Հացադուլի 14-րդ օրն է. Արցախի իշխանությունները Քանանյանին կոչ են անում դադարեցնել այն և համագործակցել

Արդեն 14-րդ օրն է, որ քաղաքագետ Ալեքսանդր Քանանյանը հացադուլի մեջ է. պարբերաբար նրան այցելող բժիշկը նրա առողջական վիճակը գնահատում է բավարար:

Քանանյանը պահանջում է դադարեցնել Քարվաճառում փոքր հէկերի շինարարությունը, շինարարական տեխնիկան անհապաղ հեռացնել շինհրապարակներից եւ ստեղծել հատուկ հանձնաժողով պաշտոնյաների, քաղհասարակության եւ անկախ փորձագետների մասնակցությամբ՝ ստուգելու համար հէկերի արտոնագրերի թե՛ փաստաթղթային եւ թե՛ իրական համապատասխանությունը բնապահպանական չափանիշներին ու Քարվաճառի վերաբնակեցման ռազմավարական ծրագրերին, ինչպես նաեւ հետազոտել-գտնել դրանց ֆինանսավորման իրական աղբյուրները:

Հացադուլով հունվարի 27-ից նրա պահանջին է միացել ստեփանակերտցի Մհեր Պողոսյանը: Դասադուլով հունվարի 29-ից նրան են սատարում Քարվաճառի դպրոցի աշակերտները: Իրենց աջակցության մասին են հայտնել բազմաթիվ հասարակական, քաղաքական եւ մշակույթի գործիչներ Հայաստանից, Արցախից ու Սփյուռքից: Նախորդող հանգստյան օրերին Հայաստանից Քարվաճառ էին մեկնել բնապահպաններ, ակտիվիստներ, լրագրողներ եւ հասարակական գործիչներ՝ Քարվաճառի էկոլոգիական փոփոխությունները դիտարկելու եւ Ալեքսանդր Քանանյանին այցելելու: Նրանցից շատերն արձանագրում են, որ հարկ է՝ Արցախի իշխանությունները շտապեն արձագանքել Քանանյանի պահանջներին, որ այլեւս նրա ինքնազոհողության անհրաժեշտությունը չլինի:

«Արցախում արդեն մոտ 160 կմ գետ մտցված է խողովակների մեջ՝ իր հետ բերելով սոցիալական եւ բնապահպանական խնդիրներ եւ սպասարկելով միայն շատ նեղ «էլիտայի» բիզնես շահերը: Մի օր Արցախում այս խնդիրը պետք է «պայթեր», ինչպես Հայաստանի շատ բնակավայրերում էր ժամանակ առ ժամանակ պայթում հանրային դժգոհությունների տեսքով: Ժամանակն է, որ ՀՀ կառավարությունն այս ուղղությամբ գործուն քայլեր ձեռնարկի, ինչը, ցավոք սրտի, ուշանում է»,- նշել է «Հայկական բնապահպանական ճակատ» ՀԿ-ի անդամ Լեւոն Գալստյանը:

Քանանյանի այցելուներից Հրաչյա Մուրադյանն էլ գրել է. «Գետերը պետք է ազատ հոսեն այս լեռներում, եւ ոչ մի գետ չպիտի թաղվի խողովակներում։ Պայքարը թեւակոխում է առավել կարեւոր ու ակտիվ փուլ»։

«Հէկ կարելի է եւ պետք է կառուցել, բայց ամեն բան իր տեխնոլոգիան ունի: Իսկ այս անտաղանդները մեր գետերը խողովակներով հասցնում են մինչեւ Ադրբեջան: Եվ եթե դուք դեռ այս մասին չեք խոսում, ուրեմն համակարծիք եք այս երկարաժամկետ ծրագրին, որով Քարվաճառը կհանձնվի Ադրբեջանին»,- նշել է Հայկ Հովակիմյանը:

Հայկ Բալանյանը տնտեսագիտական վերլուծություն է ներկայացրել՝ ամփոփելով. «Էլեկտրաէնեգիայի պակաս մենք համակարգում չունենք, բաց բնակչի պակաս, ահռելի ու չօգտագործվող հողագործական ու տուրիստական ռեսուրսի տնտեսական յուրացման կարիք ունենք։ Ուստի, եթե այլընտրանքը՝ Արայիկ Հարությունյան, Բակո Սահակյան ու մի քանի չինովնիկի շահերն են կամ հազարավոր բնակիչների, տարածքը կայացնելու, գյուղատնտեսության ու հանգստի վայր դարձնելու, նոր Դիլիջան ու Ծաղկաձոր ստեղծելու մեջ է, ապա յուրաքանչյուր նորմալ հայի համար լուծումը պիտի՝ պարզ լինի։ Իսկ եթե այլընտրանքը մի քանի չինովնիկի ու բիզնեսմենի քաղաքական աջակցություն ստանալն է, բայց փոխարենը կարգապահ ձեւով մեր գետերն Ադրբեջանին մեր սահմանների ամբողջ երկայնքով մատակարարելն է, ապա լուծումը նորմալ հայի համար էլի պիտի՝ պարզ լինի»։

Արցախի կառավարությունն այսօր ևս մեկ անգամ կոչ է արել Ալեքսանդր Քանանյանին և նրան միացած Մհեր Պողոսյանին դադարեցնել հացադուլը, չվտանգել առողջությունը և գործուն մասնակցություն ունենալ ձևավորվող հանձնաժողովի աշխատանքներին։ Այս մասին ասված է ԱՀ կառավարության տարածած հայտարարությունում։

Մասնագիտական, անկախ հանձնաժողովի կազմում, ըստ հաղորդագրության, կընդգրկվի մեկական մասնագետ ԱՀ բնապահպանության և բնական ռեսուրսների, ԱՀ էկոնոմիկայի և արտադրական ենթակառուցվածքների նախարարություններից, ԱՀ հանրային ծառայությունները և տնտեսական մրցակցությունը կարգավորող հանձնաժողովից (համաձայնությամբ): Հրավիրվել են մասնագետներ նաև ՀՀ-ից, և, ըստ նախնական պայմանավորվածության, այսօր կժամանեն Արցախ երկուական մասնագետ ՀՀ շրջակա միջավայրի ու ՀՀ տարածքային կառավարման և ենթակառուցվածքների նախարարություններից, ևս երկու՝ անկախ փորձագետ: «Կառավարությունն օրեր առաջ դիմել էր հացադուլ հայտարարած Ալեքսանդր Քանանյանին՝ հանձնաժողովի կազմում 3 անդամ առաջադրելու հարցով եւ սպասում է առաջարկների ներկայացմանը»,- նշված է հայտարարության մեջ:

Հիշեցնենք, որ Ալեքսանդր Քանանյանի հետ երկու անգամ բանակցել է Արցախի պետնախարար Գրիգորի Մարտիրոսյանը, սակայն ընդհանուր հայտարարի գալ չի հաջողվել, քանի որ, Քանանյանի խոսքով, չեն տրվել բավարար երաշխիքներ, որ իր պահանջները կբավարարվեն, եւ կա մտավախություն, որ երկակի խաղ տանելով՝ իշխանավորներն «իրեն կքցեն»:  

Արցախի քաղաքական ուժերից այս պահին Ալեքսանդր Քանանյանին իր աջակցության մասին հրապարակավ հայտարարել է ԱՀ ԱԳ նախարար Մասիս Մայիլյանը: 

Լուսանկարները՝ «Քարվաճառը առանց ՀԷԿ-ի»-ի ֆեյսբուքյան էջից

Տպել
1159 դիտում

«Երևանի ավտոբուս» ՓԲԸ-ն 75 մլն դրամ է պարտք վառելիք մատակարարող «ՍԻՓԻԷՍ ՕԻԼ»-ին. ինչու հանրային տրանսպորտը չէր աշխատում

«Հայաստան» դաշինքի շտաբը կղեկավարի Արմեն Գեւորգյանը

Իշխանասարում ոչ մի կրակոց չի հնչել, էլ ուր մնաց ՝ մարտեր ընթանան. Վահագն Ալեքսանյան

Դատավոր Կարինե Պետրոսյանը ԲԴԽ-ին հրաժարականի դիմում է ներկայացրել

Երուսաղեմի հայկական թաղամասում և պատրիարքարանում կյանքն ընթանում է բնականոն հունով, անմիջական վտանգ չկա

Ադրբեջանցիները դիրքային աշխատանքների ընթացքում խախտել են մեր վարչական սահմանը, մերոնք միջամտել են. սյունեցի պատգամավոր

Խաբեության համար մեղադրանք է առաջադրվել Երևանի բնակչին

Երևանի բնակարաններից մեկում բռնկված հրդեհին հայտարարվել է բարդության «1 ԲԻՍ» կանչ

«Երեւանի ավտոբուս» ՓԲԸ-ի դիզվառելիքի մատակարարումը վերսկսվել է. Հակոբ Կարապետյան

Ադրբեջանական զինուժը փորձել է աշխատանքներ իրականացնել Սյունիքի սահմանին, այս պահին ընթանում են բանակցություններ. ՊՆ

ԿԸՀ-ն գովազդային վահանակների գովազդի համար կուսակցությունների դիմելու վերջնաժամկետ է սահմանել

Հայաստանի դատապարտյալների հավաքականը շախմատի միջազգային մրցաշարում զբաղեցրել է 3-րդ հորիզոնականը

«Գետերի ափամերձ տարածքների վերականգնում Հայաստանում» ՔՈՎԻԴ-19-ի արձագանքման ծրագրի շրջանակներում ուռենիներ են տնկվում

Նիկոլ Փաշինյանը շնորհավորական ուղերձներ է հղել արաբական պետություններին

Սեւանա լճի մակարդակը նախորդ տարվա մայիսի 11-ի նիշից բարձր է 16 սանտիմետրով

«Freedom House»-ն Ադրբեջանին կոչ է արել հայ գերիների մասին լիարժեք տեղեկատվություն տրամադրել ՄԻԵԴ-ին

Հաստատվել է կորոնավիրուսային հիվանդության 354 նոր դեպք. գրանցվել է 21 մահ

Կենտրոնի փոխթաղապետին ու գլխավոր մասնագետին մեղադրանք առաջադրվեց

Ավտոբուսները երթուղի դուրս չեն եկել, Երևանի քաղաքապետարանը փորձում է լուծել խնդիրը. Հակոբ Կարապետյան

27 տարի առաջ այս օրը ուժի մեջ էր մտել Արցախում կրակի լիակատար դադարեցման մասին անժամկետ եռակողմ համաձայնագիրը

«Սպուտնիկ-Վի» պատվաստանյութի երկրորդ դեղաչափն այս գիշեր հասել է Հայաստան

Գերիների հարցն ադրբեջանական իշխանություններն արհեստական ձգձգում են՝ իրավական գործընթացների բացահայտ չարաշահմամբ. ՄԻՊ

Այս ընտրություններին «Քաղաքացիական պայմանագիր» կուսակցությունը մասնակցելու է առանց դաշինքի

Նախկին բարձրաստիճան զինվորականը Ադրբեջանին է փոխանցել ՀՀ զորքի, հետախուզության տվյալներ. նախաքննությունն ավարտվել է

Արցախի «Զառին բաղ» կոչվող հատվածում մեքենա է կողաշրջվել. վարորդն ու ուղևորը հոսպիտալացվել են

Թել Ավիվի օդանավակայանը փակ է. Իսրայելի մշակութային ու տնտեսական կենտրոնի ավերածությունը՝ լուսանկարներով

Անցած 1 օրում ԱԻՆ փրկարարներն արձագանքել են տրանսպորտային պատահարների մասին 6 ահազանգի

Պաղեստինը հարվածում է Թել Ավիվին, Իսրայելը՝ Գազային. 2 կողմում հսկա ավերածություններ են, զոհերի թիվն աճում է (տեսանյութ)

Մայրաքաղաքում և մարզերում էլեկտրաէներգիայի մի քանի ժամյա պլանային անջատումներ կլինեն

«Ես Աստված եմ... ես սպանելու եմ մեծ քանակությամբ բիոաղբ». Կազանի դպրոցի հրաձիգի գրառումն ու ողբերգությունը

Իսրայելը հրթիռակոծվում է. հարյուրավոր հրթիռներ՝ Թել-Ավիվի ուղղությամբ. թիրախավորվել է օդանավակայանը (տեսանյութ)

Կոտայքի մարզպետը Չարենցավանի բժշկական կենտրոնում ծանոթացել է համավարակի դեմ պատվաստումային գործընթացի ակտիվությանը

Քոչարյանը մերժել է Գեւորգ Պետրոսյանին. նախկին ԲՀԿ-ականը նոր ցուցակ է փնտրում

Գյումրիում փակվել են Covid բաժանմունքները. չինական պատվաստանյութը դեռ Շիրակ չի հասել

Ընթանում են Արտաշատ քաղաքի Իսակով փողոցում ասֆալտապատման թերությունները շտկելու աշխատանքները

Արտաշատ քաղաքում վաճառված հասարակական օգտագործման կանաչ տարածքների գործով տեսչական մարմինը դիմել է դատախազություն

Ադրբեջանի հայատյացության քաղաքականությունն ապացուցում է՝ արցախահայերը չեն կարող անվտանգ ապրել նրա կազմում․ Միրզոյան

Իսպանացի պատգամավորներն ու սենատորներն Ադրբեջանից պահանջում են ազատ արձակել հայ ռազմագերին

Լինենք պատասխանատու․ Նիկոլա Ազնավուրը պատվաստվել է կորոնավիրուսի դեմ

Ֆուտբոլի Հայաստանի առաջնությունը նոր առաջատար ունի