Նախկին վարչապետն ու մարզպետը ուզում են օրինականացնել ոչ միայն ապօրինի շենքերը, այլեւ զավթած հողերը... դղյակների հետքերով

Երեւանի «Հաղթանակ» զբոսայգու հարակից տարածքում գտնվող ինքնակամ շինություններն օրինականացնելու հարցով առանձին-առանձին Երեւանի քաղաքապետարան են դիմել ՀՀ նախկին վարչապետ Հովիկ Աբրահամյանի որդին եւ կինը, ինչպես նաեւ Սյունիքի նախկին մարզպետ Սուրիկ Խաչատրյանը: ՀԺ-ի հարցմանն ի պատասխան՝ այս մասին հայտնել են քաղաքապետարանի տեղեկատվության եւ հասարակայնության հետ կապերի վարչությունից:

Մենք հետաքրքրվել էինք, թե նախկին ո՞ր պաշտոնյաներն են դիմել քաղաքապետարան իրենց ապօրինի շինություններն օրինականացնելու խնդրանքով:

Քաղաքապետարանից մասնավորապես հայտնել են, որ Արգամ Աբրահամյանը դիմել է «Ազատության հ. 1/6 հասցեում սեփականության իրավունքով պատկանող հողամասին կից ավելի զբաղեցրած մոտ 500 քմ համայնքային հողամասը եւ դրա վրա կառուցված բնակելի եւ օժանդակ շինությունները 28.06.2008թ. հ. ՀՕ-117-Ն «Երեւան քաղաքում իրավունք հաստատող փաստաթղթերը չպահպանված անհատական բնակելի տների մասին» Հայաստանի Հանրապետության օրենքի շրջանակներում օրինականացնելու խնդրանքով»:

Նրա մայրը՝ Ջուլիետա Աբրահամյանը, քաղաքապետարանից խնդրել է Ազատության հ. 1/20 հասցեում սեփականության իրավունքով պատկանող հողամասում ինքնակամ շինությունները (1962.6 քմ) օրինականացնել: 

Մեզ փոխանցված տեղեկությունների համաձայն՝ լրացուցիչ ուսումնասիրությունների արդյունքում պարզվել է, որ սեփականության իրավունքով պատկանող պարսպապատ տարածքում առկա է նաեւ համայնքային հող:

Ինչ վերաբերում է Սյունիքի նախկին մարզպետ Սուրիկ Խաչատրյանին, ապա վերջինս քաղաքապետարան է դիմել՝ Կարապետ Ուլնեցու հ. 32/11 հասցեում սեփականության իրավունքով պատկանող հողամասում ինքնակամ շինությունների (1698.8 քմ) օրինականացման խնդրանքով: Քաղաքապետարանից ՀԺ-ին հայտնել են, որ նշված հասցեում առկա է նաեւ ինքնակամ զբաղեցրած համայնքային հողամաս, որի մակերեսի վերաբերյալ տվյալներին չեն տիրապետում, քանի որ սեփականատիրոջ կողմից չափագրում չի պատվիրվել:

«Նշված երեք դեպքերում էլ քաղաքապետարանը չի բավարարել դիմումների պահանջները, հետեւաբար դրանք ընթացք չեն ստացել: Այս պահին խնդիրը մասնագիտական ուսումնասիրության փուլում է: Խնդրի բազմակողմանի ուսումնասիրության ու հետագա քայլերի վերաբերյալ կտրվի լրացուցիչ պարզաբանում»,- ասվում է ՀԺ-ին տրամադրված պատասխանում:

Նախկին բարձրաստիճան պաշտոնյաների դղյակների թեմային նախորդ շաբաթ ՀՀ կառավարության նիստում անդրադարձել էր վարչապետ Նիկոլ Փաշինյանը 

«Հիմա պարզվում է, որ Երեւանում դղյակներ կան, որոնք սկզբից մինչեւ վերջ կառուցվել են ապօրինի: Օրինակ՝ մի շարք նախկին բարձրաստիճան պաշտոնյաների պատկանող հայտնի առանձնատներն ամբողջությամբ ապօրինի շինություններ են: Այդ նույն բարձրաստիճան պաշտոնյաները ջանք են գործադրել, որպեսզի ընդունեն օրենսդրություն ապօրինի շինությունների օրինականացման վերաբերյալ, եւ, օրինակ, այսօր Երեւանի քաղաքապետարանն այլ տարբերակ չունենա, քան այդ շինություններն օրինականացնելն է»,- ասել էր վարչապետը՝ ավելացնելով, որ Երեւանի քաղաքապետն էլ, իրավաբաններն էլ ասում են, թե օրենքով պարտավոր են օրինականացնել այդ շինությունները:

Իրավական նորմը, որ Երեւանի քաղաքապետին թույլ չի տալիս չօրինականացնել սեփական հողի վրա կառուցված ապօրինի շինությունը, Կառավարության 2006թ.–ի 912-Ն հայտնի որոշումն է, որը համայնքին պարտավորեցնում է օրինականացնել սեփական տարածքներում գտնվող ինքնակամ շինությունները, եթե դրանք չեն հակասում քաղաքաշինական նորմերին։ Սակայն այստեղ վիճահարույց է նաեւ այն, որ Աբրահամյանների կողմից ինքնակամ շինության մի մասը կառուցվել է համայնքային հողի վրա:

Ներկայումս Աբրահամյանները դատարանում բողոքարկում են իրենց շինություններն օրինականացնելը մերժելու հարցով քաղաքապետարանի որոշումը: Սուրիկ Խաչատրյանի կողմից նման բողոքարկման տեղեկություն այս պահին չունենք:

Հիշեցնենք, որ ՀՀ վարչապետն արդարադատության նախարարին հանձնարարել էր լուծումներ գտնել այս իրավիճակից, խոսել էր նաեւ անհրաժեշտության դեպքում անցումային արդարադատության մեթոդների կիրառման մասին: Արդարադատության նախարարի տեղակալի գլխավորությամբ ստեղծված աշխատանքային խումբն ուսումնասիրում է թեման:

Տարիներ շարունակ մամուլում գրվել է, որ «Հաղթանակ» զբոսայգու տարածքում շքեղ առանձնատներ ունեն ՀՀ նախկին ոստիկանապետ Վլադիմիր Գասպարյանը, տրանսպորտի նախկին նախարար Գագիկ Բեգլարյանը, նախկին գլխավոր դատախազ Աղվան Հովսեփյանը, ՊԵԿ նախկին նախագահ Հովհաննես Հովսեփյանը, ՍԴ նախկին նախագահ Գագիկ Հարությունյանը եւ ուրիշներ: Դատելով քաղաքապետարանից ստացված պատասխանում նրանց մասին խոսք չլինելուց՝ պետք է ենթադրել, որ նշված պաշտոնյաները հասցրել են ժամանակին լուծել օրինականացման խնդիրը:

Տպել
7147 դիտում

Ձեռնարկվել է հակագրոհ, մեր դիրքը հետ է վերցվել. Արծրուն Հովհաննիսյան (տեսանյութ)

ՊՆ-ն հայտնել է զոհված 3 զինծառայողների անունները

Կրակոցների պատճառով Սոթքի ոսկու հանքավայրից հրատապ տարհանվել է 150 աշխատակից. ՄԻՊ

Ձեռք է բերվել պայմանավորվածություն հայ-ադրբեջանական զորքերի շփման գծում հրադադարի ռեժիմը վերականգնելու վերաբերյալ. ՊՆ

Ադրբեջանի ՊՆ-ն հայտնում է սահմանին կրակը դադարեցնելու վերաբերյալ ռուսական կողմի առաջարկն ընդունելու մասին. «Արմենպրես»

Կնոջ ծխելու պատճառով առաջացած վիճաբանությունն ավարտվել է սպանությամբ

Հաստատվել է կորոնավիրուսային հիվանդության 280 նոր դեպք. մահ չի արձանագրվել

Կրակոցների անմիջական թիրախում են Կութ, Վերին Շորժա գյուղերը. ահազանգեր ՄԻՊ-ին Ժամը 10:30-ի դրությամբ

1 օրում բացահայտվել է հանցագործության 84 դեպք

Պայթյուն Լուսաձորի գազալցակայանում. կա տուժած

Ոսկե մեդալակիր շրջանավարտների թվով Շիրակի մարզն առաջատար է Հայաստանի Հանրապետությունում

Խիստ անհրաժեշտ է նախ փոփոխել պետական համակարգի, այդ թվում՝ քաղաքապետարանի հաստիքացուցակը. Մեսրոպ Առաքելյան

Ժամը 09։20-ի դրությամբ ադրբեջանական ստորաբաժանումները ետ են շպրտվել իրենց ելման դիրքեր. ՊՆ

Առնվազն 3 անհերքելի փաստ Գեղարքունիքում ադրբեջանական հանցավոր կրակոցների մասին. ՄԻՊ

Հայկական կողմն ունի երեք զոհ, ևս երկու զինծառայող վիրավոր է. ՊՆ

ՀՀ-ն գործի կդնի միջազգային իրավունքով վերապահված իր ռազմաքաղաքական ողջ գործիքակազմը. ԱԳՆ

Քաղաքապետարանում պարգեւավճարը կգումարվի աշխատավարձին

Ժամը 07։30-ի դրությամբ ունենք երկու վիրավոր, ևս հինգի վերաբերյալ տվյալները ճշտվում են. ՊՆ

Ադրբեջանը դիմել է սադրանքի. սահմանի հյուսիս-արևելյան հատվածում ընթացել են տեղային մարտեր

Անցկացվել է կրակային պատրաստության պարապմունք․ ՊՆ

Դավիթ Բեկ համայնքում իրականացվել է հայտնաբերված չպայթած զինամթերքի ոչնչացում

Վարսեր համայնքում շահագործման է հանձնվել հիմնանորոգված մանկապարտեզը

3 փողոց կասֆալտապատվի, կոյուղագիծ կկառուցվի, կընդլայնվի արտաքին լուսավորության ցանցը․ Փարաքարում 3 ծրագիր կիրականացվի

Պատերազմում վերին վերջույթները կորցրած տղաները պրոթեզավորվում են բիոնիկ պրոթեզներով, որոնք 30-ից ավելի ֆունկցիա ունեն

Զբաղվածության և հյուրընկալության ծրագրերը կշարունակվեն, քանի դեռ արցախցիների բնակարանային խնդիրները չեն լուծվել

Սպիտակ արագիլների աղտոտման հիմնախնդրի վերաբերյալ հանդիպում-քննարկում էր կազմակերպվել

Ծառայության մեջ կին-տղամարդ հասկացություն չկա, հրամանը հրաման է. Արցախում փրկարարների 11 տոկոսը կանայք են

Երևանի Բուզանդի փողոցում կկատարվի երթևեկության կազմակերպման փոփոխություն

Սահմանադրական դատարանը հետաձգել է 3 բուհերի վերաբերյալ Կառավարության որոշման գործով նիստը

Աճարկուտ գյուղում ավտոմեքենայի դիմային հատվածը կախվել է դեպի ձորակը

Վահան Քերոբյանը կգործուղվի Վրաստան

Նորընտիր ԱԺ խմբակցությունների ղեկավարների ունեցվածքը. նրանցից երկուսի միակ եկամուտը թոշակն է

Կարճ ժամանակում հանրությանը տեսանելի կլինի Անտառային կոմիտեի արագ արձագանքման խմբի գործունեությունը

Քննարկվել է ԱԱԾ-ում առգրավման հետևանքով խափանված գործերի ավտոմատ մակագրման համակարգի վերագործարկման հնարավորությունը

Վարչապետի հետ հանդիպման 1-ին արդյունքը. Սանասարյանն օդ ու ջրի պես անհրաժեշտ է համարում պատերազմի հարցով հանձնաժողովը

Որտեղ իմ ծառայությունը պետք լինի, այնտեղ էլ կլինեմ. Շիրակի մարզպետը՝ պաշտոնավարումը շարունակելու մասին

Հրդեհ է բռնկվել Արմենակյան փողոցի տներից մեկի պատշգամբում

ԵՄ-ն և ԱՀԿ-ն ժամանակակից ռենտգեն սարքավորում են տրամադրում Մարտունու բժշկական կենտրոնին

Մայամիում հայտնաբերվել են փլուզված շենքի փլատակներում մնացած վերջին զոհի մնացորդները

Չորրորդ զորամիավորումում անցկացվել են զենիթահրթիռային մարտկոցների հրամանատարների հավաք-պարապմունքներ