Աշխարհի, Եվրոպայի չեմպիոն Մաքսիմ Մանուկյանը դուրս մնաց Եվրոպայի առաջնությունից, ոսկի կփորձի նվաճել միայն Չալյանը

Աշխարհի ու Եվրոպայի չեմպիոն, հունահռոմեական ոճի ըմբի Մաքսիմ Մանուկյանը մեդալների համար չի պայքարի Եվրոպայի 2020թ. առաջնությունում: Այսօր՝ փետրվարի 10-ին, նա դուրս մնաց Հռոմում ընթացող մրցաշարի 87կգ քաշային կարգի հետագա պայքարից: Պարտվեց իր առաջին իսկ գոտեմարտում:

Մանուկյանը 1/8 եզրափակչում զիջեց վրացի Թորնիքե Ձամաշվիլիին: Վերջինս պարտվեց քառորդ եզրափակչում, եւ Մանուկյանը զրկվեց նաեւ բրոնզի համար պայքարելու հնարավորությունից:

Ըմբշամարտի Եվրոպայի առաջնության մրցումային առաջին օրվա ընթացքում Հայաստանի 5 մասնակիցներից միայն մեկը ոսկի նվաճելու հույսեր ունի: Հունահռոմեականների 77 կգ քաշային կարգի կիսաեզրափակիչ է հասել Կարապետ Չալյանը:

Նա մրցաշարն սկսեց որակավորման փուլից, որտեղ առավելության հասավ շվեյցարացի Նիկոլաս Քրիստենի նկատմամբ: 1/8 եզրափակչում հաղթեց սերբ Վիկտոր Նեմեշին, քառորդ եզրափակչում՝ բելառուս Պավել Լիախին: Եզրափակչի ուղեգրի համար պայքարում նրա մրցակիցը կլինի ադրբեջանցի Սանան Սուլեյմանովը:

55 կգ քաշային կարգում ՀՀ-ն էր ներկայացնում Ռուդիկ Մկրտչյանը, որը պարտվեց առաջին իսկ գոտեմարտում: Քառորդ եզրափակչում զիջեց ադրբեջանցի Ալդանիզ Ազիզլիին: Եթե վերջինս կարողանա եզրափակիչ դուրս գալ, Մկրտչյանը կշարունակի պայքարել բրոնզե մեդալի համար:

63 կգ քաշային կարգում մեդալներ ՀՀ-ն չի ունենա: Սահակ Հովհաննիսյանը նույնպես պարտվեց իր առաջին գոտեմարտում: 1/8 եզրափակչում նրան հաղթեց վրացի Լեւանի Քավյարաձեն: Վերջինս պարտվեց իր հաջորդ գոտեմարտում, հետեւաբար Հովհաննիսյանը բրոնզի համար չի պայքարի:

Նույն սցենարը կրկնվեց նաեւ 130կգ քաշային կարգում: Դավիթ Օվասապյանը պարտվեց առաջին իսկ գոտեմարտում: 1/8 եզրափակչում նրան հաղթած ադրբեջանցի Սաբահ Շարիաթին էլ պարտվեց 1/4 եզրափակչում, եւ Օվասապյանը դուրս մնաց մրցաշարից:

Այս քաշային կարգերի կիսաեզրափակիչները տեղի կունենա այսօր երեկոյան, եւ հետո հայտնի կդառնա, թե դրանցից քանիսում ՀՀ-ն մեդալի հույս կունենա: Եվրոպայի 2020թ. առաջնությունն սկսվել է այսօր: Կավարտվի փետրվարի 16-ին:

Տպել
787 դիտում

Ո՞ւմ հորդորով Խաչատուրովը չեկավ ԱԺ. Ապրիլյան պատերազմի վավերագրությունը պատրաստ է, սպասենք սենսացիոն բացահայտումների

Սարդարապատ համայնքում սուբվենցիոն ծրագրի շրջանակում կտեղադրվի 10 հակակարկտային կայան

Տարիների աղետ Արկտիկայի համար. ինչ է հայտնի գետերը լցված 21 հազար տոննա նավթամթերքի մասին

Լանջազատ համայնքում գազաֆիկացման աշխատանքների կատարման համար հայտարարվել է մրցույթ

Գյումրու Սավոյան փողոցի տնակներից մեկից հեռուստացույց ու համակարգիչ են գողացել (տեսանյութ)

ԱՀ նախագահ Արայիկ Հարությունյանը խորը վշտով է տեղեկացել Սաթենիկ Սաֆարյանի մահվան մասին

Վարակը չի ստիպել վայր դնել զենքը. արյունալի հակամարտությունները շարունակվում են

ԶՈՒ ԳՇ պետ Արտակ Դավթյանն այցելել է զինվորական հոսպիտալ

Վաղը օլիմպիադաների հանրապետական փուլն է. նախարարը ծնողներին խնդրում է հեռու լինել դպրոցից և կուտակումներ թույլ չտալ

Մենք պայքարում ենք և ձեզ վերադարձնում ընտանիք, դուք էլ մեր համար պայքարեք և մեզ վերադարձրեք մեր ընտանիք. ռեանիմատոլոգ

Սահմանափակումներին վերադառնալու դեպքում տնտեսապես այդ բեռը կլինի անտանելի, բայց հարցը քննարկվում է. վարչապետ

Գերմանիայում աշխատող բժշկին գումար են առաջարկել, որ հայ հասարակության շրջանում խոսի ընդդեմ դիմակների և պատվաստանյութերի

ԱԱԾ-ն չի պատասխանում Գագիկ Խաչատրյանի ընտանիքին առնչվող քրեական գործի մասին ՀԺ-ի գրավոր հարցմանը

Կորոնավիրուսը հնարավոր չէ կանխարգելել որևէ դեղով, պաշտոնապես հայտարարում եմ. Արսեն Թորոսյան (տեսանյութ)

Կորոնավիրուսից 33-ամյա քաղաքացի է մահացել. 418 ծանր, 81 ծայրահեղ ծանր վիճակում գտնվող պացիենտ կա. Արսեն Թորոսյան

24 ժամով կասեցվել է Երեւանի Խորենացի պողոտայի վրա գտնվող ոսկու շուկայի գործունեությունը (տեսանյութ)

Կորոնավիրուսային իրավիճակը երկրում շարունակվում է լարվել. Նիկոլ Փաշինյան (ուղիղ)

Պատգամավորների կյանքին ու առողջությանն սպառնալիքներ հնչեցնելու դեպքի առթիվ քրեական գործ է հարուցվել

Վրաց քաղաքական ու հասարակական գործիչներն առաջարկում են օգնել Հայաստանին. aliq.ge

ՀՀ ֆուտբոլի հավաքականի խաղացողը կարող է հայտնվել Կիպրոսի բազմակի չեմպիոնի կազմում