Պարոն Բալասանյան, դու թշնամի ես քաղաքին. նոր բախում Գյումրու քաղաքապետարանի եւ գործարար Զարգարյան եղբայրների միջեւ

Գյումրու Հյուսիսային մաքսատուն վարչության դիմաց դեռ դեկտեմբերին ապօրինի տեղադրված տաղավարներն այսօր քաղաքապետարանը կրկին հեռացնելու որոշում էր կայացրել: Կրկին, որովհետեւ առաջին անհաջող փորձը 2019 թվականի դեկտեմբերի 6-ին էր արվել: 7 տաղավարի տեղահանման համար այսօր ոստիկանական ուժեր էին տարածքում կենտրոնացվել, բերվել էր համապատասխան տեխնիկա: 

 

Տաղավարների տեղահանումը, սակայն, հարթ չընթացավ: Ապօրինի տաղավարների օրինական տերերը թույլ չտվեցին դրանք տեղաշարժել: Գրեթե բոլոր տաղավարները պատկանում են Զարգարյան եղբայրներին ու քույրերին, որոնք էլ չենթարկվեցին քաղաքապետարանի պահանջին եւ ոստիկաններին թույլ չտվեցին մոտենալ: Սա քաղաքապետարանի առաջին այցը չէր:

Դեկտեմբերի սկզբին ապօրինությունը վերացնելու պահանջ էր ներկայացվել: Համայնքապատկան հողերը զավթած քաղաքացիների նկատմամբ վարչական վարույթ էր հարուցվել: Յուրաքանչյուրը սկզբում տուգանվել էր 200.000 դրամի չափով, տրվել էր եռօրյա ժամկետ՝ տաղավարները տարածքից հեռացնելու համար: Երկրորդ անգամ տնակները չհեռացնելու պահանջն անտեսելու համար՝ 2.5 մլն դրամի չափով վարչական վարույթ էր հարուցվել: Գումարները, սակայն, տաղավարների տերերը չեն վճարել: Ավելին՝ այսօր պնդեցին, որ իրենց տաղավարներն օրինական են տեղադրված, քաղաքապետարանի գիտությամբ:

«Խոսք տվին՝ ծառերը կտրեն, մեզի տարածք տան ծառերի դիմաց: Գասպարյան Հենդոն եկավ ստեղ (նկատի ունի Գյումրու քաղաքապետարանի գլխավոր ճարտարապետին-խմբ.), գեներալն էլ եկավ, պայմանավորվանք: Գասպարյանն ըսավ՝ պրոբլեմ չունիս, կես հա ուրտեղ գուզես սեփականացնեմ, տամ: Կանչե քու ճարտարապետիդ, ըսիգ ապօրինի դրած չէ, դու ես ընձի տեղը տվել, 3 անգամ Հենդոն եկավ, ըսավ՝ պրոբլեմ չունիս: 200 ծառը քցի մեկ կողմ, էդիկ էլ տարաք, տվին ժողովրդին, էդ էլ խոմ ատկազ չես գա: 200 հատ դեկորատիվ ծառ եք կտրել, մե քառասուն հատ էլ՝ մրգի ծառ»,- հայտարարեց Աթաբեկ Զարգարյանը:

Փոխքաղաքապետ Հայկ Սուլթանյանը պաշտոնապես հերքեց քաղաքապետարանի հետ ունեցած նման պայմանավորվածությունը: Ասաց՝ քաղշինկոմիտեից դեռ դեկտեմբերին են հանձնարարական ստացել ազատել տարածքն ու այն աճուրդի միջոցով վաճառել: Իրենք էլ հետեւում են օրենքին: Բոլոր գործողությունները, ըստ Սուլթանյանի, օրենքի շրջանակներում են իրականացնում:

Անկախ աղմուկ-աղաղակից, վիճաբանություններից եւ փոխադարձ մեղադրանքներից՝ հրահանգվեց հեռացնել տաղավարները: Կռունկը եկավ, սակայն անսպասելի խնդիրներ առաջացան, մեքենան չաշխատեց:

Տեւական ժամանակ հետո, երբ պարզ դարձավ, որ տեխնիկան շահագործել հնարավոր չէ, տարածք հրավիրվեց երկրորդ կռունկը: Առաջին տաղավարը հեռացվեց, երկրորդի ժամանակ, սակայն, կրքերն առավել թեժացան: Տաղավարների տերերը հայտարարեցին, որ դրանք սալիկապատ են, եւ ներսում մեծ աշխատանք է կատարված:

Փոխքաղաքապետը հորդորեց գալ ընդհանուր հայտարարի. կա՛մ երկու օրում սեփական ուժերով հեռացնել տաղավարները, տարածքն ազատել, մասնակցել հայտարարվող աճուրդին, կա՛մ եթե չեն համաձայնվում, տաղավարները կհեռացնի քաղաքապետարանը: Զարգարյան քույրերը ոստիկաններին թույլ չտվեցին մոտենալ տաղավարներին: Հայտարարեցին, որ կպառկեն դրանց մեջ, մոտ եկողին էլ դանակով, քարով կվնասեն: Տաղավարների տերերից մեկն էլ՝ Գոհար Զաքարյանը, վստահ հայտարարեց, որ տարածքն ուրիշին են խոստացել, դրա համար էլ վարձակալության իրենց դիմումները մերժել են, որոշել են համայնքապատկան հողն օտարել աճուրդի միջոցով:

«Քաղաքը փոքր է, կիմացվի, իրանց ղեկավարությանը, երեւանցիներին, իրանց մեծին են տարածքը խոստացել: Իմ տունս, այգիս 100 տարվա հողակտոր է, դիմել եմ սեփականաշնորհման, չեն սեփականաշնորհել, դրել են աճուրդի։ Կսե՝ այգին համայնքապատկան է: Ես 60 տարի եմ օգտագործել, ցանել եմ, ծառ եմ տնկել, համայնքապատկան չէր, հմի դառավ համայնքապատկան: Քանի էս տամոժնին չկար, մեկըմ չէր գա: Թող գային, ես էլ չհանգստանայի, էն ժամանակ մտածեի, սեփականաշնորհեի»,- ՀԺ-ի հետ զրույցում ասաց Գոհար Զաքարյանը:

«Ընչի եք նաստիռնի կպած, որ անպայման հանենք տաք ուրիշի, հարեւան ու բարեկամ սաղ ստեղ ենք, թողեք մնանք։ Ես կդիմեմ վարչապետին: Մենք ուզեցանք քաղաքապետարանով հարցը լուծեինք, բաց պատասխան չենք ստացել, կսեն՝ բդի քանդեն, ու վերջ։ Էս գեղեցկությունը գուզես՝ քանդե՞ս, պարո՛ն Բալասանյան, դու թշնամի ես էս քաղաքին, պարո՛ն Բալասանյան, ի՞նչ շահ ունիս, անամոթ»,- գոռաց Աթաբեկ Զարգարյանը:

Անկախ համայնքապատկան հողերն ապօրինի զավթած Զարգարյանների դիմադրությանը՝ հրահանգվեց տարածքից հեռացնել նաեւ երկրորդ տաղավարը: «Ստեղ հմի մարդասպանություն կեղնի, մեկդ առաջ եկաք՝ դանակը փորերդ կմտցնեմ»,- հայտարարեց տաղավարի տերն ու ոստիկաններին թույլ չտվեց մոտենալ տաղավարին:

Ավելի ուշ Գյումրու քաղաքապետարանը կրկին ընդառաջ գնաց տաղավարների տերերին: Նրանց տրվեց հավելյալ ժամանակ՝ մինչեւ հաջորդ կիրակի տաղավարները տերերն են ինքնակամ հեռացնելու: «Իրենք խոսք տվեցին, որ կհեռացնեն տնակները, մենք էլ կգնանք ընդառաջ: Յուրաքանչյուրի նկատմամբ, որ վարչական վարույթ ենք հարուցել 2,5 մլն դրամի չափով, կկասեցնենք, էլ չեն վճարի, որովհետեւ դա բավական մեծ գումար է: Այդ ժամկետի ավարտից հետո եթե չհեռացնեն, այլեւս ներում չի լինի»,- ասաց Գյումրու փոխքաղաքապետ Հայկ Սուլթանյանը:

Տպել
3821 դիտում

Արցախում առայսօր կորոնավիրուսային վարակի դեպք չի գրանցվել, մեկուսացվածներ ևս չկան

Աբովյանի բնակարաններից մեկում 62-ամյա տղամարդու դի է հայտնաբերվել

Ապրիլի 6-ին Մոսկվայից կազմակերպվող չարտերային թռիչքի ուղևորներն ընտրվել են ըստ առաջնահերթության

Ապրիլի 4-ին Արցախում աճել է ադամաթզի, սոխ գինը, անկել՝ վարունգի, բենզինի, կիտրոնի, լոլիկի և այլ ապրանքների գները

ՀՀ ՊՆ պարզաբանումը լրատվամիջոցներում հրապարակված բաց նամակի կապակցությամբ

Երևանում բետոնե պատշգամբ է փլուզվել

Մեր «մշտական կորոնավիրուսը»

«Աղավնո», «Խարխափուտ», «Խնձորեսկ» բժշկասանիտարական հսկիչ կետերում ջերմաչափվում են Արցախ մեկնող բոլոր քաղաքացիները

Մոսկվա-Երևան չարտերային թռիչքի ապրիլի 6-ի տոմսերը սպառված են. երկրորդ թռիչքի անհրաժեշտություն կա

Ապրիլի 6-ին, ժամը 18.30-ից Նիկոլ Փաշինյանը ֆեյսբուքի իր էջի ուղիղ եթերում կպատասխանի քաղաքացիների հարցերին

Վթարի ենթարկված շտապօգնության մեքենայում կորոնավիրուսով հիվանդ 3 պացիենտ է գտնվել. Ալինա Նիկողոսյան

2017թ-ից հետախուզման մեջ գտնվող տղամարդը ներկայացել է ոստիկանության Արաբկիրի բաժին

ԱԻՆ-ը Երևանում 49 սուպերմարկետ և 128 հանրային տարածք է վարակազերծել

Կենտրոն համայնքում քամին ծառեր է տապալել

Հայաստանում կորոնավիրուսով վարակվածներից 500-ը բուժման կարիք չունի, նրանք նաև ջերմություն չունեն. Նիկոլ Փաշինյան

Վարդենյաց լեռնանցքը փակ է, տարբեր մարզերում ձյուն է տեղում

Դանակահարություն Երևանում. 28-ամյա քաղաքացին խոստովանական բացատրություն է տվել

Ձեր կողմից չօգտագործվող սարքերը նվիրե՛ք դրա կարիքն ունեցող երեխաներին. ԿԳՄՍ-ն դիմում է քաղաքացիների օգնությանը

Վրաստանում կորոնավիրուսից մահվան առաջին դեպքն է գրանցվել. AliQ.Media

Անցած շաբաթ հակառակորդը հրադադարի պահպանման ռեժիմը խախտել է ավելի քան 170 անգամ