Կորոնավիրուսի ախտորոշման լաբորատոր թեստերը Հայաստանում են. իսկ ինչ բուժում է արվելու վարակը հայտնաբերելուց հետո

Կորոնավիրուսի նոր ենթատեսակի ախտորոշման լաբորատոր թեստերը, որոնք երեկ տեղափոխվել են Հայաստան, պահվում են Առողջապահության նախարարության հիվանդությունների վերահսկման եւ կանխարգելման ազգային կենտրոնի լաբորատորիայում։

Դրանք թվով 200 հատ են եւ այս պահին գտնվում են -20 ջերմաստիճան ապահովող սառցարաններում։ Պիտանելիության ժամկետը 1 տարի է, իսկ ախտորոշման դեպքում սխալվելու հավանականությունը 1 տոկոսից էլ քիչ։

Այս մասին այսօր լրագրողների հետ զրույցի ընթացքում նշեց վերոնշյալ կենտրոնի գլխավոր տնօրենի տեղակալ Նունե Բակունցը:

Ի դեպ ձեռք բերված թեստերը նոր են մշակված, կոնկրետ կորոնավիրուսի այս ենթատեսակի համար: Հարցին ի պատասխան նշեց կենտրոնի վիրուսաբանական լաբորատորիայի վարիչ Շուշան Սարգսյանը՝ հավելելով, որ աշխարհում հայտնաբերված է կորոնավիրուսի 40 ենթատեսակ, տարածվող նոր վիրուսը մուտացված տեսակ է:

Առկա լաբորատոր թեստերից մեկը մեզ մոտ արդեն կիրառվել է, սակայն պատասխանը բացասական է եղել, ինչը փաստում է, որ Հայաստանում նման վիրուս դեռեւս չկա։

Նունե Բակունցի խոսքով՝ փորձարկվողը մեր հայրենակիցն է եղել, որը երկար ժամանակ գտնվել է Չինաստանում։ Վերադարձին նրա մոտ ջերմություն է եղել, կատարվել է հետազոտություն, որի արդյունքում վիրուսը հերքվել է։

Ստուգման համար մարդու քթից եւ ըմպանից վերցվում են նմուշներ եւ դրանք տեղափոխում հատուկ լաբորատորիա՝ իրականացնելու հետազոտությունը:

Այս պահին Հայաստանում գտնվող թեստերը, ինչպես պարզվեց, ոչ թե չինական ընկերությունից են գնվել, այլ անվճար, որպես օգնություն մեր երկիր են հասել Ռուսաստանի Դաշնությունից:

Արդյո՞ք մեր երկիրը կգնի նաեւ չինական ընկերության թեստերը, ինչի մտադրության մասին հայտարարվել էր ավելի վաղ, բանախոսները դժվարացան հստակ պատասխանել՝ այդ հարցով այժմ քննարկումներ են իրականացվում: Սակայն հավաստիացրին, որ եթե այստեղ կարիքը զգացվի, ապա թեստերն անպայման ձեռք կբերվեն:

Մասնագետների խոսքով՝ նման հետազոտություն կարող են անցնել այն մարդիկ, որոնք կդիմեն տեղի բժշկական հաստատություններ, եւ նրանց մոտ կլինեն համապատասխան ախտանիշներ ու բացի այդ վերջին 14 օրվա ընթացքում գտնված կլինեն Չինաստանում: Հետազոտությունը կիրականացվի անվճար:

Այն հարցին, թե կարո՞ղ են մարդիկ վճարովի հիմունքներով անցնել այդ հետազոտությունը, եթե ցանկություն ունենան, բանախոսները հարցով պատասխանեցին՝ ի՞նչ կարիք կա անտեղի ստուգվել, երբ երկրում ընդամենը 200 թեստ է առկա։

Հետաքրքրվեցինք, թե ի՞նչ քայլեր են ձեռնարկվելու, եթե թեստը, այնուամենայնիվ, հայտնաբերի վիրուսը: Նունե Բակունցի խոսքով՝ այս դեպքում կարվի այն ամենը, ինչ խորհուրդ կտա Առողջապահության համաշխարհային կազմակերպությունը: Նա նաեւ ընդգծեց՝ այժմ այդ ենթատեսակի համար հակավիրուսային առանձնահատուկ բուժում որեւէ երկրում չկա, կատարվում է սիմպտոմատիկ բուժում: Մասնագետը, այնուամենայնիվ, դրական պատասխան տվեց, Հայաստանը կարող է բուժել եւ ձեռնարկել բոլոր անհրաժեշտ քայլերը, ինչ մնացած երկրներն են անում։

Մոտակա օրերին այդ թեստերն օգտագործվելու անհրաժեշտություն կլինի, թե չէ, բանախոսները տեղեկություն չունեին։ Տեղյակ չէին նաեւ, թե այժմ ինչպես են Չինաստանի երկու քաղաքացիները, որոնք տեղափոխվել էին Երեւանի բուժհաստատություններից մեկը եւ կկիրառվե՞ն արդյոք թեստերը նրանց հետազոտելու համար: Այդումենայնիվ, ըստ բանախոսների, Հայաստանում այս պահին չկա մեկը, որը կորոնավիրուսի բացահայտման թեստով ախտորոշման կարիք ունենա։

ՀԳ.

ՀՀ առողջապահության նախարարի խոսնակ Ալինա Նիկողոսյանն ավելի ուշ տեղեկացրեց, որ հոսպիտալացված կասկածելի 5 պացիենտներից իրականացվել էին նմուշառումներ՝ լաբորատոր հետազոտությունների նպատակով: Արդյունքում թե՛ գրիպի, և թե՛ կորոնավիրուսի նկատմամբ հետազոտությունները եղել են բացասական: «Ելնելով նշվածից՝ Առողջապահության նախարարությունը կրկին հորդորում է խուճապի չմատնվել և հետևել բժիշկների խորհուրդներին՝ զերծ մնալով «մասնագիտական» ուղղորդումներից և մեկնաբանություններից»,- նշել է նա:

Տպել
1735 դիտում

Թող մեր զինվորները վստահ լինեն, որ այս պատերազմը մենք ենք հաղթելու, որովհետև իրենց թիկունքը շատ ամուր է. Արա Գևորգյան

Լեռնային Ղարաբաղում վերսկսված ցեղասպանություն՝ համավարակի ֆոնին. Forbes-ի անդրադարձը

Որն է ԼՂ հակամարտության լուծման իրանական պլանի էությունը. Արաքչին իր շրջայցը սկսել է Բաքվից

«Բարսելոնան» նախագահի նոր պաշտոնակատար ունի

ՃՏՊ Երևան-Մեղրի ավտոճանապարհին․ տուժածը հոսպիտալացվել է Եղեգնաձորի բժշկական կենտրոն

Թուրքիան փորձում է լիրայի արժեզրկումը զսպել ինտերվենցիաներով, բայց այնուհանդերձ խնդիրը խորանում է. Արտակ Մանուկյան

Մենք խաղաղ բնակիչներից մեր անհաջողությունների վրեժը չենք լուծելու. ՊՆ ներկայացուցիչ

Բերձորի ուղղությամբ մեր ստորաբաժանումներին հաջողվել է որոշակի դիրքային բարելավումներ իրականացնել. Արծրուն Հովհաննիսյան

«Արարատ-Արմենիան» երկարաձգել է պայմանագիրը իր առաջատարներից մեկի հետ

Այս պատերազմը գնալով ավելի է մոտենում հենց կամքի ու խելքի գործոնների կարևորությանը. ՊՆ ներկայացուցիչ

Մտքում վատ, սարսափելի երեւույթներ, հրեշներ մի՛ ստեղծեք․ մասնագետի հոգեբանական խորհուրդները բոլորին

Շուշիում այսօր վիրավորված փրկարարներից Գեղամ Գրիգորյանը վիրահատվում է. Արցախի ԱԻՊԾ

Ֆուտզալի Հայաստանի հավաքականը Եվրո-2022-ի ընտրական փլեյ-օֆֆ փուլի հանդիպումները Վառնայում

Հայաստանը և Արցախը, ի տարբերություն մեր երկու հարևանների, ոչ թե հյուրընկալում, այլ պայքարում են ահաբեկիչների դեմ. ԱԳՆ

Բացահայտվել են Արցախից Հայաստան անօրինական ճանապարհով զենք-զինամթերք տեղափոխելու դեպքեր․ ԱԱԾ

Ռազմական օբյեկտների մոտ գտնվող ադրբեջանական բնակչությանը հորդորում ենք հեռանալ՝ չդառնալ կենդանի վահան. Վահրամ Պողոսյան

Թուրքերի հարձակումից տուժած հայերից 2-ը հոսպիտալացվել են․ մուրճի հարված ստացածը վիրահատության կարիք ունի

Նախագահի հրամանագրով գնդապետ Աշոտ Բալասանյանին շնորհվել է գեներալ-մայորի զինվորական կոչում

ՀՀ նախագահի հրամանագրով գնդապետ Արմեն Գյոզալյանը պարգևատրվել է «Մարտական խաչ» 2-րդ աստիճանի շքանշանով

Ավտովթար է տեղի ունեցել Իջևան-Նոյեմբերյան ավտոճանապարհին. տուժածները հոսպիտալացվել են Իջևանի բժշկական կենտրոն