմ անում:

- Իսկ հիմա ո՞ւր է:

- Ով որ բերել էր, նա ա տարել: Իմ ընկերներից մեկը ասում էր՝ կուզե՞ս մոտդ մնա, ասել եմ՝ չէ: Երբ ուզենամ, կբերի, ինչի՞ մասին ա խոսքը:

- Իսկ ի՞նչ են առգրավել ոստիկանները:

- Համակարգիչ, հեռախոս, մի քանի բան՝ իրենց գործառույթների շրջանակներում:

- Այս ամենից հետո փորձե՞լ եք կապվել այն անձի հետ, որը կա տեսանյութում:

- Իմաստը, ցանկություն էլ չկա, հանդիպեմ ի՞նչ ասեմ իրեն:

Հ.Գ. Մենք փորձեցինք տարածքում ապրող քաղաքացիներից պարզել՝ արդյոք Մկրտչյանը հայտնի՞ է որպես մարդ, որն ընդունում է տարբեր քաղաքացիների եւ լսում նրանց: Ի պատասխան մեր հարցի՝ արժե՞ օգնության, խորհրդի համար դիմել Մկրտչյանին՝ թաղամասում բնակվող տարեց կանայք մեզ հորդորեցին. «Գլուխդ առ ու գնա, գործ չունես»:

Տպել
5969 դիտում

Շիրակցի փաստաբանների խոսքով՝ դատավորներին անընդհատ տեղափոխելով՝ քաղաքացին կորցնում է դատարանի հանդեպ վստահությունը

Պետք է երկխոսություն լինի, խնդիրը չի կարող լուծվել սեփական բնօրրանում 120 հազար մարդու բնաջնջմամբ. Ռուբեն Վարդանյան

Երուսաղեմում հայերի վրա հարձակված մի քանի ծայրահեղականները չեն ներկայացնում իսրայելական հասարակությունը․ Իսրայելի դեսպան

Բքի և ցածր տեսանելիության պատճառով Վարդենյաց լեռնանցքը դժվարանցանելի է

Ջերմուկում անասնագոմ է այրվում

Պատմում են, որ ռուս գեներալները համոզել են ընտրել Քոչարյանին, որ ռազմաբազան ՀՀ-ից դուրս չգա. Գարեգին Միսկարյան

Երևանում առևանգված մեքենան վթարված վիճակում հայտնաբերվել է Կոշում․ կա ձերբակալված

Փոխվել են Քրեակատարողական ծառայության պետի տեղակալների համակարգման ոլորտները

Երևանի առաջին ատյանի ընդհանուր իրավասության քաղաքացիական դատարանը նոր դատավոր ունի

Ազատումներ և նշանակումներ Հատուկ բանակային կորպուսում․ ՀՀ նախագահի հրամանագրերը

Արմեն Գյոզալյանը նշանակվել է Հատուկ բանակային կորպուսի հրամանատար

Արտակ Բուդաղյանն ազատվել է Հատուկ բանակային կորպուսի հրամանատարի պաշտոնից

Լիահույս եմ՝ Կառավարության հաջորդ քայլը կլինի Երևանի կենտրոնում գտնվող շինանյութի շուկայի հարցով զբաղվելը. Անի Խաչատրյան

Արմեն Ղևոնդյանը համատեղության կարգով Ղրղզստանի Հանրապետությունում նշանակվել է ՀՀ արտակարգ և լիազոր դեսպան

Սպիտակի մարզային ակնաբուժական կենտրոնում կիրականացվեն ակնային խորացված հետազոտություններ և վիրահատություններ

Ստեփանծմինդա-Լարս ավտոճանապարհը փակ է

Հրազդանի քաղաքային գերեզմանատանը ավտոմեքենա է արգելափակվել

Պետք է համատեղ ջանքերով հասնել պատրաստված և արհեստավարժ բանակի․ Սուրեն Պապիկյանը առանձնազրույցներ է ունեցել

Արգիշտի Քյարամյանը հանձնարարել է հստակ ժամանակացույցով անցնցում լուծել նախկինում կասեցված վարույթների վերսկսման խնդիրը

Պաշտոնատար անձի կողմից «Ֆեյսբուք»-ի կեղծ էջով ապատեղեկատվություն է տարածվել․ ԱՀ ԱԱԾ

«Եվրատեսիլ 2023»-ի հայաստանյան պատվիրակը Բրյունետն է (տեսանյութ)

Վերաբացվել է Երևանի էներգաարդյունավետության ծրագրով հիմնանորոգված թիվ 71 մանկապարտեզը (լուսանկարներ)

Հրաձգության հանրապետական մրցաշարի թիմային պայքարի առաջատարը ՊԵԿ-ի թիմն է․ պարգևատրվել են հաղթողները

Համագործակցության հուշագիր են կնքել Սյունիքի մարզպետարանն ու «Զանգեզուրի պղնձամոլիբդենային կոմբինատ»-ը

Բնապահպանության և ընդերքի տեսչական մարմինը 2022թ․ ընթացքում արված աշխատանքների մասին ամփոփ տեղեկատվություն է ներկայացրել

Նիկոլ Փաշինյանը շնորհավորական ուղերձ է հղել Թուրքմենստանի ներկայացուցչական պալատի նախագահին

Անդրանիկ Սարգսյանն ակնկալում է հանրության աջակցությունը. նա առողջական խնդիրներ ունի

ՊԵԿ-ի և Վրաստանի ֆինանսների նախարարության քննչական ծառայության միջև փոխըմբռնման հուշագիր է ստորագրվել

Մոսկվայում կայացած ՀԱՊԿ ԽՎ միջոցառմանը հայկական պատվիրակությունը ներկայացրել է Լաչինի միջանցքի շուրջ ստեղծված իրավիճակը

Պտղատու այգիների և հատապտուղների հիմնման պետական աջակցության ծրագրում խախտումներ են հայտնաբերվել․ ՊՎԾ

Զենքի մատակարարմամբ զբաղվող Դավիթ Գալստյանը կալանավորվել է

Սադոևների արհեստանոցներում ԿԳՄՍՆ-ի ծրագրի մասնակից աշակերտները քանոն, քամանչա և դուդուկ են պատրաստել

«Անռեկտոր մնացած բուհի մի հարցը այս որոշմամբ լուծվեց»․ Բրյուսովի ռեկտորի պարտականությունները կկատարի Ցոլակ Ակոպյանը

2023-ը պետք է լինի բանակի ողնաշարը շտկելու տարի. Սուրեն Պապիկյանը հանկարծակի շրջայցեր է կատարել ՊՆ զորամիավորումներ

Հայտնի է դարձել հունվարի 27-ին հայկական կողմին փոխանցված զոհված զինծառայողի ինքնությունը

Ազատ գյուղի զինվորական կացարանի ողբերգական հրդեհի գործով մեղադրյալ կապիտանը հրաժարվել է ցուցմունք տալ. Գոռ Աբրահամյան

Մենք բազմաթիվ որոշումներ ենք կայացրել՝ առանց նայելու՝ ում դուր կգա, կամ չի գա. Քերոբյանը՝ «Մալաթիա» տոնավաճառի մասին

Կստեղծվի արհեստների կամպուս. ստորագրվել է հայ-ֆրանսիական համագործակցության հուշագիր

Երևանցի եղբայրները բարում դանակի սպառնալիքով վերցրել էին աշնակցու հեռախոսն ու ոսկյա մատանին

Պատգամավորը մեկնաբանել է՝ ինչու Ազատ գյուղի զինվորական կացարանում հրդեհված զինծառայողների դեպքով սգո օր չի հայտարարվել