Աննախադեպ ձերբակալություն Ադրբեջանում․ գործադիր իշխանության ղեկավարն առաջին անգամ մեղադրվում է կոռուպցիայի մեջ

Ադրբեջանի շրջաններից մեկի գործադիր իշխանության ղեկավար Նիզամեդին Գուլիեւը ձերբակալվել է անվտանգության պետական ծառայության աշխատակիցների կողմից։ Ձերբակալման ենթադրյալ պատճառը կոռուպցիան ու հափշտակությունն է, որը Գուլիեւն իրականացրել է պաշտոնը զբաղեցնելիս։

Ադրբեջանում այս դեպքն անվանել են «շոկային» ու «աննախադեպ», հայտնում է Jam-News-ը։

Թեեւ բարձրաստիճան պաշտոնյաների ձերբակալություն եւ կալանք տեղի է ունեցել նախկինում էլ, բայց դեռ երբեք գործադիր իշխանության ղեկավարը բացահայտ չի մեղադրվել հափշտակության եւ կաշառակերության համար։

Ոչ մի պաշտոնական հայտարարություն կատարվածի մասին դեռ չկա, սակայն ձերբակալության մասին արդեն գրել են տեղական շատ լրատվամիջոցներ։ Դրանցից որոշները փորձել են ինքնուրույն պարզել պատճառներն ու մանրամասներն, իսկ մյուսները հաշվում են պաշտոնյայի ունեցվածքը։ 

2019 թ-ի ապրիլին Նիզամեդին Գուլիեւը նշանակվել է Ադրբեջանի Աղստաֆայի ( նախկին Աղստեւի) շրջանի գործադիր իշխանության ղեկավար։ Դրանից առաջ նա 10 տարի գլխավորում էր Գերանբոյի շրջանը։ 

Ըստ Modern.az կայքի՝ ֆինանսների նախարարությունը պարզել է, որ այդ պաշտոնը զբաղեցնելիս Գուլիեւը պարբերաբար յուրացրել է պետական միջոցները։ Մասնավորապես, նա շինծու ձեւով աշխատանքի է ընդունել 300 անձանց, իսկ աշխատավարձն իրեն պահել։ Ինչպես նաեւ յուրացրել է Գերանբոյ քաղաքի փողոցների ասֆալտապատման համար տրամադրված գումարները, բայց ասֆալտապատել է միայն կենտրոնական փողոցը։

Այս գործի այլ մանրամասներ դեռ հայտնի չեն։

Գուլիեւի հետ միասին ձերբակալվել են նրա տեղակալներ՝ Ռամիզ Թաթարովը եւ Լալե Էյուբովան: Նրանք ձերբակալվել են հենց կաշառք ստանալու պահին:

Ռամիզ Թաթարովը նաեւ իշխող «Ենի (Նոր) Ադրբեջան» կուսակցության Աղստաֆայի շրջանի մասնաճյուղի ղեկավարն է։ 

Նրանք երկուսն էլ ադրբեջանական իշխանությունների կողմից տարբեր տարիներին պարգևատրվել են պետական բարձր աստիճանի շքանշաններով։

Ձերբակալությունը մեծ աղմուկ է բարձրացրել ադրբեջանական հանրության շրջանում։ Այն ձերբակալվածների զբաղեցրած պաշտոնների մակարդակի առումով ամենաաղմկահարույց դեպքն է, որ գրանցվել է վերջին տարիներին։

Տպել
5147 դիտում

Պարետի որոշմամբ կարգելափակվեն Ձորագյուղի ելքերն ու մուտքերը. 1 անձը վարակել է թաղման մի քանի տասնյակ մասնակցի. վարչապետ

Կմեկնարկի Արցախը մայր հայրենիքին կապող նոր մայրուղու շինարարությունը. պաշտոնյաները հարավային թեւում են

Կոլորադոյի Ներկայացուցիչների պալատը միաձայն ընդունել է դպրոցներում Հայոց ցեղասպանության ուսուցման մասին օրինագիծ

Այսօր ուժեղ կարկտահարություն է եղել Գորիսում (տեսանյութ)

Ոստիկանության ուժեղացված ստուգայցերը շարունակվում են. հունիսի 5-ին հայտնաբերվել է 1058 իրավախախտում

Կապամոնտաժվի Մարգարյան փողոցի բանուկ հատվածում ինքնակամ տեղադրված կրպակը. Հակոբ Կարապետյան

Արդարացվել է 2008թ-ին կատարված իրադարձությունների կապակցությամբ քննված գործով դատապարտված Իսահակ Մալխասյանը

Որոշ քաղաքական ուժերի մոտ այդպես էլ չի ստացվում ճիշտ քաղաքական հաշվարկ անել. Մակունցը՝ Ծառուկյանի հայտարարության մասին

Արցախում կորոնավիրուս է հաստատվել ևս 2 քաղաքացու մոտ. վարակակիրներից մեկի վիճակը ծանր է

Մեկնարկել է Արմավիրի համար կենսական նշանակության Երևանյան փողոցի կապիտալ նորոգման աշխատանքը

Խանջյան փողոցի վերջնամասում բախվել են ավտոմեքենաներ․ բռնկվել է հրդեհ

547 նոր դեպք և 207 առողջացած. կորոնավիրուսից անցած 1 օրում 4 կին եւ 3 տղամարդ է մահացել

Խնդիր ունենք, որ կորոնավիրուսով հիվանդների թիվը համապատասխանի հիվանդանոցային կարողությունների թվին. վարչապետ (տեսանյութ)

Գյումրիում երկհարկանի տուն է հրդեհվել. Բարդության «թիվ 2» կանչ դեպքի վայր է մեկնել 5 մարտական հաշվարկ

Դեռ շատ կհանդիպեն պետականությունից խոսող պետական դավաճաններ. Հակոբ Արշակյան

Եթե պարոն Ծառուկյանը կարծում է, որ իր քաղաքական հայտարարությունները կշեղեն քննության բնականոն ընթացքը, սխալ հաշվարկ է

«Անցյալին վերադարձ չի լինելու` ՀՀԿ կլինի, քոչարյանականներ կլինեն, ով ուզում ա լինի»

Թուրքիան վերսկսելու է ավիահաղորդակցությունը շուրջ 40 երկրի հետ

Արեւաշող համայնքի «Յազիկ» թաղամասում կկառուցվի մանկական խաղահրապարակ

ՌԴ-ից Ադրբեջան ռազմական արտադրանք է մատակարարվել կաշառքի միջոցով. ձերբակալվել են պաշտոնյաներ