Սուրիկ Խաչատրյանի դեմ ենթադրյալ մահափորձի գործով պաշտպանական կողմը հնարավոր է միջնորդի դատակոչել Սերժ Սարգսյանին

 

Սյունիքի նախկին մարզպետ, «Լիսկա» մականունով հայտնի Սուրիկ Խաչատրյանի դեմ 2015 թվականին տեղի ունեցած ենթադրյալ մահափորձի գործով հնարավոր է՝ պաշտպանական կողմը միջնորդություն ներկայացնի՝ դատակոչելու Սերժ Սարգսյանին, Սուրիկ Խաչատրյանին եւ Գորիսի նախկին ոստիկանապետին:

Այս մասին «Հայկական ժամանակ»-ի հետ զրույցում ասաց գործով ամբաստանյալ Գարեն Աթաջանյանի պաշտպան Վահան Հովհաննիսյանը:

Բանն այն է, որ դեռեւս նախորդ տարի՝ դատարանում ցուցմունք տալիս, ամբաստանյալ Գարեն Աթաջանյանը անակնկալ հայտարարություն էր արել: Նա, մասնավորապես, նշել էր, որ տեղի ունեցածն իրականում ոչ թե մահափորձ էր, այլ Սուրիկ Խաչատրյանի կողմից կազմակերպված բեմադրություն, որին մասնակցություն է ունեցել նաեւ Սերժ Սարգսյանը: Ըստ Գարեն Աթաջանյանի ցուցմունքի՝ 2015 թվականին մյուս ամբաստանյալը՝ Հենրիկ Ավագյանը, հանդիպում է ունեցել Սուրիկ Խաչատրյանի հետ եւ պայմանավորվածություն ձեռք բերել, որ կազմակերպեն սպանության փորձի նմանակում: Աթաջանյանի խոսքով՝ նպատակը եղել է այն, որ դրա դիմաց մարզպետը լուծեր մյուս ամբաստանյալ Հենրիկ Ավագյանի՝ Սյունիք գյուղում ունեցած խնդիրները, որ դիմում գրել տար գյուղապետին այն մասին, որ վերջինիս փոխարեն նշանակվեր Հենրիկ Ավագյանը: Իսկ մարզպետի շահագրգռվածությունը, ըստ Աթաջանյանի, եղել է այն, որ գործի մեջ ներգրավվեն  Բուդաղյանները եւ Քաջարանի պղնձամոլիբդենային գործարանի՝ այդ ժամանակվա տնօրեն Մաքսիմ Հակոբյանը, այլ խոսքով՝ ամեն ինչ բեմադրվել էր նրա համար, որ մեղադրյալի աթոռին հայտնվեին Բուդաղյանները եւ Մաքսիմ Հակոբյանը:

Ցուցմունք տալիս Աթաջանյանը պատմել էր նաեւ, որ նախաքննության ավարտական փուլում քննիչը մարզպետի հետ միասին այցելել է «Դատապարտյալների հիվանդանոց» ՔԿՀ,  որտեղ ինքը գտնվել է: Քննիչի դուրս գալուց հետո, երբ Աթաջանյանը մենակ է մնացել մարզպետի հետ, վերջինս թղթի վրա գրել է Մաքսիմ Հակոբյանի անուն-ազգանունը՝ ասելով, որ նա պետք է տա նաեւ այդ մարդու անունը, որ պետք է ասի՝ իբր պատվերը ստացել են ոչ միայն Բուդաղյաններից, այլ նաեւ Մաքսիմ Հակոբյանից: Աթաջանյանի խոսքով՝ ինքը հրաժարվել է դա անել, ինչից հետո մարզպետը հայտնել է, որ այդ հարցը համաձայնեցված է Սերժ Սարգսյանի հետ, եւ ասել է՝ եթե նա Մաքսիմ Հակոբյանի անունը չտա, ապա ցմահ մնալու է բանտում:

Ինչ վերաբերում է Գորիսի նախկին ոստիկանապետին, նա եւս նախաքննության փուլում հայտարարել էր, որ ձեռք բերված օպերատիվ տվյալների համաձայն՝ մարզպետի դեմ մահափորձ իրականում տեղի չի ունեցել, այլ տեղի է ունեցել նմանակում, որը կազմակարպվել է Սուրիկ Խաչատրյանի գլխավորությամբ:

Ենթադրյալ դեպքը, հիշեցնենք, տեղի էր ունեցել 2015 թվականի մայիսի 20-ին. Կապան-Գորիս ավտոճանապարհին անհայտ անձինք կրակոցներ էին արձակել Լիսկայի մեքենայի ուղղությամբ: Մեքենայում եղած 3 անձանցից որեւէ մեկը՝ Լիսկան, նրա վարորդը եւ օգնականը, չէի տուժել, թեեւ կրակոցների մեծ մասը դիպել էր մեքենային, այդ թվում՝ դիմապակուն: Դեռեւս այդ ժամանակ մամուլում տեղեկություններ էին շրջանառվում, որ տեղի ունեցածը ոչ թե մահափորձ է, այլ՝ բեմադրություն: Դեպքից հետո ձերբակալվեցին, ապա կալանավորվեցին Արա Բուդաղյանը (մի քամի ամիս անց նա ազատ արձակվեց եւ նրա նկատմամբ քրեական հետապնդումը դադարեցվեց), Հենրիկ Ավագյանը եւ Գարեն Աթաջանյանը:

2016 թվականից քրեական գործը գտնվում է դատարանում, սակայն ինչպես պաշտպան Վահան Հովհաննիսյանը նշեց մեր զրույցում, արդեն 4 դատական նիստ հետաձգվել է, քանի որ դեռեւս  չեն ստացվել համալիր փորձաքննության արդյունքները:

Հիշյալ փորձաքննությունը նշանակվել է  2019 թվականի հուլիս ամսին: Նման միջնորդությամբ հանդես էր եկել հենց պաշտպան Հովհաննիսյանը՝ այն պատճառաբանությամբ, որ նախաքննության փուլում նշանակված փորձաքննության արդյունքները հակասել են քրեական գործի նյութերին: Էական հակասությունները վերաբերել են նրան, որ ըստ գործով ձեռք բերված ապացույցների՝ Սուրիկ Խաչատրյանի ավտոմեքենայի վրա կրակվել է ձախ կողմից, մինչդեռ ավտոմեքենայի աջ կողմին դրսից ներս ուղղությամբ առկա են կրակոցների հետքեր: Բացի այդ, Սուրիկ Խաչատրյանի հագուստի վրա առկա էին այնպիսի վնասվածքներ, որոնք առկա չեն իր մարմնի վրա եւ հակառակը: Երրորդ էական հարցն էլ, որ բարձրացվել է փորձաքննությամբ, Սուրիկ Խաչատրյանի դիմապակու վրա մոտ հինգ տասնյակ փամփուշտների առկայությամբ մարմնական վնասվածքներ չստանալու հավանականությունն է:

Մեր հարցին՝ արդյո՞ք չի լրացել փորձաքննության ողջամիտ ժամկետը, Վահան Հովհաննիսյանը պատասխանեց. «Ընդհանուր առմամբ, լրացել է, բայց հաշվի առնելով այն հանգամանքը, որ կրկնակի համալիր փորձաքննություն է՝ տարբեր բնագավառների փորձագետների ներգրավմամբ, կարծում եմ՝ կարող ենք մի քիչ էլ սպասել»:

Ինչ վերաբերում է ամբաստանյալի անակնկալ հայտարարությանը, դրանից հետո Գլխավոր դատախազ Արթուր Դավթյանը, Ազգային ժողովում պատասխանելով պատգամավորներից մեկի հարցին, հայտնել էր, որ ամբաստանյալի մատնանշած հանգամանքը ստուգելու ուղղությամբ վարույթ է նախաձեռնվել, եւ հետաքննության մարմնին տրվել է օպերատիվ-հետախուզական գործողություններ կատարելու հանձնարարություն: Թե ինչ ընթացք է ստացել այդ վարույթը, պաշտպանին հայտնի չէ. «Տեղեկություններ չունեմ, մենք դատարանից պահանջել ենք, որ այդ վարույթի նախաձեռնման վերաբերյալ նյութերը տրամադրվի պաշտպանական կողմին, դեռեւս չի տրամադրվել: Կարծում եմ, որ բոլորս՝ ե՛ւ դատախազությունը, ե՛ւ դատարանը, ե՛ւ մենք սպասում ենք փորձագետի եզրակացությանը, որը որոշիչ է լինելու ամբողջ գործի ելքի վրա, եւ որով բավական հետաքրքիր տեղեկություններ են պարզվելու»,- ասաց Հովհաննիսյանը:

Գլխավոր դատախազի խորհրդական Գոռ Աբրահամյանն էլ մեր հարցին ի պատասխան տեղեկացրեց,  որ օպերատիվ-հետախուզական միջոցառումների արդյունքում չի հաջողվել ձեռք բերել տվյալ գործով ամբաստանյալի կողմից հայտնած տեղեկությունները հաստատող տվյալներ. «Այդուհանդերձ, դատական քննության շրջանակներում մեղադրողը շարունակում է ձեռնարկել իր լիազորություններից բխող միջոցներ՝ ամբաստանյալի կողմից հայտնած տեղեկությունների իսկությունը պարզելու ուղղությամբ»,- հավելեց Աբրահամյանը:

 

Տպել
2831 դիտում

Գիշերը հատկապես ինտենսիվ մարտեր են ընթացել հարավային ուղղությամբ. ՊԲ

Սոթք-Քարվաճառ ավտոճանապարհը փակ է

Արցախի ՊԲ-ին հաջողվել է խոցել թուրքական արտադրության Bayraktar TB2 տեսակի ԱԹՍ (տեսանյութ)

ՄԱԿ-ի Անվտանգության խորհրդի նիստում քննարկել են Ղարաբաղում հրադադարի պահպանման վերահսկողության հարցը

Ֆրանսիայի Վիեն քաղաքի համայնքային խորհուրդը միաձայն ընդունել է Արցախի ճանաչման բանաձև

Միջազգային կառույցները ողջ եղելությունը պետք է արձանագրեն ֆիզիկապես լինելով Արցախում. Արման Թաթոյան

Լավրովի նշած «վերահսկման մեխանիզմները» անհրաժեշտ, բայց ոչ բավարար պայման են հրադադարի համար

Մահ ու պայքար՝ Լեռնային Ղարաբաղում. սարսափելի պատերազմի ռազմաճակատից. The New York Times-ի անդրադարձը

Այսօր ՊԲ հակաօդային պաշտպանության ստորաբաժանումները խոցել են 5 անօդաչու թռչող սարք (տեսանյութ)

Պատերազմը չի ավարտվել, դաժան ու սաստիկ պատերազմ է եւ մեր բոլորի ներդրումը չափազանց կարեւոր է. ՊՆ ներկայացուցիչ

Թուրքիայում ապրող հայաստանցիները հայրենիք վերադառնալու ճանապարհներ են փնտրում. նրանք տագնապած են

Արծրուն Հովհաննիսյանը՝ հակառակորդի դիակները հուղարկավորելու մասին

Արցախում զոհվել է «Թևանիկ» ֆիլմի գլխավոր հերոսներից Հովհաննես Խոդերյանը

Ամեն կերպ պետք է օգնել, որ մեր երեխաները դառնան ոչ թե նահատակված, այլ կենդանի հերոսներ. Ալբերտ Հովաննիսյանի հայր

Հյուսիսում թշնամին այսօր կենդանի ուժի զգալի կորուստներ է ունեցել, իսկ հարավում շարունակվել են ծանր մարտերը. Պողոսյան

Այս պահին մարտերի ուժգնությունը որոշակիորեն թուլացել է. Արծրուն Հովհաննիսյան

ԱՄՆ պետքարտուղար Պոմպեոն Վաշինգտոնում առանձին հանդիպումներ կունենա Հայաստանի եւ Ադրբեջանի ԱԳ նախարարների հետ

Մեր տղաները իմիտացիա են անում, իբր նահանջել են, հետևից սողեսող մոտենում են թշնամու տանկին, հարվածում. Հովհաննիսյան

Ադրբեջանի ագրեսիվ գործողությունների հետևանքով վիրավորված Ռոբերտն ու Նարեկը դուրս են գրվել վերակենդանացման բաժանմունքից

Ալեքսանդր Կարապետյանը երրորդ գոլն է խփել Ռուսաստանի առաջնությունում և այն նվիրել հայրենիքի պաշտպաններին