Մայր Աթոռում տեղի է ունեցել շքանշանների հանձնման արարողություն

Դեկտեմբերի 20-ին Մայր Աթոռ Սուրբ Էջմիածնում, Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հանդիսապետությամբ, տեղի ունեցավ շքանշանների հանձնման հանդիսավոր արարողություն:

Մայր Աթոռ Սուրբ Էջմիածնի տեղեկատվական կենտրոնից հայտնում են, որ Նորին Սրբությունը Հայաստանյայց Առաքելական Սուրբ Եկեղեցու «Ս. Սահակ-Ս. Մեսրոպ» և «Ս. Ներսես Շնորհալի» պատվո բարձր շքանշաններ շնորհեց Երևանի Կոմիտասի անվան պետական կոնսերվատորիայի պրոֆեսոր, խմբավար Դավիթ Ղազարյանին,  Երևանի Մ. Մաշտոցի անվան Մատենադարանի գիտական գծով փոխտնորեն, պ.գ.դ. Կարեն Մաթևոսյանին,  ճարտարապետ Գագիկ Գյուրջյանին և  «Իզմիրլյան» բժշկական կենտրոնի բժիշկ, բ.գ.թ., դոցենտ Դոնարա Էլոյանին՝ ի գնահատություն հայրենի երկրի և հայ ժողովրդին մատուցած բազմարդյուն ծառայությունների: 

Արարողությունը բացվեց Մայր Աթոռի Դիվանատան Ներեկեղեցական հարաբերությունների գրասենյակի տնօրեն Արժանապատիվ Տ. Պարույր քահանա Ավետիսյանի խոսքով: 

Մեծարյալների գնահատարժան ծառայություններին ու վաստակաշատ գործունեությանն անդրադարձան աստղաֆիզիկոս, տոմարագետ, ֆ.գ.թ. Գրիգոր Բրուտյանը, բ.գ.դ., պրո‎‎ֆեսոր Ավիկ Իսահակյանը, ՀՀ արվեստի վաստակավոր գործիչ, կոմպոզիտոր, պրոֆեսոր Արզաս Ոսկանյանը և «Իզմիրլյան» ԲԿ-ի պրոկտոլոգիայի բաժամունքի վարիչ բ.գ.դ., պրոֆեսոր Արամ Հակոբյանը:

Այնուհետև «Էջ Միածինն ի Հօրէ» շարականի երգեցողության ներքո բերվեցին Հայրապետական սրբատառ կոնդակներն ու շքանշանները: Արժանապատիվ Տ. Պարույր քահանա Ավետիսյանը մեծարյալներին ուղղված կոնդակներից ընթերցեց հատվածներ:

Տիար Դավիթ Ղազարյանին ուղղված կոնդակում մասնավորաբար նշված է. «Այսօր ուրախ առիթ ունենք անդրադառնալու երաժշտարվեստի ասպարեզում Ձեր արդյունավոր վաստակին: Երկար տարիներ պատասխանատու պաշտոններ ստանձնելով ու մանկավարժական առաքելություն իրականացնելով Երևանի Կոմիտասի անվան Պետական Կոնսերվատորիայում, Դուք Ձեր անմնացորդ ջանքերն եք ներդրել ի նպաստ բուհի շնորհակալ գործունեության՝ ծառայելով երաժիշտների նոր սերունդի պատրաստության նվիրական գործին:

Դուք հաջողությամբ կազմակերպել եք երաժշտական բազմաթիվ մրցույթներ ու փառատոններ, ղեկավարել երգչախմբեր, կարևոր հանձնառություններով մասնակցություն բերել մեր երկրում իրականացվող մշակութային նշանակալի միջոցառումներին: Ձեր բազմազբաղ գործունեությանը զուգընթաց հեղինակել եք նաև գիտական հոդվածներ, գիտա-մեթոդական ուսումնասիրություններ, կազմել խմբերգային ժողովածուներ, որոնք գնահատանքով են ընդունվել մասնագետների կողմից:

Ձեր հարուստ փորձառությունն ու կարողությունները սիրով ծառայեցրել եք նաև Ալ. Սպենդիարյանի անվան օպերայի և բալետի պետական ակադեմիական թատրոնի գործունեությանը՝ որպես կառավարման խորհրդի անդամ: Այսօր Ձեր շուրջ կես դարյա մասնագիտական վաստակը գնահատված է գիտական բարձր կոչումներով, բազմաթիվ մրցանակներով ու պարգևներով»:

Պրն. Կարեն Մաթևոսյանին ուղղված Հայրապետական կոնդակում ասվում է. «Մայր Աթոռ Սուրբ Էջմիածնում Ձեր գործունեության տարիներից ճանաչում ենք Ձեզ և տեղյակ ենք Ձեր գիտական ու ստեղծագործական երկարամյա գործունեությանը: Ուրախ ենք, որ ղեկավարելով Երևանի Մեսրոպ Մաշտոցի անվան Մատենադարանի՝ Արվեստի պատմության և գրչության կենտրոնների ուսումնասիրության բաժինը, Դուք կարևոր նպաստ եք բերում մեր երկրում հայագիտության զարգացմանը: Որպես հայագետ-աղբյուրագետ՝ գիտական գործունեութեան ընթացքին Դուք ուսումնասիրել եք հայագիտության ու հայ արվեստի պատմության բազմաթիվ էջեր, հեղինակել տասնյակ գրքեր ու գիտական արժեքավոր հոդվածներ: Հատկապես գնահատարժան են Անիի պատմամշակութային ժառանգության վերաբերյալ Ձեր աշխատությունները, որոնք մեր պատմական մայրաքաղաքի հոգևոր ու մշակութային հարուստ ժառանգությունն են ներկայացնում մեր ժողովրդին:

Ձեր գիտելիքներն ու տարիների փորձառությունը սիրով փոխանցել եք նաև երիտասարդ սերունդին՝ կրթելով շնորհաշատ մասնագետներ Երևանի պետական Մանկավարժական համալսարանում:

Մենք առանձնակի գոհունակությամբ ենք անդրադառնում Առաքելական մեր Սուրբ Եկեղեցուն մատուցած Ձեր ծառայություններին: Երկար տարիներ Դուք դասախոսեցիք Մայր Աթոռիս Գևորգյան հոգևոր ճեմարանում, ստանձնեցիք «Քրիստոնյա Հայաստան» երկշաբաթաթերթի խմբագրի պաշտոնը և տարբեր հանձնառություններ՝ համենայնի դրսևորելով մեր Եկեղեցու հանդեպ Ձեր որդիական սերն ու նվիրումը»:

Տիար Գագիկ Գյուրջյանին շնորհված Հայրապետական կոնդակում ի մասնավորի արձանագրված է. «Մեծարգո պրն. Գյուրջյան, երկար տարիներ պետական բարձր ու պատասխանատու պաշտոններում նվիրյալ ծառայությամբ Դուք ճարտարապետական Ձեր բազմափորձ գիտելիքներն ու կարողությունները նախանձախնդրորեն ի սպաս եք բերում մեր պատմական վանքերի ու եկեղեցիների և մշակութային արժեք ներկայացնող հուշարձանների պահպանության ու վերականգնման ազգանվեր գործին: Ձեր նախագծերով ու անմիջական ղեկավարությամբ վերականգնվել են ճարտարապետական բազմաթիվ կոթողներ ինչպես Հայաստանում, այնպես և նրա սահմաններից դուրս՝ սերնդե սերունդ ներկայացնելու մեր հայրերի ստեղծած փառավոր ժառանգությունը:

Մեզ համար գոհունակություն է, որ գործունեության ողջ ընթացքին Դուք դրսևորել եք Ձեր հոգու անկեղծ սերն ու նվիրումը՝ հանդեպ Առաքելական մեր Սուրբ Եկեղեցին: Մենք մշտապես ականատես ենք եղել մեր մայր Եկեղեցուն զորակցելու և Մայր Աթոռի կողմից իրականացվող շինարարական ծրագրերին աջակցելու Ձեր պատրաստակամությանը՝ ի խնդիր մեր սրբատեղիների նորոգության ու պատշաճ բարեզարդման»:

Տիկ. Դոնարա Էլոյանին ուղղված Ամենայն Հայոց Կաթողիկոսի սրբատառ կոնդակում գրված է. «Այսօր առիթն ունենք Մեր բարձր գնահատանքը բերելու Ձեզ` հավատավոր հայուհուդ և անվանի բժշկիդ, առողջապահության ասպարեզում Ձեր երկարամյա բազմարդյուն գործունեության համար, որի մասին տեղյակ ենք «Իզմիրլյան» հիվանդանոցի տնօրեն Տիար Արմեն Չարչյանի միջոցով: Գովելի է, որ Դուք տասնյակ տարիներ աննվազ սիրով ու նվիրումով Ձեր կյանքն ու աստվածահաճո գործն ընծայաբերում եք մեր ժողովրդին և Ձեր գիտելիքներն ու կարողություններն ի սպաս դնում, որպեսզի բազմաթիվ հիվանդներ ապաքինվեն ու վերագտնեն իրենց առողջությունը: Այսօր շատերի հոգիներում երախտագիտությունն ու բարի մաղթանաց հայցն է առ Բարձրյալ Տերը` Ձեր և Ձեր ընտանիքի համար:

Մենք ուրախ ենք մեծապես, որ Ձեր անսպառ եռանդով ու նախանձախնդրությամբ Դուք բարի օրինակ եք «Իզմիրլյան» հիվանդանոցի երիտասարդ բժիշկների ու բուժաշխատողների համար՝ արժանանալով նրանց անկեղծ սիրուն ու հարգանքին»:

Կոնդակների ընթերցումից հետո Ամենայն Հայոց Կաթողիկոսը մեծարյալներին հանձնեց Հայ Եկեղեցու շքանշաններն ու կոնդակները: Պարգևաբաշխության առիթով իրենց սրտի խոսքն ասացին նաև շնորհընկալները` Հայոց Եկեղեցու բարձր գնահատանքի ու պարգևի համար երախտագիտություն հայտնելով Ամենայն Հայոց Կաթողիկոսին:

Հանդիսությունն եզրափակվեց Ամենայն Հայոց Կաթողիկոսի հայրապետական օրհնությամբ ու բարեմաղթանաց շնորհավորական խոսքով:

Երեկույթին երաժշտական կատարումներով հանդես եկան «Նաիրյան» համույթը և Մայր Աթոռ Սուրբ Էջմիածնի սարկավագաց երգչախումբը:

Տպել
862 դիտում

Լույս չի լինելու Երևանի ու 5 մարզերի մի շարք հասցեներում

Արցախի Հանրապետության ԱԳ նախարար Դավիթ Բաբայանը Երևանում է. նա այցելել է ՀԲԸՄ գրասենյակ

Միավորման շնորhիվ բոլոր համայնքները կունենան հնարավորություն զարգացնելու սեփական դեմքը. Գավառի ՔՊ թեկնածու

Ձերբակալվել են Գյումրու հոգեկան առողջության կենտրոնի նարկոլոգիական ծառայության ղեկավարն ու ևս մեկ բուժքույր

Մալիշկա համայնքում տեղի է ունեցել Ռուսական կենտրոնի բացման հանդիսավոր արարողություն

Հնարավո՞ր է քովիդի պատճառով մանկապարտեզները ևս փակվեն. Հայաստանում այս պահին վիրուսի դեմ բուժում է ստանում 70 երեխա

Կրկին դիտարկվել է Ավանի և Նոր Նորքի հանրային տրանսպորտը․ 2 տրանսպորտային միջոց տեղափոխվել է ոստիկանության հատուկ տարածք

Ակտիվ ընթացքի մեջ են Երևան-Գառնի-Գեղարդի վանք հանրապետական նշանակության ավտոճանապարհի հիմնանորոգման աշխատանքները

Երեւան են բերվել հավելվածով աշխատող վճարովի սամակատներ. ինչպես կարելի է օգտվել դրանցից եւ որ տարիքից սկսած

Գագարինում պետական աջակցությամբ իրականացվում են առաջնահերթ լուծում պահանջող ծրագրեր

Մասիս համայնքն ամբողջությամբ կապահովվի կապույտ վառելիքով

«Արմենիան Տիտանիում Փրոդաքշն» ընկերության տանիքում բռնկված հրդեհը մարվել է (տեսանյութ)

Մեծի Տանն Կիլիկիո կաթողիկոսության աջակցությամբ Հալեպում վերանորոգվում են Ս. Գևորգ եկեղեցին և ՀԲԸՄ-ի մարզադաշտը

Հայկական կողմը կարևորել է Սուրբ Աթոռի՝ Ցեղասպանության վերաբերյալ աներկբա ու սկզբունքային դիրքորոշումը (լուսանկարներ)

Եռօրյա զորավարժությունների շրջանակում անցկացվել են հրետանային ստորաբաժանումների ցուցադրական պարապմունքներ (լուսանկարներ)

Քարտեզները, որոնց մասին խոսել է ՌԴ նախագահը, 99 տոկոսով համընկնում են «Վարչատարածքային բաժանման մասին» օրենքին. վարչապետ

Չարչյանի առողջական վիճակն ուսումնասիրելու հարցով հանձնաժողովը ստեղծված է. Ավանեսյան

Գյումրու քաղաքապետի թեկնածուներից երկուսը հրաժարվել են մանդատներից

Արարատ Միրզոյանի խոսքը Սուրբ Աթոռի փոխպետքարտուղար Էդգար Պենյա Պառայի հետ մամուլի համար համատեղ հայտարարության ժամանակ

«Ուզում ես շենացնել հայրենիքդ, սկսիր քո՛ համայնքից»․ Վեդիում ՔՊ-ի ավագանու ցուցակը գլխավորելու է Գարիկ Սարգսյանը

Տարածաշրջանի բոլոր տնտեսական եւ տրանսպորտային կոմունիկացիաները պիտի բացվեն. Փաշինյանը՝ ապաշրջափակման մասին

Ովքեր են Գեղարքունիքում և Կոտայքում ՔՊ-ի համայնքապետի թեկնածուները

Դավիթ Գևորգյանն անդրադարձել է պաշտոնից ազատման իր դիմումին եւ խնդրել զերծ մնալ որևիցե մեկնաբանությունից

ԱՀԿ-ն կարծում է՝ աշխարհն ունի բոլոր միջոցները՝ կորոնավիրուսային հիվանդությունը հաղթահարելու համար

Կենտրոնական բանկը սահմանել է նոր փոխարժեքներ․ դոլարը թանկացել է, եվրոն ու ռուբլին՝ էժանացել

Վարդենիս-Մարտակերտ ճանապարհի ապաշրջափակման մասին քննարկում տեղի չի ունենում. փոխվարչապետ

Էրեբունու սննդի օբյեկտներում պատվաստված չլինելու կամ ՊՇՌ թեստի պատասխան չունենալու հիմքով կազմվել է 9 արձանագրություն

Հերիք եղավ, բոլ եղավ. 28 տարի դուք բանակցելիս եք եղել հայրենիքի 72 տոկոսը հանձնելու վերաբերյալ. Նիկոլ Փաշինյան

Իրականացվել է մարտական հերթափոխ. ստուգվել են զինծառայողների հաստիքային սպառազինությունն ու հանդերձանքը

Ուժեղացված ծառայություններ Երևանում. հայտնաբերվել է սպանության փորձի մեղադրանքով հետախուզվող (տեսանյութ)

«Զինծառայողների ապահովագրման հիմնադրամ»-ում զոհվածների ցուցակը հրապարակված է. պաշտպանության նախարարը՝ Գեղամ Նազարյանին

Քննարկվել են բարձր տեխնոլոգիաների ոլորտում հայ-լիտվական համագործակցությունն ընդլայնելու հնարավորությունները

Տեղի է ունեցել Հայաստանում Սուրբ Աթոռի առաքելական նվիրակության բացման արարողությունը (լուսանկարներ, տեսանյութ)

Այս պահին Հայաստանի վարչապետի ու Ադրբեջանի նախագահի միջև որևէ հանդիպում նախատեսված չէ. Արարատ Միրզոյան

Արվելու է ամեն ինչ, որպեսզի Հոկտեմբերի 27-ի պատվիրատուները հայտնվեն ճաղերի հետևում. Ալեն Սիմոնյան

ԱԺ նախագահ Ալեն Սիմոնյանը և պատգամավորները ծաղիկներ են խոնարհել Հոկտեմբերի 27-ի զոհերի հիշատակին (լուսանկարներ)

Վարչապետը հարգանքի տուրք է մատուցել հոկտեմբերի 27-ի ոճրագործության զոհերի հիշատակին (տեսանյութ)

Փելասարում դիրքային փոփոխություն տեղի չի ունեցել. վարչապետ

Դիմել էր փախուստի՝ վնասելով ճանապարհին կայանված 7 ավտոմեքենա, 17-ամյա վարորդը կալանավորվել է. ՔԿ (տեսանյութ)

Արմեն Սարգսյանն աշխատանքային կարճատև այցով Արաբական Միացյալ Էմիրություններում է (լուսանկարներ, տեսանյութ)