Իմ գրպաններում, մեքենայում փնտրում էր ՍՈւ 35-ը, տանկը, ԲՏՌ-ն ու ԲՄՊ-ն. Ռուբեն Հայրապետյանն ազատ արձակվեց

Քիչ առաջ ՀՖՖ նախկին նախագահ Ռուբեն Հայրապետյանը դուրս եկավ ոստիկանության շենքից: Լրագրողների հետ զրույցում նա ասաց, թե իրեն բերման ենթարկելը հերթական շոուն էր եւ ոչ մի կերպ չի կարող իրեն վախեցնել: «Եթե հիշում եք՝ դեկտեմբեր ամսին մեր տունը խուզարկելիս ես մի հայտարարություն արեցի, որ մեր տանից հանել են մի հատ ՍՈւ 35, Ս-90 տանկ, ԲՏՌ, ԲՄՊ, չեմ հիշում էլ ինչ, եւ մի քանի օր առաջ, երբ ես հեռուստացույցով նայում էի ոստիկանապետի ելույթը, տեսա, թե ոնց է դանդաղ խոսում ու մտածում: Իսկ եթե դանդաղ խոսում ու մտածում է, ուրեմն, դանդաղ էլ հասկացել է: Իմ կարծիքով՝ նա փնտրում է իմ գրպաններում, մեքենայում ՍՈւ 35-ը, տանկը, ԲՏՌ-ն ու ԲՄՊ-ն, բնականաբար, հասկանում ենք՝ ում հանձնարարությամբ»,- ասաց Հայրապետյանը՝ հավելելով, թե «նրանք» փորձում են իրեն վախեցնել, բայց չեն հասկանում, որ իր տեսակին նման ձեւով չեն կարող վախեցնել:

«Առհասարակ, մեր տեսակն է ուրիշ եւ բացի դրանից՝ նույնիսկ եթե պառկեցնեին ասֆալտին, ամենայն պատասխանատվությամբ հայտարարում եմ, ամոթ չի ոստիկանի կողմից ասֆալտին պառկելը, բայց, որ ես եմ պառկացնելու մի գեղեցիկ օր ու ոտքերս մաքրեմ իրենց վրա, դա հաստատ»,- հայտարարեց ՀՖՖ նախկին նախագահը:

Նա նշեց, որ իր մոտ որեւէ զենք-զինամթերք չեն հայտնաբերել, նա ունի 3 օրինական զենք, եւ, որ օրինական զենքի թույլտվություն ունեցող մարդը երբեք անօրինական զենք չի պահի: «Սա հերթական կապիկությունն է, երեւի Քարվաճառի երեկվա Արշակի լայվի հետ է կապված, ինձ թվում է՝ ժողովրդին ուզում են շեղեն դրանով»,- ասաց Հայրապետյանը:

Հարցին, թե ինչու է նա 3 զենք պահում իր մոտ, Հայրապետյանը մանրամասնեց, որ երկուսը որսորդական զենքեր են, մեկն էլ իր անձնական զենքն է՝ անվտանգության համար, քանի որ ժամանակին իր վրա մահափորձ են կատարել:

«Ես պատրաստ եմ, ամեն օր թող բերման ենթարկեն, նրանք ուզում են իմ մեքենան խուզարկեն, ես ասել եմ՝ մինչեւ սանկցիա չլինի, թույլ չեմ տա: Ֆեդերացիայի գործով էլ ոչինչ չեմ ասի, որովհետեւ քննություն է գնում, բայց կգա օրը կիմանաք, թե Ֆեդերացիան ինձ ինչքան գումար է պարտք մնացել»,- ասաց Հայրապետյանը:

Նրա կարծիքով՝ Ադեկվադի տղաների բերման ենթարկելու պատճառը նրանց վախեցնելն էր: «Նրանցից ոչ մեկը Նիկոլից չի վախենում, դրա համար էլ բռնել են, փորձել են վախեցնել, մեր տեսակին նման բաները ընդհանրապես չեն վախեցնում»,-նշեց նա:

Հարցին, թե արդյոք վերցրել են ստորագրություն երկրից չբացակայելու համար, Հայրապետյանը պատասխանեց՝ իհարկե՝ ոչ:

«Գնացեք Նիկոլից հարցրեք, թե ինչ վտանգ կարող եմ ես ներկայացնել իշխանության համար: Դիմեք այն մարդուն, ով այս հանձնարարությունները տալիս է»,- ասաց Հայրապետյանը՝ հավելելով, որ երբ ոստիկանապետը հայտարարում էր, որ Արթուր Դանիելյանին ձերբակալել էին նարկոտիկի ու «եսիմ էլ ինչի համար», ինչու նրա մեքենան չեն խուզարկել:

Հարցին, թե ինչի համար են այս «շուները», ինչպես նա է մեկնաբանում, Հայրապետյանը պատասխանեց, որ սա կրում է ցուցադրական բնույթ: «Բա պիտի տանեն Նիկոլին ցույց տան՝ տեսեք, Հայրապետյանին կանդալներով բերեցինք, կամ մի հատ պատ կար, ստիպում էին ասում էին կանգնեք դրա մոտ նկարենք, իհարկե, ես չեմ կանգնել: Մի հատ ռեմբո էլ բերել էին՝ ասում էր ոտքդ ոտքիդ մի քից, մեզ վիրավորում ես, ուզում էր ինձ վախեցներ իրա վախեցած հալով: Կամ՝ ընթերական էին բերել ինձ խուզարկելու մի հատ ալկագոլիկի, հարբած, շան հոտը վրայից գալիս էր, ամեն րոպե կարող են ասել անհայտ անձը զանգահարեց, բերման ենք ենթարկում, 37 թիվն է»,- պատասխանեց Հայրաետյանը:

Խոսելով Ֆուտբոլի ֆեդերացիայի անվան հետ կապվող չարաշահումների մասին, Հայրապետյանն ասաց. «Գնացեք «Արմենչիկներ», որ կան, դրանց հարցրեք, նրանք կասեն, մի օր այդ չարաշահումները դրանց առաջ կդնեմ: Ես ասել էի, որ եթե ապացուցեն իմ կողմից արած չարաշահումները, կրկնակի հետ կտամ: Հիմա՝ քո խաթեր, ասում եմ, եռակի կտամ(դիմելով լրագրողին)»:

Լրագրողների հարցին, թե երբ է լինելու այն օրը, որ ամեն ինչ պատմելու է Ֆուտբոլի ֆեդերացիայի հետ կապված, Հայրապետյանն ասաց, որ ամեն ինչ արդեն պատմել է:

«Կարո՞ղ ա գիտեք՝ ես Վանեցյանն եմ, ինչ կա պատմել եմ: Ասել եմ՝ կտեսնեք, թե ով ինչքան է հափշտակել: Ես մենակ իմ երեխեքի փողը դրել եմ ֆուտբոլի մեջ ու ինձ ամեն ինչի մեջ կարելի էր մեղադրել, նույնիսկ՝ Պատրիկ Լումումբայի սպանության մեջ, բայց ոչ ֆուտբոլից փող գողանալու: Տասնյակ միլիոնների հասնող դոլարներ եմ ներդրել, կարող եք ցանկացած ֆուտբոլիստի հարցնել՝ ամեն հաղթանակից հետո ինչքան պարգեւավճար են ստացել: Վաճառված խաղերի մեջ էլ ես չկամ, դա «փոքրիկներին» հարցրեք»,-եզրափակեց Հայրապետյանը:

Այնուհետեւ Հայրապետյանի փաստաբան Ամրամ Մակինյանը լրագրողների հետ զրույցում ասաց, որ Հայրապետյանի հետ բերման են ենթարկվել նաեււ նրա երկու ընկերները, բայց ոչ ոքի մոտ զենք չի հայտնաբերվել:

«Պարոն Հայրապետյանի 2 մեքենաները հիմա 6-րդ վարչության բակում են պահվում՝ ոչ իրավաչափ: Պատճառաբանությունը հետեւյալն է՝ թույլ տվեք զննենք: Մենք թույլ չենք տալիս զննել»,- ասաց Մակինյանը:

Տպել
1113 դիտում

Բանակը ապաղաքականացված կառույց է, յուրաքանչյուր զինծառայող՝ ազատ իր ընտրության մեջ. հայտարարություն

Արցախի զորամասերից մեկում սննդի ապահովման նոր համակարգով ճաշարան է բացվել (լուսանկարներ)

Կառավարությունում քննարկվել են սոցիալական առանձին խմբերին միանվագ աջակցության միջոցառումները

Հայաստանի 3 մարզերում ձյուն է տեղում. ճանապարհներն հիմնականում անցանելի են

Կորոնավիրուսը կապ չունի մարդկային գործոնի հետ, «չի փախել» ոչ մի լաբորատորիայից. ռուս պրոֆեսորի դիտարկումները

Վանաձորի, Սիսիանի, Արմավիրի, Գորիսի, Երեւանի մի շարք սուպերմարկետներ փակվել են 6 ժամով. ներկայացվում են պատճառները

Հրդեհ Զաքարիա Քանաքեռցու փողոցում. այրվել է մեքենայի շարժիչի հատվածը

Արցախում ժամանակավորապես դադարեցվել է մի շարք երթուղիների սպասարկումը

Պատրիկ Դևեջյանի մահն անամոքելի վիշտ է հայ-ֆրանսիական բարեկամության համար․ Ն. Փաշինյանը ցավակցական հեռագիր է հղել

Այսօր 158 անձի նկատմամբ կազմվել է վարչական իրավախախտման վերաբերյալ արձանագրություն. ոստիկանություն

Այս մեկ շաբաթը փորձություն կլինի բոլորիս համար

Երևանի քաղաքապետարանը ԱԻՆ-ի հետ համատեղ ամենօրյա ռեժիմով կատարում է ախտահանիչ միջոցառումներ

ՀՀ որոշ տարածքներում ձյուն է տեղում. Լարսը բաց է միայն բեռնատարների համար

ՀՀ ոստիկանապետ Արման Սարգսյանը հանձնարարել է ստուգել քաղաքացուն խոշտանգելու ահազանգի մանրամասները. ՄԻՊ

Հիվանդությունների վերահսկման և կանխարգելման կենտրոնի 14 աշխատակցի մոտ եւս կորոնավիրուս է հայտնաբերվել

3 ավիաընկերություններ այսօր կիրականացնեն Մոսկվա-Երեւան չվերթներ՝ տեղափոխելով ՀՀ քաղաքացիների

Ով ինչպես է օգտագործում կորոնավիրուսը

Վիշտն անսահման է. Ֆրանսիայում ՀՀ դեսպանը ցավակցել է Պատրիկ Դևեջյանի մահվան կապակցությամբ

Մահացել է լեհ մեծանուն կոմպոզիտոր, դիրիժոր և մանկավարժ Քշիշտոֆ Պենդերեցկին

Ցնցված եմ ֆրանսիահայ ականավոր գործիչ Պատրիկ Դեւեջյանի մահվան բոթից. Նիկոլ Փաշինյան