Սուր զգացողությունների սիրահարներին Երեւանն առաջարկում է տարածաշրջանի ամենաերկար զիփլայնը

Հայաստան, Երեւան։ Զբոսաշրջային այս ուղղությունն ամեն տարի ավելի ու ավելի շատ երկրների համար դառնում է ամենապահանջվածը։ Այդ մասին տեղեկացնում է Երեւանի քաղաքապետարանի լրատվական ծառայությունը:

2801-ամյա Երեւանին ծանոթությունն սկսում է «Զվարթնոց» օդանավակայանից։ Ավելի քան 80 երկրի քաղաքացիների համար մուտքը Հայաստան առանց հրավերի է կամ հեշտացված կարգով։

Երեւան այցելողների հարմարավետության եւ անվտանգության պատասխանատուն նաեւ քաղաքն է։ Ենթակառուցվածքների զարգացման համար Երեւանի քաղաքապետարանը նոր ծրագրեր է մշակում։

Երեւանի քաղաքապետարանի լրատվական ծառայությունը տեղեկացնում է, որ առկա խնդիրներին քաղաքապետ Հայկ Մարությանը օրեր առաջ ծանոթացել է օդանավակայանում։
«Ուրվագծվեց մեր հետագա համագործակցության ուղին: Խոսեցինք նաեւ առկա խնդիրների եւ դրանց լուծումների մասին: Խոսքը, մասնավորապես, հանրային տրանսպորտի եւ տաքսիների մասին է»,- նշել է «Արմենիա» միջազգային օդանավակայաններ ՓԲԸ տնօրենի տեղակալ Սերգեյ Ավետիսյանը:

Ձմռանը սովորաբար զբոսաշրջիկների թիվը փոքր է, բայց ոչ այս տարի: «Ամանորը՝ Հրապարակում» ծրագիրը Երեւան բերեց մեծ թվով զբոսաշրջիկների:

Ու՞ր գնալ, ի՞նչ տեսնել։ Քաղաքում զբոսաշրջիկներին ճիշտ կողմնորոշվել օգնում են տեղեկատվական կենտրոնները։

«Տրամադրում ենք անվճար քարտեզներ, գրքեր տարբեր լեզուներով»,-ասել է տեղեկատվական կենտրոնի աշխատակից Լիլիթ Թովմասյանը:

«2019 թվականին 37 հազար զբոսաշրջիկ է սպասարկվել 2 կենտրոնի կողմից՝ 2018-ի 26 հազարի համեմատ»,-նկատել է Երեւանի քաղաքապետարանի մշակույթի եւ տուրիզմի վարչության տուրիզմի բաժնի պետ Գեւորգ Օրբելյանը:

Քաղաքապետարանը մտադիր է տեղեկատվական կենտրոն տեղակայել նաեւ օդանավակայանում։ Կան նաեւ այլ ծրագրեր:
«Կգործարկվի visityerevan հարթակը, որն առցանց կօգնի զբոսաշրջիկներին ճիշտ կողմնորոշվել»,-նշել  է Գեւորգ Օրբելյանը։

Վերջին տարիներին Երեւանը զարգանում է նաեւ որպես փառատոնային քաղաք։ 2019-ինն այս առումով հագեցած էր։ Ընթացիկ տարվա համար քաղաքային իշխանությունը եւս հետաքրքիր ծրագիր է պատրաստել։

Քանի՞ զբոսաշրջիկ է այցելել Երեւան 2019-ին եւ տոն օրերին։ Տվյալները դեռ մշակվում են, սակայն նախնական թվերն արդեն խոսուն են։
«9 ամիսների տվյալներով գրանցվել է 14 տոկոս աճ, ինչը կազմում է մոտ 3,1 մլն այցելություն, որից մոտ 1,6-ը հենց զբոսաշրջիկներ են եղել»,- նշել է զբոսաշրջության կոմիտեի մարքեթինգի խթանման վարչության պետ Գոհար Ալոյանը։

Երեւան ամենից շատ գալիս են Ռուսաստանի Դաշնությունից, առաջին եռյակում են հարեւան Վրաստանն ու Իրանը։ Այժմ աշխատում են նոր ուղղություններ բացել։ Օրեր առաջ Երեւանում վայրէջք է կատարել «RyanAir» ավիաընկերության առաջին բյուջետային չվերթը՝ Միլանից։ Առաջիկայում 7-ի փոխարեն կլինի 17 ուղղություն։
Զբոսաշրջիկները Երեւանն ընտրում են ինչպես ընտանեկան հանգստի համար, այնպես էլ զույգերով ճանապարհորդության կամ էլ ընկերական հանդիպումների համար։

Երեւանը հարմար է տարբեր հնարավորություններ ունեցող զբոսաշրջիկների համար։ Շքեղ հանգստի համար կան հետաքրքիր առաջարկներ։
Ոչ հարուստ զբոսաշրջիկների համար գործում են փոքր հյուրանոցներ, որոնք նաեւ ծանոթացնում են ազգային մշակույթին ու ավանդույթներին։

Ծանոթանալ քաղաքին, իհարկե, նպաստում են թանգարանները. համայնքային թանգարանները 2019-ին այցելությունների աճ են գրանցել։ Միայն Էրեբունի պատմահնագիտական արգելոց –թանգարանը նախորդ տարի ունեցել է 32,800 այցելու՝ 6 հազարով ավելի, քան 2018-ին։ Ի դեպ, 13 հազարը եղել են հենց զբոսաշրջիկներ։

«Այս տարի ունենալու ենք աուդիոգիդեր, նաեւ անվճար փոխադրում դեպի էրեբունի թանգարան, Կարմիր բլուր եւ Շենգավիթ հնավայր»,-ասել է Էրեբունի պատմահնագիտական արգելոց-թանգարանի տնօրեն Միքայել Բադալյանը:

Սուր զգացողությունների սիրահարներին Երեւանն առաջարկում է տարածաշրջանի ամենաերկար զիփլայնը։

Արդեն երեկոյան քաղաքի զարկերակն արագանում է: ժամանցի կենտրոնները՝ սրճարաններն ու ակումբները պատրաստ են դիմավորել քաղաքի հյուրերին։
Վերջին տարիներին հետաքրքիր միտում կա. զբոսաշրջիկներին սկսել է հետաքրքրել է օպերան, թատրոններն ու նաեւ ազգային երաժշտությունը։

Հայաստանն ու Երեւանը որպես զբոսաշրջային հետաքրքիր ուղղություն ընտրում են նաեւ բլոգերները։ Սոցիալական ցանցերում Երեւանի մասին գրառումները հետաքրքիր կերպով միանման են։ Բոլորը տպավորված են ոչ միայն պատմությամբ ու մշակույթով, այլեւ քաղաքի բացառիկ ջերմությամբ։

Տպել
1056 դիտում

«Norma» ապրանքանիշը կվերսկսի արտադրությունը

Բաքուն ու Անկարան քննարկում են սպառազինության համատեղ արտադրության հարցը

Վարդենյաց լեռնանցքը փակ է կցորդիչով բեռնատարների համար, Թասի ոլորաններին տեղ-տեղ առկա է մերկասառույց

Տավուշի բնակիչներին առաջարկվում է Զանենյան ցեղատեսակի կաթնատու տոհմային այծեր

Առաջին դեպքը՝ Բրազիլիայում, առաջին մահը՝ Ֆրանսիայում, 106 մահ՝ 1 գիշերում. ԱՀԿ-ն անհանգստացած է կորոնավիրուսի թվերով

Վրաստանում արձանագրվել է կորոնավիրուսի առաջին դեպքը

Գեղարքունիքի մարզում «Թումո» ստեղծարար տեղեկատվական կենտրոնի շարժական ուսումնական առաջին կետը կտեղադրվի Գավառ քաղաքում

Ռուսաստանը եւ մի շարք երկրներ պահանջել են սկսել ԱՄՆ-ի և ՄԱԿ-ի միջեւ արբիտրաժային աշխատանքները

Հակոբ Արշակյանը Հայաստան է հրավիրել ԱՄԷ նախարար Բովարդիին

Կարևոր հայտարարություն «Այո» քարոզչական բրենդավորման շուրջ. առաջին տեղի մրցանակ 3 մլն դրամը կբաշխվի 3 անձի միջև (ուղիղ)

Շիրակի մարզում «ԱՅՈ» նախընտրական շտաբի աշխատանքները կհամակարգեն «Իմ քայլը» դաշինքի պատգամավորներն ու Շիրակի մարզպետը

Մհեր Գրիգորյանը շնորհավորել է Կանադայի նորանշանակ դեսպանին պաշտոնն ստանձնելու կապակցությամբ

Վահագն Վերմիշյանը կառավարության վաղվա նիստում կազատվի զբաղեցրած պաշտոնից

«Պատվի համարը» մարտի 9-ից կլինի Հանրայինի եթերում. դերասանական կազմում է նաեւ Արամ MP3-ի որդին

«Ճանապարհենք ձմեռը Շիրակի մարզում». հրավեր Շիրակից Հայաստանի մարզերին եւ ոչ միայն

Երեք ռուսաստանցու նոր կորոնավիրուսով վարակման փաստը հաստավել է

Արմավիրի քրեական հետախույզները մարիխուանայի իրացման դեպք են բացահայտել

Կրթական տեխնոլոգիաների ազգային կենտրոնի տնօրենի պաշտոնը թափուր է. նախկին տնօրեն Արտակ Պողոսյանը եւս կմասնակցի մրցույթին

Արցախի Հանրապետությունում իրականացվել են մի շարք միջոցառումներ կորոնավիրուսի ներթափանցումը կանխելու նպատակով

Էկոնոմիկայի նախարարությունում քննարկվել են ոռոգման սեզոնի մեկնարկին ընդառաջ առկա խնդիրները