Երեխաներն ուզում են «iphone»-ի վերջին տարբերակը, որը Ձմեռ պապն ինքն էլ չի տեսել, մեծերը հաճախ ստորացնում են նրան

Հանրապետության հրապարակում շրջող Ձմեռ պապերից մեկը՝ Միսակը, արդեն 30 տարուց ավելի է՝ ուրախացնում է երեխաներին իր աշխատանքով: Ձմեռ պապն այս տարի միայնակ չէ, առաջին անգամ նա աղջկա հետ է շրջում: «1989 թվականի Նոր տարուց ես Ձմեռ պապ եմ: Իսկ դուստրս պատրաստվում է այս տարի համալսարան ընդունվել: Սոցիալական վիճակից ելնելով փորձում է ինձ օգնել»,- մեզ հետ զրույցում ասաց նա: Ձմեռ պապը պատմեց, որ իր աշխատանքն այնքան էլ հեշտ չէ հատկապես այն օրերին, երբ տոնական թեժ եռուզեռն ավարտին է մոտենում, իսկ դրսում բավականին ցուրտ է: Սակայն նկատեց՝ Ձյունանուշի հետ շրջելը համեմատաբար թեթեւացնում է գործը՝ եւ՛ ուրախ է, եւ՛ արդյունավետ:

Ձմեռ պապ, տարիների ընթացքում մարդկանց սոցիալական վիճակը, ըստ այդմ նաեւ տոնի տրամադրությունը դեպի ո՞ւր է փոխվել:

- Ընդհանուր մոտեցումներն առանձնակի չեն փոխվել: Տարիների ընթացքում ավելի շատ մարդիկ մակարդակով են դարձել: Այն ժամանակ երիտասարդները շատ անհարգալից կարող էին լինել, բայց հիմա կան ե՛ւ լավերը, ե՛ւ վատերը՝ ըստ կրթվածության եւ մակարդակի աստիճանի: Բայց դե մարդիկ գումար չունեն: Հիմնականում նկարվելու համար տալիս են 100 դրամ, 500 դրամ, 1000 դրամը շատ հազվագյուտ դեպքերում:

Ձեր այս տարվա ամենաշատ ստացած գումարը կասե՞ք:

- Այս տարի անգամ տվել էին 5000 դրամ: Մարդիկ աղքատ են, հաճախ գալիս նկարվում շնորհակալություն հայտնում գնում են, շատ դեպքեորւմ իրենք են բարձրաձայնում, որ գումար չունեն: Դե մենք էլ չենք պահանջում, քանի որ լիցենզավորված ենք քաղաքապետարանի կողմից:

Իսկ տոնել, ուրախանալ մարդիկ կարողանում են, թե՞ չէ:

- Այս տարի պետք է նշեմ, որ հայ ժողովուրդը շատ քիչ էր: Թե երկրում չէին, թե չէին ուրախանում՝ չեմ կարող ասել, բայց ամեն քայլափոխի օտարերկրացիներ էին: Կուզենայինք մերոնց էլ տեսնել Ամանորին ուրախանալիս: Նաեւ մի կարեւոր դիտարկում՝ Հայկական երաժշտությունը պակասում է: Ցանկալի կլիներ գոնե հայկական երաժշտություն հնչեր Հրապարակում, շատ տխուր է օրինակ հիմա:

-Երեխաների վերաբերմունքն ու նախասիրություններն ինչպե՞ս են փոխվել:

- Բոլորի աչքերից էլ երեւում էր նույն խինդն ու ուրախությունը ինչ որ եղել է 20 տարի առաջ: Մեկը կա հեռվից տեսնում ուրախացած վազում է դեպի մեզ, մյուսը զարմացած խորհրդավոր նայում: Ուղղակի ծնողների վերաբերմունքից էլ է շատ բան կախված, շատ հաճախ երեխան վախենում ու սկսում է լաց լինել ծնողի սխալ մոտեցումից. հեռվից տեսնելով սկսում է երեխային ահաբեկել՝ տես՝ Ձմեռ պապիկն է, չվախենաս բալես, չլացես ինքը լավն է...: Երեխաների վերաբերմունքը նույնն է, ինչ տարիներ առաջ, ուղղակի ակնկալիքների գինն է բարձրացել: Այն ժամանակ, եթե փոքր խաղալիքներ էին ուզում, հիմա թանկարժեք նվերներ՝ համակարգիչ, պլանշետ, «iphone»-ի վերջին տարբերակը, որը Ձմեռ պապիկն ինքն էլ չի տեսել: Այն ժամանակ պուլտով ավտո էին ուզում, հիմա իսկական:

- Պատահե՞լ է, որ որեւէ անախորժ իրավիճակում հայտնվեք:

- 90-ականններին ավելի շատ էին այդ դեպքերը: Հարբեցողության պատճառով էին հիմնականում նման դեպքերը, բայց լինում էին նաեւ լուրջ մարդկանց կողմից, հիմա ավելի բարվոք է վիճակը, կոռեկտ են պահում ավելի:

Իսկ չեք դժվարանում, որ այս տարի անվճար եք աշխատում եւ արգելված է նկարվելու համար գումար պահանջելը:

- Չեմ ուզում դատել, դա թող իմ մեջ մնա: Ինչ տան՝ տան, ինչ անենք: Մենք ենք ընտրել, մեզ ոչ ոք չի ստիպել:

Արդեն 30 տարուց ավելի է Ձմեռ պապ եք, հաջորդ տարի էլի պատրաստվո՞ւմ եք ուրախացնել երեխաներին:

- Շատ կցանկանայի կախարդել իմ կախարդական գավազանով, որ մյուս տարի ընտանիքիս սոցիալական վիճակը լավանար եւ չգայի այստեղ կանգնեի: Սա ի վերջո անշնորհակալ գործ է, չի գնահատվում որպես այդպիսին: Շատ հաճախ փորձում են ստորացնել մեզ: Գիտեն, եթե պապիկի շորեր ենք հագել, ուրեմն կարելի է վիրավորել եւ պահանջել, որ առանց գումար իրենց ուրախացնենք: Չեն հասկանում, որ սա աշխատանք է, ապրուստի միջոց է: Առավոտից այստեղ ենք, ոչինչ չենք աշխատել, կանգնել մրսել ենք, դստերս հետ, ընդամենը 3 հոգի են նկարվել: Ամենաշատը նախատոնական երկու օրերն ու հունվարի մեկն են մեզ հետ նկարվելու եւ մեզ հրավիրելու օրերը, դրանից հետո կամաց-կամաց մարում է:

ՀԳ. Երեւանի քաղաքապետարանի հայտարարած թեմատիկ կերպարների մրցույթը հաղթահարած 35 Ձմեռ պապերն ու 20 Ձյունանուշները երեխներին կուրախացնեն մինչեւ հունվարի 13-ը ընկած ժամանակահատվածը:

Տպել
1594 դիտում

Արմեն Սարգսյանը ստորագրել է Ռազմական դրության ժամանակահատվածում հարկային արտոնություններ սահմանելու վերաբերյալ օրենքներ

Համայնքի ղեկավարները հիմա նաեւ իրենց առաջնորդությամբ մոբիլիզացիոն եւս մեկ փուլ պետք է ապահովեն. Երիցյան

ԵՏՀ-ն կքննարկի Թուրքիային ԵԱՏՄ սակագնային արտոնությունների միասնական համակարգից օգտվող երկրների ցանկից հանելու հարցը

ՀՀ ԿԳՄՍՆ-ն կստանձնի 2021 թվականի ԱՊՀ անդամ երկրների կրթության ոլորտում համագործակցության խորհրդի նախագահությունը

Հայաստանցի սպառողներին կոչ ենք անում չխոչընդոտել Թուրքիայից արդեն իսկ ներկրված ապրանքների սպառմանը․ Ղազարյան

ԼՂ-ում հակամարտության սրումը նպաստում է կորոնավիրուսի տարածման տեմպերի աճին. ԱՀԿ-ն հայտարարություն է տարածել

Կատալունիայի խորհրդարանը դատապարտում է Ադրբեջանի կողմից քաղաքացիական բնակչության վրա հարձակումները

Փաշինյանի որոշմամբ՝ Տաթև Անտոնյանը նշանակվել է ԱԽ գրասենյակի ղեկավարի տեղակալի պաշտոնում

ԵՊՀ-ի ուսանողներն ընթացիկ քննություն կհանձնեն, որոշվել է չչեղարկել քննությունները

Դու ժպտացիր, դու պարեցիր, դու կրթվեցիր, աշխարհով մեկ պտտվեցիր, բայց պինդ կանգնեցիր քո երկրի հողին. Աննա Հակոբյան

Ադրբեջանական ռմբակոծությունից տուժել են իրանական խաղաղ բնակավայրերը. ավերվել են տներ (տեսանյութ)

Հայոց պատմության մեջ կգրենք վրացական կողմի ևս մեկ դավաճանական քայլի մասին․ ակցիա Վրաստանի դեսպանատան մոտ

Պարզեցվել է ռազմական գործողությունների հետևանքով զոհված զինծառայողների թաղման նպաստի ստացման գործընթացը

Տիրան Խաչատրյանը, Անդրանիկ Փիլոյանը և Գարեգին Պողոսյանը պարգևատրվել են Հայրենիքի շքանշանով

Կանադական Օնտարիոյի խորհրդարանում առաջարկել են Թուրքիային հեռացնել ՆԱՏՕ-ից ու ճանաչել Արցախը

Մեր տղաների մարտական ոգին ու տրամադրվածությունը հաղթանակի հանդեպ միայն մեծ վստահություն է ներշնչում. ԱՀ նախագահ

Արդեն 3 շաբաթից ավելի Բյուրականի աստղադիտարանն իր հյուրատանն է հյուրընկալել Արցախից եկած երեխաներին ու նրանց խնամողներին

Թուրքական «Բայրակթար» դրոններին մատակարարվում է նաև Rotax 912 տիպի շարժիչներ՝ արտադրվող ավստրիական ընկերությունում

«Վախի ազդեցության տակ է եղել». աղմկահարույց տեսանյութի Ազնիվն իրոք գերեվարվել է. armeniasputnik

Կալիֆոռնիական Viastat Inc-ը հայտարարել է, որ դադարեցնում է անօդաչուների տուփերի վաճառքը Թուրքիային