Հերթական խռովությունը Օպերային թատրոնում. արտիստներին խոստացված 12 միլիոն դրամն ուշանում է

Երեւանի Ա. Սպենդիարյանի անվան օպերայի եւ բալետի ազգային ակադեմիական թատրոնում կրկին խռովություններ են: Թատրոնի գեղարվեստական ղեկավար Կոնստանտին Օրբելյանը դատական կարգով տնօրենի պաշտոնում վերականգնվելուց անմիջապես հետո բախվեց սիմֆոնիկ նվագախմբի արտիստների բողոքներին:

Նրանք արդեն մի քանի օր է՝ ժողովներ ու փոքր ակցիաներ են կազմակերպում թատրոնի տնօրինության դեմ: Պատճառը դեռ նախորդ տարվանից տնօրինության խոստացված հոնորարն է, որը նախատեսված է եղել «Բյուրեղապակյա դղյակը» խաղացանկային բալետային ներկայացման համար, սակայն, ըստ արտիստների, տարատեսակ պատճառաբանություններով գումարն այդպես էլ չի վճարվել:

Նվագախմբի երաժիշտ, Օպերային թատրոնի աջակցման հիմնադրամի տնօրեն Շմավոն Գրիգորյանը «Հայկական ժամանակի» հետ զրույցում ասաց, որ քանի որ նոյեմբեր-դեկտեմբեր ամիսներից այդ խոսակցությունն անընդհատ եղել է ու չի լուծվել, անձամբ է մոտեցել Կոնստանտին Օրբելյանին, ասել, որ կոնկրետ ժամկետ նշի ու գրավոր հաստատի, որ գումարը խոստացված ժամկետում կտա:

«Մի քանի արտիստներով էինք, պայմանավորվեցինք Օրբելյանի հետ ու շարունակեցինք նվագախմբի փորձը, սակայն փորձը չավարտված Օրբելյանի գրությունով հաստատված թղթի փոխարեն մեզ փոխանցվեց արտահերթ ատեստավորման քննությունների հրաման: Այդ քայլը տեռորի ենթարկելու եւ արտիստների մոտ վախի մթնոլորտ ստեղծելու համար էր, նպատակը մեզ լռեցնելն էր»,- ասաց Շմավոն Գրիգորյանը՝ հավելելով, որ թատրոնում բացի հոնորարից նյութական բազում խնդիրներ են ծառացած, որոնք տարիներ շարունակ չեն լուծվում:

Կատարվածի մասին ՀԺ-ին չհաջողվեց զրուցել Օրբելյանի հետ, մեր որոշ հարցերի պատասխանեց Օպերային թատրոնի փոխտնօրեն Կարինե Կիրակոսյանը: Շմավոն Գրիգորյանի բարձրաձայնած արտահերթ ատեստավորման բողոքի մասին Կիրակոսյանը հայտնեց, որ թատրոնում պարբերաբար անցկացվում են որակավորման քննություններ՝ գործատուի հայեցողությամբ: «Մեկը մյուսի հետ ընդհանրապես կապ չունի, ի՞նչ գրության մասին է խոսքը, նրանք գումարը ստանալու են նվագախմբի վարիչի զեկուցագրի հիման վրա՝ երաժիշտների ցանկին համապատասխան»,- ասաց նա՝ նկատելով, որ գրությունը տալու էր նվագախմբը:

«Մենք մեր նվագախմբի հետ շատ հաշտ ու համերաշխ ենք ապրում, քննարկումներ ենք ունեցել դեռեւս անցյալ տարի նոյեմբերից: Խոսակցությունը «Բյուրեղապակյա դղյակ» ներկայացման մասին է: 2018 թվականի հունիս ամսին նույն ներկայացումը խաղացվել է եւ իրենք վճարվել են, բայց մաեստրո Օրբելյանը խոստացել է, որ լավ կատարելու համար նորից պարգեւավճար կստանան, ֆինանասական սղության պատճառով վճարումը փոքր ինչ ձգձգվել է»,- ասաց Կարինե Կիրակոսյանը:

Նա նշեց, որ խոսքը 12 միլիոն դրամի մասին է, որը ըստ Կոնստանտին Օրբելյանի խոստման՝ պիտի ստանային մոտ 100 երաժիշտներ: Ամեն մի երաժիշտին մոտավորապես 80 հազար դրամ է հասնելու (թերեւս հարկերը հանելուց հետո-խմբ.): Կարինե Կիրակոսյանը հայտնեց, որ դեկտեմբերին պայմանավորվել էին նվագախմբի գլխավոր կոնցերմաստերի եւ վարիչի հետ. երաժիշտները կվճարվեն 2020 թվականի առաջին կիսամյակի ընթացքում:

«Մեր պայմանավորվածությունից հետո ժամանակ առ ժամանակ նվագախմբում ոմանց կողմից անհանգստություններ էր հրահրվում: Ասում էին, որ չեն հավատում, մենք էլ վստահեցրեցինք, որ հավատան, որովհետեւ եթե մի բանը խոստանում ենք, անում ենք: Քննարկում եղավ, պայմանավորվեցինք մարտ ամսից վճարել եւ երաժիշտները հաշտ ու խաղաղ հեռացան»,- ասաց նա: Քանի որ թատրոնի բյուջեն սուղ է՝ գումարը կվճարվի ըստ դրամական մուտքերի:

Նա նաեւ նշեց, որ նվագախմբի վարիչ Գարեգին Սիմոնյանն արդեն ներկայացրել է ցանկը, որպեսզի անվանական տրամադրվի գումարները: ՀԺ-ն Գարեգին Սիմոնյանից հետաքրքրվեց, թե արտիստների ցանկը բարձրացված աղմուկից հետո՞ է պահանջել թատրոնի տնօրինությունը, թե ավելի վաղ: Վերջինս հայտնեց, որ ցուցակը տնօրինությանն է տվել փետրվարի 17-ին: Մինչ այդ լրատվամիջոցներով այս խնդիրը բարձրաձայնվել էր:

Սիմոնյանը հայտնեց, որ պայմանավորվածություն են ձեռք բերել, որ երաժիշտները մաս-մաս վճարվեն, սկզբից 20-ից 25 հոգին, ապա մյուսները: Նույնիսկ այս դեպքում պետք է վիճակահանություն անցկացնեն, որ առաջին փուլում ստացողների դեպքում էլ մնացած ուշ ստացողները չբողոքեն, թե կողմնապահություն է եղել:

Ինչ վերաբերվում է նվագախմբի դժգոհություններին եւ կոնֆլիկտի հանգուցալուծմանը, նվագախմբի վարիչը նկատեց. «Քանի որ պայմանավորվածությունն այնպիսիսն էր, որ մարտ ամսին վճարվեն, ուստի կարող եմ ասել, որ այս բողքոներն անհիմն եմ համարում: Եթե մարտ ամիսը գար ու նվագախումբը չվճարվեր, առաջինը ես կասեի, որ անվստահելի իրավիճակ ու մթնոլորտ է ստեղծվել»:

Սիմոնյանը նշեց, որ որպես պատասխանատու խոսել է նվագախմբի անդամների հետ, ասել է այն՝ ինչ ասվել էր դեռեւս դեկտեմբերին: Կոչ է արել աշխատել բնականոն ձեւով եւ ամեն ինչ կլինի ըստ պայմանավորվածության:

Կոնֆլիկտի առիթ դարձած «Բյուրեղապակյա դղյակը» բալետային ներկայացումը Ա. Սպենդիարյանի անվան օպերայի եւ բալետի ազգային ակադեմիական թատրոնում եւս մեկ անգամ կներկայացվի փետրվարի 22-ին: Թատրոնի էջում նշված է, որ ներկայացումից ստացված ամբողջ հասույթը հատկացվելու է ՀՀ  վարչապետի տիկին Աննա Հակոբյանի ստեղծած «Ժպիտների քաղաք» բարեգործական հիմնադրամին:

ՀԳ. Շմավոն Գրիգորյանի ֆեյսբուքյան էջում Ա. Սպենիդիարյանի անվան օպերայի եւ բալետի ազգային ակադեմիական թատրոնի սիմֆոնիկ նվագախմբի արտիստների անունից բաց նամակ է տեղադրվել՝ ուղղված ՀՀ կրթության, գիտության, մշակույթի եւ սպորտի նախարար Արայիկ Հարությունյանին: Նամակով տեղեկացնում են, որ արդեն երկար ժամանակ է թատրոնի սիմֆոնիկ նվագախմբի երաժիշտների եւ տնօրինության միջեւ առկա են անհամաձայնություններ:

«Ձեզ ենք ներկայացնում օպերային թատրոնի նվագախմբի արտիստներիս խնդիրները: Կ. Օրբելյանի նշանակումից մինչ օրս մեր առջեւ ծառացել են մի շարք խնդիրներ: 2017 թվից առ այսօր չենք ստացել աշխատանքային պայմանագրի 2.3.6 կետով նախատեսված (ժամանակին ապահովել Աշխատողին անհրաժեշտ նյութատեխնիկական միջոցներով՝ որպեսզի Աշխատողը կարողանա կատարել աշխատանքի նորմաները) երաժշտական գործիքի համար անհրաժեշտ նյութատեխնիկական միջոցներ, որպեսզի մենք կարողանանք կատարել աշխատանքային նորմաները: Հայտնում ենք, որ նշված միջոցները կազմում են բավականին գումար և մենք՝ ներքոստորագրյալներս, լինելով մեր գործի նվիրյալներ, մտածելով Ալեքսանդր Սպենդիարյանի անվան օպերայի և բալետի ազգային ակադեմիական թատրանի պատվի և համբավի մասին, մեր սուղ նյութական միջոցներից հոգացել ենք դրանց ծախսերը, որպեսզի որևէ պատասխանատու համերգի, պետական միջոցառման ժամանակ չունենանք երաժշտական գործիքների հետ կապված անսարքություններ: Այս խնդրով բազմիցս ենք դիմել տնօրինությանը, սակայն ապարդյուն»,- մասնավորապես գրված է նամակում:

Նույն բաց նամակում նախարարին տեղեկացնում են նաեւ «Բյուրեղապակյա դղյակը» բալետային ներկայացման չվճարված հոնորարների խնդրի մասին:

«Հայկական Ժամանակ»-ը Telegram-ում
Տպել
3171 դիտում

Հրդեհ է բռնկվել «Ռիո Մոլ» առևտրաժամանցային կենտրոնի տանիքում

Շնորհակալություն այցելության համար. Պուտինը հրաժեշտ է տվել Նիկոլ Փաշինյանին. տեսանյութ

Ադրբեջանում գերության մեջ գտնվող Վիգեն Էուլջեքչյանը 15 օր հացադուլի մեջ է եղել. նա չափազանց պարզ պահանջ ունի

Հանդիպեցի մեր սիրելի վետերաններին և շնորհավորեցի նրանց Հաղթանակի 80-ամյակի առիթով. վարչապետ. տեսանյութ

Օդերևութաբանական կանխատեսումները խիստ գաղտնագրվում էին. օդերևութաբանները՝ ռազմաճակատի անտեսանելի զինվորներ

Թուրքիան Սոմալիում 20 մլրդ բարել նավթային պաշար է հայտնաբերել

Անկում տարադրամի շուկայում. ի՞նչ փոփոխություններ են արձանագրվել մայիսի 9-ին

Իրանում քննարկվել են Շիրազ քաղաքը և ՀՀ քաղաքներից մեկը քույր քաղաքներ հռչակելու հնարավորությունը

Հայ վետերանները զորահանդեսը դիտել են Նիկոլ Փաշինյանի կողքին՝ նրա տաղավարից

Փոքրիկ Տիգրանի ծննդյան օրն է․ որոնողական աշխատանքները վերսկսվել են նույն ինտենսիվությամբ

Առաջիկա օրերին սպասվում են անձրև ու ամպրոպ, որոշ վայրերում՝ կարկուտ. կցրտի 4-6 աստիճանով

Ավելի մեծ ստորացում կլիներ, եթե մեր բանակի սպաներից մեկը պատվի առներ դավաճանած նախկին դաշնակցին. Իոաննիսյան

Պապս մեզ սովորեցրեց, որ հայրենիքը սկսվում է տան շեմից, խոսքը պետք է ունենա կշիռ. Սուրեն Պապիկյան

ՀՀ վարչապետը Մոսկվայի Կարմիր հրապարակում ներկա է եղել Հայրենական պատերազմում հաղթանակի 80-ամյակի զորահանդեսին

«Պատասխանատու» մամուլը երկինք-երկիր է թնդացնում, տեղադրում եմ այս լուսանկարը. Աթանեսյան

Արայիկ Հարությունյանը պարգևատրել է պատանիների ծանրամարտի աշխարհի առաջնության մեդալակիրներին

Պապոյանն այցելել է Արարատի մարզի՝ կարկուտից տուժած բնակավայրեր, ծանոթացել կրած վնասներին. լուսանկարներ

Շուշիի հաղթանակի օրը չի նշվում հայտնի պատճառներով. ԱԳ փոխնախարար

Մենք շարունակում ենք հավատարիմ լինել խաղաղության օրակարգին և շարժվել այդ ուղղությամբ. ԱԳ փոխնախարար

Հաղթանակի 80-ամյակի զորահանդեսը Մոսկվայում եզրափակել է ավիացիոն շոուն. տեսանյութ

«Յուքոմ», «Սպայկա», «Մեծ անիվ», «Ջերմուկ». ի՞նչ ընկերություններ են առնչվում Մինասյանի փողերի լվացման վարույթին

Վրաստանում երկրաշարժ է տեղի ունեցել

ԱԳ նախարարն ու նախարարության անձնակազմը հարգանքի տուրք են մատուցել «Հաղթանակ» զբոսայգում

Մարտաֆիլմերի աստղ Սթիվեն Սիգալը Կարմիր հրապարակում հետևել է զորահանդեսին

Խաղաղության պայմանագրի ստորագրման հարցով գուցե լավ նորություններ լինեն. Միրզոյան

Հաղթանակի և խաղաղության տոնի առթիվ ՆԳ նախարարն ու Ոստիկանության պետը այցելել են «Հաղթանակ» զբոսայգի

«Թուրքական ավիաուղիները» վերսկսել են թռիչքները Անթալիայից դեպի Մոսկվա

Ձերբակալություն Գյումրիում. ինչի՞ համար է մեղադրվում Վարդան Ղուկասյանի նախկին խոսնակ Լիլիթ Աղեկյանը

Պապիկյանը բարձրագույն ղեկավարության հետ այցելել է «Հաղթանակ» զբոսայգի, ծաղիկներ խոնարհել. լուսանկարներ

Սպորտը դառնում է մեր ընդհանրություններն ընդգծելու, մեզ միավորելու կարևոր հանրային հարթակ. ԿԳՄՍ նախարար

Շքերթից առաջ Վլադիմիր Պուտինը դիմավորել է Նիկոլ Փաշինյանին և մյուս առաջնորդներին. տեսանյութ

Խոնարհվում ենք հերոսների հիշատակի առջև և վերահաստատում մեր հանձնառությունը՝ կերտելու խաղաղ ապագա. Ավինյան

Պաշտոնյաները ծաղկեպսակներ են դրել Անհայտ զինվորի հուշակոթողին, ծաղիկներ խոնարհել անմար կրակի մոտ. լուսանկարներ

Հայրենական մեծ պատերազմի հաղթանակի 80-ամյակի շքերթի հյուրերը հավաքվում են Կարմիր հրապարակի տրիբունաներում

Հարգանքի տուրք ենք մատուցում Երկրորդ համաշխարհային պատերազմի հայ և ամերիկացի հերոսներին. ԱՄՆ դեսպանատուն

Ավանեսյանն «Ավան» հոգեկան առողջության կենտրոնում հետևել է շինաշխատանքներին

Ադրբեջանի հետ վերջին շրջանում բանակցությունները երկկողմ են ընթանում, աշխատանքները շարունակվում են. Գրիգորյան

Խաղաղությունն արժեք է, որը պետք է անընդհատ պահել, պաշտպանել ու ամրապնդել․ ՀՀ նախագահի ուղերձը

Սիմոնյանն ու Խաչատուրյանը այլ բարձրաստիճան պաշտոնյաների հետ հարգանքի տուրք են մատուցել Հաղթանակի այգում

«Երևանի ավտոբուս» ՓԲԸ-ում ներդրվել է առցանց տեսադիտարկման ծրագիր, նկարահանվում է աշխատանքի ողջ ընթացքը